دورة فراشات تزهو بالألوان بيوتهن قمة في النظافة و التنظيم و التدبير و الاتقان

[chez biba]

المشاركة الأصلية كتبت بواسطة هنو ام ياسر

السلام عليكم حبيباتي كل واحدة باسمها
بارك الله فيك اختي حبيبة على الكلام الجميل بخصوص صلاة الفجر نسال الله الهداية ثم الثبات جعله الله لك في ميزان حسناتك.
اختي biba ممكن تعطيني رابط البطاطا المقلية في الفرن للاخت زينب83 كما اود ان اشكرك على كل ما تقدميه في هته الدورة .

العفو اختي هذا هو الرابط رقم المشاركة 1537

https://www.djelfa.info/vb/showthread...62108&page=103

بصحتكم مسبقا

الأخت تيتي الحمد لله على سلامة ماماك وربي يشفيها

[titi119]

مساء الخير فراشات نشاء الله تكونو كامل بخير
ليوم صباح حضرت لماما لفطور ورحنا للمستشفى الحمد الله راهي خرجت وراهي مليحة براك الله فيكم لدعيتولها
وليت درت تنظيف اليومي برك وخملت
النقطة الخامسة في تطبيق اليوم ساعدتني وليت نريقلي المنبه ونحطو بعيد راني نقدر نوض لصلاة الفجر لان غير تخرجي ملفراش باش طفيه خلاص جيك الفطنة كنت كي نحطو قدامي نطفيه ونعود نرقد

[ام هزار]

سلام الله عليكن يا فراشات المنتدى و متعكن لله بالصحة و العافية 000 اختي الكريمة chez biba اشكرك شكرا جزيلا على ردك المطمئن و جزاك الله كل خير. فقط ااريد ان افصل في جزئية تخص ابنتي وهي العصبية الزائدة ’هذه العصبية تكونت معها مذ كانت جنينا في رحمي لان وحمي بها تزامن مع وفاة اقرب و اعز الناس على قلبي , انه والدي رحمه الله و جميع موتى المسلمين 00ساعتها صدمت و لم اقو على البكاء بل كنت في عللم غريب اخر و بعد مرور فترة من الزمن افقت من الصدمة و كانت ردة فعلي عنيفة و شديدة دون ان اغضب الله تعالى و من ابسط مظاهر هذه الردة ان بطني صار يعلو و ينزل الى درجة خلت معها ان احشائي سوف تبرز للخارج و في هكذا ظروف استمر حملي الى ان وضعت حبيبتي التي انعكس عليها ما مر علي منذ ولادتها الى الان .كانت كثيرة البكاء ليس فقط بسبب الغازات اكرمك الله بل لاي صوت تسمعه الا صوتي فكنت دائمة الاحتضان لها مع قراءة القران و الذكر طبعا و احيانا يفوتني هذا الامر من الاضطراب الشديد الذي يحدث لي. الكل كان يستغرب من عصبيتها الزائدة حتى طبيبة الاطفال صارحتني بعد مدة من ترددي عليها بانه لم تمر عليها حالة كحالة ابنتي لانها على حسب قولها تتعرف عليها قبل دخولنا اليها للمعاينة من اي طارئ صحي من خلال صراخها العالي و هذا مند كانت رضيعة الى اليوم لانها ترفض المعاينة
.والدها حفظه الله زاد الطين بلة فهو من شجعها على العناد بتلبية رغباتها في الحين و رغم توسلي الا انه دائما يقول انها ما زالت صغيرة و سوف تتعدل حينما تكبر و هذا ضغط اخر لم اقدر عليه000 لاجل حبيبتي ضحيت بالمناسبات الاجتماعية و على راسها الاعراس غير نادمة على ذلك 00 توقفت عن الغمل مؤقتا لاستحالة ذلك..المهم انا في انتظار موضوعك الذي ذكرت و اسفة عن الاطالة و جزاك الله خيرات الدنيا و الاخرة اااامين0

[ارزاق]

مساء الخير علي الفراشات المحلقات اختي حبيبة عندي مشكل منقدرش نتحكم في نفسي وقت الغضب وحتي وكنت مظلومة منعرفش ندافع علي نفسي ومن بعد لما نهدا نقول من المفروض كنت نقول كذا وكذا لكن بعد فوات الاوان وتتعب نفسيتي ومنرقدش في الليل نتكلم مع روحي ونفسي تلومني لاه مقلتيش هكذا كان جبتي حقك ورتحتي ونبقا في دوامة وهذي العقلية تعبتني لانوكاين احداث مرة عليها سنوات لما نذكر ضعفي وغضبي نحس بالالم كانو مر عليها لحظات عاونيني اختي ريب يعطيك ماتتمناي لانو النفس لما تبقا تعذبك متشوفيش اتلراحة ابدا

