يعطيك الصحة امنيات اطباقك روعة ومرحبا بيك معانا يا حراير كاكينوفا مهيش تبان ان شاء الله المانع خير

مساء النور
الليلة نقلكم واش طيبت
درت ارز ناشف مع جلبانة مفورة خلطتهم مع بعض و درت سردين بالصوص وعمل شكشوكة بادنجان حارة لأنو زوجي يموت عليها
ودرت فارميسال ناشفة عشاء بنتي لي عمرها 9 اشهر
ربي يدومها نعمة عليا و على الجميع
ماتضحكوش على عشايا
باي

بنات وين راكم؟؟ ولا عقاب لعشا؟؟ أنا درت بطاطا تاع لحليب والفرماج ولاكرام فراش قراتان وسلاطة وقازوز ورخساسة والحمد لله مبعد نصور ونحطلكم
صح عشاواتكم حنونات

اهلا بالزينات
وصح عشاكم
برووقه ما نخليهاش في خاطرك من بعد نبعث لك صورة تاعها

الامنيات ربي يصبر والديها والحمد لله على كل حال وكان امرا مقضيا المهم ماتعذبت لاهي ولا والديها

شوفي حنونة عجبتني هذي وفي خاطري نديرها للغدا غدوة ادا كنا من الحيين ادا دخلتي خليلي الوصفة وربي يحفظك ويهنيك

علاش نضحكو اختي نعمة دايمة على بالك كاين اللي مالحقوش حتى على الخبز احنا رانا نورو لبعضانا باش نستفادو ونفيدو وراكي شاطرة انا نقلك الصح مانديرش العشاء اللي بقى من الغدا يكملوه ولا ياكلو البيض ولا الكاشير ولا السردينة والحمد لله نعمة دايمة على الكل

صحة عشاكم درت محمر غنمي بالبطاطة في الكوشة هايل بصح مزال في الفور ههههههههه :d:d:d:d

اهلا اختي الكريمه
انا فورت الجلبان مع شوي ملح وكمون
كي طاب زدت فتت عليه اللحم الي درته في شربه كيما تحبي دجاج او اي لحم
خلطتهم وضربت 6بيضات مع تقريب كاس حليب وثوم ومعدنوس وملح وفلفل
وحطيتهم فوقهم ودخلتهم للفرن
راه الجلبان بزاف ماكانش وصفه عصير الجلبان ههههههههههههههههههههههه

الاخوات سعيدة وام محمد تاج وتوته ربي يدومها نعمه
انا درت الاعادة تاع الغذاء ههههههههههه هنيت روحي

اي فاكهة تفضلونها مثل التفاح والاجاص و الفراز , موز ,اناناس .. الخ
انا استعملت موز +تفاح
للكراميل
4 م ك سكر + 2 م ك ماء
للكريمة
7 فناجين حليب
1 فنجان سكر
3 م ك ماء زهر
3/4 فنجان نشاء اي ما يعادل 6 م ص
طريقة التحضير
في كسرونة على النار نحط 4 م ك سكر + 2 م ك ماء ونخليها على النار حتى تتحول الى كراميل

نضيفلها قطع التفاح
http:/في الاول تيبس الكراميل ومن بعد يطلق التفاح الماء اللي فيه. ترجع الكراميل سائلة
تقلب في الكراميل على الجهتين ونتركها لمدة 5 دقائق ومن بعد نضعها جانبا
في نفس كسرونة الكراميل نحط قطع الموز وتكون غليظة نوعا ما حتى لا تتفتتg
ونقلبها لمدة دقيقتين وننزعها من الكراميل


في اطباق التزيين نضع قطع الموز والتفاح المكرملة ونخلي جزء منها للتزيين

ثم نحضر الكريمة
نحط 7 فناجين حليب في كسرونة اخرى + فنجان سكر ونحرك مليح حتان يذوب
نخلط النشا مع ماء الزهر ومع قطرات من الماء حتى يذوب النشا مليح
ومن بعد نصب خليط النشا المذاب مع الحليب والكراميل اللي بقات في الكسرونة الاولى
نضع المزيج على نار هادئة ونخلط مليح حتى يبدا يخثار
نطفي عليه ونصبو في الاكواب فوق الفاكهة المكرملة
ونزينها بالفاكهةوكريمة الشانتي
نتركها تبرد جيدا ثم تقدم

بصحتك هذي من قوقل:d:d:d

المكوّنات
1 كوب أو 100 غ من بسكويت ديجيستيف٬ المطحون
2 أو 300 غ من الموز٬ مقطّعتان إلى شرائح
4 أكواب أو 1 لتر من الماء
1 علبة أو 397 غ من حليب نستله المكثف المحلى
2 ملاعق طعام من دقيق الذرة
2 ملاعق طعام من ماء الورد
1 علبة أو 85 غ من مسحوق جيلاتين الفراولة
طريقة التحضير
يُقسّم البسكويت والموز بين 10 أكواب للتقديم ثمّ توضع جانباً.
يوضع الماء مع حليب نستله المكثف المحلّى، ودقيق الذرة في قدر كبير. يُغلى المزيج ويُحرّك ثمّ يُترك على نار خفيفة لمدّة 5 دقائق.
يُرفع المزيج عن النار، ويُضاف ماء الورد وهلام الفراولة وتُحرّك المكوّنات جيّداً.
يُسكب المزيج في الأكواب، ويُترك حتى يبرد قليلاً، ثمّ يوضع في البراد لمدة تتراوح بين 2 و3 ساعات حتى يجمد.

تعيشي المنيات ان شاء الله غدوة نديرها موالفة نديرها بصح ماتجيش كيما انتاعك وزيد مانديرش الحليب انجرب انتاعك وربي يدومها نعمة على الكل ربي يخليك

المقادير:
4 /موزات رابيهم بالفرشيطة واضيفي لهم عصير ليمونة
4 م/ك سكر عادي او اذا حبيتي عسل
علبة حليب مكثف غير محلى +كاس صغير حليب عادي وان لم يتوفر لديك الحليب المكثف عوضيه (نصف ليتر حليب عادي اضيفي له كاس حليب غبرة)
اضربيهم جيدا بالباتور حتى يصبح ضعف حجمه 3مرات ويكون جاهز للتقديم بعد ساعة كي يبرد تماما في الثلاجة وعند التقديم تزين ببرش الشيكولاطة