إذا لم تتزوج بعد.... أنصحك لا تفعل..... - الصفحة 6

ღ مُــحِــبٌ لأُمـِـہْ ღ · 2012-09-04, 23:19

لا حول ولا قوة الا بالله

هاذو ناس فنيانين ويحبوش المسؤولية لي يقولك ماتتزوجش خير

واحد ما يبدلي رأيي

انا حاب نتزوج و سافعل ذلك ان شاء الله

والحمد لله نحب المسؤولية.....

abdou27300 · 2012-09-04, 23:36

والله غير تزوجوا

انتم راكم مثقفين و كل شي، ماشاء الله

كاين وحدين تشوفهم تقول هذو قاع ما يديروش دار

(ماشي حقرة ولا زعمة ولكن ...)

ايا وراهم بانيين دار و بولادهم ولا باس عليهم

تسمعوا كلمة مسؤولية تخافو

ما تخاف ما والو، واصلا هذي الدنيا كل شاي فايت

لواحد يبروفيتي مادامو صغير، ويفرح بدراري

واللي يخاف على المصروف ولا حاجة،

قولولي، سمعتوا كاش خطرة واحد تعرفوه مات بلجوع

علابالي لواحد يبغي يعيش la belle vie

mais نقوللو: عش حياتك، عش كل يوم كانو هو حياتك

مولدك هو استيقاظك، ومماتك على اقصى تقدير هو لحظة نومك

أو بالأحرى نقوللو عش اللحظة خيرلك

****

رحم دكتورنا ابراهيم الفقي اللي قال:

"عش كل لحظة كأنها آخر لحظة فى حياتك عش بالإيمان عش بالأمل عش بالحب عش بالكفاح وقدر قيمة الحياة".

TOKYO · 2012-09-05, 00:08

عندها يومين فقط التقيت بالصديق لي عنده شهرين فقط من الزواج قاعد ينصحنى انه اللازم اتزوج احسن خصوصا مع ظروفي
وبعد دقائق فقط ياتي اليا صديقي متزوج من حوالي 3سنوات عنده طفلين واذا يدخل عل طول بدء يوجه لى نصائح عدم الزواج واني احسن الان و انا سيد رجال و اعزب و بدون تفكير و مشاكل و قاعد يقول انه كره الزواج و لو عرفه هكذا كان عمره ما تزوج
حلل وناقش انت وافهم تبقي حائر مع الناس هذو

morad81 · 2012-09-05, 21:15

اقتباس:

المشاركة الأصلية كتبت بواسطة tokyo

عندها يومين فقط التقيت بالصديق لي عنده شهرين فقط من الزواج قاعد ينصحنى انه اللازم اتزوج احسن خصوصا مع ظروفي .

له الحق ويجب أن تسأله كذلك بعد سنة و سنتين .

وبعد دقائق فقط ياتي اليا صديقي متزوج من حوالي 3سنوات عنده طفلين واذا يدخل عل طول بدء يوجه لى نصائح عدم الزواج واني احسن الان و انا سيد رجال و اعزب و بدون تفكير و مشاكل و قاعد يقول انه كره الزواج و لو عرفه هكذا كان عمره ما تزوج
حلل وناقش انت وافهم تبقي حائر مع الناس هذو

طبعا هو غالط بزاف ....لأن الحياة ليس كما ترسمه تجدها و لكن كيف تتعامل مع ما هو مرسوم لك.

rabah ag · 2012-09-05, 21:30

ليس المشكل في الزواج المشكل في اختيار الزوجة والله صعب الاختيار

hadjira87 · 2012-09-05, 21:47

السلام عليكم ورحمة الله وبركاته
انا تزوجت وكان في عمري 20سنة ونقرا فالجامعة وجبت 2دراري عالعام وكملت قرايتي وراني نخدم درت هاد الشي كامل في 4 سنوات صح تعبت بزاف ماشي شوية بصح والله العظيم غير نعمة تكون عندك عائلة زوج واولاد ينوسك كل واش ممكن تشوف اكيد الزواج ماشي دايما حب وسعادة بصح هادي هي زهو الدنيا شقاها
انشاء الله ربي يرزق كل واحد على حساب قلبو

morad81 · 2012-09-05, 22:34

اقتباس:

المشاركة الأصلية كتبت بواسطة hadjira87

السلام عليكم ورحمة الله وبركاته
انا تزوجت وكان في عمري 20سنة ونقرا فالجامعة وجبت 2دراري عالعام وكملت قرايتي وراني نخدم درت هاد الشي كامل في 4 سنوات صح تعبت بزاف ماشي شوية بصح والله العظيم غير نعمة تكون عندك عائلة زوج واولاد ينوسك كل واش ممكن تشوف اكيد الزواج ماشي دايما حب وسعادة بصح هادي هي زهو الدنيا شقاها
انشاء الله ربي يرزق كل واحد على حساب قلبو

