الجزء 87 من واش طيبتي في داري الجديدة الله يوسعها علينا الكل تفضلو - الصفحة 61

kaouka · 2014-09-03, 09:46

اهلين روضة بصحتك البغرير كيفاش ركي مع الحمل ربي يكملك على خير امين يارب العالمين

الأمنيات · 2014-09-03, 09:46

اقتباس:

المشاركة الأصلية كتبت بواسطة روضة 88

صباح الخير عليكم

غدائي اليوم بغرييييييييييييييييييير ليا و بربوشة بالدجاج بقات من عشاء الامس للعائلة

كنت راح نسال عليك ماتلاقيتكش واش راكي روضه واش راها صحتك ومع الحمل لاباس

الأمنيات · 2014-09-03, 09:47

حقا لبنات باتيلا ماشفتهاش دخلت راها لاباس ياك

awladi · 2014-09-03, 09:52

الامنيات باتيلا راهي ولدت وجابت بنوتة الله يبارك اسمها ضوء القمر
روضة بصحتكم البغرير واش راكي مع الحمل
كوكا واش راكي حنونة

kaouka · 2014-09-03, 09:53

اﻻمنيات صباح الخير وشراكي ﻻباس صح باتيﻻ عندها بزاف مبنت نشاء الله تكون بخير

nihale89 · 2014-09-03, 09:55

صباااااااح الانواااار للملتحقات
غدايا لميت بواقي الثلاجة نشوف كشما نفك كاش فكرة
باه نفرغو للقضيان

kaouka · 2014-09-03, 09:56

Awladiﻻباس الحمد لله سول عليك حبيبتي وش لوﻻد مزدو ش خدمولك كيما في العيد هههههههههه القطو هدك وحدو ربي يخليهم

mounia5 · 2014-09-03, 10:04

salam
choukran li koul men baat li rissala
oullah hada ouyen khellest men el kouzina
bach nethenna men el ghda ou laacha
dirt chorba frik bettarf ellham elli lguitou fel conjelateur ou zid lguit badenjan dirtou al tarikti el khassa bel jumo ou ettmatem ou ettoum
zid rhit ezzroudia fel robo ou cherchemt el baid bach n'dikouriha men foug

ou zid lguit habbat kroki ma habbouch yaklouhoumli
khaterch ajebhoum essabli taa ezzit
mala rhitou fel robo ou dirt lou arome pistache ou lemmitou bel maajoun taa el mechmache
ou kerkebtou oumbaad aguebtou fi el cacao
jaouni des truffes
hadda oukoul oullah ma seyekt
ou rani rayha nelbes khmiari bach noukhroudj npointi
salam

ساندي 28 · 2014-09-03, 10:26

صباح الخيييييييييييييييييييييييييييير
غدايا راهو فى الفور تهنيت هههههههه

awladi · 2014-09-03, 10:35

كوكا الاولاد راهم عاقلين دورك
مونية يعطيك الصحة وموفقة في العمل من فضلك اكتبي بالعربية
ساندي يعطيك الصحة على الفطور راه باين اشهي اممممممممممممممممممم لقيتي الماشينة تاع البقلاوة

Simassim · 2014-09-03, 10:42

صباح الخير عليكم ونهاركم مبروك مازلت مدابزة مع الفطور درت مقارون تاع الحروف والروز ونسقيهم بمرقه تاع لحم
وزيد معاهم سلاطة والديسار والخضرة لولدي

اسماء47 · 2014-09-03, 10:47

صباح الخير عليكم
نهاركم مبروك ان شاء الله
غذايا اليوم موشتو باللحم و البطاطا

lyzzabel · 2014-09-03, 11:16

بعد صراع طويييييل مع التخمام على الفطور درت تشكتشوكة البادنجال و راني نستنى في شيخي يجيبلي الروز نطيبه باش نقدمه معاها و نزيد سلاطة و الحمد لله على نعمه

اسماء بصحتكم اللوبيا
سمسومة بصحتكم لي بات و بصحته ولدك الخضر
اولادي يعطيك الصحة عشاك يشهي من كلشي ممممممم بصحتكم حبيبتي و الاولاد على بالكي مين يتضايقو يرجعوها قباحة ميزتها في ولادي ،، و نهار لي يخرجهم باباهم يحوسو العقلية تتبدل هههههههه
ساندي الجاج مممممممم بصحتك حبيبتي ،، يادرا واش درتي لحبيبتك لي رحتي تطلي عليها ؟؟ :d:d

قدوس سبوح رب الملاءكة و الروح

malek nour hane · 2014-09-03, 11:17

السلااام عليكم و رحمة الله و بركاته. ...صباحكن ورد وياسمين. ..صباح الخييييير كامل للمتواجدات و الملتحقات

أم ياسين الزهراء · 2014-09-03, 11:18

راني جيت سيقت الفوق وتهنيت مااحلى النضافة ومااحلى الحركة

الدجاج في الفور يطيب باش ندير بيه الروز

اسماء بصحتكم وساندي امممممممممممممممممم تاكلو بالصحة نحب الحاجة تاع الفور باش نخدم حاجة اخرى وليدي بصحتكم المطلوع هايل

ليزا بالشفاء على منصف اشري ماء البحر راهو مليح للاطفال دايما ديريلو في انفو باش مايتبوشاش ومايمرضش انا اطفالي الصغار دايما نديرهولهم

الامنيات بصحتكم الروز وباتي بدلت اسمها راهو اسما ثازيري على اسم بنتها وراهي معرسة فرح خوها وربي يفرحنا الكل