وصفات من حراير مطبخ وش طيبتي اليوم

[ام احمدي]

عجينة yasalmek

والعجينة هده اللي معتدتها من ارووووووع ما يكووون
3 كيسان فرينة
مغرف كبيرة خميرة تاع خبز
نصف مغرف صغيرة خميرة تاع الحلوى
ملح
و سكر اذا درتي بريوش كثري السكر و نقصي الملح بيانسير
ربع كاس زيت
ربع كاس ياغورت طبيعي
انا اليوم دوبليت المقادير
خلطي النواشف مع بعض اومباعد زيدي الزيت و الياغورت و دخليهم مليييح و لمي بالما دافي تولي عندك عجينة تلصق اعجنييها مليييح حتى تولي طرية و ملساااء و خليها تخممممر

و دهنتها بصفار البيض و شوية حليب و عصرة قارص

[هجيرة1]

صور عجينة yasalmek

هاوليك عشانا وجد تورت الشوارما بنيييييييييييييينة تقتتتتتتتتتتتتتل الحشو بنتووو عظييييييييييمة الشوارما نولي دايما نديرها هكااااا برك العجينة اعتمدت العجينة اللي موالفة نخدم و جامي والا نبدلها
الشكر موصول لام اماني على الوصفة الراائعة بروعتهاااا
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و العجينة اللي قعدت كملتها خبزات

إضغط هنا لرؤية الصورة بحجمها الطبيعي.

[حابة نزلي طباخةماهرة]

السلام عليكم اختي من فضلك ممكن تعطيني الوصفة كاملة لهذ الخبز و الله عجبني ياسر و حابة نديرها الليلة الجاية ان شاء الله و للعلم انا مبتداة فيالطبخو حابة نتعلم و نولي طباخة ماهرة لاني كرهت من تقلاش خاوتي و ان شاء الله تعاونوني

[awladi]

وصفة الخبز لام هدولة

دائمة الحمد انا ثاني نموت على الخبز ومن عيوني الوصفة
600غ سميد ممتاز (انا منكيلش ندير قيمة قرصة كبيرة والا 2صغار)-مغرف صغيرة ونصف خميرة-شوية سكر-ملح-ماء وزبدة طرية للتوريق
حطي السميد والملح والسكر ولمي بماء دافئ ثم الخميرة و اعجني وزيدي الماء حتان تولي طريية حطيها في كيس وخليها تخمر من بعد لميها بلطف و اقيميها الى 3 قرصات رشي السميد الخشين او المتوسط وحليها رقييقة 1ملموادهنيها كااامل بالزبدة بالبانسو اطوي القرصة على اثنين وادهني الزبدة مرة اخرى واطويها مثلث وزيدي ادهني الزبدة وهكا حتان تولي قرصة وكملي باقي القرصات بنفس الطريقة مرمديهم في السميد وخليهم نصف ساعة وعاودي حلي بالقرصة فوق السميد دائما و سخني طاجين الحديد وطيبي مهم جداا على نار هاااادئة والصور توضح اكثر
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[دائمة الحمد]

يعطيك الصحة اولادي جبت الوصفة وجيت لقيتك خلا ص جبتيها

[ام سراج وملاك]

قاطو الفراشة لي sidra seba

السلام عليكم كامل كي شفت الاخت سيدرا سوبا دارت موضوع على هاذا القاطو وحطاتو في واش طيبتي اليوم عجبني بزاف حطيتو هنا باش نقدرو نشوفه
المقادير
250غ زبدة + 80غ سكر ارطب + 2حبات بيض وصفار حبة بيض + مغرف صغيرة قهوة نتاع القاطو + مغرف صغيرة نتاع قهوة خميرة + فرينة تلمي بيها العجين
طريقة التحضير :
لازم الزبدة متكونش في الثلاجة يعني اجبديها من قبل زيدي باقي المقادير العجين تكون طرية ماشي يابسة
تحلي لعجين بالحلال وتطبعي بطابع الفراشة الاشكال في ثلاثة تلصقي حبة لكبيرة بياض البيض زيدي الثانية فوقها زيدي اطليهابياض بيض وزيدي الاخيرة
كي تطيب رشيها بصفاية بسكر ارطب من فوق هاذي صورة القاطو و صورة الطابع

