تحضيرات النفاس ✿ موضوع متجدد ✿ اهلا بكن ◕‿◕

[imane khaled]

سلام عليكم

اختي فهيمة انا راني في الشهر 5 مازال لكن نتابع معاكم الجديد و واش خرج في الحطات لاني نحب نحمر وجهي و نكرم ضيوفي و نقدملهم اغلى واش عندي
و حبيت نشارك معاكم ليوم بهذ الصابلي درتو في عيد ميلاد وليدي لكن نظن انو يصلح لنفاس





و هذي المناديل بطريقة الاخت الهام



ربي يحفظلك البنوتة

[فهيمة 7]

اختي العزيزة شكرا على مرورك واهلا وسهلا بك في هذا الفضاء شرفتيني او انشاء الله قبل ما تزيدي نكون عاونتك بكل ماهو جديد ، الصابلي تاعك هايل او فكرة مليحة او جديدة انا شفتها شحال من مرة في الانترنت لحفلات النفاس وكذلك المناديل نتمنى تقوليلي واش عندك طفل او بنوتة باش نعونك ,,,,,,,,,,,,,,,,

[imane khaled]

المشاركة الأصلية كتبت بواسطة فهيمة 7

اختي العزيزة شكرا على مرورك واهلا وسهلا بك في هذا الفضاء شرفتيني او انشاء الله قبل ما تزيدي نكون عاونتك بكل ماهو جديد ، الصابلي تاعك هايل او فكرة مليحة او جديدة انا شفتها شحال من مرة في الانترنت لحفلات النفاس وكذلك المناديل نتمنى تقوليلي واش عندك طفل او بنوتة باش نعونك ,,,,,,,,,,,,,,,,

نورمالمو طفل حنونة شكرا ليك

[فهيمة 7]

ربي يحفظو او يسلكم على خير او عافية ، هنا اذا عملتي الصابلي قلوب اعمليلو قلاصاج ازرق فاتح، شكولاطة بيضاء او لونيها ، او نونوس ليباسو بالازرق اذا ممكن شوفي مثلا

او الجديد هاذ البطاقات تلصقيهم مع التوزيعات فكرة شابة

نتمنى تعجبك في امان الله

[mariposa81]

il faut preparer le gateau avant

[imane khaled]

واو شكرا حنونة حلوة فكرة اللصيقات تهبل يعطيك الصحة حنونة

[maram mery1]

المشاركة الأصلية كتبت بواسطة فهيمة 7

اهلااختي وشكرا على مرورك الطيب، ربي اسلكك على خير او عافية راني حاسة بيك هاذو شهرين لي بقاو صعاب شوية من ناحية التفكير والتجهيز لازم عليك اول حاجة ديريها تحكمي ورقة او ستيلو او تبداي تكتبي :

1 تضعي ميزاية بالتقريب
2 تحديد عدد الضيوف ، الي راح اجيو اباركو ايضا بالتقريب
3 تحديد ما اذا راح تعملي حفلة جماعية في يوم واحد وهي احسن شيئ لنافسة اختصار الوقت والجهد ، او راح تستقبلي كل ضيف على حدا او هي شوية تعب
4 تحديد كم نوع من الحلويات بامكانك ان تصنعيها او اكيد راح اعاونوك اهلك، مثلا انتي اعملي 3 حلويات، او والتك او اخواتك يعملولك المقرود او البقلاوة او الطمينة,,,,,,,,,,,,,,,,
5 اذا راح تعملي القاطو وحدك وجديه من الان لانو كي تدخلي شهرك متعرفيش وقتاش تزيدي في اي وقت او ربي اسهلك،هنا ديري كيما درت انا عملتو كل يوم شوية او حطيتو في الثلاجة اي المجمد ، طريقة جد عملية او بزيادة يقعد هو هو بالعكس كي تخرجيه ازيد يطرى اكثر ممممم
6 اذا راح تعملي حفلة جماعية ، كاقتراح تعملي رفيس بالبن او الغرايف بالبن، اضافة الى القهوة والحلويات ، اتاي ،مكسرات ، مشروبات ، طمينة ، وتوزيعات للضيوف ,,,,,,,,,,,,,,,,,,حسب الميزانية والظروف,,,,,,,,,,,,,اكيد بمساعدة الاهل
6 اما فيما يخص السارفيات اذا عندك الوقت اصنعيهم في البيت كيما عملت او راني حطيت الطريقة، واذا ماعندكش اشريهم واجدين، مع اغلفة الصنيات،وجدي سارفيس القهوة او لاتاي، واذا حفلة جماعية نفس الشيئ، طاقم المشروبات اغسليهم من ذرك او حطيهم على جنب غلفيهم باش ما يتغبروش,,,,,,,,
7 بالنسبة للتوزيعات اذا راح ديريهم اشريهم من ذرك او عمريهم كيما تحبي حلوة الدراجي، كابريس، مكسرات، حلوة الفواكه ،،،،،،،،،،،،،،،،،،،ايضا حسب المزانية ,,,,,,,,,,,,,,,
8 وجدي الزبدة تاعك اشري بالتقريب للطمينة مثلا 15 باطة حسب الضيوف او اذا راح ديري حفلة جماعية اكيدا العدد قليل، او سكر ،القهوة او تاي ا،ذا راح ديري ،كذلك المكسرات ،او حلوة الدراجي,لتزيين الطمينة تاعك،،،،،،،،،،،،،،،،،,هاذا الرابط للاخت كاتي حياة لتزيين الطمينة يعطيها الصحة هايل https://www.djelfa.info/vb/showthread.php?t=1740074
,,,,,,,,,,,,,,,,,,,,,,انشاء الله نكون فدك شوية او اي استفسار راني هنا بالنسبة للحلويات المنتدى رائع في هذا المجال قوليلي قداش نوع راح ديري وانا ندلك في امان الله او ربي اسهلك انشاء الله

