الجزء 74 من واش طيبتي اليوم ؟ ديرو الصف وادخلو مرحبا بيكم - الصفحة 63

awladi · 2014-05-17, 11:45

سرور بصحتك البركوكس هاتي شوية باه تروحلي هذي السعلة واش درت مافاد فيا لازم اكون حار يشوي باه تنحرق السعلة وتهرب

omomnia15 · 2014-05-17, 12:00

لباس عليك اولادي ديري حلوة الترك او الشامية مع زيت الزيتون وضربيهم وكوليهم راهم ملاح وفي الليل ديري الزيت في صدرك وغطيه بالجرنان تحبسلك السعلة وتقدري ترقدي

omomnia15 · 2014-05-17, 12:27

وينكم لبنات ربي يعينكم راكم مع الكوزينة صح فطوووووووووووووركم

nihale89 · 2014-05-17, 13:14

غدايا

yasmalak · 2014-05-17, 14:13

مسلخييييييييييير عليكم حبياتي
صحا فطوووووووركم

انا درت بيتزا

و دوك راح ندير ك و ك ي ز

بشرى2008 · 2014-05-17, 14:39

مساااااااااااااااااااااء الخيييييييييييييييييييير عليكم
lyzabell وييييييييييييييين راهم حقوقنا احنا رانا من البارح وحنا قاعدين فى الكوزينة ونتي رابحة جاية لاتية مع الضياف وحنا المساكين غير نشمو ونشوفو الطباسا هابطين معمرين طالعين فارغين ( خاويين) راني نعرف كلمات هههههههههههههههههههه

lyzzabel · 2014-05-17, 14:48

صح فطوركم حبيباتي و بصحتكم واش طيبتو
المنتدى هبببببللللنييييي حبسلي راسييييي
اليوم درت غير الحريرة و السلاطة و بسسسسسس ،، ما جابوليش اللواحق الظاهر قاع ملو و كرهو ما لمصروف و التعب خخخخخخخ و الديسار مشماش ما صورتهش

سرووووور تبعي معايا مليح راهي ساااااهلة
شوفي هذاك الزر الأحمر تدفعيه باصبع السبابة و بلا ما تطلقيه ادفعي الغطاء لجهة اليمين و ارفعيه و خلاااااص شوفي الصور تبينلك

و فالغلق تحطي الغطاء في وضعية الفتح حتى يأخذ مكانه و ادفعيه لجهة اليسار حتى تشوفي هذاك الزر الأحمر رجع للوراء و تسمعي صوت القفل لي من داخل يعني تعكسه عملية الفتح

نتمنى تكوني فهمتي حبيبتي و اسمحيلي على التأخير مركز التحميل ما بغاش يحملني الصور قالي لا توجد اي ملفات للتحيل خخخخخخ

و هنا مين رميت فيها الحريرة تطيب و طبعا مين صفيت المرق و الخضار درتها فالكوكوطة الكبيييرة هههه باش ترفد "تاع 8 لتر خخخخخ" و الطباسا تاع السلاطة قبل ما نديرلهم الصلصة و الزيتون واحد تاع شخصين و واحد تاع ثلاث أشخاص و لخرين تاع كل واحد وحده و الأطفال ما درتهمش طباساهم خاطرش قليييييل وين ياكلو السلاطة

و الحمد لله على نعمه

om kamilia · 2014-05-17, 15:07

سلام عليكم واش راكم ان شاء الله تكونو بخير

بصحتم واش فطرتو و بصحتكم قهوة تاع العشية

om kamilia · 2014-05-17, 15:10

ليزابيل ختي ممكن وفة تاع الحريرة ناوية نديرها في رمضان ان شاء الله الى حيانا ربي , والاولاد راهم ملاح

om kamilia · 2014-05-17, 15:12

دائمة الحمد واشراكم ,واش راهي بنتك نشاء الله بالف خير

أم ماجد · 2014-05-17, 15:13

lyzzabel · 2014-05-17, 15:20

حنااااان مممممم البيتزا مممممممم راهي ممممممممم هههه بصحتكم حبيبتي و طبعاااااا انتظر صور ال ك و ك ي ز
سرور بصحتك البركوكس انا تعشيته البارح و البطاطا مين تكون عندي صغيرة ما نكذبش عليك نقيها بسيف عليا ههه و نشقها غير من فوق على ربعة يعني ندير بالخدمي علامة + من فوق و نطيب مرقة صفرا بالدجاج و الحمص و مين يطيب اللحم نحيه و نرمي البطاطا تطيب بلا ما يفسد شكلها و نصفيها مليح و نحمرها في زيت غزير من بعد نعاود نرميها فالمرق لي طاب فيه الجاج تغلي غلية وحدة و نطفي و نحمر هذاك الجاج ،،، واش نقولك تجي فيييييييييلم