[حبيييبة]

المشاركة الأصلية كتبت بواسطة ارزاق

مساء الخير علي الفراشات المحلقات اختي حبيبة عندي مشكل منقدرش نتحكم في نفسي وقت الغضب وحتي وكنت مظلومة منعرفش ندافع علي نفسي ومن بعد لما نهدا نقول من المفروض كنت نقول كذا وكذا لكن بعد فوات الاوان وتتعب نفسيتي ومنرقدش في الليل نتكلم مع روحي ونفسي تلومني لاه مقلتيش هكذا كان جبتي حقك ورتحتي ونبقا في دوامة وهذي العقلية تعبتني لانوكاين احداث مرة عليها سنوات لما نذكر ضعفي وغضبي نحس بالالم كانو مر عليها لحظات عاونيني اختي ريب يعطيك ماتتمناي لانو النفس لما تبقا تعذبك متشوفيش اتلراحة ابدا

اهلا بالغالية فراشتي المتميزة ارزاق
واش راكي حبيبتي
لا تقلقي يا قلبي العصبية راها عامل مشترك في اغلب النساء
خصوصا اذا زودناها بمنبهاتها مثل القهوة و الشاي و غيرها

نصيحتي حبيبتي
لما تحسي روحك عصبتي تذكري و هاذي خليها في بالك دااايما هاذ النصيحة
و راح تنفعك 100/100 و عن تجربة
تذكري ان تتنفسي بعمق
يعني ادخلي الاكسجين حتى لبطنك ماشي غير في رئتيك
و في نفس الوقت تقولي الحمد لله
كرريها عدة مرات حتى تلقاي حالتك المزاجية تغيرت 180 درجة و ستنذهلين


اما عن العجز عن الرد وقت حدوث بعض المواقف
انصحك بعمل هذا التمرين مرة على مرة
شوفي وقت تكوني فيه في هدوء تااام في البيت و في نفسك
و استرخي تماما
و اغلقي عينيك و تخيلي موقف ما
مثل ما يحدث معك من مواقف تعصبك و تغضبك
و تخيلي انك رديتي
و تخيلي الكلمات و العبارات اللي قلتيها للدفاع عن نفسك
و انك اخذت حقك عن جدارة كن بدون ان تظلمي احد
او تغضبي الله باي كلمة جارحة او مهينة لاي احد
فقط اتبعي مبدأ العين بالعين و السن بالسن
خلاص حبيبتي راني وصيتك

و كرري هذا التمرين كل يوم تقريبا قبل النوم يكون احسن

و رايح تلاحظي النتيجة حبيبتي باذن الله

[chez biba]

المشاركة الأصلية كتبت بواسطة ارزاق

مساء الخير علي الفراشات المحلقات اختي حبيبة عندي مشكل منقدرش نتحكم في نفسي وقت الغضب وحتي وكنت مظلومة منعرفش ندافع علي نفسي ومن بعد لما نهدا نقول من المفروض كنت نقول كذا وكذا لكن بعد فوات الاوان وتتعب نفسيتي ومنرقدش في الليل نتكلم مع روحي ونفسي تلومني لاه مقلتيش هكذا كان جبتي حقك ورتحتي ونبقا في دوامة وهذي العقلية تعبتني لانوكاين احداث مرة عليها سنوات لما نذكر ضعفي وغضبي نحس بالالم كانو مر عليها لحظات عاونيني اختي ريب يعطيك ماتتمناي لانو النفس لما تبقا تعذبك متشوفيش اتلراحة ابدا

اختي أرزاق ربي يرزقك الفردوس الاعلى ان شاء الله
ما علاباليش علاه راكي حاطاتو بلي مشكل بالعكس اختي هاذي نعمة من ربي وقليل اللي يقدرو يتمالكو نفسهم وقعت الغضب اقراي هاذي




ربي انعم عليك استغليها للاحسن واستحمدي وارتااااااااااحي؛ ابشري على قول حبيبة راني تعلمت السرقة هههههه

[حبيييبة]

