موضوع مميز وصفات من حراير مطبخ وش طيبتي اليوم - الصفحة 61

طالبة الجامعة · 2014-04-24, 14:40

اقتباس:

المشاركة الأصلية كتبت بواسطة scorpionoir

روضة 88

قاطو البان دوبيس

كاس زبدة ذائبة

كاس زيت

كاس سكر قلاصي

كاس حليب

نصف باكي خميرة

بيضة

ملعقة فاني

فرينة

الحشو :

كيلة نوازات

كيلة جوز

كيلة لوز

المكسرات نقليوهم في مقلاة و مكسرين خشين

معجون مشمش نلموا بيه

للتزيين :

سكر قلاصي

خبز بالتوابل

قلاصاج شيكولا

طريقة التحضير :

في وعاء نضع زبدة و زيت و نحرك باليد ثم نضيف بيضة و فاني و حليب و نحرك و نزيد سكر قلاصي و خميرة و فرينة و نحرك مليح حتى نتحصل على عجينة طرية .

نجهز الحشو و نزيد معجون المشمش ( اذا كان المعجون خاثر نزيد ماء الزهر)

نحل العجينة رقيقة حوالي 0.5 او 1 سم و نقطعها دوائر

الدائرة نضع فيها الحشو على شكل حربوش في الوسط و نلفها و نقلب الحبة و نعدلها على الجوانب و نزلهم قليلا
يعني الجوانب يجيو شوي ماضيين

و ندخلهم يطيبوا من تحت ومن فوق و لما يطيوا نضعهم في معجون مشمش مخفف بماء الزهر ثم في خبز التوابل المرحي او المحكوك في السيار و السكر الرطب نديرو في الجوانب و نزين بخطوط قلاصاج و ندير بريون .

ما اسم الوصفة لوسمحت

scorpionoir · 2014-04-23, 23:12

scorpionoir

اماني السلام هذا من ذوقك يا الغالية . .
اما اللوبيا بالسلق طريقتي . نطيب اللوبيا وحدها حتى طيب بصح تبقى حاكمة روحها . من جهة نطيب لا صوص حبة بصل وسنينات ثوم نكثر الثوم شوي زيت طماطم مصبرة وملح وفلفل وراس حانوت وزنجبيل وكمون يعطيها بنة ورند نخليهم يتقلاو مليح ونزيد حوالي كاس ما ونلوح خفنة برك تاع سلق مقصوص رقيق .يتقلا مليح ونلوحهم على اللوبيا الطايبا ونزيد نقفل عليها شوي باش تحثار .ما تنسايش الفلفل الحار.

بريق الامل& · 2014-04-24, 09:50

بارك الله فيكم لي عودة لتتمة الفهرس في جزء ثاني في ميزان حسناتكم اخواتي راكم قايمات بالواجب

lilouchaf · 2014-04-24, 11:16

شخشوخة ليلوشاف

شوفي اولادي وجدي العجين تاع المسمن يعني سميد رطب ملح وماء شمخي العجين وديريه في الكيس المبلل راهو يساعدك بزاف
من بعد ادلكي العجين مليح حتى يطرى كل ما تتدلكي شمخي يديك بالماء وريدي حتى تشوفي فيه ولا مطلوق وبلاكي تجريه وابدا يدير فقاعات هنا خليه يريح شوية وابداي تقرصي قرصات صغيرونين وادهني يديك بالزيت كي تكوني تقرصيوديريهم في سنيوة مدهونة بالزيت
خليهم يرتاحو واحد ربع ساعة
ومن بعد حطي الطاجين تع الحديد يسخن مليح
ونقصي للنار
من بعد حلي كل وحدة كي شغل رايحة تديري المسمن لكن ما تغلقيهاش
وارفدي وطيبي
المرقة دوك نواصل