صورة الطابع



صورة القاطو



وهاذا القاطو درتو نفس مقادير العجين السابقة درتها شكل مربع طبعت بالطابع الصغير نتاع الفراشة الجزء لي نحيتو لصقتو من فوق الحبة بياض البيض كي طاب رشيتو بالسكر الارطب من فوق ولصقت الحبة بالمعجون مخلط مع شوي ملون احمر

[فايزة44]

جبت وصفة موسكوتشو البرتقال 2 كما وعدتك نتمنى تكون وصفاتي رغم بساطتها مفيدة حبيباتي الفحلات راهي تشبه بزااااااففففف لوصفة الغالية أم يسرااااااااا

وصفة موسكوتشو البرتقال 2

على بركة الله

المكونات(المكيال هو كأس تاع 250 مل)

• 4 بيضات بدرجة حرارة المطبخ
• كأس سكر عادي يمكن تزيدي شوية حسب حموضة البرتقال
• 1/2 كأس زيت عادي
• لافاني
• كأس عصير البرتقال مصفي(كما تقدرو ديرو مزيج عصير البرتقال مع عصير الماندرين)*/////////////////////
• قشور حبة برتقال
• 2 باكيات خميرة حلوة
• قرصة ملح
• 2 كيسان+ 1/2 حتى 3 كيسان فرينة مغربلة حسب حجم البيض ( شخصيا نستعمل 2 كيسان و نصف)
• التزيين دائما اختاري
• 1/2 باكي تاع لفلان كراميل يعطيه بنة روووعةةةةةةةةةةةةةة(1/2 باكي تاع 1 لتر)

التزيين
هنا استعملت مربى المشماش حوالي 1/2 علبة تاع 500غ

إضغط هنا لرؤية الصورة بحجمها الطبيعي.

التحضير

• نسخن الفرن مسبقا على 180°

• في اناء ضربي البيض جيدا مع قرصة ملح

أضيفي السكر مع الخفق الجيد

• نضيف لافاني + الزيت على شكل خيط و نضرب بالباتور دايما
• نزيد عصير البرتقال + قشور البرتقال + فلان ذوق الكراميل
• في الأخير نضع الفرينة مع الخميرة
• نفرغ الخليط في صحن الفرن ألي نكونو دهناه بالزبدة أو الزيت و رشينا الفرينة عليه

ندخلوه للفرن يطيب عادي كما الكيكات

التزيين دائما اختياري

• أولا كي يطيب ترشو فوقو سكر غلاص

ثانيا كيما تقدرو تدهنوه بالمربى بواسطة فرشاة و ترشو من فوق النودكوكو

• ثالثا اذا حبيتو تنحيو من خليط العجينة حوالي 3 ملاعق كبار و تزيدولهم تقريبا 1 ملعقة كبيرة مليئئئئئة من الفرينة تسمى تولي عندكم عجينة ثقيلة و تحطوها في الثلاجة و كي يطيب الموسكوتشو من تحت و بدا يحمار من فوق بالطبع بعد ما تكونو تأكدتو بلي راه ناشف أجبدوه و خلوه يبرد من الأحسن,أدهنو المربى على سطح الموسكوتشو ثم ترسمو خطوط بالخليط ألي احتفظتو بيه في الثلاجة (حطوه في كيس بلاستيكي للتسهيل) بعدها رجعو الموسكوتشو يحمار من فوق واحد 2 دقائق برك

هنا المربى ألي فوق الموسكوتشو يجيكم ناشف شخصيا حكا نحبو

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

• رابعا دارنا ما يحبوش الكيكات الناشفة وليت نرسم خطوط من فوق كما الاقتراح الثالث بلا ما نحط المربى كي يطيب من فوق نضع المربى في الفراغات
  

إضغط هنا لرؤية الصورة بحجمها الطبيعي.

