دورة فراشات تزهو بالألوان بيوتهن قمة في النظافة و التنظيم و التدبير و الاتقان - الصفحة 62 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم المنزل و متطلباته

قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

دورة فراشات تزهو بالألوان بيوتهن قمة في النظافة و التنظيم و التدبير و الاتقان

موضوع مغلق
 
أدوات الموضوع انواع عرض الموضوع
قديم 2015-03-16, 21:15   رقم المشاركة : 1
معلومات العضو
أم شيماءْ
عضو محترف
 
الصورة الرمزية أم شيماءْ
 

 

 
إحصائية العضو










افتراضي

مساء الخيرات لبنات وشراكم
والله النت دارتها بيا المهم طبقت واش قلتولي خصوصا المناطق الساخنةراهم قريب يخرجوني من الدار









 


قديم 2015-03-17, 00:04   رقم المشاركة : 2
معلومات العضو
titi119
عضو مميّز
 
الصورة الرمزية titi119
 

 

 
إحصائية العضو










افتراضي

اقتباس:
المشاركة الأصلية كتبت بواسطة سعيدة8888 مشاهدة المشاركة
بنات ارجوكم دخلت عاجلة
بماانو كاين نسبة كبيرة من البنات
حبيت نسقسيكم انا عندي مشكل شفاهي ديما ناشفين و مشقين ياريت تساعدوني يكاش وصفة مجربة
وشفت المشكل عند بنتي مرضت بالحمى نشفو شفاها وتشقو وحتى ريحت من الحممى بقاو ناشفين مع العلم انو بنتي عمرها سنوات
ربي يجازيكم
تصبحو بخير
انا في الشتاء نستعمل هذ الفزلين الخاص بالشفايف سعر ديالو 80 دج كل 3 سوايع ديريه

وفي الصيف نستعمل هذا









قديم 2015-03-16, 21:22   رقم المشاركة : 3
معلومات العضو
ام اكرم31
عضو مجتهـد
 
إحصائية العضو










افتراضي

شكرا اختي االغالية حبيبة على الرد الجميل عجبتني الفكرة بزاف وراح نطبقها من غدو ان شاء الله راح نكون فالموعد مع الفراشات ونتفكركم وندير بيكم القلب وانوض نصلي قلولي برك تعاودو تولو ترقدو ول لا لاني انا غير نصلي نولي لبااصتي جاوبيني اختي هكا باش نكون كيما انتي انا عادتا نوض على 7:00 وليدي يقرى تحضيري










قديم 2015-03-16, 21:52   رقم المشاركة : 4
معلومات العضو
حسناء القمر
عضو مجتهـد
 
الصورة الرمزية حسناء القمر
 

 

 
إحصائية العضو










افتراضي

مساء الخير يااحلى فراشات










قديم 2015-04-01, 18:48   رقم المشاركة : 5
معلومات العضو
thilelli ben
عضو جديد
 
إحصائية العضو










افتراضي

شكرا لكم على هذه الدورة فائدتها كبيرة واجركم فيها كبير ان شا الله

ساحاول المشاركة قدر المستطاع










قديم 2015-04-01, 20:26   رقم المشاركة : 6
معلومات العضو
حبيييبة
عضو مميّز
 
الصورة الرمزية حبيييبة
 

 

 
إحصائية العضو










افتراضي


فراشتي الجميلة ماريا ملك
ماشاء الله عليك راكي مجتهدة
رااائع واصلي حبيبتي
تقسيمك رااائع اعجبني
المهم انك راكي لاقية روحك بيه
و راكي مرتاحة بيه حبيبتي
ربي يوفقك و يعينك ياا رب




فراشتي الأنيقة فرحة العمر
شكرا لك حبيبتي على مشاركتنا روتيناتك
اليومية في البيت و العناية الشخصية
ربي يجعلها في ميزان حسناتك ياا رب
لاباس عليك يا قلبي
دموعك غاليين عليا حبيبتي
راكي انت بنت اصل و فحلة و قدرك كبير
تأكدي ان كلشي راهو في ميزان حسناتك
و سيجزيك ربي على صبرك بغير حساب
ابشري ولا تقنطي من رحمة الله
ربي كريم جواد سبحانه الوهاب
وسعت رحمته كل شيء
ابشري بنصره و حمايته لك و لاسرتك من كل شر و من كل أذى
ابشري بالفرج القريب باذن الله




