الأخت yarasmin. 26 ترد على تساؤلاتكم هنا - الصفحة 53

سفيرة · 2012-05-25, 19:08

عدت والعود احمد ....على سلامتك معافة انشاء الله...

liliane24 · 2012-05-25, 19:10

الحمدلله أختي ياراسمين اللي رجعت لينا بالسلامة، إن شاء الله مايصيبك شر
رانا تحيرنا عليك

سفيرة · 2012-05-25, 19:11

ضربي بياض البيض مليح مع قرصة ملح بداي تضيفي سكر القلاصي مصيرتاع المرجان غير بشوية +عصير الليمون مصفي +قطرات زيت+ ملون وخلطي مليح حتى الانسجام وجربي دائما حبة كي تشوفي شادة روحها كملي ولكن القلاصاج ميكونش قاصح باه ميجيكش يابس
ممكن توضحيلي اكثر..انضرب البيض بييدي ولا بالباتار ...واش تقصدي بكلمة قاصح..جزاك الله خيرا ...

yarasmin.26 · 2012-05-26, 09:25

اقتباس:

المشاركة الأصلية كتبت بواسطة سفيرة

ضربي بياض البيض مليح مع قرصة ملح بداي تضيفي سكر القلاصي مصيرتاع المرجان غير بشوية +عصير الليمون مصفي +قطرات زيت+ ملون وخلطي مليح حتى الانسجام وجربي دائما حبة كي تشوفي شادة روحها كملي ولكن القلاصاج ميكونش قاصح باه ميجيكش يابس
ممكن توضحيلي اكثر..انضرب البيض بييدي ولا بالباتار ...واش تقصدي بكلمة قاصح..جزاك الله خيرا ...

كيما تحبي ضربي واذا خفتي ضربي بالفرشيطة باه يخفاف
اما قاصح معنتها يابس وناشف

aziza05 · 2012-05-25, 20:54

الحمد الله على سلامتك أختي ربي يشفيك و يخليك لينا

sinati · 2012-05-26, 09:33

منتدي كان صامط بدونك

adam mum · 2012-05-26, 13:03

salam yarassamin26 ana bedi kem hararte el four bash netayeb kaleb louze please please please

yarasmin.26 · 2012-05-26, 13:26

اقتباس:

المشاركة الأصلية كتبت بواسطة adam mum

salam yarassamin26 ana bedi kem hararte el four bash netayeb kaleb louze please please please

حبيبتى كل فرن ودرجة الحرارة انتاعو المهم ديري الفرن يسخن 300 درجة يسخن مليح منبعد كي ديري قلب اللوز نقصي للفرن ويطهى عادي مدة 25 الى30 د

hamida2012 · 2012-05-26, 15:57

علا سلامتك اختي يراسمين طهورا ان شاء الله

sasafede · 2012-05-26, 19:46

السلام يارسمين هذي غيبة انشاء الله راكي امليحة
حبيت نسالك عندي سؤال هو الكريم شانتي كي نشريها كي نحب نستعملها للتزين كيفاش نحضرها كون نبغي انخلطها مع كريمة اخرى كيفاش اندير

yarasmin.26 · 2012-05-27, 09:35

[QUOTE=sasafede;10143150]السلام يارسمين هذي غيبة انشاء الله راكي امليحة
حبيت نسالك عندي سؤال هو الكريم شانتي كي نشريها كي نحب نستعملها للتزين كيفاش نحضرها كون نبغي انخلطها مع كريمة اخرى كيفاش اندي

صباح الخير واش حوالك راكي لاباس المهم كي تشري الشانتي اشري تاع الميزان مشي تاع العلبة باه اجيك قاوي ديري 100 غ شانتي +1/4 كوب حليب بارد لازم بارد +1 او 2 سكر قلاصي وضربي بالباتوغ حتى تشوفي شدت روحها ودير تموجات هذاك الحال شكلي بيها الحلوى انتاعك اما بخصوص مزج كريمين بعد الي وجدتي الشانتي ديريها في الثلاجة وجدي الاخرى او العكس صحيح وخليها ترتاح وتبرد{لازم ل2 ايكونو باردين وخلطي من الاسفل الى الاعلى حتى الانسجام } وهنا الكريمة انتاعك راهي جاهزة وشكلي كيما تحبي لتارت الجينواز او تارت بعجينة الفويتي او كريمات كيما تحبي وشهية طيبة

mimi53 · 2012-05-27, 10:13

حبيبتي يارا علا سلامتك ومرحبة بيك مرة اخرى معانا اختي حبيت نسقسيك
على حلوة كليتها ماهيش بسبوسة وما هيس خبز تونس وماهيش قلب اللوز
معرفتش نسميهالك ادا تعرفيها اعطيلي المقادير نتاعها والف شكر لكي على كل شيء

zahia05 · 2012-05-27, 16:18

السلام عليكم أختيياراسمين الحمد لله على سلامتك أختي أنا حابة نسقسيك على واحد القاطو كليتو في حفلة خطوبة ما ننساهش قالولي يسموه la dale desol يا ختي راه روعة عييت ندبر الكيفية يجي كيما تغتلات معمرين بكريمة ومن الفوق شغل الطلية ولا ؟؟؟؟؟؟؟؟؟؟؟فيه طعم القارص ياختي إذا سمعتي بهذ القاطو الله يخليك قوليلي عليه

yarasmin.26 · 2012-05-28, 10:57

[QUOTE=zahia05;10154258]السلام عليكم أختيياراسمين الحمد لله على سلامتك أختي أنا حابة نسقسيك على واحد القاطو كليتو في حفلة خطوبة ما ننساهش قالولي يسموه la dale desol يا ختي راه روعة عييت ندبر الكيفية يجي كيما تغتلات معمرين بكريمة ومن الفوق شغل الطلية ولا ؟؟؟؟؟؟؟؟؟؟؟فيه طعم القارص ياختي إذا سمعتي بهذ القاطو الله يخليك قوليلي عليه
جامي اسمعت بيه ولكن تقدري تصوريه وتوريهنا يمكن نعرفه والاسم يختلف

zahia05 · 2012-05-29, 20:00

[QUOTE=yarasmin.26;10163781]

اقتباس:

المشاركة الأصلية كتبت بواسطة zahia05

السلام عليكم أختيياراسمين الحمد لله على سلامتك أختي أنا حابة نسقسيك على واحد القاطو كليتو في حفلة خطوبة ما ننساهش قالولي يسموه la dale desol يا ختي راه روعة عييت ندبر الكيفية يجي كيما تغتلات معمرين بكريمة ومن الفوق شغل الطلية ولا ؟؟؟؟؟؟؟؟؟؟؟فيه طعم القارص ياختي إذا سمعتي بهذ القاطو الله يخليك قوليلي عليه

جامي اسمعت بيه ولكن تقدري تصوريه وتوريهنا يمكن نعرفه والاسم يختلف

السلام عليكم ياختي دوماج حتى الناس لي كليت عندهم هذ القاطو بعاد و لوكان عرفت هذ القاطو بنينة هكذا راني خبيتها و ما كليتهاش و صورتهالكم