• خامسا تقدرو أيضا تحضرو شربات بعصير 2 حبات برتقال + السكر حوالي 1/4 كأس حطوه فوق النار و غير يغلي مرة و تكونو تأكدتو بليك السكر ذاب طفيو عليه و خلوه يبرد تماما بعد ما يطيب الموسكوتشو من فوق و من تحت سقسوه بالشربات ألي تكونو وجدتها من قبل بعدها ذوبو الشوكلا + حليب و أطليو بها الموسكوتشو ثم رشو النودكوكو فوق الوجه نتاعها كي تنشف نقطعوها حسب الرغبة هنا ما درتش النودكوكو ما كانش عندي

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

ملاحظة
بالنسبة للاقتراح الثالث و الرابع لو كان ما تزيدوش الفرينة الخطوط تتحللكم تسمى تولي ما تبانش كما في الصورة التالية لكن البنة هي هي

إضغط هنا لرؤية الصورة بحجمها الطبيعي.



نتمنى نكون وصلت الفكرة انشاء الله
أي سؤال راني هنا و على عيني و راسي انشاء الله في المساء نجاوب عليه و نتمنى غالياتي ما تكونوش برك دخلتو في كوزينة جديدة بسم الله و ما شاء الله عليكم راكم في سباق سريع
دوكة ما بقالي غير نبعثلكم سلامي كل فحلة باسمها فالمخبر يناديني سلامي حبيباتي
ربي يتقبل صيام الصائمات و يشفي كل مريض و في أماني الله


اللهم اجعل القرأن العظيم ربيع قلوبنا و نور صدورنا و جلاء همومنا

[أم ماجد]

وصفة طومة جابتها افروديت هههههههههههههههه من البيس ههههه
ام ماجد قال يا ستي على حساب طومة حطي نص كيلة ماء و نص كيلة ماء زهر البرتقال و كيلة سكر مع قشور التشينة اللي تكوني قطعتيهم شرايح رقااق و خلييهم يغلووو مع بعص

بطاطا محمرة للغالية ام ايمان
نعطيك وصفة البطاطا راهي تاني ماما لي علمتهالي حنونتي
ديري البطاطا تغلي في الماء حتى تطيب و خيري البطاطا الصغيرة خلاص تكون احسن للشكل كي تطيب خليها تبرد مليييييييح ملييييييييح و قشريها باش ماتتكسرش كي تقطعيها روندال ثما تبليها بالملح و الفلفل اسود و اقليها في الزيت حتى تتحمر مليح .
الصوص سكرفجي حبة طماطم و معاها سنة توم +ملح + فلفل ك + زيت + مغرفة طماطم مصبرة + معدنوس انا ماكانش عندي + زيتون مقطع دوائر تاني معنديش قليهم ثما ضيفي نص كاس ماء ولا على حساب الكمية و خليها تعقد شويا تصبح صوص و طفي عليها .
و قدمي البطاطا مع الصوص و البيض المغلي و المعدنوس مقطع . و شهية طيبة حبيبتي .

[راجية غفران ربها]

إضغط هنا لرؤية الصورة بحجمها الطبيعي.


أم ماجد ضحكتيني يا مصيبة علاه وكتاش عيد ميلاد زوجك ع ؟
ماشكيتش من عندي جيه مليحة كيما نتاعك ياواد يا تقيل
الجينواز نتاع ام رامي هذي :
https://www.gulfup.com/?RYPJv2
انا فقط زدت ضربت مع الصفار نتاع البيض بعد ماذاب السكر+ 1 م ك كاكاو + زدت 1 علبة شكلاطة سوداء ذايبة ودافية فقط
( درت جينواز ب5 بيضات مانحبهاش عالية )
ذبعا كي زدت 1م ك كاكاو نقصت 1 م ك فرينة باينة
وقسمتها بالخيط
وسقيتها بالشاربات
وفي الوسط حشيتها بصوص التوفي اللي درت بيها تار الموز والكاراميل
وغلفتها بالشانتيي ذوبت فيها 2 علب شكلاطة سوداء
والشكلاطة هذيك اللي زينت بيها عملتها في مول السيليكون الصغير نتاع السكر وحشيتهم من داخل من صوص التوفي ممممم
وزينت بالفراز وخلاص بسيطة مافيها والو

هاكي ام ماجد وصفة الجينواز :

