همزة وصل بين المعلم و الولي : انت تسأل والمربي يجيبك - الصفحة 63

الأمنيات · 2013-03-25, 15:05

اختي اريج كيفها الوالدة تفكرتك اليوم ان شاء الله تكون بخير
اخي عبد الناصر مقدسية والبقية كيفكم عطلة موفقه للجميه

ام ظافر · 2013-03-25, 23:30

الله يكرمكم ويفرحكم بولادكم عطلة سعيدة للكل

spayder · 2013-03-26, 12:46

شكرا لكي بارك الله فيك

fifi tery · 2013-03-28, 15:08

فكرة جيدة نجاحها ممكن لم لا

mimai · 2013-03-28, 20:56

السلام عليكم ورحمة الله وبركاته
من فضلكم اريد رابط كراسة الوضعية الادماجية ضاع مني ولم اجده واجركم على الله
شكرا مسبقا

عبد الناصر أمازيغ · 2013-03-29, 10:13

اقتباس:

المشاركة الأصلية كتبت بواسطة mimai

السلام عليكم ورحمة الله وبركاته
من فضلكم اريد رابط كراسة الوضعية الادماجية ضاع مني ولم اجده واجركم على الله
شكرا مسبقا

و عليكم السلام و رحمة الله و بركاته

عن أية كراسة تتحدثين ؟ لم أفهم قصدك .
هل تقصدين كراسة العبارات التي وضعتها الأخت أريج في هذا الموضوع ؟

mimai · 2013-03-29, 12:41

السلام عليكم
استادي الفاضل لااتذكر من وضعها لكنها تحتوي على العبارات الاساسية والمهمة لكل موضوع للتعبير(وضعية ادماجية) اظنه للاستاذ اغيلاس
شكرا على الرد استاذي المحترم

عبد الناصر أمازيغ · 2013-03-29, 16:32

اقتباس:

المشاركة الأصلية كتبت بواسطة mimai

السلام عليكم
استادي الفاضل لااتذكر من وضعها لكنها تحتوي على العبارات الاساسية والمهمة لكل موضوع للتعبير(وضعية ادماجية) اظنه للاستاذ اغيلاس
شكرا على الرد استاذي المحترم

و عليكم السلام و رحمة الله و بركاته

نعم ، هو كراس العبارات الذي وضعته الأخت " أريج المسك " ، لا أتذكر الصفحة التي يتواجد بها الرابط ، لكن بما أني قمت بتحميله سابقا ، سأعيد رفعه بعد إذن الأخت أريج المسك ، فهي مشغولة في هذه الأيام . نتمنى الشفاء العاجل لأمها ، و العودة السريعة للموضوع .

https://www.djelfa.info/vb/dld5MB70648.rar.html

mimai · 2013-03-29, 20:28

السلام عليكم
الله يجزيك كل خير استاذي الفاضل هذا الملف الذي اقصده وربي يشفي ام الاخت اريج وترجع لنا بسلامة يارب
دمتم سالمين غانمين

