يوميات عضوة - الصفحة 61

nina mima · 2015-01-10, 08:03

صباح الخير و الله احنا العملات نخدموا بالزاف والعمر كل راح في الشقاء

الواثقْ بالله · 2015-01-10, 09:20

ينقل الى قسم يومياتي

بالتوفيق

salima14 · 2015-01-10, 11:51

صباح الانوار ام عبودة ليك وحشة وشراكي يا لفحلة بسم الله ماشاء الله موضوع هايل هنا وين نلقى راحتي هههههههه
الميناج والديكور هاذاك واش نبغي اصبري عليا نفوت الوكاند ونحكيلك يومياتي روتييييين نحكيلك يوم واحد وندير
عليه كوپيي كولي ههههههههه

ام عبودة · 2015-01-10, 21:34

عدتوووووووو اليكم
توحشتكم موووووووت
واكيد اليوميات مش مبطلة
زهووووووونا برك بالعمل

ام عبودة · 2015-01-10, 23:22

انا والحمد لله راني سكنت في داري
الحقيقة العمل كثر عليا لكن الوقت تنظم وصح ولالي روتين
يوم كي نخدم من قلبي. ونتكل على ربي
ما نحسش بالعياء
لكن كي نتذمر نتكاسل نحس الخدمة واااعرة
المهم
اليوم نظت مع الفجر صليت مع الاستغفار والاذكار
وجدت القهوة الزوج يعمل بكري تقهوى وخرج
وانا قعدت نتقهوى غير في غرضي ههه الاولاد رقود
اليوم ما عندي لا تسياق ولا غسيل
الفطور برك. كلاني قلبي رحت غسلت الشبابيك اللي برا نصهم غبرة
وجد الفطور طلعت للبيوت فوق وشمستهم ورتبت الفراش
فطرت الاولاد وتكيت شوي
رجع الزوج تغدينا هو رقد وانا غسلت المواعن وقعد ت مع الاولاد
المساء وجدت التاي.
الزوج خرج وانا قعدت ندور في المنتدى
نظت كملت للعشاء
رجع الزوج تعشينا غسلت المواعن
نشفت الدوش ودرت على الدار قبل ما نحكم بلاصتي
كي راني وحدي مانيش متكلة كيما بكري لازمني نكون نبهة بزاااااف هاك تقولي ماما ادعولها بالشافاء
درت على الاولاد غطيتهم وراني هنا حاكمة البلاصة
وانتوما واش درتو؟؟؟؟؟؟

ام ياسمين10 · 2015-01-12, 09:56

واخيييييييييييييييييييييييييييييييييييييييييرا رجعتى عزيزتى وصديقتى ام عبودة
وشراكى واش اخبارك رانى غير نحوس عليك ومقدرتش نبعثلك رسالة خاصة فقيرة فى عدد المشاركات
مبروك عليك الدار الجديدة ان شاء الله تسكنيها بالصحة والهناء
والله توحشتك وانتى وعلاش متسقسيش عليا

ام عبودة · 2015-01-12, 20:04

ام ياسمين راني ما
كنتش ندخل كامل والله راكي في القلب الله غالب ظروف كانت اقوى مني
المهم انتي واش راكي واش راهم الفلاليس والاشغاااال ههههههه باش ما نهربوش على الموضوع
هيا اليوميات باش نشطو بعظانا

ارزاق · 2015-01-13, 20:15

يعطيك الصحة ام عبودة والله تعجبني فحولتك ونشاطك كنت دايما نتبعك ونشوف تطبيقاتك في قسم الطبخ لانو تخليني ننشط ونعاندك وحتي يومياتك تساعدني وندي افكار عليك نقلك الصح انا ساعات نكون ناشطا و تلقايني كنحلة ههههه وساعات يجيني التفنيين مع العلم انو انا وحدي في داري نحس انو كل العمل مكرر و روتيني لكن نلعن الشيطان ونقول انو هدا واجبي و نشالله نؤجر عليه

ام ياسمين10 · 2015-01-14, 10:35

صباح الخيرات
ام عبودة واش نحكيلك على يومياتى كلها مكررة ساعات تتلفلى حتى فى النهارات منعرف الاحد من الثلاثاء
هاد النهارات راه حاكمنى الكسل والفشلة كنت مريضة والحمد لله ريحت بصح جانى بعد المرض اكتئاب
رانى غير ندور فى المنتدى كاش دورة تنشطنى ولا يومياتك ينشطو تانى
كاش نصائح من عندك باه نفوق شويا

ام ياسمين10 · 2015-01-16, 09:49

وين راكى ام عبودة

ام ياسمين10 · 2015-01-18, 08:40

صباح الخيرات والنشاط والحيوية
ايا وين راكم يا نشيطات زهو الحالة وعمرو الصفحة بالنشاط

nina mima · 2015-01-27, 05:56

السلام عليكم اين انت ام عبود

ام ياسمين10 · 2015-01-28, 09:27

السلام عليكم .صباحكم سعيد
ام عبودة ان شاء الله المانع خير

ام عبودة · 2015-02-01, 06:22

صباااااح الخير
ارزاق مرحبا بيك معنا ونينا راني هناااا
ام ياسمين واش راك
الحمد لله على سلامتك
مانيش ندخل على خاطر السبت اللي فات جاتني طيحة على ظهري سيمانة حاكمةالفراش واليوم راني نبوجي غير باشوي الاشغال باش نبدا الغبار مرضنا وزيد النت في داري الجديدة ناقصة
المهم نفوت الغبار وندير حملة نظااااااافة
اذا ما دخلتش. اعرفوها النت

مرام 1987 · 2015-02-01, 18:37

يوميات شييييقة
والله كيما يقولو زهو الدنيا شقاها
ربي يشفيني ونولي أنا ثانك نحكيلكم على يومياتي يااااااااي متمنية هذاك النهار بفاااااارغ الصبر
ربي يعينكم
سلام