حابا الرجال يفهمونى في موقف مهم - الصفحة 6

قطوفها دانية 2 · 2012-01-02, 10:55

نقولك حاجة يااختي

صلي صلاة استخارة هذا اولا وثانيا

فكري مليح هل هذا راهو طبع فيه وهل ممكن بعد الزواج يبقى فيه ؟؟

لانو يااختي هاذي حياتك رايحة تكمليها بطولها بعرضها

فكري مليح هل
مع اول مشكل بينكم بعد الزواج رايح يجري لواحدة اخرى

وماتنسايش كاين صفتين ذكرهم لنا الرسول صلى الله عليه وسلم

الدين والخلق

لي لازم يكون في الخاطب

قطوفها دانية 2 · 2012-01-02, 10:57

كررت الرد عمدا وليس سهوا او خطأ

عاشقة الوفاء · 2012-01-02, 11:00

اقتباس:

المشاركة الأصلية كتبت بواسطة قطوفها دانية 2

كررت الرد عمدا وليس سهوا او خطأ

مفهمتش وش قصدك

عاشقة الوفاء · 2012-01-02, 13:38

باختصار تسكر الموضوع
فالحق مكان حتى رد يستحق الشكر بكل صراحة ماعدا 2 ردود

nina38 · 2012-01-02, 16:08

هدا خليك منو طبيعتو و ما يبدلهاش و الزواج يبين امور اخري ممكن انك غني عنها من الاول

sarl02 · 2012-01-02, 16:16

واش هذا المستوى في النقاش ربي يهديكم زعمة راكم بنات الله ابارك في منتدى افتراضي وما اتعاشرتوش ما بالك في الواقع ...طلعو النيفو اشوية راكم اتبهدلو.

nina38 · 2012-01-02, 16:11

والدليل عندي اعرف وحدة مدة زواجها 21 عام و6 اطفال و حاج بيت ربي و مازال هو هو حتي لحضة كتابة هده السكور

عاشقة الوفاء · 2012-01-03, 09:48

علبالكم لبنات شوهتولى لب الموضوع
من فضلكم اخرجو برا موضوعى من فضلكم هدا اخر كلام عندى

عاشقة الوفاء · 2012-01-03, 15:33

انا تقبلت كل الردود بصح فالحق الردود مشي في لب الموضوع يعنى خرجتو لى من الموضوع نهائيا على كل كل واحد ورايه وانا قراري واحد وطريقى واحد ومصر بكل عزم

السَّحابة البيضاءْ · 2012-01-05, 14:30

انت سردت قصتك بكل تفاصيلها المهمة التي ينبغي النظر والتوقف عندها لكنك شئت ان تختزلي الامر في معرفة اسباب الخيانة فاقول لك ان للخيانة اسباب كثيرة بعضها تعرفينها والبعض لايخطر على بالك
اكثر ماشد انتباهي في قصتك هو بعض الكلمات التي قلتها انه زواج صدفة باعتباره صديق اخيك ربما اختي الفتاة التي كان يعرفها قبلك ضايقته في امر او ايشيئ من هذا القبيل فاراد ان يغيضها بالتقدم لك وهذا احتمال وارد وهذا مايفسر عودته لها
ثاني قلت انك تحكميه يهدر بالساعات في التليفون بالليل والنهار ردة فعلك بعدم الاكتراث من جانبك انا افهمها عدم غيرة وليست صبرا فاحساسه بعدم اهتمامك به زاد ونمى من رغبته في اللجوء الى اخرى لترضيه عاطفيا وربما هي استغلت الامر واعتبرتها اداة لجطبه

غرضى كان نحافظ على زوجى والمهم امو مع المدة يندم ويصفى لي توسخ

مادام انك اعترفت بان مافعله يعد شيئ سيئ لدرجة انك وصفته بتصفية لتوسخ فهذا اكيد انك من داخلك تشعرين بمراراة ماافعل فلا تكابري فلا تجاهدي نفسك في شيئ محسوم
ذكرت ان هناك بنت اتصلت بك الم تسالي نفسك من اين جاءها رقمك ربما من خلال تواجدها معه اخذته من هاتفه فهذا الامر بحد ذاته مشكلة كيف سمح لها بحمل هاتفه والعبث به لنفرض عبثا انها اخذته على حين غفلة منه اين كان هو هذا يعد بالنسبة لي انها ليست نزوة من جانبه بل انهما يعرفان بعضهما جيدا وان هناك تواصل بينهم
نعتي غريمتك بانها ماتشبه لوالو وهذا اكبر غلطة علاش الزين عندك بواش تقيسيه وانت راكي متاكدة بلي راكي تشبهي مثلا تشبهي الزهرة ولا القمر بالاك لقى فيك الزين ولقى فيها الروح والعقلية على هاذي رجعلها

قالك خليني نتكلم معاها بغرض الزهو هذي اكبر طعنة تتعرضلها كرامة المراة وانت رضيتي ختي من واش راكي مخدومة اكثر حاجة تهز الراجل غيرة المراة عليه وانت بالنسبة ليه كنت جماد
اختي وينا هدوء عائلي راكي حابة توفريه بعد كل هاذا
على حساب راي خانك لانو مالقاش فيك المراة الغيورة ملقاش فيك الحنانة مهتميتيش بيه ماعرفتيش تكسبيه

صدقيني في حكايتك كامل حيرتني حاجة برك قلت انو صيق اخوك وش ردة خوك كي عرف صاحبو على حقيقتو ولا خوك ثاني صابر كي صبرك مداهش النيف على كرامة اختو مداهش النيف على الثقة الي مدها لصاحبو وخانها

متقدريش تحكمي على حبيبة حبيبك انو ماعدهاش ذرة كرامة بالاك كان واعدها بازواج بالاك راهي ثاني تشوف فيك ماتشبهي لوالو على هالدي استخسراتك فيه

في الاخير تقبلي راي حتى واني عارفة بلي راني ثقلت العيار والكلام عليك وبالاك كلماتي تجرحك لانو الرصاصة الي ناتصبش تدوش وان شاء الله كلامي تفهمي معناه

hydraulique51 · 2012-01-05, 16:59

حسب رأي انت مخطئة 100 بالمئة
هدا ما يسمى في الاسلام بالديوت
من يرى في اهله ما رأيتي وصمتي
من المفروض عليك كنت تعلنيها ولا تكتميها بغية الحفاظ على منكر
لان الساكت عن الحق شيطان اخرس
وتأكدي يا اختاه انه سيعيدها لانك تساهلتي معه من الاول

الحقيقة مرة اعدريني يا اختاه وتقبلي مروري
وفقك الله لما يحب ويرضاه