موضوع مميز وصفات من حراير مطبخ وش طيبتي اليوم - الصفحة 6

*عاشقة الجنة* · 2013-08-01, 15:06

مرقاز أم أماني

المرقاز حطيه في مقلاة على نار هادئة بلا ما تضيفي الزيت اثقبيه وخليه يطيب راح يخرج كل الدهون خليه حتى يتحمر
انزعيه وتخلصي من الهون
في نفس المقلة حطي كمية من الثوم مرحية+طماطم حب شوية زيتكي+طماطم مصبرة شوية برك اختياري+ملح +فلفل اسود+كمون+فلفل احمر مرحي حار+وشوية من الماء
كي تعقد الصلصة رجعي المرقاز وحطي رشة معدنوس

zineb 4am · 2013-08-03, 22:30

*رفيقة الدرب* · 2013-08-07, 09:48

ladymillion glacage chocolat

استعملي شوكولا منى mina أنا نحبها هههههههههه بنينة
حوالي 60 حبة قاطو حجم متوسط ديري كمية الشوكولا كالاتي :
ذوبي 600 غ في حمام مائي + صفار بيضة + باكي من قهوة نسكافي + م ك كاكاو حسب الرغبة وتحركي ملييييح الشوكولا من بعد زيديلها الماء أو الحليب كيما تحبي أنا ندير الماء باش تبقى طرية وتبرق زيدي الماء وابقاي تحركي وتحركي كي تشوفيها سايلة شوي نحيها من الحمام المائي
ملاحظة : الماء استعملي من نتاع الحمام المائي
الان غلفي القاطو نتاعك احكمي شوكة حطي حبة القاطو فوق الشوكة وغطسيها في الشوكولا وخليها تقطر فوق شبايك وتشيييح مليح

maloo · 2013-08-09, 07:41

chokran wa saha 3idkom

بريق الامل& · 2013-08-15, 14:28

aminabil

حبيبتي الهام نعطيك الوصفة نتاعي تاع الصابلي و هي مضمونة الف يالمية و هي تخلطي 250غ مرغرين طرية مع 100غ سكر و تخلطيهم مليح بيدك ثم تزيدي 2 صفار بيض و تخلطي ثم تزيدي 100غ مايزينة و تلمي العجينة بالفرينة حتى تولي طرية انا مانديرش الخمارة لانها تخسرلو الشكل تاعو

بريق الامل& · 2013-08-15, 14:38

ladymillion
الهام السابلي نتاعي راهو في التوقيع شوفيه وراهي خصيصا نتاع المورانغ
وكاين وصفة صابلي وحدة آخري عالمية مضمونة هاهي :

125غ زبدة
صفار بيضة
70غ سكر ناعم
250غ فرينة
ربع م ص خميرة الحلوى
م ص فاني

واخدميه عادي خليه يرتاح واطبعيه كي يطيب لصقيه بالمعجون نديريو يجي يهبل

ام احمد وصال · 2013-08-15, 14:49

طريقتي في الميراننغ

زوج بياض بيض مع كاس سكر عادي ولفاني حطيهم في طاوة وخلطي شوية فقط بالباتور ثم حطي الطاوة فوق الغاز على نارقليلة جدااااااااااااااااا وحركي بالباتور حتى تتحصلي على خليط ثقيل لازم تحركي في كل الاتجاهات باه ميتحرقش السكر في اسفل الطاوة ثم خليه يبرد شوية وديريه في البوش وزيني وخليه ينشف راهو ييبس ويجي يقرمش ي الاكي كيما الميرانغ الي يتباع

إضغط هنا لرؤية الصورة بحجمها الطبيعي.

