الاعلان عن انطلاق دورة بيتك جنتك و رضاء ربك مبتغاك

[سمراء الدنيا]

المشاركة الأصلية كتبت بواسطة hanamohamed

بصحتكم البغرير سمراء راني درت انا ثاني وشربنا به قهوة و حليب وهي الثانية لنا لنخممو فيها مع بعض سبحان الله
تطبيقاتي ان شاء الله راح نحطها وراني نوجد في الطماطم الزوج حفظه الله يحب الشربه بها و كذلك البدنجان

هههههههه..... سبحان الله جمع ووفق
في انتظار التطبيقات

المشاركة الأصلية كتبت بواسطة جهينة اليقين

بصحتكم البغرير سمراء وهناء انا درت كروكي مع الشاي وللعشاء دجاج وبطاطا صغيورة في كيس الشواء في الفرن مع سلطة

مممممم كروكي ...بصحتكم .......... فكرتيني فيه نعملو لفطور الصباح العايلة عندي يموتو عليه

المشاركة الأصلية كتبت بواسطة ام هزار

لبنات حبيت نظيف ملاحظة برك .انو ما نبداوش في تصبير الطماطم و باقي الخضر حتى بداية شهر ماي . ان زينب قالت ان اقصى مدة للاحتفاظ بها يعني استهلاكها هي 3 اشهر . كل وحدة تشوف ععد عائلتها و الكمية اللي راح تحظرها و اذا رايحة تفضللها بعد رمضان
سمراء و كل الاخوات بصحتكم ما حضرتم للقهوة . تصبحن على خييير

الله يسلمك ام هزار
الحقيقة انا مازال ما بديت التصبير مازال الطماطم غالية عندنا و الله المستعان

المشاركة الأصلية كتبت بواسطة oum sabrin

السلام عليكم و رحمة الله
يعطيك الصحة سمورتنا على البرنامج عجبني ما شاء الله كامل متكامل و راني متشوقة للتطبيق معكن فالعمل جماعة عندو طعم اخر
غدا باذن الله انطلق مع غسل الريدوات و الكاش ريدو و السدادر و نظف الارائك و نشوف واش نزيدعلى حساب الوقت لانو الاحد شويا مضغوط
اتمنى لكن التوفيق

ربي يقويك و يعينك ام صابرين نعرفك تلميذة مجتهدة

المشاركة الأصلية كتبت بواسطة غزالة1

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

اللهم صل وسلم على سيدنا محمد

المشاركة الأصلية كتبت بواسطة oumhana

مساء الخير أتي سمراء و كل المتواجدين في هذا المنتدى الراقي .عودتك فرحتني أنا من المتتبعات لك ويسعدني ن أنضم إليكم إن شاء الله رمضان مبارك لينا و على أمه سيدنا و حبيبنا صلى الله عليه وسلم. كما قالو الأخوات بديت أنضف غير بالعقل خاطر داري صغيره بديت فالكوزينة خرجت كامل الخردة لي منسحقهااشرميتها. ولميت شويه ماعن ناويه نمدهم كمايقولومشي رياء بصح الحاجة لحنا مخزننها و منستعملوهاش بلاك واحد آخر يفرح بيها و يديرلها قيمه. خملت البلاكار ونظفت الدنيا مليح راني نحاول في أبو الشباب يجيبلي بانتر يزوقلي غير المطبخ. أما باقي البيت و الصالون ساهلين.وكما قلتي أختي لازم يكون عندنا جانب العباده أنا دائما كيبدا يطوال الوقت نحب نقرا القرآن بين االمغرب و العشا هذاك الوقت نكون حطيت لعشا يطيب ونا نقرا شوية. أما بالنسبة لتحضيرات المأكولات ماحضرت والو مزال شريت شوية قارص باه ندير بيه jus ونكوجليه.لا أكثر يبانلي مزال شويه الحال. على كل نقولك ليك ولكل الأخوات يعطيكم الصحه وربي يجازيكم .اللهم بلغنا رمضان آمين

يعطيك الصحة يا الشاطرة راكي سابقتنا
اسعدني كثير انضمامك لينا .... راح نقتابس هذه المشاركة و نحطها في الدورة

[سمراء الدنيا]

الحمد لله اني قدرت نرد عليكم كامل حتى ما تحسوش اني تجاهلت مشاركاتكم ...هو فقط مشكل الوقت
مثلا اليوم عندي وقت بعد العصر قلت نعدل في البرنامج بقيت مع الباب و الهاتف و بعدها رجع الزوج من العمل مرهق و تعبان و الاولاد

حتى راح كل الوقت

ملتقانا في الدورة باذن الله