تعبانة كثير

[اسيل1990]

المشاركة الأصلية كتبت بواسطة alaaemica

ana saksit 3la malak mé nti tani 3endek mochkel 7aba nmedlek fekra mé khoft t9oli 3liya nedekhel ida tesm7i n9olek 3liha

بالمعكس حبيبتي والله مانقول
مادبيا تنصحوني هكا نستفاد منكم

[اسيل1990]

المشاركة الأصلية كتبت بواسطة isawts

وقيلة مكانش وحدة مخطوبة مخمتش تبطل واش هذا العيب منا ولا منهم الرجال كي لولاد الصغار بصح حتى حنان حبين ندلو شويا
ملاك اهدري مع خطيبك على مسالة الشك و حطي النقاط على الحروف ماشي هدرة لي هدرهالك كي قالك مكنتيش في الخدمة وانت اسيل يزي بلا دلال الراجل يحب المرا الي تحلو والرسول صل الله عليه وسلم وصى باش نطيعو ازواجنا منيش حابة نخلط الحديث بصح مفادو انو لكان يكون السجود لشخص لامرت المرءة ان تسجد لزوجها

بببببببوووووووووووووووووووووووه يا الحبيبة
تاع وجهي الدلال

[minanfel]

المشاركة الأصلية كتبت بواسطة مطيعة زوجي

السلام عليكن اختي انا حاسة بيك لاني اعيش نفس الظروف انا خطيبي يسكن جارنا لكن الوالد تاعي صعيب ما يخليناش نتلاقاو نهدرو غير بالهاتف انا تاني مليت رغم اني عشت معاه قصة حب كبيرة جربت كل الحلول لكسر الملل ما لقيتش الا الدعاء جربي ادعي من قلبك ادعي ديما وحافضي على صلاتك وادعي في السجود اكيد ربي راح يستجيبلك انا الحمد لله من كثرة الدعاء تحسنت اوضاعي بزاف والغيرة تاعو معذورة ومقبولة لانو بعيد ويحبك ويخاف عليك اكيد بعد الزواج كي تعيشو مع بعض راح يكتاشف انك انسانة طيبة ومحترمة اكيد راح يروح الشك وتكبر الثقة والحب والزواج راهو نعمة تحسدك عليها الكثيرات قولي الحمد لله الي جاك المكتوب وكيما تعرفي كل انسان فيه عيوب وخطيبك مسكين عيبو انو يحبك ويغير عليك رغم انها غيرة زايدة بصح احسن من انك تدي واحد ديوث اختي راكي في نعمة حافظي عليها حاولي برك تبعدي مدة من الزمن ديري اي سبب باه ما تتحدثوش باه تتوحشو بعضاكم وحطي روحك في نفس الموقف تا خطيبك كون انتي مش حابة تبطلي وهو الي مل وحاب يبطل وش رايك وش ديري راجعي نفسك راكي غالطة رغم اني حاسة بيك ربي يهنيكم ويفرحكم ويفرحنا بيكم يارب

السلام عليكم

ماشاء الله راي سديد وقلت كل ما اردت قوله

اختي الزواج ليس كالخطوبة ؛ انا زوجي لم اتعرف عليه وكنت جد جد جد خائفة من الزواج به لاني لم اكن احبه رغم حبه الكبير لي وفي الايام الاخيرة رجعت انا لي نحوس على المشاكل باه نبطل لكن بعد الزواج حاجة اخرى لا تقارني الخطوبة مع الزواج

والشك يا اختي في هاذ الزمان والله غير الا من رحم ربي ، فسد الوقت بزاااااااااااف وهو راه شايف واش ماراكيش شايفة انت وبعد الزواج كيما قالت الاخت قبلي كي يعرفك واش تسواي صح والله غير يخليلك حريتك ما تتصوريش؛ انا زوجي الايام الاولى تقولي راني في حبس بصح كي عرف المعدن تاعي وعرفت بيلي ما نشبهش للنوع لي راه خايف منو عاد هو يحلل فيا باه نخرج وانا نقولو لالا

