جزء 173 من واش طيبتي اليوم كوزينة احلى رفقة طيبة

[x ام رحاب x]

ام هدول انا تاني نخمل شوية وانجي انطل عليكم والفنا هادا الطبيعة خلاص مانقدروشنستغنو عليها واش رايحة اطيبي فطورك

[ام*اكرام]

صباح الخير عليكم يالحراير واش راكم انشاء الله صبحتو بخير راني فرحانة بزاف لي راني بيناتكم عندي شحال

وانا نتمنى نكون معاكم نشكر اخواتي نوال وام هدول وحياة كنت نتمنى نحطلكم بصح مانعرفش نحط الصور

وحبيت نقلكم ماشاء الله على اطباقكم روعة كلكم شافات بلا منازع ربي يحفضكم

[x ام رحاب x]

[ام هدول]

اهلين ام اكرام ..حنا غير عرفنا بلي راكي اخت الغالية ام رحاب فرحنا بيك ....شوفي بالشوية شوية تتعلمي كلش ... واكيد رايحة تمتعنا كما اختك ..حقة ام رحاب علمها تحطنا الصور ..خسارة عليك ههههههههههههههههههه.(ربي يخليكم لبعض ويحفض الوالدة الكريمة )...ام رحاب ..رايحة ندير اللوبيا خضرة مانعرف مرقة ولا قراتان..نشوف ..حقة ارانا في انتضار الوصفة تع الشفلور طبعا ...شكرا ليك .سلالالام

[ام يوسف2]

صباح الورد يا ورود المنتدى
اسمحولي هاد اليامات راني عيانة شوية
اتهلاو في رواحتيكم

[x ام رحاب x]

ام هدول دوك انحطلك وصفة الشيفلور وام اكرام رايحة اتحطلك وصفة تاع اللوبيا ماشطو قراتان امبعد شوفيها

[x ام رحاب x]

صباح الخيرات ام يوسف واش اصبحتي حبيبتي

[ام*اكرام]

ام هدول شكرا على كلامك الطيب عندي وصفة هايلة وخفيفة للوبيا ولا حبيتي نعطيهالك

تقطعي اللوبيا صغيرة وتفوريها و تقطعي صدر تاع جاج صغير تسكرفجي البصلة والطوماطيش وديريهم يتقلاو وبعد زيدي شوية ثوم

وبعد ديري صدر تاع الجاج يتقلا معاهم حتى يطيب وبعد كي الطيب اللوبيا ديريشوية زبدة في مقلة مع الملح والفلفل اسو وفورماج

شيف وقليها معاهم مليح ولا كنتي رايحة ديري بزاف اللوبية ديري 2شيف وبعد خلطي كلش مع بعضاهم وديري لصوص بيشمال

وديريها فالكوشة

وبالصحة والعافية

[x ام رحاب x]

وصفة الشيفلور طبق جديد جديد
احكمي 5زهرات كبار تاع الشيفلور وارحيهم في الروبو مليح حتان ايعودو رطبين وارحي صدر تاه الجاج وزيديه وحبة بصل مرحية ومعدنوس و3 مغارف كبار فرينة وحبة بيض وحبة كبيرة تاع شاف فورماج هادي اختياري وملح قرفة وراص الحانوت وخلطيهم مليح وديريهم كويرات وحطيهم في السنيوة اتعودي ذرذرتي عليها الفرينة باه مايلسقولكش وحكمي كويرات وديرهم كيما راكي اتشوفي في الصورة وخليهم ساعتين في الفريجيدار ايشدو روحهم مليح وامبعد اقليهم
في طنيجرة حطي الجاج ويلا حبيتي طر ف واحد يكفي حطي البصل مرحي وفلفل اكحل وزعفران وسكنجبير عود قرفة وانا زدت بسباس مرحي المرقة بيضة اجي فيها بنين وخلي الجاج ايطيب كي ايطيب الجاج ارمي حفنة تاع حميصة طايبة وامبعد كي يعقد المرق تاعك ارمي ليبولات تاعك وارمي معدنوس قيس 4 دقايق وخلاص وشبحيهم كيما راكي اتشوفي في الصورة والله غير ايشهو وبنان تحفة

[x ام رحاب x]

ام اكرام شكرا على الوصفة حبيبتي تسلمي شفتي كي وليتي شاطرة ربي يدومها يا لالة ماشي امبعد تهربي

[x ام رحاب x]

اليوم الحالة راقدة واش بيكم ولا دارتها بيكم التريسيتي كيما انا البارح
انخليكم انروح انكمل شغالاتي وراني ساعة ساعة انطل عليكم ربي يعيني ويعينكم جميعا

[ملاك ملاكي]

صباحك بالخييييير حنوناتي ان شاء الله نهاركم طيب كي قلوبكم
اااااااه وتم اااااااه على التربسيتس مادار فينا خلانا نتوحشوك يا ست الحبايب شفتي شفتي وليني كي الدواء لينا حبة صباح حبة وسط الماكلة وحبة في االليل هاهاهاها...... ربي يخليك لينا ان شاء الله والله يدومها لمة حلوة وصحبة طيبة

كااااامل كااااالمل نقولكم ماشاء الله على اطباقكم والله روعة يا نحولاتي سلمت يداكم وربي يعطيكم الصحة ويبارك في رزقكم وفي النعم لانعمها علينا ياااارب

نهااااركم زيييييين..... موفقين

[omhadil]

صباح الخيرات والمسرات على الفحلات
كى صبحتو اليوم
ام رحاب ام هدول ام اكرام يومكم موفق
ان شاء الله

[omhadil]

ملوكتى الحلوة واش راكى صباحك منور وسعيد

[x ام رحاب x]

المشاركة الأصلية كتبت بواسطة حياة نور الدين

السلام عليكن

تفضلوا عشايا محجوبة كما يحب الخاطر

تسلم ايدك حيوتي هادا وين شفت الصور عشاك ايشهي اممممممممممممممممممممم

المشاركة الأصلية كتبت بواسطة النرجووسة

هدا فطوري اليوم وبصحت الصاءمين كامل


بوراك كبد الدجاج وصدر الدجاج



الحريرة و السلاطة








الحمد لله

صيامكم في الجنة جبتولنا رمضان وموائد رمضان الي اتشهي بصحتكم كلش ايشهي

المشاركة الأصلية كتبت بواسطة ام هدول

شكرا ام رحاب ...على كلامك الطيب ...حقيقة راكي قايمة يالكوزينة كما يجب ..وهدا ما ش غريب على فحلة كما انت ....ولي لفت انتباهي كدللك فاتي الله يبارك عليها ..قايمة بها علكيف ...الفت انتباهي القبايلية..انبهارها في طريقة التقديم والتصوير نقولها ابقاي معانا راحة تتعلمي ..كلش ...تاخدي افكار في التصوري والتقديم ..والطهي .الله يبارك ماشاء الله على الفحلات لي هنا ...
الفت انتباهي ..ام ابراهيم لي سافرت لقمر مع التيراميسو هههههه....ننصحكم جبروه رايحين تعيشو داك الاحسساس هههه...
اخيراسلامي الحار للكل دون استثاء ...بصحتكم كلش ....تصبحو بخير

شكرا ام هدول ياطيبة على كلامك وانتوما تاني راكم معايا بلا بيكم مانقدر اندير والو ربي يحفضكم من كل سوء