حلوى راقية وسهلة من مطبخي..تفضلوا - الصفحة 6

x ام رحاب x · 2014-01-11, 17:37

السلام عليكم
اخواتي من حبي لكم اقدم لكم هذه الحلوى السهلة
اليكم المقادير...
8 حبات بيض _كاس حليب_ كاس سكر _كاس زيت_2 مغارف كبار كاكاو_ 2 خمارة حلوى _قشور القارص
2بايط شيكولة _3 كيسان فرينة..
تحضير الطبقة الاولى..
افصلي بياض البيض على الصفار وحطي بياض البيض في الثلاجة يبرد
ديري في صحن كبير 8 صفار البيض وخلطيه بالباتوغ وديري عليها كاس سكر وكاس حليب وكاس زيت والكاكاو وقشور القارص والفرينة.والخمارة ومبعد دريها في الكوشى.

هده الطبقة الاولى بعد النضج
_______________________
والان نروحو لتحضير الطبقة الثانية
اجبدي بياض البيض من الثلاجة وديرلو قرصة ملح وابداي طلعي فيه بالباتوغ وزيدلو عطر الليمون ونتي راكي اطلعي فيه كي يطلع مليح ديري بشوية سكر قلاص قيس 8 مغرف كبار حتى يطلع مليح

ومعد حطيها فوق الطبقة الاولى .

دخليها في الكوشى وشعليها غير من الفوق خليها تحمار شوية ونحيها وطليها بالشكولة
ولك الاختيار سيدتي في تزينها حسب ذوقك...

ولا تنسوني اخواتي في الردود