العزيزة خفيفة الدم فراشات العمر
ايه صح الغرب يحكوا هاكا
و حتى انا نقول "واه واه" مرة على مرة خخخخ
كيما الوهارنة
يا حبيبتي راكي وفيتي و كفيتي الله يبارك عليك
ماشاء الله عليك ربي يسترك مالعين
يا قلبي يا قلبي
غير قريت عييت
راكي سوبروومن حبيبتي
انت راكي تحوسي على روحك ترقدي فالفراش و راكي تتسبي
يا قلبي اتهلااااي في روحك
شكون راه يجري موراك باه تخدمي كااااااامل هاد الخدمة في مرة وحدة
قسمي هاد الخدمة على يومين على الاقل
عملك رااائع بل ممتااااز
انت شاطرة و فحلة ما عندي ما نقول
لكن ارجوووووووووووووك
اتهلاي في روحك
و خففي العمل اليومي و العميق لما اديريه
حاولي تقسميه حتى يسهال عليك
ربي يحميك حبيبتي و يحفظك وييزنك بصحتك ياا رب
فراشة عمري يا حبوبتي والله غير عيييت مالقراية :d


الله الله على فراشاتي الغاليات المجتهدات المميزات نجاة و ام سلمى
الف حمد وش كر لله رب العالمين
حتى انا لما فطنت و تفكرتكم و اننا رايحين نصلوا معا بعض
نضت متحمسة و فرحاااااااااااانة و طيراااان على الحمام
و الصلاة وووو... ربي يخليكم ليا يااا رب
بالنسبة لتساؤلكم على العودة الى النوم بعد اداء صلاة الفجر صباحا
بالنسبة لي ليس لي اي مانع
لكن في ذلك الحرية الشخصية
و سلطة التقدير
اذا شفتوا ان نومكم فالليل اقل بكثييير من ساعات النوم المخصصة لك
سواء كان ذلك بسبب طفل ترعينه و ترضعيه او تسهري على الاهتمام به
او بسبب ارق او ايا كان
و حسيتي انك محتاجة تعوضي ساعات نومك الضاائعة
عوضيها حبيبتي فالصباح
و راعي ان لا تغرقي في النوم بل ابكري قليلا حتى تلحقك البركة التي اخبرنا بها
سيدنا محمد صلى الله عليه و سلم
كيما تاني ممكن تزيدي ترقدي بعد الظهر حبيباتي



فراشتي الجميلة الحلوة سعييدة
حاولي تكثري من شرب الماء
و ترطيب الشفاه
وراها حبيبة قلبنا تيتي عطاتك انواع من المرطبات الممتازة للشفاه
و ما تنسيش تقشيرهم كل يومين او ثلاث



اهلا بالغالية الراائعة الرزينة ارزاق
ربي يوفقك حبيبتي ولكل ما ترغبين فيه من تغيير الى الاحسن فالاحسن
بالنسبة للكتاب حبيبتي
انصحك بالدكتور صلاح الراشد
انصحك بكتابه: "كن مطمئنا"
كما انصحك بمتابعة برنامجه "سلام للتغيير الذاتي"
على اليوتوب
تضم تمارين الاسترخاء
و التأمل و افراغ العقل من كل المتاعب التي يواجهها يوميا
باختصااار انه كنز من كنوز العلم حبيبتي
ربي يفتح عليك اكثر و اكثر



الله الله الله على المشاركة القيمة للغالية المميزة الرااائعة جيادا
شكرا لك الف الف شكر
على مشاركاتك القيمة
و على ردودك و تشجيعاتك و متابعتك لحبيباتنا الفراشات
ما اروعك حبيبتي و ما اروع وجودك الفعاال
ربي يخليك لينا ياا رب و يحميك و يحفظك
و يباركلنا فيك ياا رب
راح نسجل وصفاتك عندي
و نحاول نطبقهم وحدة بوحدة
و رايح نقولك النتيجة غاليتي



حبيبتي فراشتي الجميلة ام وسيم
ان شاء الله مانعك خير ياا رب
لاباس عليك حبيبتي
كوني على رااحتك
المهم انك تكوني بخير
و تحتاجي اي شي تذكري
اننا هنا معاك تلقاينا في اي وقت



غاليتي ام هنو
توحشتك فراشتي المجتهدة
واش راكي
ايه صح عندك الحق حبيبتي
هذاك هو هدف الدورة
سلمت يداك حبيبتي و بوركتي



فراشتي النحلة عازفة الناي
الله الله عليك يا حبيبتي
حسيتك فراشة ترفرف في بيتكم
ربي يدوم عليك هاذ النعمة ياا رب
و يسترك مالعين
و يحفظك لاهلك و يفرحهم بيك ان شاء الله
فحلة و الف فحلة بالطبع حبيبتي و دي عايزة كلام!!!