المرقة انا ندير بصلة مكرفجة وسنينات توم مكرفجين وطماطم حب وملعقة طماطم تع الباط
وندير ملح فلفل اسود راس الحانوت تع المغاربة
وجاج وطرف لحم
تقلي من بعد مرقي وزيدي حمص
وهنا كاين الي يزيدلها الخضر بطاططا قرعة لفت
اوكاين الي ما يزدلهاش
كل واحدة وكيفاش
المهم كي تطيب لاصوص خليلها المرقة تاعها ماتنشفيهاش
الرقاق تاعك راكي كملتي طيبتيه لكن كي تطيبيه ما تحمريهش كما المسمن راهو ينشف برك خليه بيض
فتتيه كبير شوية وفوريه واسقيه بالمرقة وادا حبيتي ادهنيه بشوية زبدة من فوق
دورك نحوسلك لي فوتو ديالي

lilouchaf · 2014-04-24, 11:37

قاطو موناليز تع الاساور

ختي ليلياشاف هاكي الوصفة قاطو الاسويرة
500غ زبدة اي نوع تفضليه + 2 كطيسان سكر ارطب + كاس نود كوكو محمص + 2 كيسان كاوكاو مقلين ومرحين نصف كاس جيلاجلانية مقلية + 2 حبت بيض + فاني + نصف باكي خميرة القاطو + فرينة تلمي بيها العجين العجين تكون طرية مالازمش تكون يابسة تشكلي اسويرة تشدي نصف اسويرة تغطسيها في بياض بيض وتمرمديها في الكاوكاو كي تكملي جميع القاطو طيبيه كي يطيب النصف لي بقى اغطسيه في الشيكولا وزينيه حسب الرغبة جربيه متندميش بنين بزاف

طالبة الجامعة · 2014-04-24, 14:45

شكرا ليلو شاف على الوصفة. لكن شحال تخرجلك هذه الكمية ياترى.شكرا سلفا طبعا.

oum ibrahim · 2014-04-24, 16:20

رقيقة بطبعي
250غ زبدة طرية /كاس سكر مسحوق /م كبيرة لفاني / غرفية تاع فلن جلجلان محمص فوق النار بدون طحن / نفس الغرفية لوز محمر مليح ومطحون / 2صفار بيض وحدة كاملة ونلم كلش بلفرينة حتي نتحصل علي عجينة طرية
ملاحضة : لمشي متوفر عندها اللوز تستعمل الكوكاو في مكانو بصح يكون محمر مليح باش يعطيك البنة
اصلا السر في بنة هد القاطو هو الجلجلان
محمص واللوز المحمر والمطحون بجي بزاف بنين
إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.

أم أحمد عبد الصمد · 2014-04-25, 10:38

اقتباس:

المشاركة الأصلية كتبت بواسطة oum ibrahim

رقيقة بطبعي
250غ زبدة طرية /كاس سكر مسحوق /م كبيرة لفاني / غرفية تاع فلن جلجلان محمص فوق النار بدون طحن / نفس الغرفية لوز محمر مليح ومطحون / 2صفار بيض وحدة كاملة ونلم كلش بلفرينة حتي نتحصل علي عجينة طرية
ملاحضة : لمشي متوفر عندها اللوز تستعمل الكوكاو في مكانو بصح يكون محمر مليح باش يعطيك البنة
اصلا السر في بنة هد القاطو هو الجلجلان
محمص واللوز المحمر والمطحون بجي بزاف بنين

إضغط هنا لرؤية الصورة بحجمها الطبيعي.

