جزء ****138***من واش طيبتي اليوم ---عيد سعيد وكل عام وانتم بخير ----

[x ام رحاب x]

المشاركة الأصلية كتبت بواسطة omjoujou

بارك الله فيك اختي ام رحاب

وفيك بركة حبيبتي تسلمي ديريها وان شاء الله تنجحلك بصح ماتخليهاش اطيب حتان تيبس لازم اطيبيها من التحن نص ساعة ومن فوق حمريها منيح وكي اطلي عليها لازم اتشوفيها خفيفة وكي اتخرجيها راهي اتعاود اتشد روحها

[x ام رحاب x]

هادو بعض الصور تاع النهارلت الي فاتو
هادي شاورما


هادا بغرير خفيف

وهادا الروز بالجاج السمان

وهادا بسباس بالجاج

وهادا التليتلي بالجاج
[
وهادي طورطة درتها لزوجي

ان شاء الله يعجبوكم

[طالبة الجامعة]

السلاااااااااام عليكم

[أم محمد تاج]

صباح الهمة والنشاط والحب على الحبيبات
ام امنية بصحتها المازيتا التقلاش عندك وبصحتهم الضياف
دائمة الحمد حنووونة تروحي وترجعي بالف خير يارب
ام رحاب بالصحة لبنتك الحفلة والله يستاهلو مساكن تعبوووووو
البقية نهاركم زين ومبروك
غدايا مودر والله مع هاذ السخانة ربي يلطف

[أم محمد تاج]

صباحووو زنوووبة الحبووووووبة ونشالله نشري الماييس نعتلكم اروع طريقة لشيها ممممممممممم
ممم صدفات مممم الله يعطيك الصحة وحللي وناقشي مربعات ااشوكولاطة

[Simassim]

صباح الخير ونهاركن مبروك ان شاء الله واشراكن. هههه نغيركن. حنا عندنا البررررررررد فالليل تغطينا بكوفيرتة كبيرة واليامات لي فاتو حت النهار وباااااااااارد وريح يوسف لابس قش الشتا باش خرج من الداز بصح النهار اليوم مغيم ودافي

فطوري بواقي من البارح سردينة مقلية زدت معها بطاطا وسلاطة والفلفل مشوي وبقالي شوي من عشا البارخ. ماقارونة بالخضر نخمل فريجيدار.

والسي هيثم بديتلو الاكل. اليوم درتلو جزر وبطاطا وصدر دحاج
ديسار فواكه وياوغت كي العادة. عشية ان شاء الله اذا ماخرجتش عشانا همبرغر بطلطب السي سيد


يعطيك الصحك عزوفة عالوصفة. ان شاء الله نديرها هاد اليامات. بصح قولي الكمية تجي بزاف !!!! مانحبش البايت. خصني تاع نهار او يومين برك.

والسي يوسف كي العادة دايما بالطابلية تاعو و السكين ويتلاها بالقشور تاع الخضر او بالعنينة.ورونو وطابا (. العجينة. والرولو والطابع ) يخدم بينزا وقاطو
لول


ام امنية بصحتك زيارة تاع ختك. سلمي عليها. والقطوط تاعها جابتهم ولا خلاتهم فاذدار واش راه رودينة. كاش قباحا. سي هيثم ملي ينوض وهو يغني وياحن والصوت تاعو تبارك الله مايجي يكمل النهار راسي ينتفخ

زينب هاتيلي الذرة. راني مشتاااااااااق. ملي تزوجت ماشريناه. خفت من omg وهنا يجيبوه مستورد انا نحبو مسلوق فالما. ناكل مانشبعش منو. دايما كي يشريو حبة حبة ليهم والباقي مايلحقوش عليه

صدفات ام ابنة ام رحاب دائمة الحمد والشكر ام جوجو ام اسلام. والبقية. يومك موفق وصح فطوركن

[دائمة الشكر]

حبيبتي زينب انّا ولادي يمرضو فالصيف مام الزوج عكس الشتاء اللي تكثر فيه الأمراض قليل وين يمرضو وكي تكون السخانة بزاف مانحملهاش يالاطيف
اللهم أجرني من حر جهنم
جربت عجينة البيتزا تاع المشروبات الغازية جات روعة ونزيد نسي هذي تاع اللبن
الذرى نحبو بصح قليل وين نلقاوه يدوه الناس بزاف ومنلحقوش عليه أيا صدرينا شوية لعندنا ههههه بصحتكم

[صدفات]

مساء الخير حبيباتي
زينوبة يعطيك الصحة على البيتزا إن شاء الله نجربها أنا نستعمل عجينة الشاف حسن و جي مليحة بصح نتاعك راهي تبان كيما نتاع الأفلام ههههههههههههههههههههههههههههههههههههههههه
أم الدكتورة قلتي فطوري محكوك يا ريت تقوليلي شتى هو ما فهمتش
عازفة الناي البريوش نتاعك تحفة يشهي زينب أنا لازم نخرج من هذا الموضوع و إلا غادي نرجع بلوطة
اليوم و البار السخانة راهي غير طبيعية البارح زوجي صور بالهاتف في سيارته كانت 51 رقم يشوكي بصح و الله لحقيقة هذه على الوحدة فطر و لما خرج رايح يخدم لقاها 51 ما أمنش صورها قالي خفت ما يأمنونيش صورتها
الله يستر
فطور الأولاد البواقي من البارح ما درتلهم والو قلت لهم كملو لغاست نطيب