بارك الله فيك على المعلومات القيمة
ان شاء الله رايحين يستفادوا منها الفراشات اللي راهم يعانوا من العصبية
و حابين يتغيروا و يتخلصوا منها
شكرا لك و ربي يجعلها في ميزان حسناتك ياا رب



فراشتي المجتهدة المثاابرة ام ريتاج
انصحك بالصبر و الاستمرار
هي معادلة النجاح
اصبري على تعبك لان عقلك و جسدك لازال غير معتاد على التغييرات الجديدة
الطارئة على حياتك هاذ اليومين
و استمري في أداءها مهما كان يا لوكان غير 1% و ماعليش
المهم لا تتنازلي ولا للرجوع الى الوراء
ربي يوفقك غاليتي و رانا كااامل هنا معاك
وواقفين جنبك و مدعمينك بكل ما اوتينا من قوة
و رايحين باذن الله نكونوا عند حسن ظنك بنا حبيبتي
العفو حبيبتي انا في خدمتك



هههههههههه اهلا اهلا بالفراشة النجييبة المجتهدة اوراسية
راائع ماشاء الله عليك
برنامجك راائع و منظم
و بااسن عليك فحلة يا قلبي
ما تنساي التطبيقات
حبيبتي اكثر و اكثر
حتى تعتادي عليهم
و ربي يوفقك و يعينك ان شاء الله

فيما يخص العصبية و القلق و التوتر
نظن رايح ندير فقرة خااصة عن هذا النقطة
ان شاء الله
لاني لاحظت ان اغلبيتنا نعاني منها



حبيبتي بيبوشة فراشتي المبدعة
واش راكي حبيبتي ان شاء الله بخير
اشتقنا لك يا الغالية

[حبيييبة]

المشاركة الأصلية كتبت بواسطة nina mima

السلام عليكم شكر حبيبة على الرد ساجيب عن الاسئلة بالترتيب اكره نفسي لفشلها في العلاقات الاجتماعية لصعفها لخوفها لحساسيتها الزائدة لصوتها المرتفع لنفزتها وعصبيتها لكسلها لترددها وانطوائها اشعر انها تخطا لكن لا ما هو الخطا ولست راضية على افعالى نعم ممن حولها لايحبونها ولااشعر باحترامهم دائما اتنازل من اجل الاخرين اشعر انني بعيدة عن ربي مما يزيد من اكتئابي الصورة الاولى نساء بحثات عن الحرية والخلاص للانطلاق الثانية قلوب تعيش بسلام وحيوية

حبيبة قلبي فراشتي المتميزة مينا
ماشاء الله عليك
اجاباتك محددة وواضحة
هذا دليل على ذكائك حبيبتي
ربي يسترك مالعين
سارد على اجاباتك حبيبتي
غدا باذن الله
انتظريني
و ابشري

المشاركة الأصلية كتبت بواسطة ام الخير 05

مساء الخير على الفراشات ما شاء الله عليكم كل وحدة منكن متميزة مساء الخير حبيبتي حبيبة في البداية بعد ما رجعت من دانا ان والاولاد ليقت شوية صعوبة باه نرجع للروتين السابق لكن اليوم الحمد لله كل شيئ تمام كملت شغلي بكري على 10ونص خرجت لولاد رحنا جبنا اختهم من المدرسة ودرنا تحويسة خفيفة في ما يخص العناية بالجمال روتيني اليومي دوش خفيف يوميا الا اذا كنت مريضة او ضرف طارءوممكن نعضو بعد ما نكمل اعمالي ما نستعملش الصابون نستعمل مقشر الطبيعي قهوة+عسل+عصيؤليمون+زيت زيتون ويصلح لكامل الجسم وبعدها اقنعة بمواد طبيعية متنوعة لكن ماشي يومي ونمسح وجهي بمكعبات ماء ورد مقلصة الصراحة راني حابة نشري منتجات اصطناعية خاصة بتاخير التجاعيد وتكون سعرها معقول اذا تقدرو تنصحوني بالمناسبة لما وصلت لسن الثلاثين توقفت على استعمال الفوندتان الا في المناسبات نحس انها تاثر على البشرة والله اعلم
الغالية حبيبة حابة نطلب منك مساعدة انت والاخوات متعلقة بابني هو حساس جدا وانا للاسف ورثت العصبية وكنت نعيط عليه بزاف الان نقصت كثير من العصبية لكن احيانا تنتابني موجة عصبية عارمة خاصة قبل الدورة نحس انو الدم يغلي في راسي وقريب يخرج من وذنيا المهم وليدي رجع خواف خواف خواف وانا السبب وعرفت هذا الشيئ من سبب انو ما يحب غير الديناصورات الاسود الفهود وكل ماهو مفترس راني شاكة باه يحرشهم عليا للاشارة هو شديد الذكاء وانا عندي قابلية اني ننسلخ من هذه الصفة لاني لما نضربومانرقدش اليل الامعاه طبعا بعد ما يرقد باه ما يفيقش بيا وزيد نقلكم حاجة انا دايما حقي ضايع ملي كنت صغيرة وولادي ما شيين في طريقي وانا خايفة عليهم ياريت تساعدوني سلام للجميع

