جزء 173 من واش طيبتي اليوم كوزينة احلى رفقة طيبة - الصفحة 63

x ام رحاب x · 2016-11-23, 19:16

ام ابراهيم الله ايفرحك ويسهل ولادتك واجيبي احلى بنوتة ان شاء الله روحي ربي يتمملك حملك على خير
بحورتي الله ايبارك عليك وعلى حيوتي ومريومة وملوكتي وفاتي وام هديل وام هدول واختي موستا وام رويدة وفضيلة والسندوسة الله ايفرحكم جميعا كي انولي انرجع عليكم جميعا بالوحدة تتستاهلو يالغوالي

كريمة الجزائرية 48 · 2016-11-23, 19:26

اوووووووووه يا الحبيبة اعجبني هاذاك البطبوط جاك روووووووووووووووعة
من فضلك الوصفة انا في انتظارك
انا تساعفيني ام رحاب لوكان جات كوزينة تاعك ارقدي تما ههههههههههههههه انا نرقد فيها

Sii · 2016-11-23, 19:34

ماشاء الله عليكم

فاتي 05 · 2016-11-23, 19:35

اقتباس:

المشاركة الأصلية كتبت بواسطة omhadil

بصحتكم حنونة

اقتباس:

المشاركة الأصلية كتبت بواسطة صفحة بيضاء

الله يعطيك واش تتمني يا ملاك ويخليلك ملاكك رحت حملت بمركز الجلفة اول مرة نستعملو وغداك يشهي وطريقة التقديم رائعة

اللهم ادمها نعمة واحفظها من الزوال
اللهم صلي وسلم وبارك على حبيبنا محمد سيد خلق الله اجمعين

يعطيك الصحة و العافية و بصحتكم

اقتباس:

المشاركة الأصلية كتبت بواسطة النرجووسة

مساء الخيرات فحلات بصحت فطوركم عشايا لبارح ولي قبله الخرشف وسلاطة وغراتان الشفلور هدا ران طيبت وصفتين بالشفلور طاجين والغراتانلعيونك ام رحاب

اما اليوم ران صاءمة درت حريرة ون شاء الله براك وسلاطة

لغراتان و الخرشووووف يشهو بالعافية و مشكوووورة على الطريقة و الله يتقبل صيامك يارب

اقتباس:

المشاركة الأصلية كتبت بواسطة oum ibrahim

مساء الورد يا وردات كيفكم أن شاء الله بخير
يعطيكم الف عافية على الخيرات الي زهيتو بيها الكوزينة حراير تبارك الله عليكم
جبتلكم غدايا وعشايا البارح وخدمته معجون السفرجل ومعجون التباسى اول مرة نديرو وتاني خدمت لاجولي نتاع السفرجل يعني كيلو سفرجل خرجت منو 3 حوايج 3في1 هههه وهدي موسكوتشو بالبرتقال اتقهواو بيها
بسم الله

والحمد لله حمدا كثيرا طيبا مباركا فيه

اقتباس:

المشاركة الأصلية كتبت بواسطة oum ibrahim

يييييي قريب نسيت هذا تيراميسوو الي هبلوني بيه أم هدول وام ياسمين وزادت كملت عليا أم مريومة هههههه درتو البارح خلطت بين وصفة أم يسرى وام مريومة خرج أمممم طعم يأخذك الى القمر ههههه

وهدي عن قرب للتعذيب

حياة مبروك الكويزينياغ اكيد رايحة تطلع منها تحف أكثر من الي راكي تحطيها ماشاء الله عليك
أم رويدة اسمحيلي حبيبتي البارح بعد ما حطيت الصور خرجت مباشرة كنت مشغولة حتى من بعد قريت ردك لكن سؤالك بخصوص الشاليمو والله ما شفتو حنونة اذا ممكن عاوديه
أم لؤلؤة بصحتك نيو بلوك ههههه اكيد رايحة تخرجي أجمل من حلوياتك هههه اذا ممكن تعطيني وصفة الجلجلانية تعرفي جربتها مرة وصفة وماعجبتنيش من يومهاماعاودتها
أم هديل بحورة فضيلة أم ياسمين أم هدول ملاك سندس فاتي أم إكرام أم أنس البرايجية أم يوسف مريومة زينة الحومة وكااااااامل الحراير يعطيكم الف عافية

يعطيك الصحة حبيبتي كلش تووووووووب و ربي يبعدك عليك العين خمسة و خموس و التيراميسو راني اديت كاس 44444444 و مشكوووووورة على الوصفات