بارك الله فيك اخت راكي بردتيلي قلبي,,,,,جاوبتيني على اسئلة كثيرة كانت في بالي ربي عطيك ما تتمناي و يباركلك ف الببي
بالنسبة للحلويات فكرت في مخبز الاغواطية و قاطو المنقوشة لام اماني و صابلي بالبرتقال او بالطلية واش رايك؟؟؟؟؟
و بالنسبة للسارفيات ياريت اتحطيلي الرابط,,,,,,ان شاء الله نبدا انوجد و انشارككم تحضراتي,,,,
سلاااااااااموووووووو

[فهيمة 7]

شكرا اختي ، قائمة الحلويات الي خيرتيها مليحة او موفقة جدا ، انا عملت قاطو بساط الريح لام اماني هايل او بنين او ساهل في بلاطو او تقصيه ميشدش الوقت اساعذك في الوقت والجهد او يحمر الوجه كاقتراح ، ايضا اذا خيرتي ليكيسات خيريهم بالوان زاهية او قريبة من لون الحلوة باش تعطي نضارة للصنية والقاطو ، بالنسبة للسارفيات نعاود الطريقة في خاطرك

او هاذي طريقتي بدلت الربطة ، دبلة صمغ او سمسم

ربي اسلكك على خير ، او تقومي بالسلامة او تشاركينا فرحتك انشاء الله اللهم امين

[فهيمة 7]

المشاركة الأصلية كتبت بواسطة imane khaled

واو شكرا حنونة حلوة فكرة اللصيقات تهبل يعطيك الصحة حنونة

اسلمك وقومك بالسلامة انشاء الله وتفرحي او تشاركينا فرحتك اللهم امين ، ربي اسهلك وسلكك على خير انتي والمولود اللهم امين

[salima-d]

44444 انا تاني نجهز لنفاسي في افريل انشاء اﻷه

[lilii7179]

franchement يعطيك الصحة على الموضوع و النصائح القيمة
انا راني في الشهر السابع و بديت نخمم في التحضيرات و القاطو , و وعد مني كي ننفس ان شاء الله نحطلك صور تحضيراتي.
عجبتني بزاف طريقة طي المناديل
حبيت نسقسيك واش من نوع نتاع مرغرين او زبدة استعملتيها للزرير, خاطر لابال ولات ما تعجبنيش ريحتها .
مشكورة, جزاك الله خيرا و ربي يحفظلك بنتك و تتربى في عزك ان شاء الله

[فهيمة 7]

المشاركة الأصلية كتبت بواسطة salima-d

44444 انا تاني نجهز لنفاسي في افريل انشاء اﻷه

شرفتيني بمرورك وتعليقك، انشاء الله ربي اسهلك او تسلكي على خير انتي والمولود امين يا رب العالمين، راني نستنى تحضيراتك انشاء الله

[فهيمة 7]

المشاركة الأصلية كتبت بواسطة lilii7179

franchement يعطيك الصحة على الموضوع و النصائح القيمة
انا راني في الشهر السابع و بديت نخمم في التحضيرات و القاطو , و وعد مني كي ننفس ان شاء الله نحطلك صور تحضيراتي.
عجبتني بزاف طريقة طي المناديل
حبيت نسقسيك واش من نوع نتاع مرغرين او زبدة استعملتيها للزرير, خاطر لابال ولات ما تعجبنيش ريحتها .
مشكورة, جزاك الله خيرا و ربي يحفظلك بنتك و تتربى في عزك ان شاء الله

والله فرحتيني بمرورك الطيب وتعليقك الجميل، اهلا بك معنا، والله ما نكذبش عليك انا استعملت لابال في الحلويات او كذلك الطمينة، او اسمعت بلي كاين منها الي فيها الريحة بصح ماقدرتش ان بدلها لاخاطر ملي كنت بيها او قاطو اجي بيها مليح، انا الي ستعملتها الحمد لله مليحة ، شميها قبل ما دريها ، كاين زبدة ستار اقولو مليحة والله اعلم ، ربي اسلكك على خير او تقومي بالسلامة انتي او المولود امين يا رب العالمين/ اي استفسار او اقتراح نحن في الخدمة انشاء الله تعملي قهوة الله الله او تشاركينا بيها في امان الله

[فهيمة 7]

اهلا احبتي من جديد ، حبيت نفيدكم بهذا الرابط للاخت omanis روعة للصابلي كلها اشكال معبرة عن مولود جديد تستحق المشاهدة

https://www.djelfa.info/vb/showthread.php?t=1303533

او كذلك الي حبت تعمل حفلة جماعية هاذي طريقة مليحة او باهية لتقديم الطمينة زائد المعالق مزينة

[فهيمة 7]

اهلييييييييييييييييييييين حبيباتي ، اليوم جبتلكم مجموعة من لصابلي روعة كاين لمولود صبي او كاين للبنات او هاي ليكم