استخييييييييييييييييييييييري رب العباد لا العباد ؛ ابكي واشكي همك له استغفري ادعي الله واطلبي منه كل ما تريدين ولن يخيبك باذن الله ؛ ادعي ان يسخرك الله له وان يسخره لك ادعي ان يقوي حبه في قلبك وحبك في قلبه ، ماكانش لي ما فيهش العيوب لكن بحكمتك انت لي تعرفي كيفاش تتعاملي معهم هو العيب تاعو الشك؟ وانت كوني فحلة ونحيهلو ، واذا حبيتيه صح كيما راكي تهدري محاااااااال تكرهيه علاخاطر الحب تاع الصح والحب في الله مايروحش هكذاك انت كرهت الملل والانتظار والخوف تاع الارتباط بانسان مشكاك لي خلاه تتهربي من فكرة الزواج ماشي لانك كرهتيه ، حوسي في نفسك ضك تلقاي الحب مزال هو هو انت برك راكي تخبي فيه وتاكدي بيلي كن تبطلي بعد فترة (خاصة كي يوصل موعد العرس) رايحة تهبلي وتقولي واش درت واش وصلني خسرت زوجي على وساوس فقط ، الامر يتعلق بنفسيتك انت لا فيه ولا في اي واحد
ولي يشيخ عليك باه تبطلي زواجك ما تبعيهش علاخاطر هما كاااامل عايشين حياتهم مع ازواجهم وانت يشيخو عليك من باب واسع ، وتبعي راي الوالد تاعك واحد ما يحبلك الخير كيما هو ، وخطيبك فات وحبيتيه قبل الزواج ضك تهبلي عليك مور الزواج لان علاقة الهاتف والعلاقة الحقيقية ماشي كيف كيف ، الحب تاع الزوج ميش كي تاع الخطيب اومبعد تولي تحسي فيه جزء منك وخوذي بنصيحة اخت لك في الله وستتذركي كلامي بعد الزواج ان شاء الله ستعشقي زوجك وتندمي على كي خممتي برك تخليه والشك كي راه بعيد عليك و على واش راه يشوف في الخارج (راه شايف اكثر منك) كي تكوني قدام عينيه يروحلو مع الوقت
والشك تاعو عن حب ويريد الحفاظ عليك باي طريقة ما تفهميش بيلي راه موسوس ولا مريض من بعد كي تكوني قدام عينو ماشي كيف كيف \
وما تزيديش تلمحيلو بيلي ركي كارهاتو لانو قادر يكرهك وانت لي ترجعي تحبيه ؛ تعاملي معه بالحسنى وسيعاملك بالمثل
علابالي كثرت بزاف لكن ماديريش الخطوة لي تندمي عليها ،
افرحي بعرسك (ماشي البنات كامل صابوها) والرجال ميش كي تخلي واحد راح يجيك واحد هذا خطأ وقادر يجيك في العيوب كثر منو، العازابات راهم مساكن حابينو بعيوبو مشكاك مريض اي عيب قابلينو ما تخليش روحك يجي وقت وين تتمناي واحد يشبهلو برك ،
افرحي بزوجك وانت عاودي احيي الحب لي كان فيك وبينيهلو وخلي الاحترام اساس العلاقة والله والله والله امشي بنيتك فقط غير تعيشي ملكة عند زوجك
استخيري اكثر من مرة خصصي وقت اقرئي فيه ما تيسر نت القرآن وفوضي امرك لربي سبحانو وماتزيديش تهدري في هاذ الموضوع اذا كتبولك ربي يسما راه خير ليك وتتزوجي بيه شئت ام ابيتي (يسمى ما تربحيش العيب) واذا ما كتبوش ربي تجي اي سبة وتتفارقو بالحسنى كيما تلاقيتو بالحسنى ؛والمهم ما تكونيش انت سبب خراب العلاقة /
كان كلامي م القلب ونتمنالك من قلبي الهنا مع زوجك وخليها على ربي وما تخافيش (احسني الظن بالله وتاكدي انه لا ولن تخيبي)


ربي يهنيك ان شاء الله

[*ملاك الليل*]