اقتباس:

المشاركة الأصلية كتبت بواسطة omhadil

درت البغرير وعشايا محاجب ان شاء الله

البغرير يسخف يعطيك الصحة ، و بصحتكم لمحاجب

اقتباس:

المشاركة الأصلية كتبت بواسطة x ام رحاب x

السلام عليكم ورحمة الله وبركاته
توحشتكم رفقتي الطيبة توحشتكم حبيباتي
من 3 تاع الصباح وراحت تريسيتي وجات على 4 تاع لعشية وماحبتش اجي النات هادا وين جات
ماراجعتش انحطلكم عشايا باه اتشوفوه شيفلور نوع جديد بصح بنين

مساء الخير حنونة ، صح عشاك راه يشهي باين بنين مطرح مايسري يمري و لو سمحتي الطريقة اللي درتيها اذا كتب ربي نجربو ، جزاك الله كل خير

فاتي 05 · 2016-11-23, 20:47

مساء الخير على الجميع وصح عشاكم مطرح مايسري يمري ياغوالي
تفضلو عشانا

و كيكة النشاء للتحلية الله يحلي ايامكم قولوا امييييييييين يارب.

و هذا عشا اختي ، راهي تسلم عليكم بالوحدة و تقولكوم يعطيكم العافية يالفحلات .

شهية طيبة للجميع

x ام رحاب x · 2016-11-23, 20:47

اقتباس:

المشاركة الأصلية كتبت بواسطة كوثر التائبة

صابلي ام وليد وشخشوخة الظفر وعشاء خفوفي
][img]

اقتباس:

المشاركة الأصلية كتبت بواسطة كوثر التائبة

ام كوثر تسلم ايدك كلش بالطبع من الحلو للمالح والديسار هايل بصحتك

اقتباس:

المشاركة الأصلية كتبت بواسطة سوسو المغتربة

السلام عليكم ورحمة الله وبركاته
البنات بصححححححححتكم الله يبارك كلششششش تحفة
أم رحاب يا الغالية انا تاني توحششششششششششششششششششتك وراني نجري باش نشارك في كوزينتك على قد منقدر
الله أعلم التطبيق تاع الكوزينة غراتان السلق؟ ؟؟انا تاني ليوم طيبتو من غير منعرف راكم دايرينو تطبيق
تفضلي الغراتان وبعض الأطباق وبعض الأرشيف
هذو من الأرشيف هههه

هذو لي كراب طليت ثلاث طبقات كل طبقة بزبدة الفول السوداني والعسل الطبيعي

وهذو كرات البطاطا محشيين بالسلق وصدر الدجاج وصبيتو عليهم صوص بيشاميل وسلطة مشوية

وهذا كيك عادي حطيت فوقو شرائح التفاح

سلااااااااامي للجميع

اهلا وسهلا حنونة وماشاء الله اطباقك اتشهي تسلم ايدك

x ام رحاب x · 2016-11-23, 20:50

اقتباس:

المشاركة الأصلية كتبت بواسطة فاتي 05

مساء الخير على الجميع وصح عشاكم مطرح مايسري يمري ياغوالي
تفضلو عشانا

و كيكة النشاء للتحلية الله يحلي ايامكم قولوا امييييييييين يارب.

و هذا عشا اختي ، راهي تسلم عليكم بالوحدة و تقولكوم يعطيكم العافية يالفحلات .

شهية طيبة للجميع

ماشاء الله عليك يالفحلة تسلم ايدك والكيكة اتشهي وليبروشات اممممممممممممممممممممممممممممم

x ام رحاب x · 2016-11-23, 20:55

اقتباس:

المشاركة الأصلية كتبت بواسطة فاتي 05

صباحكن سعيد ياغوالي تفضلو تشربو معايا قهوة بالحليب مع مسمن

و هذا عشانا تاع البارح غراتان بمكعبات البطاطا و البذنجان و التونة و الحمد لله.