حبيبتي فراشتي الجميلة أم ريتاج
عظم الله اجركم
ربي يرحمه و اسكنه فسيح جناته
اللهم آآمييييييييييييين
ربي يعينك يا قلبي و يوفقك
و يقدرك على اعمالك و يباركلك فيها و في وقتك ياا رب




اهلا حبيبتي rossa20
وفيك بركة حبيبتي
شكرا لك




فراشتي الرشيقة أم فاطيمة
الله يسلمك و يسلمهم هادوك الكتكوتات الجميلات
و يحميهلك و يفرحك بيهم ان شاء الله
الله يوفقك و يعينك




فراشتي المجتهدة سماسم
لاباس عليك يا قلبي
غير بالشويا على روحك
و بالعقل و قومي باشغالك حبة حبة
ما تكثريش على روحك
ربي يعينك و يقدرك ياا رب




اهلا حبيبتي thilelli ben
اهلا و الف مرحبا بيك معانا بين الفراشات في بستاننا الغالي
خذي التطبيقات عندك حبيتي و قومي بيها
و ابقاي تدخلي مرة على مرة تعطينا تقريراتك
هكذا باه نبقوا نتبعوا معاك
و اذا عندك اي استفسار او اشكال نحن هنا في خدمتك









قديم 2015-03-16, 23:47   رقم المشاركة : 7
معلومات العضو
samira1980
عضو مشارك
 
الصورة الرمزية samira1980
 

 

 
إحصائية العضو










افتراضي

ام هزار اريد ان اقول لكي و انت تتكلمي و توصفي في بنتك نحسبك تتكلمي على بنتي
بنتك نفس طبائع بنتي و راني تعبانة معاها ياس بصح راني مع نصائح الاخوات و تجربتهن شوية بدات تتبدل للاحسن
مثلا اليوم راها رقدت الان من قبل كانت تفوت منتصف اليل
الحمد لله قدرت نبدللها ياسر حوايج
لا تخافي راها رايحة تتبدل ان شاء الله










قديم 2015-03-17, 06:07   رقم المشاركة : 8
معلومات العضو
فراشات العمر
عضو مميّز
 
إحصائية العضو










افتراضي

السلام عليكم
صباح الخير عليكم يافراشات
صباح الربح وعمل الخيرات
صباح النور والبهجة والبسمات
صباح الانوثة والرقة والخضروات ههههههههههه مالقيتش كلمة مع الصباح










قديم 2015-03-17, 06:29   رقم المشاركة : 9
معلومات العضو
حبيييبة
عضو مميّز
 
الصورة الرمزية حبيييبة
 

 

 
إحصائية العضو










افتراضي

ما اجمل هذا الصباح
الذي اجتمعت و إأتلفت فيه الارواح
على محبة الله و طاعته












قديم 2015-03-17, 06:31   رقم المشاركة : 10
معلومات العضو
حبيييبة
عضو مميّز
 
الصورة الرمزية حبيييبة
 

 

 
إحصائية العضو










افتراضي

صباح الخييييييييييير غاليتي فراشات العمر
يا عيني يا عيني على التصبيحة الجميلة حبيبتي
يا عييييييييييييييني على القاااافية
هههههههههههه









