الجزء 87 من واش طيبتي في داري الجديدة الله يوسعها علينا الكل تفضلو - الصفحة 60

أم ضياء عبد الرحيم · 2014-09-03, 08:36

غدانا اليوم ان شاء الله سردين و فريت و سلاطة

أم ياسين الزهراء · 2014-09-03, 08:37

جيادا اهلا بيك نقلك الصح ماتفكراتكش على خاطر اطباقك تحفة والصح ينقال والله روعة الله يبارك فيك وزيد ملك راهي جارتك وهي كريمة دوق تعيطلك ههههههههههههههههه

اللي تخمم على الفطور نقللها ديري روز في الفور كيما راح ندير وزيدي معاه حميص والديسار والحمد لله

x ام رحاب x · 2014-09-03, 08:37

صباحك سعيد جيادا عندي مدة ماتلاقيناش واش راكي مع اولاد وزوجك ان شاء الله راكي بالف خير وعافية حنونة

أم ياسين الزهراء · 2014-09-03, 08:40

لبنات يوم موفق للجميع اتهلاو في روحكم نروح نشوف اشغالي باش نكمل بكري ونجي ليكم ههههههههههههههههه

x ام رحاب x · 2014-09-03, 08:42

ام ياسين بصحتك الروز
ام رياض بصحتك الشربة وسلاطة
جيادة بصحتك الفطور
انا فطوري اليوم جايني الضياف وراني قاعدة نورمال شربة وطاجين الرخام وفريت والسلاطة وحميس والحمد لله وبلاك ايباتو جايتني سلفتي مع اولادها

أم ضياء عبد الرحيم · 2014-09-03, 08:53

اقتباس:

المشاركة الأصلية كتبت بواسطة أم ياسين الزهراء

جيادا اهلا بيك نقلك الصح ماتفكراتكش على خاطر اطباقك تحفة والصح ينقال والله روعة الله يبارك فيك وزيد ملك راهي جارتك وهي كريمة دوق تعيطلك ههههههههههههههههه

اللي تخمم على الفطور نقللها ديري روز في الفور كيما راح ندير وزيدي معاه حميص والديسار والحمد لله

تسلميلي ام ياسين هذا من ذوقك حبيبتي معليش مام نسيتولي انا ديما متفكرتكم

اقتباس:

المشاركة الأصلية كتبت بواسطة x ام رحاب x

صباحك سعيد جيادا عندي مدة ماتلاقيناش واش راكي مع اولاد وزوجك ان شاء الله راكي بالف خير وعافية حنونة

ام رحاب على سلامتك ليك وحشة ربي يحفظك حبيبتي عندي طفل عبد الرحيم عندو ثلاث سنوات و غدا ان شاء الله يدخل ل la maternelle *ان شاء الله تكوني بخير و كل العائلة

lyzzabel · 2014-09-03, 09:03

صباح الخيييييير حبيباتي الغاليااااات و نهاركم طيب
البارح بت قاعدة مع منصف و صبحت تاني معاه ربي يشفيه و يحفظه و يشفي كل مريض ،، نراجع و نولي

أصبحنا و اصبح الملك لله

x ام رحاب x · 2014-09-03, 09:07

جيادا ربي يحفضهولكم ان شاء الله وتشوفيه في اعلى المراتب ولعقوبة نهار اجي اختو تونسو

x ام رحاب x · 2014-09-03, 09:10

سلام ليزا غير الخير على منصف واش بيه مريض لاباس عليه ان شاء الله

الأمنيات · 2014-09-03, 09:12

السلام عليكم كي صبحتوا يا شاطرات
غدايا روز في الفرن مع الدجاج
اللهم ادمها نعمه واحفظها من الزوال

أم ضياء عبد الرحيم · 2014-09-03, 09:20

اقتباس:

المشاركة الأصلية كتبت بواسطة lyzzabel

صباح الخيييييير حبيباتي الغاليااااات و نهاركم طيب
البارح بت قاعدة مع منصف و صبحت تاني معاه ربي يشفيه و يحفظه و يشفي كل مريض ،، نراجع و نولي

أصبحنا و اصبح الملك لله

صباح الخير ليزا لاباس على وليدك ربي يشفيه و يعافيه يا رب

اقتباس:

المشاركة الأصلية كتبت بواسطة x ام رحاب x

جيادا ربي يحفضهولكم ان شاء الله وتشوفيه في اعلى المراتب ولعقوبة نهار اجي اختو تونسو

تسلمي ام رحاب من فمك لربي ربي يرزقنا كامل يا رب بالذرية الصالحة

lyzzabel · 2014-09-03, 09:20

يعطيكم الصحة حبيباتي على واش رايحين تطيبو
ميمتي ام رحاب منصف بايت يبكي شكيت راسه ضاره خاطرش صبح نيفه مشمخ ههههههه ربي يشفيه وبصحتهم ضيافك طاجين الرخام ،، ربي يعاونك يا الغالية

ميمتي ام رياض صباح الفل و الياسمين راني شفت ردك فالدردشة ربي يخلييييييك يا ست الحبايب و دعاءك فرحني بزاااااااف اللهم امين يا رب العالمين ،، و بصحتكم الفوكاشيا مسبقااااا ،، انا كنت نديره بصح نحشيه بالفرماج ممممممم

ام ياسو بصحتكم الروز و ربي يحفظك يا الحبيبة و بالتوفيق لبنتك

ام ماجد روحي عرسي بصحتك يا الحبيبة

نهال و جيادا بصحتكم القليان حبيباتي جيادا كي راه ولدك ،، ريح شوية ؟؟

وسيلة عاندي كاش وحدة و خلاص هههههه انا تاني راني حاصلة خخخخخخ

فضولة صباح الخير حنونة ديري صابلي المورانغ تاع ليدي

امنياتي فطورك كيما ام ياسو ،، بصحتكم حبيبتي

هذا لي تفكرت غالياتي و كاش وحدة نسيتها السماح ما تلومونيش

سبحان الله و الحمد لله و لا اله الا الله و الله اكبر ولا حول ولا قوة الا بالله العلي العظيم

x ام رحاب x · 2014-09-03, 09:26

ربي يشافيه حنونة ليزا اتهلاي فيه وماتخليش الحمى تطلعلو عسيه على السخانة
انا نروح راني روطار دوك ايجو الضياف مع السلامة وصحة فطوركم

awladi · 2014-09-03, 09:34

صباح الخير عليكم الكل
عشانا البارح والحمد لله
سلاطة مشوية تاع الباذنجال

حساء الخضر

طاجين زيتون مع لفريت

مطلوع

ليزا بالضفاء على ولدك يمكن سنانو راهم اهبلو عسيه برك من السخانةربي يجيبلو الشفاء
ام رحاب بالسلامة وسلمي على ضيافك وبصحتهم طاجين الرخام
ام ياسو والامنيات بصحتكم الروز
جيادا بصحتكم الحوت المقلي ومبروك على وليدك الدخول ترتاحي شوية يالله الوقت باه تزيدي
شفت غير الصفحة الاخيرة

kaouka · 2014-09-03, 09:43

صباح الخير جيادا منيش انا ليدرتها رهي غير من لg بصحتك طرف ام الهضاب مهوش عيد ميلاد جمي درت عيد ميلاد awladi كلشي يشهي بصحتك