اخر اخبار المشطوبيين من الجيش بملف طبي

[ben halimm]

السلام عليكم حبيت أنخبركم برك راهم إستدعاوني أنتاع لاكاس /ن ع 5و خبروني باه أنجيبلهم الدوسي أنتاع الخلصة مي قالولي الخلاص مانعرف واكت باه مادقولوش راهوا أناني ياك قولتاكم اللي يعيطولوا يخبر راني بديت على روحي

[ben halimm]

ن ع 5 أثقيلة في معالجة الملفات صح بصح راهم أستدعاو ناس بزاف ألقيتهم في لاكاس و الناس اللي يقولو بلي راهم عندهم الأخبار يقولو بلي ماستدعاوش حتى واحد المعنى الوحيد بلي ماعندهم حتى معلومات مجرد راهم يقزنو ولا المصدر كيما يقولو راهم يكذبو عليهم و مايعطيوهمش الرسمي .أنزيد نقولكم نعرف خرين من ن ع 3 عيطولهم و من 6 ثاني و الخلصة كيما يحكيو بالاك أكتوبر ولا نوفمبر ولحكاية هذي اللي قالوها أنتاع 15000 عندي من مارس ولا أفريل اللي بعتها لاجماعة و منهم حتى كلبوز مي قالولي بلي أنت ما تعرفش واش راك تهدر حتى كي جابو الرسمي جابوه غالط و حتى كي كتبتها واحد ما بغا يشوف فيها واكيلا أنتوما لازم شمام ولا كلبوز الي يكتبها و لا ماتصدقو حتى واحد المهم شمام عاود أكتبهالهم باه يصدقوا و سقسي مليح عليه و قلتهاكم في رمضان ما تحاوسوش بزاف المهم راهي خلصة مليحة و تضمن العيش الكريم مي في رمضان شمام و كلبوز و جماعة بزاف كانو ماديين كونجي و مايدخلوش للمننتد علاهاديك ماشافوهاش و أنا مرقت منكم و فاصيت جميع المداخلات أنتاعي وقلت بلي مانزيدش ندخل بصح كاين ناس يستاهلو نبلغوهم باه يبقالهم شوية مل و ما ييأسوش ربي يعاونكم و ربي يجيب الخير و راني رجعت للمنتدى باه مادقولوش كي ضمنها أهرب كيما هربوا جماعة خرين واحد الوقت ا

[kalabouz]

ben halimm



مــــــــــــــــــــــــبروك عليك خويا حليم والعقوبة لينا والباقية ان شاء الله

[bassit-zoui]

اخي بن حليم
لو سمحت تقولي شحال نسبة العجز تاعك و شحال من عام خدمت و هل خدمت مكافحة ارهاب و لا لا
و رقم الناحية العسكرية الخامسة لو تكرمت بذلك
و مشكور مسبقا اخي الكريم

[bassit-zoui]

ارجو ان تجيبني اخي الكريم فقط لاعرف المقاييس التي اعتمدتها اللجنة في معالجة الملفات
و للمقارنة و معرفة وضعية ملفي من الاستفادة ام لا

[bassit-zoui]

الاخ فؤاد هل من جديد في القضية
هل قربت الاستفادة ام لا
وهل طالب ضابط عامل لمدة سنة ونصف بالاكاديمية العسكرية لمختلف الاسلحة يمكن ان يستفيد ام لا
علما اني مسرح بعجز غير منسوب للخدمة نسبته 40 بالمئة
عسى الله ان يجعل نهاية سعيدة للجميع

[bassit-zoui]

هل من اجابة

[lakhdar26]

مبروك للاخ بن حليم وعاقبة للجميع نرجو من الاخ ان يخبرني عن معلوماته التي شطب بها للمقارنة فقط وتنبأ بمصيرنا

[lakhdar26]

هرمنا ونحن ننتظر في الجديد او مكالمة من الصندوق
الناس راهي تعيش في حياتها ونحن ننتظر في نهاية هذا الكابوس
.الاغنياء يحققون احلامهم في العشرينات
.الفقراء يقضون نصف اعمارهم في الحلم فقط والنصف الثاني في محاولة تحقيقها

[ben halimm]

60 %غير منسوب خادم 7 سنين و نص خرجت من ن ع 5 خدمت مكافحة الإرهاب دفعت الدوسي في جانفي و زدت دفعت دوسي في فيفري و مبعدد خرج المرسوم أنتاع الوزارة في مارس زدت أدفعت و الحمد لله بصح راني غلبت يا جماعة من الطلعة للارجيو و لا كاس غلبوني هبلوني دخلوني في عقلي و ما زال نتمنى يزيدو يعيطو للناس الليبقاو من قلبي للناس كامل خاطر كامل رانا خدمنا لبلاد كل واحد بطريقتو و كامل سوفرينا بزاف ربي يجيب الخير إن شاء الله

[ben halimm]

وينك شمام راك حطيت عاجل و رحت رانا نستناو و لا لازم تشوقنا

[kalabouz]

ياشمام تقدر تشوفلي غدوة على ملف وين وصل

؟؟؟

[chamam]

المشاركة الأصلية كتبت بواسطة kalabouz

ياشمام تقدر تشوفلي غدوة على ملف وين وصل

؟؟؟

يعمل على الملفات الزرق مباشرة بالناحية الاولى اساله بلطف انت وصديقك المجنون وارجوا من الاخوة عدم استعمال هدا الهاتف .....................................

[ben halimm]

نتمنى من جميع الغير منسوبين ما يفقدوش الأمل و يصبروا خاطر كيما سمعت حتى الناس اللي مافاتوش و لا قصاوهم راح يردجعولهم من بعد و يعاودو يريقلوهم المهم يخلصوا على هديك راهم يعيطوا للناس اللي نسبوهم و من بعد بروح القانون كيما يقولوا يريقلوا لخرين و ربي يعلم إلا كذب اللي خبرني راني كذبت كثروا من الدعاء سورتوا في الثلث الأخير من الليل و ربي يقبل

[chamam]

المشاركة الأصلية كتبت بواسطة ben halimm

نتمنى من جميع الغير منسوبين ما يفقدوش الأمل و يصبروا خاطر كيما سمعت حتى الناس اللي مافاتوش و لا قصاوهم راح يردجعولهم من بعد و يعاودو يريقلوهم المهم يخلصوا على هديك راهم يعيطوا للناس اللي نسبوهم و من بعد بروح القانون كيما يقولوا يريقلوا لخرين و ربي يعلم إلا كذب اللي خبرني راني كذبت كثروا من الدعاء سورتوا في الثلث الأخير من الليل و ربي يقبل

100/100 كيما خبرونا اليوم من حق اي مقصى ان ياخد tv crem ويعاود وللعلم لقصاوهم كانوا لفاتوا الاوائل فاللجنة وكانت هناك بعض الغموض والتسرع ونزيد نقولك حاجة كاين اوامر واضحة فى الاسابيع الاخيرة باستفادة الكل وبعدها تخربطت ....
المهم على حساب الوتيرة التاع اللجنة راهى رايحة للاستفادة المطلقة بدون قيد او شرط مع الغاء الوحدة القتالية وتقرير قائد التكنة يعنى سهلة جدا امراض غير مصنفة تصبح مصنفة .........