قديم 2015-03-17, 06:31   رقم المشاركة : 11
معلومات العضو
فراشات العمر
عضو مميّز
 
إحصائية العضو










افتراضي

السلام عليكم
اختي حبيبة ماقدرتش نكتب التطبيقات اسمحيلي برك ماتنقسيليش النقاط ياك رانا قع خاوة كيما يقولوها نا الغرب
واه واه
المهم تطبيق نهار الاحد
كي العادة الصلاة واذكار الصلاة ماقدرتش نزيد
مكياج حفيف للوجه ندهنو بالفزلين ثم كريم اساس وكحل للعنين الكحل العربي وروج بعد فازلين كيما لي دارتو الاخت من قبلي لي راه في الصورة مع تراسور بعد مانكون نطفتو بحليب اظفال تاع ابني مانعرفش حاجة اخرى
الجانب التنظيفي خرجت كامل القش تاع الافرشة فوق السطح لكن قبل ذالك عمل بخاخ فونتولين وسمبيكرورت باه ما تحكمنيش الخيقة
تقول تسلقت جبل عييت
جبت باسين وعمرتها ازيس وجافيل وحكم الجدران حكيتهم وشليتهم
طرحت السجادتين واحدة تاع بلاستيك واخرى طابي راغيتهم وروليتهم وخليتهم برتابو وخرجتهم للحوش كان يخلع شتاء كامل نانخرجوش ليه المهم بعدت الخزانة ريسكيت بالجرح سيزاريان ونفضت من وراها ومسحتها مليح
رحت لخزانة التلفاز كذلك دوشتها المدفاءة بعد ماطفيتها وبردت دوشتها هي ثاني ومسحت القصب لي يخرجو الغاز المحروق وسيقتها الشمبرة مليح مليح ورجعت نسيت التاقة تاع المنيوم ثاني مسحتاه نولات تبرق ومسحت واش طاح في الارض وخرجت بلا ما ننسى وضعي لخماري خفت خاوة راجلي يشوفوني يحرقني ربي
قريب12:30 وجدت الغدا كان عندي في الثلاجة من بعد عيطلي راجلي قالي راني جاي وجديلي لغدى بعد ما قلتلو اتغدى في الخدمة
وليت درتلو الكسكاس تاع البارح
وخرجت كملت سيقت الحوش باه نشلل فيه الزرابة وخليتهم يقطرو ودخلت للهول كذلك سيقتو بهدت البيفي نتاع الميكرو ومسحت غبارو وغسلت تاع الصبابط ومسحتها ومسحت الصبابط وعاود نظمتهم
وسيقت الهول ثاني مليح مليح ومدوشت الفورنو تاع الهول كي خلست تكسلت شوية اذن العصر بعد ماصليت طلعت دخلت القش تاع الفراش وعدلتو في بلاستو وخرجت الغسيل ينشف لفوق
درت السباق مع الغسالة بلا ماننسى ابني رائد كل دقيقة ينوض
وفي لعشى درت طاجين البسباس بالكسر خبزتها والماعن عييييييييييييييييييييييييت ماقدرتش خليتها لغدوة










قديم 2015-03-17, 06:34   رقم المشاركة : 12
معلومات العضو
فراشات العمر
عضو مميّز
 
إحصائية العضو










افتراضي

نسيت ماقلتلكش قبل ماندير المناج حكمت زيت الزتزن وعمرت شعري ودرت الساشي ومن فوقو البوني تاع ابني كي خلصت لغدى غسلتو
اخخخخخخخخخخخخخاه نسيت لفطور وراجلي ذركك يدخل ايا بالسلامة










قديم 2015-03-17, 07:11   رقم المشاركة : 13
معلومات العضو
ام اكرم31
عضو مجتهـد
 
إحصائية العضو










افتراضي

صباح الخير يا وجوه الخير الحمد الله ربي وفقني ونضت صليت الفجر وقبل ما يصوني المنبه لاني مكونتش عارفة الوقت بالضبط غير فتحت عيني صبت الادان يادن حمدت ربي وتفكت بلي الفرشات تاني ناضو يصلو نضت صليت ودك راني نوجد في وليدي باش يروح يقرى ممبعد نزيد نكمللكم واش درت في يومي نتمنى لكم يوم جمميييل










قديم 2015-03-17, 08:02   رقم المشاركة : 14
معلومات العضو
omselma
عضو مجتهـد
 
الصورة الرمزية omselma
 

 