غاليتي راشتي الجميلة الراائعة ام الخير ربي يرزقك بالخير ياا رب
ابشري حبيبتي
غدا باذن الله سارد على مشاركتك
انتظريني

[سعيدة8888]

مساء النور بنات توحشتكمممممممممممممممممممممم
كانت النت مقطوعة وانا و الاولاد وصلنا غلبة وريحنا الحمد لله الحمة و السعال دايرين فينا حالة
حبيت نسلم عليكم ونقلكم يعطيكم الصحة قريت غير زوج صفحات الاخيرة اعطوني المختصرات
كاش جديد
عشانا كسكسي بالفول و اللبن

[ام اكرم31]

السلام عليكم اخواتي الحمد الله لي كتبلي نشوف هاد البرنامج الرائع لي وضعاتو اختي حبيبة انا كنت متبعى كل اعمالك لي قمتي بيها فالمنتدى في السابق وكنت نقول يا الله شحال ساجية وقافزة ومنت حابة نتاصل بيك باش نتعلم منك ولكن مصبتش كيفاش ودك الحمد الله اختي قبليني معاكم باش نصبح فراشة نشيطة كيما انتي انا عندي مشكل الكسل والخمول ولست محافضة على الصلوات شفت البرنامج الدي وضعتيه انا لما نوض للفجر نصلي ونعاود نرقد ولادي صغار وزوجي ميخدمش بكري عندو يومين فالاسبوع يخرج من الدار على 06:30 ويومين يخدم فالليل ويقعد الايام الاخرى اي 4ايام اعطيني نصيحتك اختي من فضلك وشكرا

[YASMINE SILA]

السلااااااااام عليكم كامل الفراشات و حتى الصغيورات كيما بنت الغالية chez biba يا مرحبا بالكل

- حبوبتنا حبيبة عندر اقتراح صغيييييييير فيما يخص ردك عن المراة العاملة و البرنامج الي وضعتيه فالحقيقة هو رد قيم جدا و انا كفراشة مبتدئة بينلي نقاط لم انتبه لها مثل اني نغسل حوض الحمام و الحنفية بعد الوضوء فطلبي حبيبتي انك تعملي نسخ لصق و ديريه في موضوع مستقل لتعم الفائدة و لا يضيع الرد في وسط صفحات الدورة نتمنى تكوني فهمتيني -علابالي تعبناك اسمحيلنا لكن هدفنا اصلاخ كل ربة بيت و تنظيم حياتها
-فقرة اياك نعبد و اياك نستعين جات في وقتها يا اختي لانو مر عليا يومين لم استيقظ للصلاة و شعرت باحباط كبيييييييير و الله تعبت و دعيت ربي يكون في عوني و موضوعك جاااء كالبلسم و محفز جدا ربي يبارك فيك
-الاخا حراير توحشناها بزااااااااااف ان شاء الله تكون بخير ياااارب

[أم ريتاج زهرة]

و الله عجبتني الفكرة و راني باغية نغيير من نفسي إلى الأحسن إنشاء الله و نشكرك بزاف الأخت حبيبة ربي يخليلك صحيك و يعطيك ما تتمني

[حبيييبة]

المشاركة الأصلية كتبت بواسطة مواطن زنقاوي

موضوع قيم ومشاركة طيبة شكرا لك

بارك الله فيك
شكرا لك




الله الله على فراشتي القوية ام طيري الجنة
ماشاء الله عليك
متأكدة انك لن تخذليني
و انك عند وعدك لي
انا في خدمتك حبيبتي
ما اديري والوا في بالك
من عيوني و تعبك راااحة




