الجزء 85 من واش طيبتي اليوم يامولات الكوزينة

[إلهام07]

المشاركة الأصلية كتبت بواسطة ابتسام23

بارك الله فيك الهام ضرك نروح نخلطو وندير بالتقريب
قالتلي مرة ام انس ونسيت

ربي يخليك كي ديريهم وتخلصي قوليلي كيفاش جاو حتى انا حابة نجربهم بصحتكم مسبقا


طوكيو واش هذاك اللي في التوقيع فيلم رعب
حقة البارح شرات ماما برج دلاع كبييييييييييييييييير حتى قسمناه على 2 باش دخل في الثلاجة ههههه راني نتخيل فيك

[**وحدها غريبة **]

الهام جاو روعة مبعد كي تدخل ريتاج نقولها تحط الصور
درتو بالعسل.ممممم

[tokio hotel]

ما عندك ما تتخيلى كاررثة فى رمضان ضعفت شوية فى العييد جا عندى خويا من فرنسا جابلى الشواكيل و الفرماج الى يتكل مع العننب كليت حتى تفلقت وزنت روحى تشكيت فى سمتمبر ندير ريجيم
التوقيع بدلتو بنتىقالتلى جبت الباك نبدل كى شفتو خلعنى ما حبتشتبدللو لا هو و لا العضوية نقلها خوف صحباتى بلاك يهديها ربى و تبدلو

[kaouka]

السلام عليكم ورحمة الله وبركاته

[kaouka]

[kaouka]

[kaouka]

ليجوهم صور كبار رني من صبح ونا نحوس كيفاش نصغرهم بصح للأسف الشديد معرفتش شكون تعرف تصغرهم من لبورتابل تنعتلي

[lyzzabel]

على سلامتك رانيا الحبيبة كي راكي ça va ؟؟ يعطيك الصحة على المأكولات لي حطيتيها تشهي ،، ومادابيك تقولي لبنتك تبدل التوقيع راه صح يخوف وععععععععع هههههههه


لهونتي الحلوة تفضلي الطعام على طريقة ناس الغرب او بالأحرى على طريقتي هههههههه
هو من الأحسن يندار باللحم الغنمي ،، ديري فالكوكطة حبة بصل كبيرة مقطعة و اللحم و قلي على نار هادية و قلبي ضيفي زوج حبات طماطم كبار مقطعين ما يهمش الحجم و الشكل و زيدي قلي مليييييح و تبلي بالملح و الفلفل الأسود و عود قرفة و نصف م ص سكنجبير و شوووويييييييية زعفران ما تكثريش و زيدي قلي و مرقي بشوية تاع ماء ،، مين يبدأ يغلي ضيفي ملعقة كبيرة مملوءة طماطم مصبرة و كمشة حمص منفخ انا توجوغ نديره في كيس صغير نقي طبعا و نثقبه بالفرشيطة باش من بعد ما نبقاش نصيد فيه بالحبة ،، و نرمي فالمرق زرودية تكون شوية رقيقة و لا كانت طويلة نقسم الحبة على زوج بالعرض و لا كانت غليظة نقسم الحبة على زوج بالطول ،، و نضيف اللفت حبة ولا زوج انا ما يعجبنيش في مرقة الطعام يعجبني في مرقة الرقاق و نزيد نمرق للآخر و نغلق الكوكوطة و نخلي المرقة تطيب على نار متوسطة
في هذاك الوقت نشمخ الطعام و نفوره و نعاوده راني شارحة طريقتي في موضوع المدفون بالكسكس
بعد ساعة و نصف نفتح لاكوكوت و نشوف لاكان اللحم طاب ننحيه و لاكان ما طابش نخليه يكمل الطياب مع البطاطا و الكورجات بعد ما نقيتهم و قطعتهم ،، مين تكون الكورجات صغيرة ما نقطعهاش نخليها حبة حتى للتقديم ،، و نعاود نغلق عليهم و نخليهم يطيبو وحد نصف ساعة
مين يطيبو الخضر و اللحم ،، نصفي المرق و نحط الخضر و اللحم و الحمص فوق الطعام بعد ما نكون دهنته مليح و المرق نقدمه في سقاي ولا نسقي مباشرة قبل التقديم و بسسسسسس و شهية طيبة مممممم
ملاحظة صغيرة برك ،، لاكان درتيه بلحم الجاج زيديله شوية ملح و حمريه قبل التقديم باش يجي بنييييين ،، و كاين لي يبغي الزبيب نديروه فالوجه الفوقاني تاع الطعام D،،

[lyzzabel]

كاوكا يعطيك الصحة اطباقك كلها تشهي مممممم ولي سخفني الأكثر الرقااااااق

[ام محمد 05]

لبنات سلام الله عليكم ممكن تعطوني وصفة مقروض كوشة مليح وكشما 2 وا3 انواع قاطو ساهل وبنين مرت خويا حابة تزيد وايضا وصفة شوارما كيما لتتباع في سطيف ربي يعينكم واسمحولي طولت عليكم

[idron0]

المشاركة الأصلية كتبت بواسطة اامال

لبنات سلام الله عليكم ممكن تعطوني وصفة مقروض كوشة مليح وكشما 2 وا3 انواع قاطو ساهل وبنين مرت خويا حابة تزيد وايضا وصفة شوارما كيما لتتباع في سطيف ربي يعينكم واسمحولي طولت عليكم

https://omrami44.blogspot.fr/2014/01/blog-post_9329.html
https://www.djelfa.info/vb/showthread.php?t=1362108&page=69

[omomnia15]

سلام حبوبات وصح قهوتكم وواش طيبتو وواش كليتو كنت متفاتنة مع بنتي على البريوش عجناتو انا من التعب كورتو ودرتو في الصينية باش يطيب وهي دارتو كرواصون وقاتلي بريوشي خير من بريوشك منعرف كي يطيب نحطو واعطوني رايكم

[إلهام07]

ربي يجازيك اخت idron0 يعطيك الصحة


أمال ديما ننصحكم بالتشاراك ساهل واقتصادي ويحمر الوجه وزاكي وبنين


اخت كاوكا يعطيك الصحة سخفني الجاج المحمر فقط صغري الصور بلوكاولي الميكرو


بنات ربي يخليكم نحتاجكم في خدمة شكون جربت هذو الزوج وصفات تقولي اي وحدة بنينة خير ؟
https://www.4algeria.com/vb/4algeria.356280/
قاطو الطبقات نتاع ام اماني
وقاطو روس نتاع ام كوثر وهو نفسو قاطو الطبقات نتاع الاخت زاميليو
https://www.djelfa.info/vb/showthread.php?t=1428388

أنا جربت الثاني وعجبني بزاااااااااااااف وصفة ام كوثر بصح نتاع ام اماني مازال وانا نحوس حاجة بنييييييييييييييينة


شكون تفيدني ؟

[بشرى2008]

للأسف الهام ماني مجربة حتى واحد فيهم نتمنى الاخوات يفيدوك

[lyzzabel]

لهومة مادرتهمش في زوج :d زيدي استناي درك يدخلو الشيرات و يقولولك
اامال ديري التشاراك كيما قالتلك الهام بالعجينة السحرية و ديري صابلي التاج و مقروظ الكوشة كاين تاع ام انس روعة كل لي داروه شكروه
ام أمنية حتى انا مازال ماشربت والو نستنى البريوش ممممممم :d