جينواز النيستلي

3 بيض مفصولين ولكل بيضة دائما نحسب ملعقتين سكر وملعقة كبيرة زيت وملعقة كبيرة نشاء وأخرى فرينة مع قبضة خميرة كيميائية
نخفق البياض مع نصف كمية السكر والصفار مع النصف الآخر من السكر ثم نضيف الزيت أو المرغرين الطرية حتى نتحصل على خليط يشبه كريمة الزبدة
نمزج بملعقة الخليطين مع إضافة الفرينة والنشاء والخميرة منخولين وعلى دفعات
ندهن صينية بالمرغرين ونرش عليها الفرينة نسكب الخليط ..الى الفرن

بعد الطهي نقسمها على اثنين نشربها بمربى مخفف بشاربات
نضع فوق قطعة كمية من النستلى ..نرجع القطعتين فوق بعض ونسكب فوقها النستلي نزين الجوانب بالكوكاو أو الجلجلانية أو جوز الهند أنا رحيت حبات قفريط وزينت بيه الجوانب
ندخلها الثلاجة حتى تجف طبقة النستلى
نرسم عليها خطوط رفيعة بالسكين ثم نتبعها بالشكولاطة
لمسة أخيرة ورقات وردات بعجينة اللوز

هشة ولذييييذة

شهية طيبة

[ryma221]

حبيت رابط العجينة المورقة اذا ممكن

[راجية غفران ربها]

المشاركة الأصلية كتبت بواسطة ryma221

حبيت رابط العجينة المورقة اذا ممكن

https://www.djelfa.info/vb/showthread.php?t=1449926

[ryma221]

المشاركة الأصلية كتبت بواسطة manel1977

https://www.djelfa.info/vb/showthread.php?t=1449926

مشكووووووورة
حبيت تاع ام رامي كنت قريتها جاتني ساهلة

[dalila setif]

معلومة مفيدة من عند الهام

حقة تفكرت نقوللكم حاجة هي فكرة بسيطة :
أنا نشري الكرواسون كل يوم بصح مانرميش الكيس نتاعو نخبيهم عندي منهم عرام :d:d:d:d:d:d:d
هذوك راهم من نفس خامة ورق الزبدة لذلك كي ندير قراتان ونشوف المول معمر نفرشو تحت المول إذا ساح شوية ولا طار منو رذاذ كي يكون يغلي لداخل في الفرن يسيح فوق هذاك الورق وراهو مايترحرقش وغير نفوذ للماء كي نخلص نرميه
وهكذا ماشي كل مرة بعد ماندير القراتان نغسل البلاطو ولا القاع نتاع الفرن
وثاني كي ندير تارت ولا قاطوات نفرشو في البلاطو ونخدم عادي مايلصقش هايل كيما ورق الزبدة
نحب نقتصد لاخاطر نشري الكرواسون كل يوم الصباح في الخدمة عندي منهم عرام ونخدم بهذاك الورق بزاف
ماتقولوليش مشحاحة والله مسرفة جدا بصح نحب نقتصد كي نقدر :d:d

[راجية غفران ربها]

اقتباس:
المشاركة الأصلية كتبت بواسطة رياحين الجزائر
الهام ماتضحكيش عليا كاين الفلان انتاع التوت انا اجيبو اهنا عندنا فاني شيكولا فراز فقط ولا كاراميل هدا مانعرف هههههه

علاه أنت وين كنتي رمضان اللي فات كي درنا حالة في الأذواق راكي تلقايني شرحت طريقتو وراهي في موضوع وصفات حراير الجلفة ماشي مشكل نعاودلك :
ديري فلان فاني عادي والحليب قبل لا تصبيه على الفلان والشانتيي ذوبي فيه شوية نتاع بودرة "AMILA " ( العصير اللي يتباع في أكياس بودرة يتباع 20دج ) ماديريش الكيش كامل ديري اقل من نص راهو حلو بزاف وقاسح
ذوبي العصير في الحليب مليح مليح ومن بعد صبيه وضربي بالباتور
وهنا على حسب نوع العصير يخرجلك الطعم يعني كل أنواع الفاكهة توت ، فراولة وموز ، ليمون ، تفاح ، أناناس واش حبيتي
حنا في دارنا عجبهم التوت لصقو فيه