سمراءشو · 2013-04-03, 09:06

الى الاخ ناصر والاخت اريج المسك هادا وين رجعت ليكم الانترنات كانت مقطوعة عندى تقريبا20 يوم المهم اني اشكركم على نصائحكم ابني لى في السنة الاولى جاب 6.87 علابالي بلي راه قليل بصح مكنتش دايراتو يجيبها واله فرحني عكس اخوه لي في سنة2 متوسط جاب 14.64 علابالك ركزت على الصغير والكبير مارجعتلو والو حبط بزاف خاصة المواد الاساسية رغم انو كان خادم في الفروض علاماتو كلها بين 19 و16 المهم انو الصغير جاب مليح بالنسبة ليا وراح باباه للمعلمة قاتلو راهو تحسن مليح كملو معاه المواد الاساسية جاب في اللغة7.50 والرياضيات 8 اما المواد الاخرى ندبلها ما عدا ت .مدنية 8 ت.اسلامية4 رغم النو حافض السور والاحاديث مافهمش السؤال اما ت. علمية 5 رسم 5.5 محفوضات 8 رياضة 8 والمضحك فيه انو طلب مني كعكة باش يديها للحفلة وقالي اكتبيلي فيها يحي ودرتهالو وكتبتلو فيها وفرح بزاف وكي قتلو الفصل الثالث مانديرلكش حتى تجيب معدل 7 ال8 قالي يخي هاني جبت ها والقصد نتاعو انو علامة اللغة والرياضيات وكدلك المعل فيه هده الارقام المهم انو المعلمة طمنتنا عليه وقاتلنا مازال ناقص في القراءة وقالتنا راجعولو في العطلة واعطيوه يهجئ والفضل يعود بالطبع اولا لله وثانيا لكم الاخ عبد الناصر والات اريج وام عبدو والمقدسية لدا فانا اشكركم شكرا جزيلا

عبد الناصر أمازيغ · 2013-04-03, 11:56

اقتباس:

المشاركة الأصلية كتبت بواسطة سمراءشو

الى الاخ ناصر والاخت اريج المسك هادا وين رجعت ليكم الانترنات كانت مقطوعة عندى تقريبا20 يوم المهم اني اشكركم على نصائحكم ابني لى في السنة الاولى جاب 6.87 علابالي بلي راه قليل بصح مكنتش دايراتو يجيبها واله فرحني عكس اخوه لي في سنة2 متوسط جاب 14.64 علابالك ركزت على الصغير والكبير مارجعتلو والو حبط بزاف خاصة المواد الاساسية رغم انو كان خادم في الفروض علاماتو كلها بين 19 و16 المهم انو الصغير جاب مليح بالنسبة ليا وراح باباه للمعلمة قاتلو راهو تحسن مليح كملو معاه المواد الاساسية جاب في اللغة7.50 والرياضيات 8 اما المواد الاخرى ندبلها ما عدا ت .مدنية 8 ت.اسلامية4 رغم النو حافض السور والاحاديث مافهمش السؤال اما ت. علمية 5 رسم 5.5 محفوضات 8 رياضة 8 والمضحك فيه انو طلب مني كعكة باش يديها للحفلة وقالي اكتبيلي فيها يحي ودرتهالو وكتبتلو فيها وفرح بزاف وكي قتلو الفصل الثالث مانديرلكش حتى تجيب معدل 7 ال8 قالي يخي هاني جبت ها والقصد نتاعو انو علامة اللغة والرياضيات وكدلك المعل فيه هده الارقام المهم انو المعلمة طمنتنا عليه وقاتلنا مازال ناقص في القراءة وقالتنا راجعولو في العطلة واعطيوه يهجئ والفضل يعود بالطبع اولا لله وثانيا لكم الاخ عبد الناصر والات اريج وام عبدو والمقدسية لدا فانا اشكركم شكرا جزيلا

السلام عليكم و رحمة الله و بركاته

أهلا بك أختي سمراء .
الحمد لله ، الحمد لله ، الحمد لله .
أنا ثاني نفرح بزّاف كي يفرحو الأولياء بنتائج أبنائهم ، خاصة لما يشوفوا مساعدتهم جابت الثمار نتاعها ، يعني العمل اللي رانا نقومو بيه في هذا الموضوع مفيد .
علامة ابنك جيدة ، خصوصا بالنظر للغة العربية و الرياضيات ، أما مواد التربية الإسلامية و المدنية و العلمية و الفنية فانخفاظ علاماته فيها قد تعود لأسباب أخرى ليس لها علاقة بمدى تمكن ابنك فيها من عدمه ، فأطفال السنة الأولى يحتاجون للتمارين التي تحتوي على رسوم تساعدهم في فهم المطلوب منهم ، لأنهم في هذه الفترة غير متمكنين من القراءة و الكتابة و الأهم فهم المقروء ، و بصفة عامة وضع الاختبارات للسنة الأولى يحتاج لمهارة عالية من طرف الأستاذ (ة) ، و قد تكون معلمة ابنك قليلة الخبرة في هذا المجال .
تشجيع ابنك على ما حققه من تقدم مهم للغاية ، أوصيك ألا تنقطعي عنه ، و ألا يتوقف على نهاية الفصل فقط ، فكلما يخبرك بأي نتيجة حسنة كافئيه عليها .
العفو أختي ، هذه الأخبار السارة عن نتائج أبنائكم تكفيني كمكافأة عن القليل الذي أقدمه لكم .