سلام عليكم خياتي
حابة نخكيلكم الجديداللي زاد هملني
ماما هدرت معاه في الهاتف
ماقاتليش واش قلها مي هي قاتلي خلاص طاح من قلبي
و قاتلي غير هو لي ما يديكش
دوكا ماما تقول خلاص
و بابا يقول لماما علاه هدرتي معاه واش دخلك و ماحبش نبطل
تعبت من المشاكل

ان شاءالله ربي يفرح عليا في اقرب وقت
راني ديما ندعي ربي يفرج عليا

[اسيل1990]

ضرك امك رافضتو وانت ...............
صدقيني والله حاسة بيك و فاهمتك مليح
علابالي هو جرحك بالبزاف من خلال طريقة التعامل معاك و هدرتو
جربي اعطيلو فرصة ولا بعدو شوية على بعضاكم

ربي يهنيك و يفرج عليك

[minanfel]

المشاركة الأصلية كتبت بواسطة *malak elayle*

سلام عليكم خياتي
حابة نخكيلكم الجديداللي زاد هملني
ماما هدرت معاه في الهاتف
ماقاتليش واش قلها مي هي قاتلي خلاص طاح من قلبي
و قاتلي غير هو لي ما يديكش
دوكا ماما تقول خلاص
و بابا يقول لماما علاه هدرتي معاه واش دخلك و ماحبش نبطل
تعبت من المشاكل

ان شاءالله ربي يفرح عليا في اقرب وقت
راني ديما ندعي ربي يفرج عليا

لالا اختي تدخل الاطراف ماشي مليح ، المشكل بينك بينو علاش حتان توصلو للعيب ولا لحوايج ميش ملاح؟؟ والام تاعك اذا حابة تحبش لازم تعرفي واش قاللها ، راه زواج ارتباط مقدس ومؤبد ميش حاجة ساهلة باه كل واحد يهدر في هدرتو ولا يدير رايو
اهدري معاه انت المرة هاذي المشكل كي يفوت الزوج عباد يكبر بزززاااف ، انت صارحيه وقوليلو يصارحك بواش كاين ، وانتم في زوج برك تقدرو تحدو و تقرو مصير ومآل العلاقة لا يماك لا يماه ، تفاهمو والهدرة لي راكي تقولي فيها هنا ولا في داركم والمخاوف تاعك صارحيه هو بيهم قوليلو خايفة من عقليتك وخايفة من الشك تاعك وشوفي هو ردة الفعل تاعو وكيفاش يقنعك ، وهاذي حياتك انت لي تعرفي واش حابة وواش تقدري تحملي انا نصحتك في الرد لي قبل لكن حسب الشوفة المشكل ماراهش فيكم في زوج ، وتسمحيلي على واش رايحة نقول بصح ما تتسرعيش وما تسمعيش لحباباتك وخياتك على خاطر كل وحدة عايشة حياتها طول وعرض مع زوجها ولا خطيبها ويجيو يحلو القضية من باب واسع على خاطر الهدرة سااااهلة وباطل بصح عواقبها كبيرة حنونة ، شوفي عنصر حيادي ميش من عايلتك وميش من عايلتو في المنتدى مثلا علاخاطر رانا نشوفو في القضية من منظار بعيد عن الاحاسيس ، امك تتكلم بالعاطفة بصح الحيادي يتلكم بالمنطق ؛
المرة هاذي تكلمي معاه انت وافهمي منو واش حابة تفهمي وصارحيه بواش راكي خايفة اذا قدر يقنعك اللهم بارك واذا لالا قرارك انت لي تاخذيه وما ذا بيك على قناعة علاخاطر تأنيب الضمير صعييييب وبعد فترة ترجعي تشوفي غييير في الايجابيات تاعو ، يسمى صفي حساباتك وتفكري لحوايج لملاح لي في المخلوق هذا وكوني ايجابية، علاخاطر كن تكوني سلبية ميش رايحة تتهناي لا معاه لا مع واحد اخر غير تهناي ، ترجعي تحوسي غير على النفاط لي ماش مليحة فيه ولا في غيرو ، انا راني نهدر معاك بالمنطق وهدرة وحدة مجربة ، وخليها لربي سبحانو في الاخير ،علاخاطر المشاكل كااامل انت لي بديتيهم وانت لي خليتي داركم وماماك تتحدث عليه بهاذ الشكل وميش مليح يبدا العيب بين النساب علاخاطر يدورو عليك اومبعد ، انت حاولي الاصلاح بين الطرفين وانت وحدك تحلي المشكلة تاعك واحد ما يقدر يحلها في بلاصتك انت لي لازم تفهمي واش كاين زكيفاش رايحين تكملو ، هو راح يزوج بيك انت وحدك ميش بلي راهم يهدرو ويقولولك كذا وكذا وانت رايحة تتزوجي بيه وحدو ، المشكل هذا حلو راه في يدك وبعدي العايلات عليه

