الجزء 74 من واش طيبتي اليوم ؟ ديرو الصف وادخلو مرحبا بيكم - الصفحة 58

R I A D · 2014-05-16, 20:12

ريهااام العزيزة يحبك الله الذي احببتني فيه
و الله انا تاني نحبببببببك ربي يحفظك

فايزة فكرة هاايلة تاع الطبقة الاولى هي بالكاكاو ...خرج يهبل تسلمي

ام ياسين خبز صبرينة طيبيه من تحت عادي كي يطيب اقلبيه برك
يعني شعلي غير التحتاني

و على العرضة الي رايحة تديريها وجدي من دوك :
اللحم و الجاج تبليهم و قليهم و خليهم يباتو في التقلية يشربو قاااع البنة
و البوراك اعمليه في الليل و خبيه غدوة اقليه برك ...

عزيزتي بشرى و الله غضتيني ...الله يكون في عونك ...و علاش ما تديريش فور اليكتريك
و الكهرباء ما تخافيش من الفاتورة
و كي تنقلي اديه معاك

بشرى2008 · 2014-05-16, 20:12

فايزة الكروكي رووووووووووووووووووووووووووووووووووووووعة يعطيك الصحة

sara queen · 2014-05-16, 20:13

اقتباس:

المشاركة الأصلية كتبت بواسطة أم ياسين الزهراء

صبرينة كيتدخلي قوليلي ولا البنات اللي جربو خبزها انا الكوشة انتاعي تشعل يامن فوق ياتحت كيفاش طيبتوه

سارة الكروكي هايل راح نجربو كيتجيني الفرينة وليدي يموت عليه ونديرهولو يديه معاه للجامعة في الجزاير

ان شاء الله تجربيه ويعجبكم حبيبتي

اقتباس:

المشاركة الأصلية كتبت بواسطة فايزة44

شكررررررررررررررررررررررا حبيباتي ههههههههههههههه راهي طرف واحد لحم كل وحدة تديه هه وراني قمت بالمهمة عنكم هههههههه

شكرررررررررا سارة ربي ينور درربك يارب ويحقق واش تتمناييييي على الوصفة ان شاء الله نجربها

بششورة هههه راني فنيانة هههههههههههه لكن جبت الكروكي تفضلي

ريههههههام كل شيء من يددك غيييييييييييييير ههه والمسكوتشو واش من وصفة

الله يبارك فيييييكم حبيباتي ام نوردين وام يس ورياض وكل من شكرررني

طبقت الكرروكي تاع صارة اممممممممممممممممممم يهبل انا عكست درت تاع الكاكاو هي الاولى وراني زينته بنواد كوكو فقط واكيييييد نعاوده بالشكلاطة البيضاء قرررررررررررررررررررررريبا شكرررا سارة ومزيد من الوصفات

اممممممممممم الله يباااارك خرجلك يهببببل فايزة بصحتك حبيبتي , غرت وااااع انا تاني غدوة نديرو خصوني 2شكاير خميرة

nihale89 · 2014-05-16, 20:14

شكراااا حبيباتي ويعطيكم الصحة علي واش كطيار كل وحدة باسمها ام ياسين الكويزينيار نتاعي كيما نتاعك أنا كي درت الخبز طيبات من تحت وبعد شعلت من فوق ووحدة درتها كيما دارتها هي طيبتها من تحت وقلبتها كيما المطلوع

ام الهضاب · 2014-05-16, 20:19

صح عشاكم يا حراير الجلفة و ربي يحفظكم أجمعين
ريييييييييييييييههههههههاااااام حبوبة دائماً تتفكريني و الله أحبك عزيزتي فنانة و متألقة و أنيقة حتى في مجاملاتك ربي يعطيك ما تتمنااااي
بششششششششششرى راني حاكمة قلبي على قلب اللوز ههههههه
كانو عندي ضياف البارح حمرت جاجة و بيري و سلايط وديسار و اليوم عملت زيتون بالكفتة و الحمد لله

بشرى2008 · 2014-05-16, 20:22

هاهو قلب اللوز مقدرتش نصبر دقتو عجبني مزالي قلب اللوز الصوامعية وaphrodite 16

zahra30 · 2014-05-16, 20:29

مساء الخيييرات وصح عشاكم بشرى قلب اللوز امممم ربي يحلي ايامتنا يااارب نراجع ونرجع

بشرى2008 · 2014-05-16, 20:32

أم رياض مابياش الدراهم على الفور منجبش نطيب فيه أوزيد فى دارنا كاين وانا بقالي الأسبوع الجاي ونرحل نهائيا للدار هاد العشية بديت نخمل فى حوايجي الرحلة الرحلة
ههههههههههههههههههههههههههههههههه
درت بطبوط مريم حاسي جا هااااااااااااااااااااايل

ryhem 16 · 2014-05-16, 20:34

حبيبتي أم ياسين ربي يخليك و يجازيك كل خير يا وجه الخير كلامك راقيييييييي بزاااافففف و قتلتيني بالضحك على الباتيسري

حكايتك ما ينشبعوش و كلعسلللللللل تبارك الرحمان عليك

حنونتي صارة الملكة أنت التحفة و ما خليتي مكان لأطباقي مقارنة بما تقدمينه ما شاء الله عليك أختي
الوصفة راهي للرائعة أم محمد تاج بالصراحة أنا موش موالفة ندير نودكوكو و كوكاو في وصفتي و عجبني الاضافات ألي في وصفة حنونتي أم محمد تاج ربي يجازيها المهم الوصفة ناجحة و شهادتي في وصفات أم محمد تاج مجروحة و ما تكفي حقها هاهي الوصفة كما مدتها الأخت أم محمد تاج و ما غيرت فيها والو برك طيبتها في قوالب و بعد التسكار عملت لاجولي في الوسط

