وصفات حراير الكوزينة الجزء الثاني - الصفحة 56

idron0 · 2015-06-08, 19:42

خوخ مشوي بالايسكريم والنعناع عازفة الناي

تقسمي حبات الخوخ . ملعقة زبدة نحطها فالمقلة ~~تاع الخطوط~~ ومن بعد نحط حبات الخوخ من جهة المقطعة ونخليها حتى تبدى تتشوى .. ونضيف ملعقة عسل وشوي عصير برتقال عليها نسقيوها ...نحطها فالصحن ونقدمها مع الايسكريم ذوق فانيلا ووريقات نعناع.

إضغط هنا لرؤية الصورة بحجمها الطبيعي.

acila15 · 2015-06-08, 22:07

444444444444444444444

rayen73 · 2015-06-09, 11:19

بارك الله فيكن على كل ما تقدمنه جعله الله في ميزان حسناتكن

~اسيل ريحانتي~ · 2015-06-09, 21:00

وصفة yasmalak
وهايليييك الوصفة تاع االبسبوسة
ديري كاس و ربع سميد موايان كاس مخلط زيت زبدة وكاس لبن والا ياغورت زوج مغارف صغار لاليفيغ مغرف كبيرة ماء زهر كاس مكسراات مرحيين زوج حبات بيض ونص كاس سكر نخلط قاع المواد الجافة ونزيدلهم المواد السائلة وطيبيها في سنيوة مدهووونة كي تطيب اسقيها بشاربات باردة الشاربات هي زوج كيسان سكر و زوج كيسان ماء و شرائح قارص وخليهم يغلو 15

joumanaa · 2015-06-10, 11:31

ya3etikoum saha

idron0 · 2015-06-13, 17:06

قاطو تاع البيمو اسيل ريحانتي

تطحني البيمو وتزيديله كوكاو مقلي ومطحون مدشش وحلوة الترك وعسل ومغرف كبيرة كاكاو وزبدة تقدري تبدلي العسل بالناسلي كاراميليزي وتحطيها في بلا فرشيها وضغطي عليها مليح ودوبي الشوكولا ولاحبيتي ضيفيلها الجوز مدشش انا طحنت الجوز في الروبو نسيته حتى ولا غبرة هههههه خلطيهم وفرغيها فوق القاطو وحطيها في الثلاجة تبرد ممبعد قطعيها ولكي الاختيار في الديكور.

إضغط هنا لرؤية الصورة بحجمها الطبيعي.

idron0 · 2015-06-14, 18:20

سيرو المشماش نقولولو البرقوق دائمة الحمد

نعمل كيلة ماء ونصف كيلة سكر وعصرة قارص ونحطو يغلي حوالي 20دقيقة و ونرمي البرقوق انصاف ونهبطو للاسفل بملعقة كبيرة يهز الغلوة ونطفي ونرمي ورقة عطرشية يبرد عمريه في ليبورت مونجي والى المجمد يجي تحفة تقديه وحدو والا تزيديه للسلاد فروي والبرقوق تستعمليه في لي تارت .
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

om kamilia · 2015-06-15, 13:56

مقرووووط مقلة جوهرة الجنة

3 كلات سميد متوسط

كيلة موش معمرة سمن

شوية زاست القارص شوية فاني

ماء زهر مخلطة مع الماء لي جكع العجين

والشو الغرس

نخلط سميد وع فاني و زاست وسمن ونخليها شوية تشرب ثم نجمع بالماء مع ماء زهر حتي تولي طرية وخلوها ترتاح قدر المستطاع كل ماترح كل ماجي مليحة

