ȌỒ بستان الفراشات ❀ تعلم الخياطة ② باترونات اليد ỐŐ - الصفحة 6

وفاء الياسمين · 2016-01-06, 08:58

ماشاء الله عليك مرا ونص
قوليل برك كي لبستيه جاك مليح وخاصة اليديين يبانو شوي ضيقين عند الكثف يعني مع الابط شوفي انت
لكن والله جا شبا ماشاء الله
و باش تعرفي اذا راكي صحيحة كي تلبسي أو يلبس الي قيستيلو يجيه قدقد يعني راك صح
بالتوفيق حبيبتي

وفاء الياسمين · 2016-01-06, 12:04

عرفتها بلي يجو اليدين ضيقين حسيتك مدرتيش التدويرة ناع اليد في الصدر الأمامي داخلة بزاف عاودي شوفي الباترون شوفي كيفاش تجي رسمة مكان وضع اليد تجي منحنية اكثر من ذلك مما يعطيها مساحة اكثر وماتجيش ضيقة

patchiko · 2016-01-06, 19:56

السلام عليكم هل يمكنني الانضمام اليكم و اتمنى ان تضعوا باترونات جديدة للفساتين .....انا ادخل بعضوية ابني

حواء الخير · 2016-01-07, 08:59

بارك الله فيك

وفاء الياسمين · 2016-01-07, 13:24

ربي يبارك فيك
زيدي حاولي تخدمي نوع من اليدين الي حطيتهم في الصفحة الاولى
وصوريهم

وفاء الياسمين · 2016-01-10, 07:40

لاباس عليك راك مرا و نص ربي يوفقك حبيبتي بإذن الله سأضع الدرس التالي كوني بالقرب

mimi_belle · 2016-01-09, 22:20

السلام عليكم و جازاك الله
راني حسبت القيم باش نرسم باترون اليد بصح ما عرفتش نرسم الجزء السفلي يعني النقطتين s و v
و هل الطول aw نقيسه من عظمة الكتف حتى الكوع يعني نقطة طي الذراع
و بالنسبة للطول ce خرجلي اكبر من الطول cd على عكس المثال لي حطيتيه خرجلك الطول ce اصغر من cd
هل حساباتي خاطئة ام ماذا؟
و شكرا مسبقا و الله دعواتي لك فاقت الحدود

وفاء الياسمين · 2016-01-10, 07:55

أهلا حبيبتي ميمي
شوفي باش تكون قيم اليد صحيحة لازم تكون قيم اليد في بارون الصدر و الظهر صحيحة
ومرات يكون رسم تجويفات اليد ليس دقيقا فينتج لنا قيم ليست دقيقة
و عادة وعلى حساب طريقة رسم الباترون يكون من الحلف اطول بقليل فقط مش كثير
لكن ليس شرط وفي المرة القادمة حاولي تاخذي القياسات بدقة ولو لاحظت في الثال الفرق بيتهما 0,4 سم
طول اليد يبدأ من عظمة مؤخرة الكتف ثم إلى الكوع مكان طي اليد م للكفين
وهو يكون عادة بين 56 الى 66 سم حسب الناس

ركزي معايا

ac هو الناتج الي راح تحسبيه
aw هو من عظمة الكتف الى مكان طوي اليد
wb هو الباقي من طول اليد الكلي

وبالنسبة vs هو عرض الكم عند الكفين يعني اغلقي يدك مليح وقيسي العرض الي راكي حابا تديريه و انت و اختيارك

وفي العادة يكون 24 أو 26 أو أكثر
بالتوفيق

mimi_belle · 2016-01-10, 20:48

اوكي فهمت راح نحاول نكمله ان شاء الله
جعلك الله من اهل الجنة يا رب

وفاء الياسمين · 2016-01-11, 10:57

حبيبتي ربي يوفقك و يوفقنا أجمعين
بما أنها راهي نافحتلك علاش ما تحاوليش تخدمي باترون وحد آخر باش تتعودي على الحسابات وتمشي يدك

وانا يا حبيبتي و الله لغذا مازال مادرتوش راني مصبح وانا مع المجلة مازل ماكملت بقالي سمانة نشاء الله و نتهنى ونحطلك الدرس انت و الأخوات
اعذريني و ادعيلي بالتوفيق

mimi_belle · 2016-01-15, 08:44

راني رسمت باترون اليد لكن كي قسته فوقي جا صغير ...عاودت رسمت واحد اخر باضافة 2سم في كل من طول محيط اليد الامامي و الخلفي وعمق محيط اليد؛ هذا الاخير يبان مليح يعني واسع شوية نتمنى تعطيني رايك ...اذا لزم الامر نعاود ناخذ القياسات من جديد و نرسم باترون الامام و الخلف ثم باترون اليد افيديني افادك الله نشوف يلا نطبقه على القماش و لا لا

crono · 2016-01-15, 19:41

اقتباس:

المشاركة الأصلية كتبت بواسطة mimi_belle

راني رسمت باترون اليد لكن كي قسته فوقي جا صغير ...عاودت رسمت واحد اخر باضافة 2سم في كل من طول محيط اليد الامامي و الخلفي وعمق محيط اليد؛ هذا الاخير يبان مليح يعني واسع شوية نتمنى تعطيني رايك ...اذا لزم الامر نعاود ناخذ القياسات من جديد و نرسم باترون الامام و الخلف ثم باترون اليد افيديني افادك الله نشوف يلا نطبقه على القماش و لا لا

السلام عليكم سمحلي على تدخولي الخلل راه في ac طويل بزاف

وفاء الياسمين · 2016-01-15, 09:11

أهلا أختي يومك سعيد

شوفي سر نجاح باترون اليد يعتمد على نجاح باترون الصدر يعني كما نسميه الباترون الاساسي

و انا راني نشوف بلي باترونك فيه خطأ في عرض اليد لا اعلم لماذا؟
ساقترح عليك الرجوع للجدول الموضوع في الصفحة الاولى من الدرس الاول فيه قياسات تقريبية لكل النساء و حجمهم
شوفي قياساتك وقارنيها معاه و حاولي تعيدي القياسات وشوفي الخلل وين

و اعيدي رسم الدرس الاول و من جهة مليح ليك تمشي يدك خير
وقوليلي واش لقيتي

mimi_belle · 2016-01-15, 18:49

اكي فكرة مليحة نعاود من جديد هكا نشوف الخلل وين راه و من جهة اخرى نتعود على رسم الباترون
زوجي خدالي القياسات شكيت ما داهوش نيشان
شكرا على كل حال اختي الكريمة

وفاء الياسمين · 2016-01-16, 05:45

شكرا كرونو بارك الله فيك و هذا شرف مش تدخل
تحياتي