دورة خطواتي الواثقة لأصبح ربّة بيت متألّقة

[ام متين]

اهدافي بسيطة بيت نظيف ومرتب المحافظة على الصلاة اهتمام بنفسي الاهتمام بالاولاد تلربية ودراسة وتثقيف وسكينة وهدوء في البيت واذا قدرت على اشياء اخرى لما لا

[ام متين]

المهم اني نحاول نرتقي في كل شيئ مادي او معنوي
الروتينات ساكتبها لاحقا

[أم الأخوان]

صبااااح الأواار على احلى فراشات الف شكر ام تغاريد على الدورة انشاء الله نكون معاكم والله الدورة هاذي جات في وقتها انا راني نعاني من قلة النضام والجلوس على الفايس بوك فترة طويلة انشاء الله تفيدوني ونفيدكم ولو بالقليل ربي يوفقكم اخواتي في الله������

[~اسيل ريحانتي~]

باختصار اهدافي هي كالآتي :
ان ااقوم الليل ولو بركعتين واصلي الفجر في وقته لاني اصبحت لا اقدر على النهوض باكرا
ان احافظ على صلاتي في وقتها
واقوم باعمال البيت بانتظام واجعله نظيف ومرتب ولا اعجز عن اعمالي اليومية لانني احيانا قليلة اشعر بالكسل
ان اخصص وقتا لتدريس اولادي واساعدهم على حل الواجبات
ان اخصص وقت لي كي اهتم بنفسي الحمد لله راني شاطرة في هدي النقطة خطراتش يحكمني العجز نسمح هههه
وربي يقدرنا

[جهينة اليقين]

السلام عليكم شكرا لكل المشاركات اهدافي كيم قالت ام متين بيت نظيف ومرتب ومريح الالتزام الديني وارضاء الوالدين اولاد ناجحين في دراستهم وفي حياتهم الدنيا وما فيها والي راهم يربو ربي معاكم المهمة صعبة في هذا الوقت الله يجيب الخير لوليداتنا

[sarah rose]

السلام عليكم اخواتي الفراشات
ام تغاريد جازاك الله خير على الدورة
اتمنى ات تقبلوا انضمامي لكن
و ساحاول قدر المستطاع ان التزم بها كأم عاملة
اسال الله لي و لكن التوفيق

[خولة84]

السلام عليكم
اشكرا لكل فراشة شاركتنا بأهدافها و الحمد لله على هذه اللمة المباركة بإذن الله
أهذافي مثلكن بما أني ربة بيت و أم لأطفال
الحمد لله كتبت أهدافي و روتيناتي على كراستى كما أحاول الإلتزام بالتطبيق الأول كوني عروس كل يوم
وفقني الله و إياكم

[ام صفصف]

صباح الخير على احلى لمة
نتمنى ان كل الفراشات يتمكن من تحقيق اهدافهن

[ام صفصف]

اختي الماسة الناذرة التربية صعيبة والحمل اصعب، يعني حاولي ماتضغطيش على روحك وحاولي بلعقل
اول حاجة حاولي تنظم النوم تاع وليدك،باش ما يعييكش اكثر بعد الزيادة
يعني الصباح ماتخليهش يصبح راقد،نوضيه بكري، وفي المساء ماتخليهش غير يتفرج،خرجوه يلعبويتحرك بزاف باش يعيى،وزيدي ديريلو دوش ،ووفريلو الهدوء كيما قالتلك الاخت غزالة
وحاولي تريحي انت ايضا لانك في حاجة للراحة، وربي يعين اختي

[ام شمسو محمد]

اهدافي ضبط نظام نكون بيه مسلمة صالحة وشابة جميلة وربة منزل شاملة و زوجة و ام مثالية و عضو متوازن و فعال في المجتمع كجارة و كنة وابنة.....ماقدرتش نوفق بين كل هذ المجالات مجتمعة دائما يطغى عنصر على عنصر.
و الانضمام لهذي المجموعة يوفر لي مناخ للاطلاع على التوجيه الاكاديمي للمشرفة مع تجارب وخبرات العضوات.

[~اسيل ريحانتي~]

سلام عليكم فراشات الدورة راني مقلقة وقتاش نبداو في الدورة بغيت نصور منتجاتي للتنظيف لي شريتهم ليامات لي فاتو وخدمت تاني بعض الاشغال اليدوية للتنظيم حابة نصورهم تشوفوها باه تدو افكار ومازلت نخطط واش نزيد نخدم

[amira19]

ام اسيل حبيبتي رانا متشوقين باه نشوفو منتجاتك ووش خدمتي
ام تغاريد بالنسبة لي توقفت عن العمل و الحمد لله راني راضية و قانعة مئة بالمئة و اقتنعت انو سعادتي في بيتي
اهدافي ان التزم بفرائضي الدينية على اكمل وجه
ان اكون زوجة صالحة و اما جيدة ان شاء الله و اربي اولادي تربية سليمة
انو نعمر بيتي الجديد بكل حاجة ساخفة عليها( راني راح نخرج من دار العايلة و الحمد لله و المنزل في طور الترميم )
انو نوجد لولادتي ان شاء الله
انو نولي شاف ف كوزينتي
و اخيرا انو نكون مزة في بيتي هههههه

[omelbanin]

السلام عليكم، كيف الحال، بالنسبة للتطبيق تجملي فأنت عروس، قمت بيه اليوم والحمد لله، وراني متمنية تبقى فيا عادة اني اتجمل كل صباح، كيما اكتسبنا عادات. التنظيف والترتيب من الدورات لي فاتو.
وما دام رانا في التطبيق الأول، ياريت كون كل. وحدة تحطلنا المنتجات لي راهي تستعملهم في التجميل، كاين بيناتنا لي ما يعرفوش. مليح منهم انا :d، بعد اذن المشرفة على الدورة طبعا.

[~اسيل ريحانتي~]

اميرة توحشتك واش راكي
قريت ردك انك قريب تولدي ماتصدقيش شحال فرحتلك ربي لي عالم
والحمد لله راح تستقلي في بيتك شفتي الصبر لي صبرتي مراحش خسارة ربي يفرحك حبيبتي

[~اسيل ريحانتي~]

ام البنين وعليكم السلام اختي فكرة هايلة هكذا نستفادو من بعضانا
انا لا حبيتو ماعنديش مشكل نصورلكم منتجاتي اليومية لا اذنتلي اختنا ام تغاريد