موضوع مميز هل أنت مثقف... ؟ إذن أدخل . - الصفحة 53

arab.mail.dz · 2013-09-20, 23:05

اللي ما يعرفش للطير يشويه وياكل لحموا كدادة .. واللي يعرف للطير يربيه ويخليه لنهار الصيادة .( مثل من ولاية المسيلة)

هذا المثل يضرب للذي لا يعرف قدر و وزن الرجال فيضيعهم ويخسرهم
( يفرط فيهم ) وكان الاجدر به أن يخليهم في جنبوا لوقت الشدة والضيق

chakir 08 · 2013-09-21, 01:00

خبز دار يكله لبراني بــــــــــــشار

حكيـ الجَزآئِرِي ــم · 2013-09-28, 16:36

قال الطير للشجرة ارفدي ثقلي يالشجرة

(حاب ايقول راني كبير )

قاتلو الشجرة ما نعرف واش من عرف راك فيه

(ما حستش بيه)

منقووول

fille algerie · 2013-09-29, 21:09

كب القلة على فمهآ تطاع البنت لمهآ ... سوفي
شكــــــــــــــــرآ جزيــــــــلآ على الموضوع

هروال · 2013-10-01, 13:29

الي فات البكري اروح يكري

Basketteuse · 2013-10-07, 08:58

الكحلة فحلة في القلب تحلا... هههههههههههههه

Basketteuse · 2013-10-07, 09:02

قالو ناس زمان: لوكان جا الزين ينفع.. الذئب ما ياكل الغزالة

حكيـ الجَزآئِرِي ــم · 2013-10-09, 22:12

اقتباس:

المشاركة الأصلية كتبت بواسطة Basketteuse

الكحلة فحلة في القلب تحلا..

. هههههههههههههه

اقتباس:

المشاركة الأصلية كتبت بواسطة Basketteuse

قالو ناس زمان: لوكان جا الزين ينفع.. الذئب ما ياكل الغزالة

هاذي تحتاج شوية كوراج

Basketteuse · 2013-10-12, 10:06

عينه في المخلا وفمه في النادر .. ربما هكذا يقال المثل لست متاكدة

Basketteuse · 2013-10-17, 21:51

شاتي اللبن ومدرق الطاس

malek416 · 2013-10-18, 19:04

تواضع تكن كالنجم لاح لناضر.........................علي صفحات الماء وهو رفيع
ولاتكن كالدخان يعلو بنفسه...........................الي طبقات الجو وهو وضيع

حكيـ الجَزآئِرِي ــم · 2013-10-23, 09:01

حكمة : الصّمْت الذّهــب المشـذّر ~ و الكلام يفسّد المســالة
و اللي سمعت بيها لا تخبّر ~ و إيذا سالوك قول لالا.

حكمة: لسانك سلطانك صُنتو صانك ، هُنتو هانك.

ــ اللي ما رضّى والديه لا خير فيه.

ــ امشي مع اللّي يقدّك، و يودّك ، ويعرف قيمتك و قيمة جدّك .

ــ اللي فاتو الطّعام يقول شبعت ، و اللّيفاتو الكلام يقول سمعت.

ــ خير الماكلة ما خضر ، و خير الللّبسة ما ستر، و خير الأسماء محمّد خير البشر.

ــ المسلوخة تضحك على المذبوحة ، و المقطّعة شبعت عليهم ضحك!!!؟

ــ اللّي يزرع الرّيح يحصد غبارو .

ــ كمشة نحل خير من شواري ذبّان !!

ــ اللّي ما في بطنو التّبن، ما يخاف من النّار.

ــ كي كان حي شاتي تمرة و كي مات علقولو عرجون.

ــ ابكي يا قلبي على اللّي ماتو ، وماتبكيش على اللّي فارقك في حياتو.

ــ اللّي خلّص دينو شبع.

ــ الفاهم بغمزة و البهيم بدبزة.

ــ مين كانت قادّة (نقطة فوق القاف) كنت تقولي يا دادّة ، و كي طاحو الرّكايب وليت تقولي يا العايب.

ــ الكلمة ليا و المعنى لجاري

ــ تسالــني و الصّــوارد ما عنديــش ~ و عاذوك اللّي راني منهم في حالة
هاذوك اللّي قلبو الغالي عاد رخيس ~ و اللّي كانو رخاص ولاّو رجّالة.

ــ من عندي ومن عندك تنطبع ، و من عند واحد فريد تنقطع.

ــ الحديث قياس فيه الفضة و فيه النحاس.
ــ حكمة بلا شيخ ما تتعلمها.

ــ الحمار حماري و أنا راكب من اللور.

ــ الفم المزموم ما يدخله ذبانة.

ــ إيلا كنت زين أستر روحك من العين ، وإيلا كنت شين أستر روحك من الفضايح.

ــ الراعي و الخماس يتعافرو على ملك الناس.

ــ اقصد الدار الكبيرةإيلا ماتعشيتش تبات دافي.

ــ حج وزاير بير زمزم و جاء للبلاء يتحزم.؟؟

ــ واش من مرقة حرقت شواربك؟؟

ــ خرج من الحبس طاح في بابه.

ــ دير كيما دار جارك و لا بدل باب دارك.

ــ لا تكثر على الملوك لايملوك

ــ لا لقيت صاحبك عسل ما تلحسوش ، ولا لقيتو داب ما تركبوش.
ــ خالط العطار تنال الشموم، و خالط الحداد تنال الحموم، و خالط السلطان تنال الهموم.

ــ اللي ماهو ليك غير يعييك.

ــ الكلب إيدا نبح ما عض ما جرح.

ــ خضار و عشاه لفت.

ــ خنفوسة تلهيني ولا غزالة تشقيني ؟؟

ــ اللي فاتو وقتو مايطمع في وقت الغير .

ــ الزين عمرو ما عمر البيت.

ــ قدو قد الغولة وحسو حس الغولة.

منقول من صفحة

ouna2006 عضو مميّز

شِكــسبِير · 2013-10-28, 17:11

الي ما ذاق المر لا يعرف قيمة الحلو

gimy · 2013-11-03, 11:58

تغرك شمس الشتا ولا ضحكة النسا
************* سطيف ******************

آسفةيا نساء هكذا يقول المثل

Basketteuse · 2013-11-03, 12:35

لا تبدل زهو الدنيا بالشقا
قسنطينة