حبيبتي ممكن استفسار هذه الوصفة مفيهاش خمارة ؟

R I A D · 2014-04-25, 16:07

lilouchaf · 2014-04-24, 15:24

طريقتي في تحضير الطماطم لشهر رمضان

داكور ام نوردين شوفي انا نشري الطماطم بكمية كبيرةونغسلها ونقطعها في قدر ونطيبها غير بالملح وشوية زيت برك
من بعد نرحيها بالميكسور ونجوزها في المولينات تع الخضرة الرقيقة كامل باه مايجوزوش القشور والزريعة
من بعد نفرغ في لي بوات تع الياوورت كما قلتلك ونجمدهم
كي نصيبهم جمدو انحيهم من البوات ونعمر السواشي ما ديريش السواشي الكحولا خيري البيض ولا اشريهم ورديهم للمجمد
كي تطيبي الشربة تاعك تصيبي الطماطم جاهزة ديري واحدة ولا زوج على حساب العايلة
نستعملها مام في لي صوص تع المقارون هايلة بزاف او للخدامات كما بحالي

oum ibrahim · 2014-04-24, 16:17

ام سهام 02
خبز الدار
المقادير:

-01 كلغ فرينة / 04 مك زيت / 04مك حليب سائل / 01 بيض / 02مك خميرة خبز / 01مك ملح / من 1/2 2 الى 03 كؤوس ماء /

1/2 مص سانوج و حبة حلاوة.

الطريقة :

-نضع في جفنة كل المقادير و نلم بالماء الدافئ و خبطيها بيدك كيما السفنج ثم ضعيها في كيس مبلل على طريقة الوهرانية

ربي يحفظها كي تخمر هبطيلها الخمور و قرصيها و رمديها في سميد رطب . خليها ترتاح شوية و حليها خبيزات رقاق

بالحلال و رشيها بالسميد ونتي تحلي فيها .ديريها تخمر مرة ثانية فوق قطعة قماش كي تخمر ديريها فالصينية و الى الفرن.

انا عندي كوشة تاع حديد نطيب فيها و ندير فيها طاس حديد فيه الماء على جال باه يدير الرطوبة.و هذي الطريقة نديرها

مع جميع المخبوزات (هذه المقادير دير 04 خبزات)

lyzzabel · 2014-05-29, 15:51

مقروظ المقلة بالزيت للسكرة ام محمد تاج

سيدرا حنونني مقروووض المقلة بالزيت حالة اتشومييييير والسخفة تصنع المعجزات ههههههههه
ثلاث كيلات سميد عادي يعني من الشكارة وكيلة زيت وملحي الدقيق وامحريه مليح مع الزيت وزيدي ماء الزهر وماتعجنيش غير لمي ويجيك طري
داوي الغرس تاعك بشوي قرفة وزيت وماتجريهش خلالالالاص باش مايخرجلكش في القليان
وكملي طريقتو كيما طريقة المقروض العادي وراه بالزيت راح يتعبك اخدمي بالنيلو تاع السنيواة باش يتخباو الشقوق
سخني الزيت تاعك على نار متوسطة وكي تلوحي المقروض تاعك يطيب قويلها وطيبي على الوجهين وحمريه مليح ومبعد عسلييييه وخلالالالالالاص
حنونتي كاش سؤال راني في الخدمة اتصلي حالا بالا

فايزة44 · 2014-04-24, 20:10

وصفة الغالية ريهام 16

موسكوتشو البرتقال 1
المكونات الكأس يزن 250 مل

3بيض بحرارة المطبخ

كأس سكر عادي

نصف كأس زيت
ربع كاس حليب

1 باكي خميرة حلوة

1 برتقالة متوسطة (قشور + عصير)
لافاني
قرصة ملح

1كأس + 3/4 فرينة مغربلة (كأس + كأس ناقص 2 أصبع)

التزيين لكي الاختيار

التحضير

سخني الفرن على °180
في ميكسور ارحي عصير البرتقال + قشور البرتقال (باش يعطي لون جميل للموسكوتشو روووووووووووووعةةةة) كما تقدري بلا ما ترحيهم و تستعمليه
في اناء ضربي البيض مع قرصة ملح بالباتور جيدااااااااااااا ثم أضيفي السكر ولافاني و ضربي ملييييييييييييييححححححححححح
أصيفي الزيت بالراحة بالباتور
زيدي العصير و قشور البرتقال ألي سبق رحيتيهم ثم كمية الحليب
في الأخير و بواسطة الملعقة زيدي الفرينة مع لخميرة
فرغي الخليط في صحن الفرن ألي يكون مدهون و مرشوش بالفرينة
دخليه للفرن
كي يبرد زينيه كما تحبي
تقدري تزينيه بسكر غلاص + شرائح البرتقال

إضغط هنا لرؤية الصورة بحجمها الطبيعي.