يا فراشتي المبدعة بيبوشة
واش راكي حبيبتي
صار زوجك ارجع و تلفتينا هههههه
الحمد لله على رجوعه بالسلامة و بخير
ربي يباركلك فيه ان شاء الله
و يحميكم لبعضاكم

هههههه ربي يخليهالك ياا رب هاديك البنييتة
و يحفظها من العين حبيبتي
بوسيهاليييي بوسة كبييييييرة

الف حمد و شكر لله هاذا كلوا بفضل توفيق الله
و النية الطيبة الصادقة لكل فراشة دخلت تبحث عن التغيير للاحسن
من اجل نفسها و من اجل من تحب من اولادها و زوجها او والديها و اخوتها
ربي يباركلي فيكم كلكم ياا رب



اهلا بيك حبيبتي ترانيم مطر
واش راكي حبيبتي
كلامك كلوا راائع عندك الحق حبيبتي
افراد اسرتنا عموما لما نعلموهم يساعدونا راح نرتاحوا اكثر
ربي يخليلك بناتك و يحميهملك ياا رب

دورتنا راه فيها الفراشات من كل الاعمالر تبارك الله
فيه العروسة و فيه اللي اولادها راهم فالباكالوريا
ماشاء الله عليهم ناشطين و اقوياء و حابيين التغيير
مرحبا بيك معانا حبيبتي في اي وقت و كل وقت
انت في قلوبنا قبل بستاننا

ربي يباركلنا فيك حبيبتي
بالنسبة لتطبيق 15د ممكن تستعملي المنبه
في الموبايل او الساعة
و لما يدق جرسه
توقفي و خلي كلشي حتى للغد
جربيها و رايح تدعيلنا باذن الله



يا غاليتي فراشات العمر وين غبرتي
غير دخلتي قلقتينا بشنوفتك مع زوجك و تودرتي علينا
ماشاء الله راني نشوف الشنوفة راحت
و الامور راهي على ما يرام
ماشاء الله لا قوة الا بالله
غير بالشويا على روحك
اخدمي غير اللي تقدري عليه
ماراكيش انسان آلي
اتهلاااااااااي في روحك حبيبتي

شكرا على النصائح القيمة و التمارين الرياضية
ندعي ربي برك يعطينا القدرة و الهمة باه نمارسوها
يوميا بدون انقطاع
ربي يباركلنا فيك حبيبتي


حبيبتي ام هزار
الف مرحبا بيك معانا حبيبتي
الله الله على بنيتك حبيت ناكلها ربي يحميهالك ان شاء الله
ما تتقلقيش حبيبتي راهوا هذا هو الطفل في هدا العمر
هاكذا كثيري الحركة
انت حاولي تكوني صارمة معاها
اكثر مما انت عليه الآن
و تذكري انك انت الام ماشي هي
انت تحطي القوانين و هي عليها التطبيق بدون نقاش
و ما تعطيهاش الحلويات و السكريات ابتداءا من الظهيرة
حتى لا تزوديها بالطاقة اللي تخليها كي النحلة في منتصف الليل ههههه
ربي يحميها ياا رب
و فرة الجو الهادئ رااائعة
زيدي معاه دوش دافئ و قصة قبل النوم
و حطيها في فراشها و ابقاي ممعاها حتى اللي ترقد بدون اي كلام
حتى و ان كلماتك لا تردي عليها
اذا حبت توقف رجعيها بكل لطف و حب
و لا تتكلمي معها
و لما ترقد اخرجي و خلي الباب مفتوحة باه يدخلها شويا ضو و ما تخافش
و راهي حبيبتنا بيبا اعطاتك بعض النصائح القيمة عن تجربتها
ربي يباركلنا فيها
و ان شاء الله الفراشات يزيدوا يفيدوك في هذا الامر اكثر




يا صباح و مساء الفرح و السعادة
على فراشتنا المتميزة النجيبة امينة
ماشااااء الله عليك يا لحبيبة
راكي هااااايلة
ربي يدوم عليك نهاد النعمة حبيبتي
و انتظر قراءة تطبيقك بشوق