~ حراير ~ · 2013-04-03, 12:16

السلام عليكم و رحمة الله تعالى و بركاته
خوتي اخواتي كيف حالكم
الشيخ عبد الناصر نتمنى انك تكون قضيت عطلة مريحة و اريحت من فوضى القسم ...... كاش ما زيتون هاد العطلة؟؟؟؟

اختي الأمنيات والدتي نستحمد ربي على هاد الساعة راهي اصبحت لاباس و تقدر تعتمد على نفسها نوعا ما

اخوتي كل من دعا لوالدتي نشكرو كثير كثير و ربي يبارك فيكم و يمتعكم بالصحة و الراحة

اختي سمراء والله اني فرحتلك انك رضيتي و قنعتي بعلامة وليدك ربي يحفظو و ينجح مقاصدو و نقولك والله عجبتني علامتو راهو قريب من 7 و غير كملي بالشوية معاه و راح يتحسن مع الوقت انت برك طولي بالك
و بالنسبة لتلميذ المتوسطة فعلامته لاباس بيها ما تلوميهش و ما تلوميش روحك و ما تكلفيش نفسك فوق طاقتها باش ما تنظريش لا انت و لا وليداتك
و يخي حكيتلك على اريج كيفاش كانت و وين ولات و الحمد لله حتى معلمتها الحمدلله فرحانة بيها خلاص لعقوبة لوليدك ان شاء الله لما ينطلق انطلاقة الغزلان و يصير هو الأول و الفايز في الشُـبان

الشيخ عبد الناصر نحب نستشيرك رانا من قبل العطلة و احنا في خمول تام امبارح برك وين حملت بعض الواجبات للعطلة الربيعية لكن يحلو فيهم فوق القلب على هك ماذا تنصحني في التعامل معهم او بالأحرى منين نبداو
بالنسبة للسنة الثانية من امبارح و انا مركزتلها على المشكلات و خاصة مشكلات الضرب
اما السنة الرابعة فمخليتها وحدها تعوم بحرها

عبد الناصر أمازيغ · 2013-04-03, 13:04

اقتباس:

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته
خوتي اخواتي كيف حالكم
الشيخ عبد الناصر نتمنى انك تكون قضيت عطلة مريحة و اريحت من فوضى القسم ...... كاش ما زيتون هاد العطلة؟؟؟؟
اختي الأمنيات والدتي نستحمد ربي على هاد الساعة راهي اصبحت لاباس و تقدر تعتمد على نفسها نوعا ما
اخوتي كل من دعا لوالدتي نشكرو كثير كثير و ربي يبارك فيكم و يمتعكم بالصحة و الراحة
اختي سمراء والله اني فرحتلك انك رضيتي و قنعتي بعلامة وليدك ربي يحفظو و ينجح مقاصدو و نقولك والله عجبتني علامتو راهو قريب من 7 و غير كملي بالشوية معاه و راح يتحسن مع الوقت انت برك طولي بالك
و بالنسبة لتلميذ المتوسطة فعلامته لاباس بيها ما تلوميهش و ما تلوميش روحك و ما تكلفيش نفسك فوق طاقتها باش ما تنظريش لا انت و لا وليداتك
و يخي حكيتلك على اريج كيفاش كانت و وين ولات و الحمد لله حتى معلمتها الحمدلله فرحانة بيها خلاص لعقوبة لوليدك ان شاء الله لما ينطلق انطلاقة الغزلان و يصير هو الأول و الفايز في الشُـبان
الشيخ عبد الناصر نحب نستشيرك رانا من قبل العطلة و احنا في خمول تام امبارح برك وين حملت بعض الواجبات للعطلة الربيعية لكن يحلو فيهم فوق القلب على هك ماذا تنصحني في التعامل معهم او بالأحرى منين نبداو
بالنسبة للسنة الثانية من امبارح و انا مركزتلها على المشكلات و خاصة مشكلات الضرب
اما السنة الرابعة فمخليتها وحدها تعوم بحرها

