الجزء 122 مرحبابيكم عندي نتمنالكم اقامة طيبة - الصفحة 61

*وردة الشرق* · 2015-03-18, 23:18

شكرا ام ملك امممم وزيد مزينة الله يبارك
اسمهان انا تاني تشهيتو حكاية متل ام اسلام واحد مايكلو في الدار عليها ما نديروش لكن انا ةنموت عليه بصحتكم

أم ملك · 2015-03-18, 23:25

دائمة الحمد و توتة و أم تاج و كل الغائبات وين راكم خليتو الكوزينة فارغة حقا إشتقنا ليكم ما تحرموناش من طلاتكم الميزة
و الله رانا نشتاقو ليكم أكثر من إشتياقنا للأهل ربي يسمعنا عليكم أخبار سارة
حقا زينب الشجرة لي تدير هديك الفاكية هي لي يسموها الغرافيولا إدا ما رانيش غالطة
تصبحن على خير و ربي يحفظنا و يحفظكم جميعا
أستغفر الله الذي لا إله إلا هو الحي القيوم و أتوب إليه

*وردة الشرق* · 2015-03-18, 23:30

هده وصفة غراتان الرز لعيون ام رشدي
اختي ام رشدي انا نحظرو بالخضار وادا حبيتي تستغناي عليه ايضا ممكن
حضري مرق ابيض بالدجاج ونحط فيه جزرة مبشورة وملفوف ابيض فقط القليل مقدار كاس مقطع رقيق
حضري ايضا صلصة بيشامال عادية اخر
من جهة اسلقي الارز طياب غير ربع كما نقولو حنا يبقى عزيز وقطريه مليح .خليه حتى ينشف من الماء بعد ما يقطر حطي في مقلة ملعقتين كبار زبدة كمية الزبدة ترجع لكمية الرز لما تدوب حطي الارز تاعك فيها وهي فوق النار رابح يتشرب الزبدة فقط لدقيقتين وانزعيه
الان ادهني المول بالزبدة حطي نصف كمية الارز حطي فوقو صلصة البيشمال وفقها صبي شوية مرق جيبي الخضار تاعك زيدي حطيهم من فوق تفتفي قطع الدجاج فوقهم زيدي حطي كمية الارز من فوقهم حطيلو متل الاولى بيشمال وفوقها مرق واحهني وجهو بصفار بيضة ودخليه للفور المدة ممكن 30 دقيقة يجي امممم والله مايتشبع والملفوف والجزر يزيدو فيه بنة

om hind · 2015-03-18, 23:31

السلام عليكم و رحمة الله

جيت نسهر معاكم ما نعرف تقبلوني او لا

أم ملك · 2015-03-18, 23:37

اقتباس:

المشاركة الأصلية كتبت بواسطة om hind

السلام عليكم و رحمة الله

جيت نسهر معاكم ما نعرف تقبلوني او لا

مرحبا أم هند تفضلي الدار دارك
رانا قاع موالين الدار بويسك مولات الكوزينة راهي غايبة عزت علينا الكوزينة نخليوها فارغة

om hind · 2015-03-18, 23:40

اقتباس:

المشاركة الأصلية كتبت بواسطة أم ملك

مرحبا أم هند تفضلي الدار دارك
رانا قاع موالين الدار بويسك مولات الكوزينة راهي غايبة عزت علينا الكوزينة نخليوها فارغة

هههههههههههههههههههه

وقيلا مسكييييييييييينة كرهت من الكوزينة

أم ملك · 2015-03-18, 23:45

اقتباس:

المشاركة الأصلية كتبت بواسطة om hind

هههههههههههههههههههه

وقيلا مسكييييييييييينة كرهت من الكوزينة

الصراحة نملي كل شيء إلا هدي اللمة و هاد المساعدات و هاد الشيفات و الله ما يتشبعو دوك تشوفي كيفاه تولي كيما حنا مدمنين على محبتنا في الله و لله

oum islem · 2015-03-18, 23:43

زينب83 الفرق ايضا في السعر العرب ب3الاف للحبة وفي الذوق خفيف واللون اصفر هادئ يهبل زينب66 والله من كوزينتك خليتي فيا انطباع جيد ربي يعينا على الاولاد والفوضى القادمة

زينب 83 · 2015-03-18, 23:31

ههههههه و الله الكالوري نفسهم سواء البيض كان عضوي او لا ، لكن اكيييد الفائدة تفرق ، بصحتك حنونة

*وردة الشرق* · 2015-03-18, 23:37

ام اسلام حبيتي دائما تتفكريني نهار جي عندنا نسناك في الدخلة باش تجيبيلي معاك الخير الله يبارك اللي طيبيه
ولولاد راهم بخ بخ وانا راني كونكتي غير بالموبايل
درك غدوة تبدا العطلة وينطلقو بالجنون تاعهم ياربي عادت الديرلي الرعشة لما نتفكر بلي غدوة يسرحو

*وردة الشرق* · 2015-03-18, 23:38

ام هند تفضلي يا الف مرحبا التاي تاع ام اسلام طير النوم من عينيا دارتها بينا باش نبقاوساهرين ههههه

om hind · 2015-03-18, 23:46

اقتباس:

المشاركة الأصلية كتبت بواسطة زينب66

ام هند تفضلي يا الف مرحبا التاي تاع ام اسلام طير النوم من عينيا دارتها بينا باش نبقاوساهرين ههههه

و الله فكرتيني فيه سخفت عليه

oum islem · 2015-03-18, 23:50

سبحان الله وبحمده عدد خلقه ورضا نفسه وزنة عرشه ومداد كلماته
اللهم بك امسينا وبك اصبحناواليك المصير
تصبحون على خير وعل اخبار الخير

oum islem · 2015-03-18, 23:57

زينب83 تجار اخر زمن توقعي منهم يغيبوها للشيطان
زينب66حتى انا والله عمري ما شريت حاجة من كي تزوجت بالصح البيض على بالي لان الاقارب يبعثوه من القرية

*وردة الشرق* · 2015-03-18, 23:43

مازال بزاف قدامنا باش نخلصو نريد القليل من النشاط شدو الهمة