يا غاليتي فراشتي الزاهية دعاء
ماشاء الله ليك راكي فراشة عن حق
ربي يحميك
و حابة نقولك
ان العيش الهني لا يتعلق بكمال النفس او الجسد او الاشياء
و انما يتعلق بان نكون سعداء
حاولي ان تتخلي قليلا عن المثالية
لانها غير موجودة
و تمسكي بالاستمتاع بالاشياء م حولك مهما كانت
و تهلاااااي في روحك اكثر و اكثر حبيبتي
ربي يعينك مع الماسو
ههههه المرا الفحلة وين ما تكون تلقا حاجة فيها الفايدة تتلاها بيها
ماشاء الله عليك ربي يحميك حبيبتي


اهلا بيك حبيبتي او هنود
اهلا و الف مرحبا بيك في بستان الفراشات
اتفضلي برجلك اليمنى و ابداق تطبيق التطبيقات معانا حبيبتي
و لاباس عليك ربي يزينك يصحتك و عافيتك يااا رب



يا فراشتي الرقيقة ام ملك
لاباس عليك الف لاباس
ربي يشفيك ان شاء الله و يعافيك
يا قلبي غير بالشويا على روحك
ديري غييير الحاجة اللي تقدري عليها برك
و لما تحسي روحك مرتاحة ارجعي اخدمي حبيبتي
ربي عينيك حبيبتي و يوفقك


الله الله على فراشتي الرقيقة ام هديل
ماشاء الله عليك
على الثبات على التطبيقات
ماشاء الله عليكم فراشاتي ثابتين عليهم في كل الظروف و في كل الاحوال
راكم مفرحيني
ربي يحميكم و يحفظكم و يوفقكم لكل ما تبتغونه م نعم الدنيا و الآخرة




اهلا اهلا بالغالية المتميزة ام صابرين
راائع مشاركتك قيمة جدا
لانها ممكن تفيد بقوة فراشاتنا الجديدات اللي راهم تالفين
في تطبيق الروتينات و صنع القوائم للطعام الاسبوعية
شاركتينا تجربتك حبيبتي
و اعطيتينا اجمل مثال على القوائم و جداول الروتينات
و عجبني ترتيب الوقت
و ترتيب الاعمال فيه و هي متنوعة
المت بكل جوانب الحياة
هكذا ما تحسيش روحك انسان آلي صمم للغسل و التنظيف
بل انت تعييشييييين الحياة



اهلا اهلا اهلا بالفراشة النجيبة ام مروان
توحشناك حبيبتي
بت لا ابدي تساؤلي عن غيابكم باه ما نقلقكمش
لاني نعرف انوا كل وحدة و ظروفها
ندعيلكم فقط انو المانع يكون خير
ماراح عليك حتى شي حبيبتي
غير التطبيقات الاولى رانا نعاودوا فيها باه نثبتوها في عقولنا و حياتنا
متشوقة لقراءة تطبيقاتك حبيبتي



اهلا بالغالية فراشتي المجتهدة ام سلمى
لاباس حبيبتي
رايح ترتاحي ان شاء الله

يا حبيبتي فكرة دورتنا هذه تقوم على اساس اتباع خطوات
حتى نبني انفسنا اولا و ثم نبني حياتنا و اسرنا و بيوتنا
من اول وجديد
كي شغل رانا نبداوا من الصفر حتى نصل الى اهدافنا
و كل وحدة وواش اهدافها من الدورة
و برنامج التنظيم انت اللي رايح تصنعيه حبيبتي
شيئا فشيئا
كل يوم حجرة كل يوم حجرة
و حجرة فوق حجرة
و راكي بنيتي حياتك من جديدي بالطريقة اللي كنتي دايما تحلمي بيها باذن الله

اذن غاليتي تبعي تطبيق التطبيقات تاع الدورة
و بعد اصبري برك اشهر قليلة فقط
و رايح تلقاي روحك في احس احوالك من النظام و الترتيب و الرضا عن النفس
ابشري



فراشاتي الحبيبات الغاليات أم هنود النجيبة، أم الخير الله يعطيها الخير، سميرة الناجحة، ام سلمى المجتهدة،
هنو ام ياسر المتميزة، نجاة الجميلة، ياسمينة الفراشات
كلنا راه عندنا هاذ المشكل تاع التقصير في اداء صلاة الفجر في وقتها
و كل وحدة و سبب تقصيرها يختلف عن الاخرى
لكن التقصير مشترك بيناتنا كلنا

