ضاع حُلُمي بالزواج

[عُضو مُحترم]

المشاركة الأصلية كتبت بواسطة نائب عضو

السلام عليكم

هنا قسم المشاكل الاجتماعية وحلولها وليس قسم المستحيلات وتحقيقها

أمزح معك فقط

رأيي أنه لو تحسبها بعقلك البشري المحدود فستجدها أول المستحيلات

ولكن إذا توكلت على الله ، فصدقني ستزول كل العقبات وليس تفاؤل فقط

أو تهور ، بل رأيتها في عدة شباب ، المهم أنك تنوي وسترى أنك ستتقدم

كل يوم خطوة ، تتخلص من عقبة ، وهكذا إلى أن تصل ، على الأقل لن تجد

نفسك في المكان نفسه كل سنة في نفس الكلام (عندك ستين عام وأنت هاك)

أرجو أن تتقبل مزاحي ، وتعمل بنصيحتي ، العفو أخي.

اقبله بكل روح رياضية و اخوية ههه


حقيقة الموضوع اني اعاني من ضغوط

فجئت هنا كي نتناقش و افرغ القليل من التوتر في المزاح و النقاش على هذه القضية

اعلم ان الرزق بيد الله

و علينا ان نسعى

بارك الله فيك اخي

[عُضو مُحترم]

المشاركة الأصلية كتبت بواسطة اميرة اليالي البيضاء

بارك الله فيك على ردك الطيب

اليوم برك شفت هذا الرد

درك نحكيلك الواقع وخلينا من المثاليات .صح

انا قتلك اكتيفي

ماشي قتلك اقعد

انا والله غير نعرف لجان تزوجوا وما عندهم والوا

واحد فيهم كي تزوج كان معندوا والوا

ومبعد اشترى معزة والمعزة جبتلوا جدي والجدي كبر وكي كبر باعوا وباع معه المعزة

برك متضحك خليني نكملك

ومبعد بالشوية اشترى بقرة والبقرة جبتلوا وكريفة وبالشوية بالشوية ..........يبيع ويشري حتى

اشترى ارض وبنى سكن ودار طونبيل وراه يتاجر ومرتوا كامل كانوا يقلولها علاش رحتي ليه ماهوش خدام

بصح درك راهم يحسدوها على الراجل القوي اللي خدم ووصل وحتى وما يوصلش فانه لا يلام

ونعرف واحد عندوا ليسانس ..........والله ما حب يخدم بها

كان ينحي الجلبانة وبالشوية قام بالكراء ارض ولا يدير الخضرة وبالشوية حتى راه داير فيلة

وعايش لاباس عليه

والمهم جيب اللقمة بالحلال والله غير يبارك ربي فيها

انا منكذبش عليك راني بنت وكرهت الخدمة عند الدولة .......نهار كامل وانا قاعدة من الثامنة الى الرابعة والنصف وماذا استفدت الا انهم قاموا بالكبت طاقتي.....كرهت

لوكان راني نخيط .ياحسراه لوكان راني فور على نور

ايه انا نحب الاعمال الحرة

وعلى هذيك اخطب وتزوج ونهار اللي تولي تشوف في أمراة تنتظرك في البيت من اجل لقمة العيش

هناك تخدم وسورتوا لا عرفت ان هناك مزيود في الطريق تخدم الليل مع النهار

وسورتوا وسورتوا لا كنت تخدم نهار كامل وجي للدار وحتى ماكنت جايب والوا

معليش جايب ربطة صلق للعشاء



وتفتح عليك زوجتك الباب وتقلك كيما جبتلي هذي ربطة الصلق الله يحفظك وحتى ومجبتش المهم جيت انت

المهم هو اختيار الزوجة ونقلك اختيار الزوجة لا يكون الا بالدعاء ليلا ونهار

ربي يجيب الخير وقتلك الواقع وانت لا حبيت اخدم والله لا يضيع اجر من احسن عملا ولا تنسى ان

الزواج سبب من اسباب الرزق ومتنساش ممكن الله يرزقك بالولد ويجي بالرزقوا

علابالي كاين اللي يقلي نحوسوا المنطق ولكن احنا خلقنا ربي ولازم نأمنوا ان الله عمروا لا خيب عباده

وان الله يبارك لعباده الصالحين في صحتهم واموالهم وخاصة ابنائهم ............

والعبد لازم يرضى بما اعطاه الله .

وفي مثل انجليزي يقول : باه تعيش ترونكيل في مخك لازم تتقبل الواقع اللي انت فيه وبما فيه من صعوبات
ولازم تكون عندك ارادة كيما الحجر لكي تتخطى الصعوبات

اتعرف اروع رواية قرأتها في حياتي هي رواية انجليزية قديمة بزاف بعنوان حب وموت

تقول كاتبها واحد قاري فقه الواقع

علابالك علاش كتبت هذا الرد الطويل لانك اولا اخي وثانيا ربما يكون اخر رد

عليكم السلام

فهمتني ياسي ابوخولة

المهم بالتوفيق

بارك الله فيك اختي

قريت الرد كلمة بكلمة و فهمت مقصودك

ربي يحفظك

ان شاء الله ماهوش آخر رد

على الاقل حتى تفرحي بزواجي هههه (2099)

====================================
احتاج مساعدتك في امر خاص
====================================