الجزء 87 من واش طيبتي في داري الجديدة الله يوسعها علينا الكل تفضلو - الصفحة 59

x ام رحاب x · 2014-09-03, 08:42

ام ياسين بصحتك الروز
ام رياض بصحتك الشربة وسلاطة
جيادة بصحتك الفطور
انا فطوري اليوم جايني الضياف وراني قاعدة نورمال شربة وطاجين الرخام وفريت والسلاطة وحميس والحمد لله وبلاك ايباتو جايتني سلفتي مع اولادها

x ام رحاب x · 2014-09-03, 09:07

جيادا ربي يحفضهولكم ان شاء الله وتشوفيه في اعلى المراتب ولعقوبة نهار اجي اختو تونسو

أم ضياء عبد الرحيم · 2014-09-03, 09:20

اقتباس:

المشاركة الأصلية كتبت بواسطة lyzzabel

صباح الخيييييير حبيباتي الغاليااااات و نهاركم طيب
البارح بت قاعدة مع منصف و صبحت تاني معاه ربي يشفيه و يحفظه و يشفي كل مريض ،، نراجع و نولي

أصبحنا و اصبح الملك لله

صباح الخير ليزا لاباس على وليدك ربي يشفيه و يعافيه يا رب

اقتباس:

المشاركة الأصلية كتبت بواسطة x ام رحاب x

جيادا ربي يحفضهولكم ان شاء الله وتشوفيه في اعلى المراتب ولعقوبة نهار اجي اختو تونسو

تسلمي ام رحاب من فمك لربي ربي يرزقنا كامل يا رب بالذرية الصالحة

x ام رحاب x · 2014-09-03, 09:10

سلام ليزا غير الخير على منصف واش بيه مريض لاباس عليه ان شاء الله

lyzzabel · 2014-09-03, 09:20

يعطيكم الصحة حبيباتي على واش رايحين تطيبو
ميمتي ام رحاب منصف بايت يبكي شكيت راسه ضاره خاطرش صبح نيفه مشمخ ههههههه ربي يشفيه وبصحتهم ضيافك طاجين الرخام ،، ربي يعاونك يا الغالية

ميمتي ام رياض صباح الفل و الياسمين راني شفت ردك فالدردشة ربي يخلييييييك يا ست الحبايب و دعاءك فرحني بزاااااااف اللهم امين يا رب العالمين ،، و بصحتكم الفوكاشيا مسبقااااا ،، انا كنت نديره بصح نحشيه بالفرماج ممممممم

ام ياسو بصحتكم الروز و ربي يحفظك يا الحبيبة و بالتوفيق لبنتك

ام ماجد روحي عرسي بصحتك يا الحبيبة

نهال و جيادا بصحتكم القليان حبيباتي جيادا كي راه ولدك ،، ريح شوية ؟؟

وسيلة عاندي كاش وحدة و خلاص هههههه انا تاني راني حاصلة خخخخخخ

فضولة صباح الخير حنونة ديري صابلي المورانغ تاع ليدي

امنياتي فطورك كيما ام ياسو ،، بصحتكم حبيبتي

هذا لي تفكرت غالياتي و كاش وحدة نسيتها السماح ما تلومونيش

سبحان الله و الحمد لله و لا اله الا الله و الله اكبر ولا حول ولا قوة الا بالله العلي العظيم

lyzzabel · 2014-09-03, 11:16

بعد صراع طويييييل مع التخمام على الفطور درت تشكتشوكة البادنجال و راني نستنى في شيخي يجيبلي الروز نطيبه باش نقدمه معاها و نزيد سلاطة و الحمد لله على نعمه

اسماء بصحتكم اللوبيا
سمسومة بصحتكم لي بات و بصحته ولدك الخضر
اولادي يعطيك الصحة عشاك يشهي من كلشي ممممممم بصحتكم حبيبتي و الاولاد على بالكي مين يتضايقو يرجعوها قباحة ميزتها في ولادي ،، و نهار لي يخرجهم باباهم يحوسو العقلية تتبدل هههههههه
ساندي الجاج مممممممم بصحتك حبيبتي ،، يادرا واش درتي لحبيبتك لي رحتي تطلي عليها ؟؟ :d:d