كما تقدري تزينيه كما في الصورة خليت شوية من العجينة و زدتلها فرينة + كاكاو,كي طابت من تحت و بدات تحمار من فوق جبدتها من الفرن و رسمت فوق الكيكة لازم تكون شوية باردة باش العجينة الأفقية تحكم روحها و ما تسيحش و رجعيها للفرن تزيد تحمار غير شوية من الفوق
زينيها بالمربى و ليت نزيدلو لاجولي باش يبقى محافظ و نشكر بالمناسبة أم أماني ألي ديت الفكرة من وصفتها لقاطو بالمعجون ربي يجازيها

إضغط هنا لرؤية الصورة بحجمها الطبيعي.

أيضا تقدري تزينيه كما درت في كيكة البرتقال الرائعةةةةة للغالية أم يسرااااااااااااا ربي يبارك فيها (كريمة الشونتي + حبات برتقال مخدومة بعجينة اللوز)

إضغط هنا لرؤية الصورة بحجمها الطبيعي.

أي اسيفسار راني هنا عزيزتي و التزيين ماهي الا أفكار و لكي الاختيار حبيبتي

أم ماجد · 2014-04-25, 18:17

لكريم بنيين وهده الطريقة لعيونكم

وصفة النرجوسة

إضغط هنا لرؤية الصورة بحجمها الطبيعي.

3حبات بيض
3 مغارف سكر قلاسي
70 غ شانتيي وشوية حليب بارد
الطريقة نفصل البياض ونطلع كما الثلج ونخليه على جنب
ونطلع الصفار مع السكر وزوج مغلرف كبار لفاني حتى يصير ابيض اللون ونخليه على جنب
ونطلع الشنتيي ونخليها على جنب
نخلط الشنتيي مع صفار لوجدناه بالباتور
ونجيب البياض ونقعد نحط بالمغرف لخليط البياض والشنتيي ونخلط من تحت لفوق
ونقسم الخليط كما نحبو للادواق ليكونو عندنا مثلا انا قسمتو على 3 ودرت واحد فيه دوق الفراز و واحد دوق البنان و واحد خلته فاني
ونديره فالبوايط و الى البراد مدة 5 ساعات ونتحصل على لكريم كما لنشروه بالغلا وشكرا

أم ماجد · 2014-04-25, 18:18

السلام عليكم
كيراكم حبيباتي غاية ايا الحمد لله
اما بعد الله يبارك طيباتكم و حلوياتكم يهبلو ما شاء الله الله يعطيكم الصحة
اختي زهرة بالنسبة لسؤالك عن هذه
إضغط هنا لرؤية الصورة بحجمها الطبيعي.
هدي اختصار فقط للوصفة الاصلية لضيق الوقت اخدت الشكل فقط و زينته بالزيتون و الصوص طوماط و الفرماج
اما الوصفة الاصلية فهي
سباقيتي بالبيشاميل بشكل حلزوني
نديرو السباقيتي في الماء و الملح فوق النار و كي يطيب نقطروه و نوجدو الصوص بيشاميل من الاحسن نديروها بالفرماج
الان ناخد السبافيتي بعد ما قطرت و نحطها بشكل طولي يعني نسرحها و من بعد نبقى نرفد بالمجموعة و نغمسها في الصوص بيشاميل ثم نحطها في صينية الفرن بشكل حلزوني و في الوسط نحط زيتونة او كرية لحم مرحي وشوي فرماج رابي و ندخلها للفرن
و شهية طيبة