و عليكم السلام و رحمة الله و بركاته

أهلا بك الأخت أريج ، و الله تقلقنا على الغيبة نتاعك .
الحمد لله أنك طليتي من جديد ، و الحمد لله على تعافي الوالدة الكريمة ، ربي يحفظها لك .

طبيعي جدا ، أن يتكاسل الأطفال في العمل بعد استراحة العطلة ، هذا الأمر يحدث للجميع ، حتى نحن الكبار العمل بعد العطلة يجي ثقيل علينا ، و ما نجيو نوالفو حتى تفوت ثلاثة أو أربعة أيام . يعني ما تلوميش ولادك .
العودة للعمل يجب أن تكون تدريجيا ، في الأيام الأخير للعطلة ، تكون مراجعة خفيفة للدروس السابقة ، يعني الطفل ياخذ الكتاب أو الكراس و يمر على الدروس بالمراجعة ( القراءة ) ، و بعض التمارين البسيطة في الرياضيات لاسترجاع المفاهيم الأساسية المدروسة .

سمراءشو · 2013-04-06, 09:33

اخي عبد الناصر واختي اريج نشكركم على ردودكم وعلى فرحتكم معايا ونقلكم وجدو رواحكم للفصل الثالث راني راحا نستشيركم و انشاء الله مثقلش عليكم ونقلك يا اختي اريج اني قريت الرسالة لي بعثتيهالي وحبيت نرجعلك بصح محبتش تفوت قالولي بلي مشاركاتي قليلة واعطاولي اعضاء اخرين على ما اضن 19 عضو فقط نقدر نراسلهم واسمك مش موجود معاهم ورسالتك والله اقنعتني بزاف ونشكرك على نصائحك وراني قررت انشاء الله نتصفح همزه وصل دائما ونستشيركم لانكم فدتوني بزاف وربي يجازيكم على العمل نتاعكم ومجهودكم

عبد الناصر أمازيغ · 2013-04-06, 16:08

اقتباس:

المشاركة الأصلية كتبت بواسطة سمراءشو

اخي عبد الناصر واختي اريج نشكركم على ردودكم وعلى فرحتكم معايا ونقلكم وجدو رواحكم للفصل الثالث راني راحا نستشيركم و انشاء الله مثقلش عليكم ونقلك يا اختي اريج اني قريت الرسالة لي بعثتيهالي وحبيت نرجعلك بصح محبتش تفوت قالولي بلي مشاركاتي قليلة واعطاولي اعضاء اخرين على ما اضن 19 عضو فقط نقدر نراسلهم واسمك مش موجود معاهم ورسالتك والله اقنعتني بزاف ونشكرك على نصائحك وراني قررت انشاء الله نتصفح همزه وصل دائما ونستشيركم لانكم فدتوني بزاف وربي يجازيكم على العمل نتاعكم ومجهودكم

السلام عليكم و رحمة الله و بركاته

أختي سمراء ، رانا واجدين ، و موجدين رواحنا ، غير سقسي و ما تخافيش ، ما راكيش مثقلة علينا أبدا .
إن شاء الله نديرو اللي علينا ، و ربي يوفقنا .