الجزء 150 من واش طيبتي اليوم..... نورتو غالياتي تفضلوا .....مرحبا بكن - الصفحة 52

ماريا.م · 2015-10-22, 14:11

شكرا حبيباتي ام وابنة وام حبوبة على الترحيب.....
اومبعد ان شاء الله نديرلكم تقرير مفصل على حياتي

x ام رحاب x · 2015-10-22, 14:16

ام وابنة ديري خيز تونسي راه بريزونتابل وايشهي ويقطع بزاف
ام حبوبة يعطيك الربح قتلتيني بالضحك هادوك غير صوالحي اديتهم معايا هههههه

أم أماني وعبدو · 2015-10-22, 14:17

اقتباس:

المشاركة الأصلية كتبت بواسطة ماريا.م

صباح الخير عليكم يالفحلات
راني منين ذاك نضرب طلة ونقرعج بلا ماندير الحس
واسمحولي راني دخلت كوزينتكم بلا ما ندقدق في الباب.....
غيرتني قصرتكم وروائح ماكلتكم.....مافقتش حتى لقيت روحي داخل الكوزينة
ربي يديم هاذ اللمة الحلوة.....
واذا رحبتو بي وقبلتوني بينكم ، نجيب الباروك ونولي نريح معاكم

اهلا وسهلا حبيبتي الدار دارك في انتضار باروكك

x ام رحاب x · 2015-10-22, 14:23

ام وابنة الصغر خليه بعيد ونسايهماتقعديش اتفكري فيه ويلا على الشطارة راكي ماشاء الله ولوكان اتحبي الحاجة والله غير اديريها بصح ديري شوية كوراج وماتخميش في الخسارة ابدا راكي فحلة ومرة ونص ماتعرفيش قيمتك برك

x ام رحاب x · 2015-10-22, 14:25

ام اماني وعبدو صحة فطورك حبيبتي وبصحتك واش رايحة ديري عشا
انا عشايا اليوم رشتة باذن الله زوجي طلبها
راني رايحة انريح شوية وانعاود انولي بعد القهوة سلام

ام و ابنة · 2015-10-22, 14:32

اقتباس:

المشاركة الأصلية كتبت بواسطة x ام رحاب x

ام وابنة ديري خيز تونسي راه بريزونتابل وايشهي ويقطع بزاف
ام حبوبة يعطيك الربح قتلتيني بالضحك هادوك غير صوالحي اديتهم معايا هههههه

فكرتك هايلة بصح للاسف ما عندي لا شابلير و لا خبز قديم خاطر تقريبا غير راجلي اللي ياكل الخبز
و ما عندي لا كاوكاو لا جوز الهند خخخخ عندي برك فرينة و خميرة و زيت و سكر و سميد و ياوورت طبيعي يعني الاساسيات فقط

ام و ابنة · 2015-10-22, 14:35

اقتباس:

المشاركة الأصلية كتبت بواسطة x ام رحاب x

ام وابنة الصغر خليه بعيد ونسايهماتقعديش اتفكري فيه ويلا على الشطارة راكي ماشاء الله ولوكان اتحبي الحاجة والله غير اديريها بصح ديري شوية كوراج وماتخميش في الخسارة ابدا راكي فحلة ومرة ونص ماتعرفيش قيمتك برك

كلامك قاسني و بكاني يالحنييييينة

وقيلا ضرك نبدل اسمي و نولي فحلة او مرة و نص خخخخ

ربي يجبر خاطرك و يفرح قلبك

Oum Habouba · 2015-10-22, 14:38

ام اماني بالباراكة على لوستك والكعكة اللي درتيها رووووعة ماشاء الله سامحيني كل ما نبغي نعلق ننسى شفتي غي ام وابنة راهي مهبلتني كل يوم رواية قاع ما نكملوش معاها واااالووو ما تبرااااش
شوفي ام وابنة يا حنونتي انا ديري كيك نتاع ياراسمين ساهل ماهل وشباب فيه غي الاساسيات شتاىقلتي
ام جوجو بصححححححتك اللوبيا انا تاني درتها باللحم البقري
ليزابيل الحمد لله على سلامتك عاودي ولي للنشاط واطباقك وفنك
اسي هادي غيبة

Oum Habouba · 2015-10-22, 14:50

ام وابنة شوفي هدا موسكوتشو نورمال بصح التقديم حاجة مليحة

5بيض.كاس سكر.كاس زيت.3 مغارف ميزينة.10مغارف فرينة. 3مغارف كاكاو.نص كأس عسل.2 خمارة طيبيها في البلا و مبعد اطبعيها وديري من الفوق الكونفيتور و رمديها في لي شوت دياولها.

