اخواتي في الله بفضل الله ثم اقتراحاتكن قررت ان اقتحم فن الخياطة الرفيعة...حيث نبدا من 1 الى ما شاء الله على بركة الله

[لبيبة الجزائرية]

بارك الله فيك

[zedjiga]

merci beacoup.

[المتألقة]

شكرا لك .......................

[ام ضحى]

شكرا على المودال

[attafis]

merccccccccccccccccccccccci

[LOUIZA25]

اخواتي الكريمات.........حبيت اندردش معكن قليلا.......... كاين موضوع يؤرق كل السيدات و البنات المقبلات على الزواج....... الا و هوعدم نجاح الخياطات في اخراج المودال كيما تبغي الزبونة ـ لا اعمم فانا واحدة منهن ـ كان في السابق الي معندهاش مستوى تعليمي ؟؟؟؟؟؟؟؟؟؟؟؟؟؟ تروح تتعلم لخياطة اليس كذالك ؟؟؟؟؟؟؟؟؟؟؟؟؟ و كان الخياطة ملجا الاميات . و بالتالي المستوى يكون رديء . ولكن الان فهم الجميع ان تعليم الخياطة لا بد له من مستوى متوسط و كذلك مستوى عالي احيانا.........مثلا الموهوبة في الخياطة لابد ان تتعلم في اي جيهة تتوفر فيها مبادئ التعليم و كذلك مستوى الاستاذ.........لابد ان يكون ذا مستوى..... ـ صقل الموهبة ـ حتى نصل الى نوعية جيدة لا بد ان يكون العامل ذا مستوى جيد.ـــــــــــــــــ مثلا المتربصات عندي من المستوى 3 نهائ الى مستوى الدراسات العليا؟؟؟؟؟؟؟؟؟؟؟؟؟. *لان هناك معاناه حقيقية في اللباس سواءا في البيت او خارجه. و خلاصة القول ان كل واحدة تحب تلبس اميح لازم عليها تتعلم لان هذا المجال بحر دون قرار ولالالالالالالالالالالالالالالالالازم في حياتنا كلها.سامحوني على الاطالة.........استنى من كل وحدة تمر ان تترك رايها الخاص

[wezza23]

والله عندك حق أختي فيما قلتي لازم الواحد يخدم مخو شوي باش يوصل للمطلوب

تعلرفي انا من بكري كنت حابة نتعلم الخياطة لكن مع الدراسة ملقيتش وقت والحمد لله كي جيت عند عجوزتي الله يخليها هياستاذة الخياطة بلاك تسمعي بيها هي من قسنطينة -منصورية خديجة- وحدة وحدة بديت نتعلم والحمد لله نلبس روحي هههههه

[حميدة 84]

ران معاك استاذة في هذا الرأي أنا مثلا محاولاتي في الخياطة لا تكون ناجحة الا اذا كانت القياسات صحيحة و منكم نتعلم ربي يحفضك وايخليك وبارك الله فيك

[أم ياسين الزهراء]

صح عندك الحق دوق الخياطة عندها مستوى مليح وثانيك راهي تبعي في التطورات والمودالات الجدد انا تعلمت الخياطة بصح مع الدار والاولاد ماخيطتش بزاف بصح ندبر راسي شوي واذا لقيت الباترون نجيبو مليح وراني حابة نخيط بزاف باش تمشي يدي كيما يقولو

[إشراااقة شمس]

والله عند الحق حنونة

والله يباركلك في يديك حنونة والله صراحة ديما نتابع جديدك و مودالاتك و يعجبوني بزاف

حابة نولي موهوبة كيفك
أدعيلي ختيتي

وديما نلقى مشكل في حوايجي و خياطات شحال من مرة يفسدولي الكتان ومايخرجوليش حاجتي كما نحب