صبريييينتي الغااااالية ربي يخليك موااااااااح و بشووووورتي والله لا هودت الاي باد باش نصور و نحطلكم بصح ما لقيييييتش الوقت و تاني ماكانش لي يصورليييي خخخخخخ لوكان نقدر راني نعاود نوجد حطة تاع ضياف و نصورها على أجلكم حبيباتي باش تشوفو و تذوقو مشي غير تشمو ههههه

ليلوشتي اليوم راكي في دارك توحشتك انشالله تكونو لاباس نتيا و الاولاد

حبيبتي و صديقتي و ميمتي ام رياض ياااا احلى و أغلى ام رياض شفت البارح الرد لي كتبتيهلي والله والله حسيييييييت بكلامك كأنك كنتي قدامي و تقوليلي فيه مشي بيني و بينك البحر ،،، فرحت بزاااااااف حتى بكيت ربي يخليك ليا و ما يحرم نيش منك و من كلامك و يخليك لوليداتك و يفرحك بيهم و تشوفيهم في اعلى المراتب و يعلي مقدارك و نطلب ربي يلاقينا في بيته المحرم و الجنة يااااااارب و كل الغاليات حبيبات قلبي لي معانا فالكوزينة و يدوم المحبة ياااا رب ،،،، حقا راني سييت نرسلك رسالة على الخاص و المنتدى شيطني ما عرفتش لا منه ولا مالنت

اللهم انت السلام و منك السلام تباركت يا ذا الجلال و الإكرام

om kamilia · 2014-05-17, 15:22

بشرى, اولادي, سارة ام ماجد امينة ,ام رامي ,ام تاجو , ام انس ,باتيلا, الهام بروقة ,ام كوثر ,ياراسمين,ام بماني الامنيات وكاااااااااااال كيما راكم راني نسال عليكم وان شاء الله تكونو قاع بخير
لهنى رب يعاونك , سهى نتيا مازال شويه بصح ماتتقلقوش ,ان شاء الله عرسكم يجوز بالصحة و الخير و الهنا
ان شاء السه بنت رياحين راهي في تمام العافية

lyzzabel · 2014-05-17, 15:40

ام كاميليا صح فطورك و شكرا على السؤال حبيبتي ،، اولادي راهم أحسن و الحمد لله ،، و انشالله بنتك ريحت شوية ،،، و بالنسبة لوصفة الحريرة راني حطيت وصفتين في وحد الكوزينة و حطوهم الأخوات في وصفات الحراير درك نحوسلك عليهم
اولادي حبيبتي شفتك تاني نتيا سقسيتيني على ولادي ربي يخليك حبيبتي و يخليلك وليداتك و يحفظهم و يعطيك الصحة على الاطباق لي حطيتيهم ماشاء الله يشهو

أم ياسين الزهراء · 2014-05-17, 15:44

تفضلو عرضتي والحمد لله كلش بنين وهايل وطرح ربي البراكة

هدي الكوكوط على الطابونة ههههههههههههههه بنتي اللي صورت انا مانكذبش ماكنتش لاتاية وزيد نتقلق من ولادي كيدور وانا نخدم

هدو اكواب التفاح تاع عقروبة بنتي اللي دارتهم كيشافت باباه جاب التفاح قالتلي نديرهم وجاو اممممممممممممم طبعا حرفت فيهم ههههههههههههههه

هدا الفطير كموديتو من عند جارتي هايل يعطيها الصحة والله يشافيها

هدا المثرد تاع الشخشوخة انا نسربي وبنتي تصور وخوها يعيط اتخيلو الحطى هههههههههههههههه

الشربة والبوراك والسلاطة والديسار التفاح والقازوز ولاتاي والبسبوسة والكوكاو نسناهم وشريت خبز الدار ماقدرتش نعجن والحمد لله

هدي العرضة درتها دافعة بلاء كان نزل علينا والحمد لله نجانا منو ربي ولعشية راح يجو صحاب وليدي يتعشاو بصح وليدي قالي غيرالشخشوخة ماحبش الباقي قالي راح يجي رمضان ونشبعوهم ههههههههههههههه والحمد لله ومانسيتش الجيران طبعا