[*ملاك الليل*]

[
ختيminanfel; راني معاك في كل حاجة
وعلابالي راكي حاسة بيا
انا لي راهي قاتلتني هو كيفاه يدور عليا
مرة يكون حنين معايا وبلخف يدور عليا والله العظيم يقلي كلام يجرح بزاف مستحيل نقولو لاي واحد
كي نقلو علاه راك تقلي هكا يقلي هدا واش تستهلي
هو صح كان يحبني ويموت عليا لكن دوكا تاكدت بلي راه كارهني احيانا نقول بالاك راه مع كاش وحدة يبان من المعاملة تاعو
لان رجع حتى ادا كنا متفاهمين عادي كلامو بااااااااااااااااااااارد معايا ويهدر معايا بطريقة غريبة ابدا ما هدرش هكاك من قبل
هو دوك علابالي يديني ويتزوج بيا لكن باه يتبدل مستحيل
حتى ادا تبدل ماهوش حيعاملني على اساس زوجة امراءة
والله البارح في الليل هدرت معاه ما امنتش الكلام لي قالهولي
خلاص تبدل من جهتي كليا خص غير ماقليش نكرهك
كي قتلو خلاص انت ماكش مرتاح من جهتي ومالقيناش حل معناها لازم نبطلو وكل واحد يروح يعيش حياتو
قالي
لالا انا نديك لكن ما نضمنلكش بلي نبقى معاك حتى ادا بقيت معاك يبقى الجسم برك وادا ماطلقتكش
وقالي ماتقوليلبش على الاطفال مانستحق منك والو
والله حسيت روحي مانسوى والو كي قالي هكا
لوكان ما جيت عارفة روحي بلي ماغلطتش معاه نقول نستهل انا بنت حرام وغلطت معاه
خلاااص هو تبدل ولحق لكلام ماتخيلتش نسمعو منو
انا وحدة قررت نبعد عليه لان مهما كان الحال الاحترام هو شيء ينعل بو القلب لي يعشق في راجل مايحترمنيش ومايحترمش شعوري
ان شاء الله بابا يفهم شعوري ويساعدني مايكونش ضدي

انا عندي الاساس في الزواج هو الاحترام وهو ما يعرفش حتى معنى الزواج
وانا الله غالب حساسة بزاف مانقدرش نحمل واحد كيما هاك راني حملت بزااااااااااااف لوكان نكمل معاه نمرض

مالقري صح العرس قرب وانا مادابياندير داري لكن ماشي بهادي الطريقة وماشي بهادي البداية
راني طولت بزاف لكن والله رتحت كي كتبت علابالي انتوما تفهموني البنات

[isawts]

المشاركة الأصلية كتبت بواسطة *malak elayle*

سلام عليكم خياتي
حابة نخكيلكم الجديداللي زاد هملني
ماما هدرت معاه في الهاتف
ماقاتليش واش قلها مي هي قاتلي خلاص طاح من قلبي
و قاتلي غير هو لي ما يديكش
دوكا ماما تقول خلاص
و بابا يقول لماما علاه هدرتي معاه واش دخلك و ماحبش نبطل
تعبت من المشاكل

ان شاءالله ربي يفرح عليا في اقرب وقت
راني ديما ندعي ربي يفرج عليا

مممممممممممممممممممممممم واش هدي الخلوطة ربي يسلكها على خير
انا مجربة كي تدخل الام و العايلة تفسد سرالي نفس المشكل بصح انا دخلو خالي و خالتي وانا درت ثورة ليبيا عليهم مخليتلهمش قلتلهم واحد مايدخل روحو فيا انا و راجلي و ذرك الحمد الله تصافينا وماما قدرت نقنعها بلي راه مليح و يشتلي الخير