قدوس سبوح رب الملاءكة و الروح

lyzzabel · 2014-09-03, 11:47

بصحتك ام ياسو كيما قلتلك يامس من زين النقا لوكان يبقى هههههههه و علو ماء البحر انا تاني نديرهلهم كي يمرضو ينفعهم غايا

رتوجة بالشفا عليك حبيبة انا تاني حكمني الظهر من صغري ،، ما ترفديش الثقيل و ريحي روحك شوية

صباح الفل نورهان كي صبحتي ريحتي شوية ؟؟

حقا امنياتي باتيلا عندهم عرس خوها و كي تشوفي عضوة اسمها ام ثازيري اعرفي بلي هي

اليوم تعاندنا على الروز بصحتنا هههههه

اللهم اني أستغفرك من كل فريضة اوجبتها علي في الليل او في النهار ،، تركتها خطأا او عمدا او نسيانا او جهلا

ريتاج تيارتية · 2014-09-03, 11:50

اقتباس:

المشاركة الأصلية كتبت بواسطة lyzzabel

بصحتك ام ياسو كيما قلتلك يامس من زين النقا لوكان يبقى هههههههه و علو ماء البحر انا تاني نديرهلهم كي يمرضو ينفعهم غايا

رتوجة بالشفا عليك حبيبة انا تاني حكمني الظهر من صغري ،، ما ترفديش الثقيل و ريحي روحك شوية

صباح الفل نورهان كي صبحتي ريحتي شوية ؟؟

حقا امنياتي باتيلا عندهم عرس خوها و كي تشوفي عضوة اسمها ام ثازيري اعرفي بلي هي

اليوم تعاندنا على الروز بصحتنا هههههه

اللهم اني أستغفرك من كل فريضة اوجبتها علي في الليل او في النهار ،، تركتها خطأا او عمدا او نسيانا او جهلا

ربي يخليك حبيبة انا التعب تاع العرس دار عليا القاطو وزيد الدور تاع العرس

الأمنيات · 2014-09-03, 09:12

السلام عليكم كي صبحتوا يا شاطرات
غدايا روز في الفرن مع الدجاج
اللهم ادمها نعمه واحفظها من الزوال

x ام رحاب x · 2014-09-03, 09:26

ربي يشافيه حنونة ليزا اتهلاي فيه وماتخليش الحمى تطلعلو عسيه على السخانة
انا نروح راني روطار دوك ايجو الضياف مع السلامة وصحة فطوركم

awladi · 2014-09-03, 09:34

صباح الخير عليكم الكل
عشانا البارح والحمد لله
سلاطة مشوية تاع الباذنجال

حساء الخضر

طاجين زيتون مع لفريت

مطلوع

ليزا بالضفاء على ولدك يمكن سنانو راهم اهبلو عسيه برك من السخانةربي يجيبلو الشفاء
ام رحاب بالسلامة وسلمي على ضيافك وبصحتهم طاجين الرخام
ام ياسو والامنيات بصحتكم الروز
جيادا بصحتكم الحوت المقلي ومبروك على وليدك الدخول ترتاحي شوية يالله الوقت باه تزيدي
شفت غير الصفحة الاخيرة

kaouka · 2014-09-03, 09:43

صباح الخير جيادا منيش انا ليدرتها رهي غير من لg بصحتك طرف ام الهضاب مهوش عيد ميلاد جمي درت عيد ميلاد awladi كلشي يشهي بصحتك

kaouka · 2014-09-03, 09:46

اهلين روضة بصحتك البغرير كيفاش ركي مع الحمل ربي يكملك على خير امين يارب العالمين

الأمنيات · 2014-09-03, 09:47

حقا لبنات باتيلا ماشفتهاش دخلت راها لاباس ياك

awladi · 2014-09-03, 09:52

الامنيات باتيلا راهي ولدت وجابت بنوتة الله يبارك اسمها ضوء القمر
روضة بصحتكم البغرير واش راكي مع الحمل
كوكا واش راكي حنونة