اذا اقترح عليكم نديروا حملة القيام لصلاة الفجر
و نعتبرها و كأنها موعد مهم علينا اللحاق به
او كنز علينا الفوز به
و اقترح ان نطبق فكرة العقاب
حتى نردع انفسنا الغافلة عن عظم الاجر و الثواب و عن خشية الرحمن
و كل وحدة لها اختيار واش تعاقب روحها
اذا قصرت عن عمد في اداء صلاة الفجر
و كلما وحدة تنوض الصباح تصلي تتفكر
انها ماهيش وحدها
الفراشات تاني راهم نايضين باه يصلوا
و هواتفنا و منبهاتنا راهي دقت لعندهم حتى هوما في نفس الوقت
فراح تتشجعوا و تتحمسوا على ادائها بكل حب و متعة
باذن الله






غاليتي فراشتي الفحلة تيتي
واش راكي حبيبتي
الحمد لله على سلامة الوالدة
ربي حميها و يحفظها ياا رب

صح هي فكرة ممتاااازة
لكن مرات كنت نحط الهاتف بعيد عليا
و نرقد باه الصباح انوظ نخرج مفراشي باه نطفيه و نفطن
علاش ما تجيش امي ولا واحد من خاوتي يلقاه محطوط بعيد
و انا راقدة
يرفدة و يرجعه فوق الكومود عند راسي خخخ!!!

واش ندير الفيقان بكري رجع صعب لكن الله المعين



فراشتي الجميلة الرااائعة سعيدة
واش راكي لاباس عليكم حبيبتي
ربي يشفيكم و يعافيكم ياا رب
و يحميكم من كل اذى و من كل شر

المختصرات حبيبتي اننا توحشناااااااااااااك
بزااااااااااااااااااف بزاااااااااااااااااف
هذا باختصار شديد
اما التطبيقات فراها على حالها
غير ابقاي اطبقي فيها و ربي يوفقك ان شاء الله حبيبتي
مممممم بصحت عشاكم حبيبتي



اهلا اهلا و الف مرحبا
بالحبيبة نجاة
مرحبا بيك حبيبتي في بستان الفراشات
رايحة ترجعي كيما النحلة فالحداقة
و كي الفراشة في التاويل و الرزانة و الجمال و الاناقة
ابشري حبيبتي
فيما يخص الصلاة راني رديت عليك مع بقية الفراشات في الاعلى
ارجو ان تقرئي الرد حبيبتي
و ابداي اطبقي معانا التطبيقات
واي استفسار او اشكال انا في خدمتك


فراشتي ياسمينة الفراشاات
اهلا حبيبتي واش راكي
مع الخدمة و الدار
راني معاك خطوة بخطوة
و نقول يالله يا الله ياسمينة راح تسبقني ههههه

فيما يخص النقطة التي انتبهتي لها حبيبتي
عن تنظيف حوض الحمام
هي كذلك في برنامجنا لكن لم نصل بعد الى هذا التطبيق
يعني كلنا راح انطبقوها سواء عاملات او ماكثات في البيت
باذن الله

اما موضوع العاملات
فانا اقترح عليك ان تنسخيه
و تحطيه في موضوع جانبي
و اتابعيه معاهم حبيبتي و انا معاك 100/100
ماراحش تكوني وحدك حبيبتي
اذا وافقت فعلى بركة الله
بالنسبة لصلاة الفجر
راني رديت عليك لفوق حبيبتي
ارجو ان تقرئي الرد



اهلا اهلا و الف مرحبا بالحبيبة ام ريتاج زهرة
اهلا بيك حبيبتي
للتغيير و التطور للاحسن فالاحسن حتى الوصول لمبتغاك حبيبتي
باذن الله و توفيقه
اذا حبيتي غاليتي ممكن اطبقي معانا
و تعطينا تقريراتك حبيبتي

[هنو ام ياسر]

السلام عليكم بنات هذا وين قضيت على مكان من الاماكن الساخنة وححححح حرقني .و ضرك نروح نوجد العشاء .
اختي biba بارك الله فيك على الرد لكن اذا ما كانش عندي ورق الزبدة باش نعوضه و اسمحيلي تعبتك مشكووورة حبيبتي.

[سعيدة8888]

بنات ارجوكم دخلت عاجلة
بماانو كاين نسبة كبيرة من البنات
حبيت نسقسيكم انا عندي مشكل شفاهي ديما ناشفين و مشقين ياريت تساعدوني يكاش وصفة مجربة
وشفت المشكل عند بنتي مرضت بالحمى نشفو شفاها وتشقو وحتى ريحت من الحممى بقاو ناشفين مع العلم انو بنتي عمرها سنوات
ربي يجازيكم
تصبحو بخير