شكرا للتدخل وكم نحن بحاجة لأصحاب التجارب الحية ...نتمناو ليك حياة سعيدة و هنية ....شكرا

sihadj22 · 2012-09-06, 00:11

الحمد لله الذي رزقني منذ 27 يوم بطفلي الثاني بعد زواجي المتأخر ؟؟ طفلي هذا الذي أرغمني على طول السهر بما أنه قليل النوم في الليل ومصاريفي زادت و ألهبت جيبي ورغم هذا أحمد الله فالسعادة تغمرني و الندم يؤرقني لأنني لم أتزوج مبكرا لأنفعهما أكثر ....
الرجل لا يتهرب من المسؤولية ؟؟ عليكم بالزواج يا معشر شباب المسلمين فهي نعمة و عبادة تنتفعون بها في دنياكم و آخرتكم...

morad81 · 2012-09-06, 16:47

اقتباس:

المشاركة الأصلية كتبت بواسطة sihadj22

الحمد لله الذي رزقني منذ 27 يوم بطفلي الثاني بعد زواجي المتأخر ؟؟ طفلي هذا الذي أرغمني على طول السهر بما أنه قليل النوم في الليل و مصرومصاريفي زادت و ألهبت جيبي ورغم هذا أحمد الله فالسعادة تغمرني و الندم يؤرقني لأنني لم أتزوج مبكرا لأنفعهما أكثر ....
الرجل لا يتهرب من المسؤولية ؟؟ عليكم بالزواج يا معشر شباب المسلمين فهي نعمة و عبادة تنتفعون بها في دنياكم و آخرتكم...

شكرا ربي يوفقك و يسترلك العائلة و لا تندم فما شاء الله فعل..

cezar algerien · 2012-09-07, 17:54

لو كنت خدام ولاباس عليا لتزوجت منذ كان عمري 20 سنة، ولكن الله غالب هادا وين ربي سبحانو بدا يفتح عليا واول حاجة راني درتها هي أني خطبت وعقدت ودفعت المهر وحندير العرس عن قريب بإذن الله مع علمي أن الزواج ليس كله متعة وسعادة وتوافق بل ولابد فيه شوية مشاكل ومنغصات وتعب وجهد ...الخ وهادي هي سنة الحياة ولكن تخيل أخي فالنهار تروح تخدم وتتعب وتشقى باش تجيب هاديك الخبزة ، وتدخل مع العشية تلقى زوجتك في انتظارك عند الباب بابتسامة ساحرة وهي بكامل زينتها وجمالها حاطتلك القهوة لاسيما إذا كانت دايرتلك شوية تاعو قاطو تحبوا فستنسى كل تعبك وجهدك بمجرد رؤيتها

اللهم لا تحرم شابا أو شابة من نعمة الزواج

abdou27300 · 2012-09-07, 19:26

cezar algerien

صحيح، انا أحيانا كي نخرج من لخدمة

ما نبغيش نروح للدار

نقول في نفسي، علاش نروح للدار، واش نروح ندير

ما عنديش هدف نشقى ونتعب من أجلو

نبقى ندور لوحدي فلفيلاج كيما داك التايه، حتى يطيح الليل

zaki_yagami · 2012-09-07, 19:44

والله يا اخي الزواج راهو فرض و سنة و ربي قلنا راهو نصف الدين و الزواج راهو يستؤ العبد من المعاصي و الله اللي قادر ميديرش الروتار و الله الزواج نعمة و يفتحلك ابواب الرزق و كيما قال المال و البنون زينة الحياة الدنيا و علاش نبخلوا علينا نعمة حلال و نروحوا ديما للحرام والله انا نقزلها خير اللي قادر يزوج خير و الله

morad81 · 2012-09-07, 21:45

اقتباس:

المشاركة الأصلية كتبت بواسطة zaki_yagami

والله يا اخي الزواج راهو فرض و سنة و ربي قلنا راهو نصف الدين و الزواج راهو يستؤ العبد من المعاصي و الله اللي قادر ميديرش الروتار و الله الزواج نعمة و يفتحلك ابواب الرزق و كيما قال المال و البنون زينة الحياة الدنيا و علاش نبخلوا علينا نعمة حلال و نروحوا ديما للحرام والله انا نقزلها خير اللي قادر يزوج خير و الله

شكرا أخي الله يثبتنا بالقول الصالح و العمل الثابت المقبول.....و يرزقنا صالح الزوجات

morad81 · 2012-09-13, 23:22

اللهم لك الحمد حتى ترضى .....يارب أرزق زوجات المسلمين وبناتهم العفة و العفاف و الستر و الصحة و العافية

قَاسِمٌ.قَاسِم · 2012-09-13, 23:28

يا ليتنا نفيق مما نحن فيه