الوصفة
زوج كيلات زبدة طرية
نص كاس تاي حلب مع ماء الزهر مخلطين
زاست تاع القارص كسب الذوق
نص كاس نواد كوكو
نص كاس كاوكاو مرحي رقيق
والفرينة لمي بيها بصح العجينة تجي طرية بزاف ماتجيش يابسة
شكليه حربوووش وقصيه مقروضات وحطيهم يطيبو كي يطيبو لوحيهه في ماء الزهر والسكر قلاصي حتان يتغطى كامل
بالصحة ولهنا
حبيبتي الفنانة هنا يا مرحبا بفايزة الغالية تطبيقك ممتاززززززززززززززز ما شاء الله عليك و على حنة يديك حنونتي الكروكي خرجلك اهبللللللللللللللللللللل و شهيتيني فيه
ألففففففففففف شكر على كلامك حبيبتي بالنسبة للموسكوتشو هي وصفتي و راهي كلاسيكية و بلا لحليب و هاكي الوصفة يا الغالية

6 بيض بدرجة حرارة المطبخ
200 غ سكر عادي
لافاني
قشور القارس
قرصة ملح
نصف كأس زيت عادي(الكأس يزن 250 مل)
2 باكيات خميرة
300 غ فرينة مغربلة

التحضير راه عادي

ضربي مليححححححححح البيض + قرصة ملح
زيدي لافاني+السكر بشوية مع الخفق المستمر بواسطة الباتور
ضيفي الزيت كالخيط كما المايوناز
قشور القارس
و في الأخير ضيفي الفرينة و الخميرة ألي يكونو غربلتيهم 2 مرات
فرغي الخليط في قالب ألي يكون مدهون و مرشوش بالفرينة و دخليه اطيب عادي
بعد ما برد زينتو بشوية مربى و رشة سكر غلاص

نتمنى نكون وضحتلك أختي الغالية

شفتي حنونتي فايزة الموسكوتشو عالم واسع من الوصفات ههههههههههههه:d:d

استغفرك اللهم و أتوب اليك

اميرة زندل · 2014-05-16, 20:43

اقتباس:

المشاركة الأصلية كتبت بواسطة مريم الاميرة

مبروك الكوزينة امينة و دارك الله يبارك تهبل تتهناي فيها حنونتي و ربي يرزقك بوليدات و يعمروهالك ان شاء الله و طيابك يهبل يهبل يعطيك الصحة
اتفضلي الباروك بصح من الارشيف اسمحيلي ما عنديش باش نصور حاليا

و هذي عفسة للحوامل بالاك يديرو كيفها في زيادتهم ان شاء الله درتها في العقيقة تاع بني عندها عام هذا وين لقيتها في الارشيف هههههههههه المهم هذي حطيت فيها لبسيسة و لي عجبتها و حبت تخدم كيفها اني هنا و نشرحلها مليح

مشاء الله تبارك الله عليكي اختي وربي يفرحك بوليداتك ان شاء الله ويحفظهملك
الله يخليك حبيت تعطيني وصفة القاطو الأول الوردة كيف صنعتيها
مشكوووووووورة اختي

ryhem 16 · 2014-05-16, 20:45

حبيبتي زهرة 30 ما شاء الله على أطباقك الرائعةةةةةةةةةةةة كالعادة او ربي يبارك فيك و في رزقك حبيبتي

حنونتي أم رياض تسلمي يا أميرة ربي يحفظك من كل شر

العزيزة الغائبة و الحاضرة في قلوبنا و في أدهانا أم الهضاب كلامك عسللللللللللللللللللللللللل و يقتلللللللللللللللللللللللللل و كيفاش ننسى انسانة راقية كيفك يا وجه الخير و لو كان خير نقدر نرجع جزء من فضلك عليا و تشجيعك الدائم ليا حبيبتي و الله نحبككككك و نعزكككككككككك و جزاكي الله نعيم الدارين الدنيا و الأخرة أميييينننننننننن و عودة ميمونة يا الغالية

أختي بشرى ألفففففففففف مبروك عليك الانتقال و بربح عليك حبيبتي و يعطيك الصحة على القلب اللوز رووووووووعةةةةةةةة

سلامي الحار للحبيبة مريم الأميرة ألي امتعتنا بروائعها المطبخية تسلم الأيادي حبيبتي

اللهم اعنا على دكرك و شكرك و حسن عبادتك

بشرى2008 · 2014-05-16, 20:51

هادا بطبوط مريم حاسي

R I A D · 2014-05-16, 20:55

عزيزتي بشرى الف الف مبروك عليك الرحيل و الانتقال
والله غير فرحت لك..تهنيتي...هكا تقربي لاهلك و لوالديك وووتتهناي من الوحدة
ربي يجعلك رابحة و مربوحة وين رحت و اينما كنت

بشرى2008 · 2014-05-16, 20:55

لهنا أدجقجيقة طولي علينا كيما قال كمال بوعكاز جقجيقة يادجقجيقة طولي علينا م الطويقة ههههههههههههههههه ق راهي gu

awladi · 2014-05-16, 20:56

مساء الخير و صحة عشاكم ادخلت على خبر بشرى الف مبروك عليك الانتقال
بريوش ام اماني درتو لقهوة المساء

هذا عشانا والحمد لله درت مطلوع و قراتان بطاطا و قرعة+درت اللحم في ساشيات والى الفرن تفنين

للهسهرة اكواب التفاح لسكوربيون روعة في الحقيقة الصغيرة لوليدي بصح ماصبرتش كليتلو منها هههههههههه

نروح نشوف واش فاتني ونولي