[minanfel]

المشاركة الأصلية كتبت بواسطة *malak elayle*

[
ختيminanfel; راني معاك في كل حاجة
وعلابالي راكي حاسة بيا
انا لي راهي قاتلتني هو كيفاه يدور عليا
مرة يكون حنين معايا وبلخف يدور عليا والله العظيم يقلي كلام يجرح بزاف مستحيل نقولو لاي واحد
كي نقلو علاه راك تقلي هكا يقلي هدا واش تستهلي
هو صح كان يحبني ويموت عليا لكن دوكا تاكدت بلي راه كارهني احيانا نقول بالاك راه مع كاش وحدة يبان من المعاملة تاعو
لان رجع حتى ادا كنا متفاهمين عادي كلامو بااااااااااااااااااااارد معايا ويهدر معايا بطريقة غريبة ابدا ما هدرش هكاك من قبل
هو دوك علابالي يديني ويتزوج بيا لكن باه يتبدل مستحيل
حتى ادا تبدل ماهوش حيعاملني على اساس زوجة امراءة
والله البارح في الليل هدرت معاه ما امنتش الكلام لي قالهولي
خلاص تبدل من جهتي كليا خص غير ماقليش نكرهك
كي قتلو خلاص انت ماكش مرتاح من جهتي ومالقيناش حل معناها لازم نبطلو وكل واحد يروح يعيش حياتو
قالي
لالا انا نديك لكن ما نضمنلكش بلي نبقى معاك حتى ادا بقيت معاك يبقى الجسم برك وادا ماطلقتكش
وقالي ماتقوليلبش على الاطفال مانستحق منك والو
والله حسيت روحي مانسوى والو كي قالي هكا
لوكان ما جيت عارفة روحي بلي ماغلطتش معاه نقول نستهل انا بنت حرام وغلطت معاه
خلاااص هو تبدل ولحق لكلام ماتخيلتش نسمعو منو
انا وحدة قررت نبعد عليه لان مهما كان الحال الاحترام هو شيء ينعل بو القلب لي يعشق في راجل مايحترمنيش ومايحترمش شعوري
ان شاء الله بابا يفهم شعوري ويساعدني مايكونش ضدي

انا عندي الاساس في الزواج هو الاحترام وهو ما يعرفش حتى معنى الزواج
وانا الله غالب حساسة بزاف مانقدرش نحمل واحد كيما هاك راني حملت بزااااااااااااف لوكان نكمل معاه نمرض

مالقري صح العرس قرب وانا مادابياندير داري لكن ماشي بهادي الطريقة وماشي بهادي البداية
راني طولت بزاف لكن والله رتحت كي كتبت علابالي انتوما تفهموني البنات

يا اختي هنا سكتيني ، الاحترام كل اساس كل علاقة واذا المعاملة ضكا هكذاك ربي عالم من بعد كيفاش تكون ، انا حسبت المشكل في الشك فقط ، برايي حاولي تبعدي عليه يامات واغلقي تلفونك وما تخليهش يتصل بيك انت خمي مليح وشوفي اذا تقدري على فراقو ولا لالا ، وهو اذا كان يحبك راه يعرف الخطا تاعو واذا لالا راح يديرها سبة ويحبس كل شي ولا تجيه عادي

بصح تاع يتزوج بيك بدون مشاعر هاذي لي ما فهمتهاش ،،، وكن جا مع وحدة اخرى علاش ما يديهاش هي؟ كن عينو في مرا اخرة كن دار السبة وبطل ،
دواك الاستخارة حنونة بررررك داومي عليها وعلى القران والاستغفار وما يكون غير الخير ليك وليه ان شاء الله

[*ملاك الليل*]

المشاركة الأصلية كتبت بواسطة minanfel

يا اختي هنا سكتيني ، الاحترام كل اساس كل علاقة واذا المعاملة ضكا هكذاك ربي عالم من بعد كيفاش تكون ، انا حسبت المشكل في الشك فقط ، برايي حاولي تبعدي عليه يامات واغلقي تلفونك وما تخليهش يتصل بيك انت خمي مليح وشوفي اذا تقدري على فراقو ولا لالا ، وهو اذا كان يحبك راه يعرف الخطا تاعو واذا لالا راح يديرها سبة ويحبس كل شي ولا تجيه عادي