وكي تريح نبسط العجينة ونديرو حربوش التمر انا مازدتلو حتي اضافات نحبو هكداك

ونشكلو علي شكل حربوش ونقطعو مقروطات ونطيبوها فزيت منبعد نعسلوها

om kamilia · 2015-06-15, 23:36

عسل اام وابنة

اختي ام ياسين و نظن حتى ام ملك وصفتي للعسل:
في كاسرونة نحط زوج كيسان سكر و كاس و تقريبا نصف كاس ماء و شريحة قارص و نخليهم يغليو على نار هادية
و في كاسرونة ثانية نحط زوج كيسان سكر و اقل من كاس ماء و شوية عصير قارص و نخليهم يطيبوا كراميل فاتح شوية و ما نحركوش بالملعقة كي يبدأ يتلون السكر في أطراف الكاسرونة بش نبدأ نحركوا بملعقة خشبية حتى يوصل للون شباب بصح ما لازمش يتحرق او يكون غامق بزاف
نخرج الاطفال من المطبخ و نحط الكاسرونة تع الكراميل داخل المجلى وين نغسلوا المواعين و نفرغ عليه بالعقل السكر و الماء تع الكاسرونة الاولى حذاري راح يفور شوي نرجعها على نار هادية حتى يتخلط مليح و يذوب مليح الكراميل نطفي عليه و نزيدلو شوية ماء الزهر

tahiya · 2015-06-16, 20:47

اقتباس:

المشاركة الأصلية كتبت بواسطة ام سراج وملاك

بسبوسة قمر77

كاس و نصف دقيق متوسط نصف كاس نواد كوكو اواي مكسرات نصف كاس سكر ثلاث ارباع كاس زيت كاس حليب فانيلا واحد خمارة
خلطي كلش و طيبي
شاربات زوج كيسان ما كاس ونصف سكر
تجي خفيفة و هايلة تعجبني خير ون نتاع البيض و اذواق
ملاحظة : و قبل ما تطيب خليها ترتاح نص ساعة

بارك الله فيك اختي جاري التطبيق

tahiya · 2015-06-16, 20:51

اقتباس:

المشاركة الأصلية كتبت بواسطة ~اسيل ريحانتي~

وصفة yasmalak
وهايليييك الوصفة تاع االبسبوسة
ديري كاس و ربع سميد موايان كاس مخلط زيت زبدة وكاس لبن والا ياغورت زوج مغارف صغار لاليفيغ مغرف كبيرة ماء زهر كاس مكسراات مرحيين زوج حبات بيض ونص كاس سكر نخلط قاع المواد الجافة ونزيدلهم المواد السائلة وطيبيها في سنيوة مدهووونة كي تطيب اسقيها بشاربات باردة الشاربات هي زوج كيسان سكر و زوج كيسان ماء و شرائح قارص وخليهم يغلو 15

مشكورة جزيلا اختي على هذه الوصفة

biba04 · 2015-06-17, 10:09

وصفة جوهرة الجنة
2كيسان فرينة 2مغارف اكل زيت خميرة الخبز وغرف سكر وشوية خميرة الحلوة

نجمع جميع المكونات مع بعض بما دافي ونخليها ترتاح شوية برك نقرصها وندير الحشو والحشو اختياري ديري واش عندك

ونصطحها ونحليها تخمر مليح هذا سر نتاعها ونطيبعا فالفور ودرجة القسوة نتاع الفرن ونراقبها وكي طيب من التحت نشعللما من الفوق

وشهية طيبة اختي دعواتك

ام بسمة الامل · 2015-06-17, 12:32

Rani baria wsfat ترقاد القارص plizzzzz

ام بسمة الامل · 2015-06-17, 12:54

امممم شحال جات هائلة البسبوسة تاعك يا اسيل ريحانتي وحتى tahiya

idron0 · 2015-06-18, 11:27

قلاصاج تاع الكاكاو simassim

ديري تلات كيسان تاع تاي سكر وشوية حليب قلييييل غي باش يتنفخ. على نار قليييييييييييلة حتات يدوب السكر. يمكن تطحن السكر باش يدوب بالخف. من بعد زيدلهد تلات ملاعق كاكاو وخلطها فالاخير ضيف زبدة شوي. تقدر تضيفلها فانيليا او ذوق مكسرات او موز او نسكافيه وخدم بيها عادي. مين تشوفها بدات تنشف ديرها في حمام مائي واخدم بيها عادي.