و أنا كنت نقرا ماعنديش الوقت وكتاه ندير نتعلم خياطة
مي ضرك الحمد لله راني كملت قرايتي الصيف لي فات و راني نخدم و الحمد لله سجلت نقرا خياطة راني مازلت مبتدئة....أصلا كنت شوي نفهم في الخياطة و كنت نخيط قنادر الدار السامبل نتاعي وحدي و يخرجو باهيين بصح حبيت نزيد نتعلم باه نولي نخدم بالباترون باه تخرجلي الحاجة معدولة
أدعيلي

و كشما نحتاج ان شاء الله راني نستشيرك أستاذتي

أسمحيلي راني طولت الهدرة

ههه
ماتزعفيش مني

على خاطر راني معجبة بيك بزاف و بخدمتك

ربي يحفظك من العين

في أمان الله يا غالية

[zedjiga]

شكرا على الالتفاتة الحلوة و النصيحة. و الله الخياطة هواية و الي ما يبحبهاش مهما يمارسها ما يتقنهاش. بصح التعليم يزيد في الخبرة و مع الممارسة نصبح ان شاء الله في المستوى.

[welam]

عزيزتي شكرا على هذا الموضوع ......................أنا أحب الخياطة منذ صغري وبعض ملابسي و ملابس أمي و أخواتي أنا التي أخيطها لكن بالبترون ........................أما بناتي فأخيط لهم كل موديل يعجبني بدون باترون .........................لم أتعلم الخياطة في المركز المهني و لاحتى على يد خياطة محترفة لأنني اهتممت بدراستي و أنا الآن أستاذة .................. أحيانا لا أجد البترون لموديل حجاب يعجبني ، فآخده عند خياطة و هي كانت زميلتي خلال الدراسة الجامعية ولا تتصوري جمال ما تخيطه فكل من يراه يظن أنه من سوريا......................لكن للأسف هي الآن تسكن في قسنطينة بعد زواجها ......................... في بداية السنة الدراسية عرفتني زميلة لي على إحدى الخياطات وقالت أنها ماهرة .............................. لا تتصوري دهشتي بعدما رأيت الحجاب الذي أخاطته لي ...............لم أتمكن حتى من إصلاحه ...................الفرق بين صديقتي الخياطة و هذه الخياطة هو المستوى التعليمي ، فالأولى جامعية ، و الثانية ذات مستوى ابتدائي.....................لكن أقول في الأخير أن المشكل ليس في المستوى التعليمي لأن الخياطة رغبة و فن و موهبة أولا، يمكن تعزيزه بمهارات أكثر من خلال المركز المهني أو التعلم على يد خياطة محترفة ، فخالتي مثلا كانت خياطة ماهرة جدا رغم أنها لم تدخل المدرسة ولو مرة واحدة في حياتها...............المشكلة في الفتيات التي تتعلمن الخياطة بدون رغبة أي كأنها مهنة لكسب المال و هذا لا يكفي .................

[وهيبة 55]

سلام عليكم لخياطة في راي هي موهيبة مش قراية كاين يلي قري لكن معندوش موهيبة هو طور موهيبة بالدراسة وهي صنعة مليحة تفيد خياطة قبل ما تفيد اناس

[LOUIZA25]

اختي وزة23 ...الحمد لله انت محظوظة لان حماتك معاك ربي ايطوللها في عمرهاو تعاونك على الدخول بقوة في هذه المهنة النبيلة واليى خص الله بها الانبياء ........... استغلي الفرصة لان الناس لكبار فيهم براكة كبببببببببببرة ولا تتهاوني لان حماتك مرجع مهم جدا و ذخرا لك........... الفرصة جات العندك فلا تضيعيها ........... ربي ايعيشكم البعضاكم مشكووووووووورة حبيبتي.

[LOUIZA25]

حبيبتي حميدة.....انت موهوبة فعلا قلتي كلمة هي علامة على انك ان شاء الله تكوني حاجة كبيرة في المستقبل...........مجال الخياطة........ قلتي ننجح اذا كانت القياسات صحيحة ’’’’’’’’’معناه انك عارفة الباب الي تدخلي منه نهنيك و نقلك المفتاح في يدك اسعاي و توكلي على الله فهو المنعم و هو المعين............. سبحانه جلى شانه. مشكوووووووووووووووورة حبيبتي