بصح تاع يتزوج بيك بدون مشاعر هاذي لي ما فهمتهاش ،،، وكن جا مع وحدة اخرى علاش ما يديهاش هي؟ كن عينو في مرا اخرة كن دار السبة وبطل ،
دواك الاستخارة حنونة بررررك داومي عليها وعلى القران والاستغفار وما يكون غير الخير ليك وليه ان شاء الله

شكرا اختي على نصائحك و تفهمك
انا الهاتف راني طفيتو من البارح كي هدر معايا هكاك
ومانيش معولة نعاود نفتحو كي يجي هو من الخدمة ربي يسهل
والله جرحني بزاف بكلامو ومستحيل ننسى واش قالي
هادي ماشي اول مرة يخسر معايبا في الهدرة لكن هادي المرة صح نظريت بزااااااااف
انا نظن واحد كي يخطب وحدة باه يعزها ويحترمها حتى ادا كان انسان مايامنش بالحب ومايكون معاها حنين و............ لكن على الاقل يحترمها
دوكا راني مقتنعة بلي هاداك ماشي تاعي هو خشين بزاف وانا مانعرفش حتى ندافع على روحي الله غالب ماشي موالفة بالمشاكل
انا وحدة كالم وساكتة وحتى ادا ظلمني واحد منردلوش حتى بالكلام
دوك المشكل راه في بابا لي ماحب يدير والو مهما كان قرارو راه هو الصح
راني خايفة كامل هكا امبعد نصيب روحي متزوجة معاه

قالك كل تعطيلا فيها خير وربي ماهوش حيخليني انا ندعي ربي ونتفائل ونتمنى ربي يرزقني بانسان صالح ومتفهم و........ المهم على حساب نيتي
انا صليت صلاة الاستخارة وحقا مانيش مرتاحة خلاص لهدي العلاقة ولهدا الزواج
ان شاء الله ربي يفرج عليا وعلى كل البنات المسلمين
اختي بارك الله فيك على تفهمك ان شاء الله ربي يعطيك ماتتمناي

[اسيل1990]

سلاااااااااااااااااااااااااااااااااام
ههههههههه ديما ندخل بين الظفر و اللحم
واش نقولك حنونة ربي يهنيك و يفرج عليك
والله راني ندعيلك من قلبي
ربي يعطيك على قد نيتك

[alaaemica]

seketini malkit man9olek mé 7awli tab9i chi li mektoub fi tawki3ek

[*ملاك الليل*]

المشاركة الأصلية كتبت بواسطة alaaemica

seketini malkit man9olek mé 7awli tab9i chi li mektoub fi tawki3ek

ان شاء الله اختي راني مستعدة ننسى كل شيء ونبدا حياة بعيييدة على الماضي
وان شاء ربي يفرج عليا وعلى كل البنات المسلمين

[*ملاك الليل*]

المشاركة الأصلية كتبت بواسطة اسيل1990

سلاااااااااااااااااااااااااااااااااام
ههههههههه ديما ندخل بين الظفر و اللحم
واش نقولك حنونة ربي يهنيك و يفرج عليك
والله راني ندعيلك من قلبي
ربي يعطيك على قد نيتك

سلام حنونة كيف احوالك
ادعيلي اسيل ادعيلي ادعيلي ربي يفرج عليا والله الامور حبست ماحبتش تمشي مابنت معاه مابنت براسي

[اسيل1990]

المشاركة الأصلية كتبت بواسطة *malak elayle*

سلام حنونة كيف احوالك
ادعيلي اسيل ادعيلي ادعيلي ربي يفرج عليا والله الامور حبست ماحبتش تمشي مابنت معاه مابنت براسي

والله راني ندعيلك من قلبي تستاهلي كل خير حنونة
انشاء الله ربي يفرج عليك و يهنيك و يعطيك راحة البال
ماتتقلقيش برك حنونة كل شئ يفوت