و هذا عشا اختي مقرون بالدجاج و سلطة و فلفل حلو مقلي

نهار سعيد للجميع

فاتي اممممممممممممممممممممممممم على هادا الخيرات تسلم ايدك ربي يباركلك في هادا الخير ويحفضو من الزوال

اقتباس:

المشاركة الأصلية كتبت بواسطة um alaa

صباح الخيرات تفضلو القاتو كاش وحدة جيب القهوة هههه

اقتباس:

المشاركة الأصلية كتبت بواسطة um alaa

و هدا عشانا تع البارح velouté بالخضر ناس بيتي بيتي كلاوه بلهفة مع انهم ما يحبوهش كامل ههه

اقتباس:

المشاركة الأصلية كتبت بواسطة um alaa

و كوكا ابلة ام وليد

ماشاء الله يالفحلة تسلم ايدك كلش فوووووووووووووووووووووووووووور من المالح للحلو وبصحتهم ناس بيتك صح ايشهي

فاتي 05 · 2016-11-23, 20:56

اللهم امييين و اجمعين و مساء الانوار ، الله يسلمك حبيبتي ام رحاب و مشكورة على كلامك الحلو

x ام رحاب x · 2016-11-23, 21:00

اقتباس:

المشاركة الأصلية كتبت بواسطة ام هدول

بصحتك حنونة ايشهي فطورك وصحي وام اكرام ماتعرفش اتحط الصور علابيها ماحطتلكمش الصور

x ام رحاب x · 2016-11-23, 21:02

اقتباس:

المشاركة الأصلية كتبت بواسطة كريمة الجزائرية 48

اوووووووووه يا الحبيبة اعجبني هاذاك البطبوط جاك روووووووووووووووعة
من فضلك الوصفة انا في انتظارك
انا تساعفيني ام رحاب لوكان جات كوزينة تاعك ارقدي تما ههههههههههههههه انا نرقد فيها

اهلا وسهلا بصديقتي الجديدة وربي يخليك عزيزتي ان شاء الله تستمتعي باكلات الفحلات

x ام رحاب x · 2016-11-23, 21:10

اقتباس:

المشاركة الأصلية كتبت بواسطة حياة نور الدين

صباح الانوار حبيباتي

ربي يحلي ايامك وبصحتك وكلشي مبروك للكوزيزنيار بالبركة عليك

اقتباس:

المشاركة الأصلية كتبت بواسطة fadila34

صباح الخير عليكم ياحراير وان شاء الله تكونو بخير ويعطيكم الصحة على الخيرات لى حطيتوها كل شىء هايل ربي يبركلكم فى رزقكم
عزيزتي ام رحاب اسمحيلي منيش نشرك فى الكوزينة بزاف بصح راني جبتلك الجديد اتفضلو شوية قاطو افطرو بيه

ماشاء الله عليك يالفحلة تسلم ايدك خرجولك تحفة اممممممممممممممممممممممممممممممممم ربي يبارك للعروصة ان شاء الله

اقتباس:

المشاركة الأصلية كتبت بواسطة oum aness bba

السلام عليكم ورحمة الله وبركاته

مبروك الكوزينة أم رحاب إن شاء الله فاتحة خير عليك وعلى كل البنات
طبعا وكالعادة كل شئ هايل ماشاء الله عليكم .. كل وحدة تقول لأختها بعدي لهيه ههه اللهم بارك عليكم.
حبيتي نسقسي أم آلاء مرة شفتك درتي النازلين كمية كبيرة ممكن تعيطلي القيس الله يرضى عليك
رايحة نعمل أنا ثاني كمية كبيرة خوالي 60 حبة وما نعرفش القيس.

بارك الله فيك أختي مسبقا

اهلا وسهلا واش لااكي وشكرا على المرور

اقتباس:

المشاركة الأصلية كتبت بواسطة ام رويدة

بصحتك حنونة اكلك بالطبع وتسلم ايدك

اقتباس:

المشاركة الأصلية كتبت بواسطة ملاك ملاكي

يسعدك صباحكم غالياتي.....كي صبحتوا ان شاء الله بخييييروعافية
مع اني الله يباركرانينشوف في النشاط والحيوية ماشاء الله
يالا تفضلوا فطوري البسيييييط الخفييييف

بالصحة والهنااااء لحباباتي....مواااااح صباحية

اقتباس:

المشاركة الأصلية كتبت بواسطة ملاك ملاكي

وهدا كان عشايا البارح.......بعد الخدمة جاني بابا وماما واختي خرجنا دورنا شوي ويا شفتوا وقت الشتاء ضيق.....ايا دخلت وليت. نخمم واش ندير طليت على الفريجيدار والكونجيلاتور ايا منعت هاهاهاها كي شفت الجلبانة
والحمد الله تعشينا وباتنا في رحمة ربي ربي يدومها

[img]ttp://a./p_327ohfec3.jpg[/img]

وااااااااااااااااااااااااااااااااااااااااااااو ملاكب ارفعتينا راصنا تسلم ايدك وبصحتو سي السيد فحلة كي انت لازم كل ماينوض يحمد ربي كاينة وحدة تتخمم عليه وتوجدلو احلى فطور