[زينب 83]

دايمة الحمد ربي يجيرنا من نار جهنم

صدفات حذارييييييييي انت بالذات راك تعبتي باه نزلتي الوزن هههههههه هنا شمي برك بصح ماتاكليش

ام ياسين بانتظار الصور ، و بصحتك الكفتة و اكيد الخبز فنننننننننن

عزوفة الله يبارك كملتوا البريوش تاع البارح بصحتكم حتى انا تشهاوه أولادي منعرف ندير بريوش او كرواسون

غدايا رخساس و شربة شوفان و حميس و راجلي جاب اللبن اممممممممممممم

[أم ياسين الزهراء]

دائمة بصحتك التحواس تروحي وتولي على خير

امونية صحى ليك القعدة انت وامومتي الضائعة واش راهي وسوال بريئ من غبية واش تكونلك المازة

لبنات انتضروني نحمل صور نحطها في الصالون لهيك باش تتقرعجو

غدايا كفتة وعجنت خبز الدار وراهي ريحة الماء الزهر تفحفح اممممممممممممممم

[عازفة الناي]

صباح الانوار
الرفيس قسنطيني


وهذا بعثتو لجارتي

والان راني نعجن فالبريوش هههههههههههههههههههه نعجن بالبيترا
سيما البريوش يعطيك كمية لباس بيها و تقدري بعد ما يطيب تخليه يبرد و تحطيه فالمجمد والوقت اللي تحبي اجبدي كانك هذاك وين درتيه وبصحتك مسبقا
ام وابنة مدة التخمير على حسب درجة الحرارة اذا كان المكان سخون تتخمر فنص ساعة واذا كان شوي تاخذ 45د حتى ساعة

[ام عبدو و ملاك]

صح غداكم كامل انا غدايا كوكا بالعجينة المورقة لام رويدة السخانة تقتل وزادت عليها الميديتي ربي يلطف بينا

[awladi]

السلام عليكم وصحة فطوركم كامل واش راكم
داىمة طريق السلامة وتروحي وترجعي بالف خير
ام امنية بصحتك اللمة مع المازة وسلمي عليها
الداية رولاكس اه ام الدكتورة متعرفيش رابط العلاقة بين امنية والمازة بلاكو تقولولها خلوها هههههههههههههه والحفلة توب مزيد من النجاحات علاش تحقري في ياسين البقوص
عازفة اطباقك امممممممممممممم مع زينب
الي تسال باه نعجنو نسيت اسمك اسمحيلي هههههههههه كنا نعجنو بيدينا ويرحم الاختراع الي خترعلنا بيترا ندير كل شي في البيترا غير المطلوع بيدي باه نحس به وثاني الفطير ولا كما يقول البعض الرخسيس
ليزا دارها بك المنتدى انا خرفني كثر من عام والزوج قالي قعدي كما راكي والله مانخدملك الميكرو ههههههههههههههه
ام رحاب حلوياتك راىعة وياعيني على العصفور هايل
راكم روعة ماشاء الله مزال ماحفظتش اساميكم الي دارت القاطو لخالتها يعطيك الصحة قاطو متحوف اهبل والي حطو طيابات ربي يبارك في مواىدكم
هذا عشانا البارح كفتاجي ومطلوع ماصورتوش ياك تعرفوه ومليتو صورتو هههههههههههههه

مسفوف بالبن للعزايز وام ماجد راهي غير تجري ربي يقويها وام ريمة وام الدكتورة داىمة الحمد نونونو وام سهام وام الهضاب وكامل لليحبو


يالله تهلاو في روحكم وصحة قهوتكم

[أم ياسين الزهراء]

اهلا بوليدي اهلابيك ياحلوة وربي يخليك على المسفوف بصح نحيلو الجلبانة ههههههههههه مانحبهاش ربي يخليك وصحيتي تحرشي فيهم علي معليش اشفاي عليها هههههههههههه


اللي سقساتني على المحوك هي اكلة تقليدية تعلمتها هنا وهاكو الرابط خبوه في الشتاء هايلة


https://www.djelfa.info/vb/showthread.php?t=1449294

لبنات اضربو طلى لهيك حطيت التقرعيج

عازفة امممممممممممممم لكان غير بعثتيلي شوي هههههههههههههه

[awladi]

ام ياسو دورك نروح نقرعج ههههههههههههه والجلبانة لازم ديما كاينة لعصفوري الصغير يموت عليها هو ياكل الجلبانة وانت الطعام
وام امنية اخت المازة غابتلك ههههههههههههههههه