كيف تقتصدين في حياتكي اليومية.موضوع متجدد - الصفحة 6

أم رمزي · 2014-01-30, 20:38

أخواتي و الله أنا متزوجة منذ سنوات , و راني موظفة و زوجي كان موظف , و ما درنا والو للزمان دار ماعنديش

زوجي يصرف بزاف , الشهرية في يده أنتاعي هو اللي يصرف , درك كبر الأولاد , و كبر ت المصاريف أنتاعهم

أنا مانعرفش نقتصد خلاص , راني كي نخمم مع روحي نقرب نهبل , الرقاد ما يجينيش , كيفاه نعمل أفيدوني بنصائحكم

القيمة .

/زهرة عصفور الجنة/ · 2012-11-10, 15:37

بارك الله فيك

هبة الكوثر · 2012-11-11, 08:52

بارك الله فيكم ويعطيكم الصحة خياتي

سمية محمد عطية · 2012-11-13, 22:17

موضوع رائع جدا جدا درك رايحة نرقد بصح ان شاء الله لي عودة

it's me · 2012-11-14, 15:12

نسيت نقولكم على الوصفة السحرية ههه
كي يخسرلك قاطو ولا يتحرق نحيلو الطبقة المحروقة و رابيه و زيديلو العسل و القرفة و المكسرات اذا عندك وشكلاطة خلطي مليه و شلكي كريات و غلفي بالالمنيوم هكذا مانضيعوش و نربحو تحلية سهلة التحضير
سلااااام

it's me · 2012-11-21, 10:13

صباح الحب و الشوق والابداع و التميز و النجاح و كل شئ جميل

الأمنيات · 2012-12-01, 20:03

هادا وين راني نشوف في هاد الموضوع
كنت نتجول في المنتدى وطحت فيه ربي يجازيك اختي الكريمة على الطرح
قريت الصفحة الاولى والاخيرة صراحة النت راه ضعيف
لي عودة ان شاء الله

meriama13 · 2013-01-16, 15:36

يعطيكم الصحة هادا وين شفت الموضوع
انا عزباء و تعلمت بزاف صوالح من ماما
الثوم نديروها حبات في الكونجيلاتور و مين نحتاجو نجبدو كيف كيف بالنسبة لليمون و زاست نتاع التشينة الطومسون راني نجمع فيه نحتاجه للحلويات
تاني الطماطم حبات مين تكون رخيصة و بزاف في فصل الصيف نديروها في الكونجيلاتور
المعدنوس كيفكيف نغسلوه و نقطعوه رقيق و نقسموه في علبالزبدة الصغيرة و نحطوهم في الكونجيلاتور
الزيت نتاع القليان نصفيها و نحطها في بلارة زجاجية نحضر بيها المرق

~أمة الله~ · 2013-01-19, 20:53

السلام عليكم ورحمةُ الله وبركاته
الحقّ الموضوع رآآآائع جدّا واستفدت منه [ إن شاء الله أُطبِّق في بيتي مستقبلا ^^ ]
من الأمور التي تقوم بها أمي حفظها الله : كي تطيِّب الدولما ، تلّم بقايا القرعة والبطاطا ( يعني واش فرغت منهم ) وطمّهم في كيس تاع التبريد وتحطهم في المجمّد وكي تدير الحساء تضيفهم معاهم