 
إحصائية العضو










افتراضي

صباح الخير صباح الورد والفل والياسمين على الاخوات اناسامحوني ليوم مسمعتش الاذان نضت على 6:30 مانيش شابعةنوم المهم المشكل تاعي واللي راني حابة نبدلو هو كي نوض بعد مانغسل وجهي ونمشط شعري نروح طول نوجد لفطور لزوجي ولات في طبيعة مكانتش عندي نولي نرقد بصح مبعدا كي نوضلها منحبسش عليها( الخدمة تاع الدار)هل راني هكدا نورمال ولا نبدل هاد العادة اللي عندها وجهة نظر تقولي عليها










قديم 2015-03-17, 08:15   رقم المشاركة : 15
معلومات العضو
فراشات العمر
عضو مميّز
 
إحصائية العضو










افتراضي

خرجتهم من الدااااااااااااااااااااار














حبيت كمل شغلي واش درت البارح
عادي مكياج خفيف وضرك مازالمادرتوش حكمت المطبخ نفطتو مليح مليح بعد مالميت لماعن بجيه رحت مسحت ايتاجاراتو شارية زوج واحدة ااماكولات والاخرى واحد لتخبية الرفيطايمة والاخر ربوات ولمول و..............
حكمت الغسالة ودوشتها ونشفتها وبدلت بلاصتها هي ولتاجار غسلت السلة تاع القش وقلبت القش مسحت الفريجيدار راح منتصر ندبلها بالدا لحمر المهم بعدها نصبت وغسلت لماعن ورحت درت تابي يترنخ في الما مع تاع المطبخ وخليتهم وزيد رحت للتوالات درتلها نطاف وخليتها
وليت للماعن وكملتهم سيقت الارضية ولميت الما بالمكنسة والجاروف في دلو صغير وعاودت مسحتها بالجافيل والما مسحت الكوشة الفور ورتبت فوق البوتاجي ووورتبت من فوق البوتاجيحكمت بدون الزبل كبت فيه الم ان شاء الله اليوم نغسلو
تغدينا ومديت لمعتصم باه يشريلي المارغرين ملي خرج ما ولى قلقت عليه بزاف وليت عيطت عيطت حتى جا وقالي راحولي صوارد قريب نبكي هههههههكي قلتلو روح حوس عليهم ماحبش زد كرزت وحلفت فيه وزيد النت ماكاش رايحة نبكي غرغرو عينيا ههههههههههه كي نطرت للمودام بانولي اكل شاعلين كي خزرت مليح لقيت زوج برك هههههههوليت نضحك
المهم حبيت ندير القاطو خفيف ويذوب فب ي الفم وزيد قالت يطيح 155 حبة عجبني هههههههههههه شريرة
وزدت بعد مصليت العصر نصبت القدرة خبيت الكوكوط درت مرقة خضرة وسلاطة
درت تحلية بالليمون جديدة عليا ونجحت لان زوجي عجباتو وقالي يعطيك الصحة
وليت خدمت القاطو بعد ما خبزت زوج كسرة منتصر كيجاتو المرقة سخونة حطهافي التاقة ويقلب الطبسي ستر ربي ماتكسرش المهم قتلو احكمل خوك وانا نديرلكم القاطو وزيد رائد هذ الايامات عاقل وهذ السمانة دار رايو فيا على ما كبر نشء الله ونحكيلو هههههههههه
ماخلصتش حتى 12ونص نتاع الليل والصلاة على الحداش ونص باه صليت العشاء كي جيت نرقد ناظ بصح ثمثم ولا رقد بصح ضهري والله ماقدرت ننسجد الم في الم بين كتافي وكتفي ضربني لهوىفيه
حبوبة اقراي واش درت حتى تعياي
الكيمونو نتاع الجيدو لحتو في الغسالة مع الجافيلزمن بعد رجعتها بيبي كوتون درجة الحرارة 95 كي قريب تخلص كبيت الخل الابيض وخليتها ومن بعد شللتها مليح خرجت ناصعة الحمد لله










موضوع مغلق

الكلمات الدلالية (Tags)
النظافة, بالألوان, بيوتهن, تسهو, دورة, فراشات


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 20:24

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc