القاطو لي درتو للعروسة - الصفحة 6

نجيب نوفل · 2012-06-09, 20:24

اقتباس:

المشاركة الأصلية كتبت بواسطة ام خيرو

العجينة
3كيلات فرينة +بيضة+مغرفة فاني +نص كيلة سمن او زبدة + رفعة ملح+ خليط من الماء وماء الزهر نلمو بيهم لعجينة
كي تخلطي لعجينة اقسميها على 3 لوني كل قسمة بالون لي تحبي انا هنا دايرة الاصفر و الاسود والعجينة لي من اللتحت بيضة
الحشوة
3كيلات لوز +نص كيلة سكر احرش +مغرفة فانيشمخي بالبيض +2مغارف ماء زهر زاست نتاع القارص
الطريقة
نحلو العجينة البيضة وتقطعيها كيما في الشكل من بعد حلي الغقدة وقطعيها كيما الشكل الاول نتاع العجينة وحطيها على العجينة بعد ماتدهنيها ببياض البيض ومن بعد حلي العجينة السوداء و الصفراء وقطعيها بمول نتاع الوردة كيما في الصورة و قسمي الوردة على زوج من بعد حطي مرة صفراء مرة سوداء وماتنسايش بياض البيض
وكي يطيب عسليه

هادا نفس المقادير ونفس الطريقة تبدلي فقط اللون والشكل و هاداك لبليسي تخدميه بالكيردون وتحطيه فوق الالقلب بعد دهنه بالبيض وكي يطيب عسليه

هادا تاني كيفهم بصح تقطعي الشكل ريشة وتحطي فوقها ثلاث ريشات كل وحدة يختلف الحجم نتاعها على الاخرئ اي من الكبيرة حتى الصغيرة ولصقيهم مع بعض بلبياض وانقشيهم كيما في الشكل وكي يطيب عسلسة
السلام عليكم
من فضلك اريد هذه الوصفات
وجازك الله خيرااااااااااااااااات

هادو هوما الوصفات لي طلبتيهم

malikaben · 2012-06-08, 12:16

ربي يبارك هايلين نتاع الصح

nournour59 · 2012-06-08, 12:38

هايلين يدو لعقل

zabra12 · 2012-06-08, 14:01

يعطيك الصخة اختي وربي ينجح بنتك في الباك ان شاء الله انا عجبني القاطو الي فوقو عرجون العنب راني حايرة كيفاش خدمتي العرجون ارجو ان تجيبيني وحطيلنا الطريقة تاع كل القاطوات لانهم روعة وما قدرتش نخير

نجيب نوفل · 2012-06-09, 20:28

اقتباس:

المشاركة الأصلية كتبت بواسطة zabra12

يعطيك الصخة اختي وربي ينجح بنتك في الباك ان شاء الله انا عجبني القاطو الي فوقو عرجون العنب راني حايرة كيفاش خدمتي العرجون ارجو ان تجيبيني وحطيلنا الطريقة تاع كل القاطوات لانهم روعة وما قدرتش نخير

السلام عليكم اختيهاداك القاطو هو نفسو صبيعات العروسة نفي مقادير العرايش وهو مستطيل درتلو قلاصاج و هاداك العنقود نتاع العنب كاين مول نتاعو سبيسيال نتاع سيليكون نخدمو بيه وان شاء الله القاطو لي تحتاجيه نحطو