hindoucha02 · 2013-01-20, 15:12

عندي سؤال بخصوص الميكروواف. أنا أستعمله في تسخين الاكل . هل هذا سيء

ام منيب · 2013-01-20, 21:52

شكرا اختي على هذه النصائح

ام البنوتة · 2013-01-22, 12:30

موضوع هايل
انا مثلا اذا درت حوت و لا جاج في العشا غدوا ندير les gumes باش نستفاد من العظم تاع الجاج و البقايا تاع الحوت.
تاني في التسياق نسيق بالطاس نتحكم في الماء ماشي هو هارب و انا لاحقتو و باش ما نبذرش.
فكرة اخرى نهار نغسل شوية حوايج و يكون الماء تاع التشلال نظيف نسيق بيه.
ايضا لما نغسل الخضرة او الديسار ما نرميش الماء هذاك و نسقي بيه النباتات لي عندي.
فكرة اخرى حوايج يضياقو علي و لا ماتنفحليش نلبسهم نعاود نفصل منهم حاجات باهيين لبنتي.
حاجة اخرى قررت اني ما نزيدش نخيط لبسات تقليدي للاعراس الا لي جبتهم كي تزوجت و لكن نخيط اونسومبل شيك نلبسو في الطهارة في عرس في فال تاع باك و ما يحتاجش بزاف ذهب...
هذا افكاري نتمنى يعجبوكم

امونة الشاوية · 2013-01-25, 00:04

السلام عليكم انا شفت الموضوع و عجبني و حبيت نشارك معاكم باش اشتفادمن نصائحكم وتستفادو من نصائحي
انا استغل ضوء ربي لاخر دقيقة يعني نخلي النوافذ محلولين حتى المغرب و نقفل وكي نشعلو التريسيتي نشعل الهول يقرى ولدي في الطاولة اللي في الهول وفي الصالون التلفاز شاعل مايشعلش الضوء وانا في المطبخ والضوء تاع الخارج كيي يجي الوقت تاع راجلي يروح ويعيطلي كاش ما يجيب نشعلو
والماء : العين تجينا كل يوم ولكن انا مانحلهاش كل يوم حتى يقرب يخلص الماء على حسب الخدمة تاع الدار
وكي نغسل القش نشلل في لابينوار والماء هاذاك نستغلو طول النهار للمرحاض اكرمكم الله حتى لغدوة نعمر
المدفاة كي نوض بعد نقص فيها لانو نحل النوافذ الباب يتحل السخانة اكل تخرج و غدا ان شاء الله نكمل واش نتفكر
ايضا كل يوم نشري الحليب تاع الشكاير نعاون بيه لحضة و اذا حبيت ندير حاجة فيها الحليب او الفلن نستعمل تاع الشكاير و الشكاير نغسلهم ونستعملهم للمايوناز و الشوكولاطة تاع القاطو

ماريا205 · 2013-01-31, 13:43

الله الله عليكم يا بنات بلادي فحلات ونص
ربي يبارك ويزيد

ام جزائرية · 2013-12-18, 16:12

اقتباس:

المشاركة الأصلية كتبت بواسطة amouna oumel bouaghi

السلام عليكم انا شفت الموضوع و عجبني و حبيت نشارك معاكم باش اشتفادمن نصائحكم وتستفادو من نصائحي
انا استغل ضوء ربي لاخر دقيقة يعني نخلي النوافذ محلولين حتى المغرب و نقفل وكي نشعلو التريسيتي نشعل الهول يقرى ولدي في الطاولة اللي في الهول وفي الصالون التلفاز شاعل مايشعلش الضوء وانا في المطبخ والضوء تاع الخارج كيي يجي الوقت تاع راجلي يروح ويعيطلي كاش ما يجيب نشعلو
والماء : العين تجينا كل يوم ولكن انا مانحلهاش كل يوم حتى يقرب يخلص الماء على حسب الخدمة تاع الدار
وكي نغسل القش نشلل في لابينوار والماء هاذاك نستغلو طول النهار للمرحاض اكرمكم الله حتى لغدوة نعمر
المدفاة كي نوض بعد نقص فيها لانو نحل النوافذ الباب يتحل السخانة اكل تخرج و غدا ان شاء الله نكمل واش نتفكر
ايضا كل يوم نشري الحليب تاع الشكاير نعاون بيه لحضة و اذا حبيت ندير حاجة فيها الحليب او الفلن نستعمل تاع الشكاير و الشكاير نغسلهم ونستعملهم للمايوناز و الشوكولاطة تاع القاطو

444444444444444444444444 بوركت