fatiha83 · 2013-08-15, 15:20

الله إدومها نعمة

سلسبيل11 · 2013-08-16, 00:10

شكرااااااااااااااا

fati21 · 2013-08-17, 14:43

ام محمد تاج
مقروض القارص

حبيبتي أم ياسووووو هاو لايك مقروض القارص على طريقتي:
رطل مارغارين صول + 400غ سكر قلاصي رطل زاست تاع القارص وأربع بيضات ولافاني تاع الميزان أحسن وزوج خميرة القاطووو ونص كاس كاوكاو مرحي مليح والفرينة تلمي بيها شكليه مقروضات وطيبيهم ومبعد لوحيهم في الشاربات التالية: عصير رطل قارص وكأس سكر عادي وكالس ونص ماء خلطي مليح حتان يذوب السكر ولوحي المقروضات تاعك في الشاربات وعاودي مرغيهم في السكر قلاصي على مرتين أو ثلاثة وبالصحة بصح هاذ الكمية تقطعلك تقريبا 200 حبة وهو القاطو الوحيد لي بقالي لحد الآن خخخخخخخخخخخخخخخخ

*عاشقة الجنة* · 2013-08-17, 19:28

ladymillion

طاجين بالدجــــــاج

يري مرقة بيضاء عادي مع الدجاج أطراف انا درت صدر دجاج كي يطيب حطي الدجاج على جهة وميكسي المرقة مليح حطي الحمص يطيب + الشومبينيون
حضري تغميسة لقلي الدجاج
2 بيضات + 2 م ك فرينة + ملح + نصف م ص فلفل أسود + شووووووي كمون واخفقي بالشوكة
وحطي الزيت تسخن مليح
غمسي الدجاج في الخلطة لي حضرتيها واقليه كي يتحمر حطيه فوق منديل ورقي
وقدميه مع المرق والليمون ممممممممم

امعماد · 2013-08-19, 11:26

بارك الله فيكم

بريق الامل& · 2013-08-19, 15:22

الدنيا
لبنات شكون تعرف عجينة لزانيا الله يحفضكم
هذي عندي من زمان و دايما نخدم بيها
كاس فرينة + حبة بيض + ذرة ملح+2مغارف ماء
نبسس الفرينة و البيضة و الملح الماء و ندلكوها شوية بالفرينة لازم تكون متماسكة و ليست خفيفة
و نرشوا الفرينة فوق طاولة و نحلوها رقيقة بزاف و نقطع مربعات او مستطيلات و نرميهابالوحدة
في ماء و ملح يكونوا يغلوا فالاول تهبط التحت و كي تطلع للسطح ننزعهم و نغطسهم في اناء
فيه ماء بارد و من بعد نصفيهم و نضعهم متباعدين على بعض حتى لا تلتصق مع بعضها و نستعملها عادي
طبقة بيشاميل ثم لازانيا ثم صلصة طماطم و لحم مفروم و هكذا و في الاخير طبقة جبن و ندخلها الفرن حتى يتحمر الوجه

بريق الامل& · 2013-08-19, 15:24

فايزة44
انا الطلاء ندير علبة فوندون في صحن ونفرغ فوقها نصف كاس حليب دافي يساعدها باش تتحل وندير لفاني ونلم بسكر ناعم مغربل حتى تتلم وتستعمل واذا حابة ديري اللملون ابيض مع الفوندون في الاول ومرات نضيف لها عطر الليون

بريق الامل& · 2013-08-19, 15:26

أم محمد تاج
الطلية ببواطة عجينة التزيين
حبيبتي حياتي هيه كيما قلتي نذوبوها على حمام مائي ونضيفلها زوج مغارف ماء الزهر وزوج مغارف زبدة ذايبة والملون ونحيها من على النار ونضيفلها السكر قلاصي حتان تخثار
حبيبتي ولباطة ديرلك تقريبا أربعين حبة
وراهي تنشف في يوم كامل
والفراشات خدمتهم بنفس العجينة بصح قبل مانذوبها وضفتلها النشا وخدمت بالنشا على خاطر تلصق مصيبة بصح كي تكملي أنفضي من عليها النشا بالفرشاة تاع الماكياج حبيبتي كاشمة خصك راني هنا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

حبيبتي لايدي شكرا لك حنونة
وراهي بات داموند اصطناعية هك مكتوبة على لباطة لي نخدمو بيها الوردات تاع التزيين ذوبتها على حمام مائي كي ذابت خلاص ضفتلها زوج مغارف ماء الزهر وزوج مغارف زبدة ذايبة وشوي سكر قلاصي وملون سائل وخلطت وخليتها بردت غير شوي وقلاصيت بيه قالولي تجي تذوب في الفم وماتيبسش خلاص خبي وماتخافيش