زينب 83 · 2015-10-22, 14:53

مساء الخير حبوبات
عساكن بخير حبيباتي
مازال ماراجعتش دخلت قبيل لكن النات راحت فجأة و هذا وين رجعت و ابني هبلني حفظت ًو التربية الاسلامية ماشاء الله سريع الحفظ و ذكي لكن الأخطاء اللغوية في الكتابة كااااااارثة

ام و ابنة شفتهم يدبرو عليك ديري بسبوسة تركية تاع ام اماني بنينة و ساهلة و لا اي نوع بسبوسة و خلاص

نروح نجيب شوي صور و نرجع نراجع

ام و ابنة · 2015-10-22, 15:22

ام حبوبة و زينب ربي يجازيكم خير عالافكار غالياتي نشوف وش عندي اللوازم بالضبط و نقرر

زينب ربي يعينك و يوفقلك ولدك

حبوبة علابالي راكي تقسري بصح و الله نهدر صح و دون اي احراج او تحسس اذا حكاياتي يسببولك ليك او لاي وحدة معانا اي ازعاج او احراج راسليني عالخاص عزيزتي و الله ما نزعف

Oum Habouba · 2015-10-22, 15:37

هالا ام وابنة درك نزعف ديري في بالك بلي نتي البون فيفونت نتاعنا انا غي نبغي نهبلك علاه حنا نهدرو قليل بالعكس كي تحكي نحس بلي راني معاااااااك
وهادي الهدرة لي قلتها تبينلك اوكال بوان راني مقاجية معااااااااااك ياو معاك واش بيكي واللي ما يبغيش يقرا هدرتك يسوطي الرد نتاعك وصايي

ام سارة18 · 2015-10-22, 17:02

ام وابنة بصحتك الشعيروالفلون
ام الاء البركوكس اممم
اسيا الكعك يهبل والصابلي شباب
مريا مرحبا بيك
توتة ام كاميليا هاد الغيبة
جوهرة الجنة القاطو يشهي
ام رحاب الشخشوخة راهي في بالي والله تسخف ديرتلك تقييم تستاهلي تمدي واش عندك يا طيوبة
وجبز تونس جاك شباب ممكن الوصفة من فضلك
ام حبوبة واش كملتي لفريز نتاع الحانوت هاهاها
ام وابنة ديري بسبوسة وهني روحك من التخمام وجعني راسي في بلاصتك ونقولك جمعي الردود ديالك خاتي مسعودة راهي عساسة
هادا عشايا ارز

أريج-78 · 2015-10-22, 17:31

اسمهان ربي يرحم فقيدكم ان شاء الله ويعطيكم الصبر ولله يصبر زوجته واولاده ويخلفهم في مصيبتهم اللهم امين
لهنة مبروك عليك سرين و ربي يجعلها من الصالحين
ام رحاب ربي يشفي خوك ويطمنكم عليه
ام جوجوالحمد لله على سلامة ماماك ومبروك عليك البرا ميكسور
زينب ربي يشفيك ان شاء لله وعودة ميمونة لينا واطباقك فن ماشاء الله
ام سراج يعطيك الصحة على المنقولات
soussou_saida الله يشفيك ويخفف عليك
ام اماني يعطيك الصحة على التارت ومبروك على سلفتك ولعقوبة لاماني
ماريا مرحبا بيييييييييييييييييييييييييييييييييك و والكوزينة كوزينة الجميع
الباقي بووووووووووووووووووووووووووووووسة كبيرة وتسلم الايادي و صح غدواتكم وعشاواتكم
غدايا جلبانة بيضاء باللحم ومطلوعة والديسير تمر ورمان والحمد لله
[IMG][/IMG]
[IMG][/IMG]

آسيا 27 · 2015-10-22, 17:38

مساء الخير
ان شاء الله تكونو بخير جبتلكم الغريبية تشوفوها بغيت رايكم العشية فوتناها قسرة و ضحك و تمنشييييييييييييير طبعااا خخخخخخخخ دارولنا البغرير و قاطو الطبقات بالمربى و الشوكولا حشمت نصور ااااه نسييت من بعد نحط صور الحلوى تاع عرس ولد عمي تقرعجو شوية