البحر الصافي · 2016-11-23, 21:14

فاتي عشاك يشهي وخاصة الكيكة تاع النشاء الوصفة تعيشي
ام رحاب عشاك تقول لوحة فنية ربي يبارك لازم نجربو شهاني اعطيني الطريقة
اما الدولمة بطريقة عصرية راني شفتها لهيه ذكرتيني فيها طبقتها العام لي فات وجات رائعة لازم نعاودها يجيبولي لكرم برك
شكون نسييييت
هذا الرد كتبتو للمرة الثانية يا ربي يفوت برك

x ام رحاب x · 2016-11-23, 21:20

اقتباس:

المشاركة الأصلية كتبت بواسطة اريج 07

السلام عليكم صباحكم معطر باريج الجنة حبايب قلبي واش راكم توحشتكم

ام رحاب ميمتي الغالية اسمحيلي مارانيش نشارك بزاااف الوقت بح والله

ميمتي ام ياسو ارواحي هادي خص نص ليك لبارح نطيب فيها و نتمنى فيك معايا والله مين طابت محلاتلي ناكلها تمنيتك قاعدة معانا والله ربي لي يعلم

تفضلو عشايا دجاجة محمرة في اكياس الشواء اممممم

اقتباس:

المشاركة الأصلية كتبت بواسطة اريج 07

و هذا الحلو للغالية مخبوبة الجماهير ميمتي الغالية ام رحابو

اقتباس:

المشاركة الأصلية كتبت بواسطة اريج 07

دايما تشوفو مريومة الفحلة القافزة لي تعرف تطيب و تقدم ووووو المهم شكون تعرف مريم الخايبة ههههه اكيد ولا وحدة ليوم نعرفكم عليها خخخخخخ

هاذ ليام نويت نبعت كولي لاغلى شخص على قلبي من جيجل و بما انها في العاصمة تقرى حبيت نفرحها

درتلها لبراج و رفيس و تمر و مدفئة و مكسرات بكل انواعها و دوبارة جمدتها باه توصل مليحة و بعتلها بلوكة جي و و حدة كانديا شوكو و حوايج بزااااف حبيت نصورلكم مي مالهيتش المهم هي تحب التشاراك و الدزيريات ايا مين سقسيتها قاتلي نحب تشاراك تاعك ديريلي منو ندت كي الفحلة نطيب فيه و بما انها اغلى شخص عندي درت تشاراك باللوز

ههههه انا نطيب فيه رحت نحكي معاها و نسيت على روحي و مين كوبيت رحت للكوزينة شوفو الكارثة لي لقيتها ههههههههه اششششش متبهدلوش بيا
خخخخ
اكيد عاودت تشاراك جديد غدوى مين داك لخاطر كنت في ليل و مبقاليش لوز المهم درت صباح و حطيتو في بوغت مونجي و عمرت سكر و خليت قتلها مين يوصلك نحيلو سكر ههههه لان كنت راح نبعت في هذاك النهار خخخخخهه

شوفو لخايبة

اقتباس:

المشاركة الأصلية كتبت بواسطة اريج 07

سلااام وينكم هذا دخلت انا هجرتوا الكوزينة واااااع زعفت و درت شنوفة خخخخخ

زقزوقتي تفضلي تتغداي عندي

مقرونة بلاصوص بولونيز بالسردين امممممم

اريج الله ايبارك عليك شهاني طيابك تسلم ايدك وربي يحفضلك يدياتك الحلوين وقولي اريج الخايبة متشرفين بيك هههههههههههههههههههههههههههههه

اقتباس:

المشاركة الأصلية كتبت بواسطة omhadil

السلام عليكم وصح فطوركم
من صباح وانا نحاول ندخل الكونكيسيون مكاش
المهم واش احوالكم واش طيبتو اليوم
انا غدايا بقالى عدس من البارح وقليت شوية بطاطا لوليدى والحمد لله

ام هديل واش راكي عزيزتي وبصحتك حبيبتي

ام هدول · 2016-11-23, 21:32

سلالالالالالالالالالالالالام لبنات ...صحة عشاكم ..من الاقتباسات ..الله يبارك ...ربي يجعل بيوتكم ديمة عامرة بالخير ..والبركة
كان التريسيتي مكانش النهار كامل جا لعشية خلاص .....كان غدايا لويبا ..وفي لعشة زت معاها قليت بطاطا وجريوات ..والبركة
.