الجزء129من واش طيبتي اليوم - الصفحة 52

ام احمدي · 2015-05-06, 10:00

واخييييييييييييييييييييييرا لقيت وصفة خبز الدار تاع ام ياسين
رايحة دكا نديرو ياااااااااااااااااااااااااااااي

lyzzabel · 2015-05-06, 10:00

داائمة الحمد ربي يخلييك حبييبتي و يطول في عمرك و تزيدي حتى نتيا تعلمي احفااادك ياارب و بصحتكم الكسرة و اللبن و السلااطة
ارزاااق هههه ويي حبييبتي عندك الزهر جربت ندخل للمنتدى بالتابلاات كي دخلت قلت نحط الصور ما داامه رااضي عليينا و ان شااء الله نزييد نحط صور اخرى نتمنى يقعد هااكا و ما يتبلعش في وجهنا هههه
ام هبوووبة يحسن عونك حبييبتي حنا رانا فالداار و ما لقينااش الوقت ،، انا غير مين يحكم عليا منصف لي ندخل للمنتدى على رااحتي كيما دروك ،، سينون ما كاانش الوقت صحححح

هيا دروك بصح سلاااااام

ام سوهيل · 2015-05-06, 10:00

صباح الخير وش راكم لباس

هدا بروكي ملقري جا روتار بصح معليش الموهيم جا ههههههههههههه

غربية الكاوكاو

وهدي معقود

وهدي طارطا صغيرة

SAMAH SAMAH · 2015-05-06, 10:01

سلام شكرا اختي ليزا على الاهتمام هذا وين شفتت ردك
في الكوزينة السابقة على المقروض
بارك الله فيك

ارزاق · 2015-05-06, 10:13

يعطيك الصحة والباروك مجاش روطار راهو جا في وقتو . كلش رووووعة خاصة التارت اممم

ارزاق · 2015-05-06, 10:15

ام سوهيل حطيلي الوصفة تاع الغريبية من فضلك

ارزاق · 2015-05-06, 10:16

ام احمدي متنسايش الصور تاع الخبز

wahibaazel · 2015-05-06, 10:16

ام سوهيل اممممم تسلم الايادي .
ليزا ماشاء الله عليك ،تصوري بالتابلات ،انا نصور بالبورتابل لكن الصور يخرجو باهتين .ليزا مالا نتعلم منك الفرنسية
ام هبوبة ربي يحفظك ويعطيك صحتك ،والصغار كيما ولفتيهم يوالفو ،
ارزاق ماقلتيناش واش صرالك .
جاتني بنت خالي الصغيرة جابتلي الاواني انتاع السوتنوني ،غديتها على 9ونص وراحت تقرا ربي يوفقهم .

ارزاق · 2015-05-06, 10:23

صباح الخير وهيبة ماصرا والو اختي رحت زيارة لقريبة مريضة . الله يبارك فحلة غداك وجد علي 9.ونص

سماح صباح الخير .انا نروح من بعد نشالله

SAMAH SAMAH · 2015-05-06, 10:24

حلويات عرس قريبتي صباح اللخير ببناات

زينب 83 · 2015-05-06, 10:34

صباح الخير حبوبات ان شاء الله تكونو كاااامل في احسن الاحوال

ام ياسين انا تاني علابالي شكون العضوة لي بالحمل ان شاء الله تدخل و تقول بنفسها ، و الف مبرووووك الوسام تستاهلي يا غالية

ارزاق صاحبة الكوزينة كوزينتك خفيفة و رائعة كيما انت حنونة

وهيبة الف مبروك على اخوك التخرج و ربي يجازيك كل خير حلوياتك روووعة حبيبتي

ام ماجد بصحتو ضيفك الغداء كلش بسيط و خفيف و لذيذ يعطيك الصحة و حفوظي ماشاء الله عليه غزال ربي يحفظو

ليزا حبيبة الكل الواحد قد ما يهدر ما يوفيكش حقك يا طيبة ربي يحفظك و يحفظ اولادك و زوجك و كل احبابك من كل شر

المازة طيابك روووعة و انت رووووعة ربي يخليك

طير الرحمة شكرًا حبيبتي على كل ما راك تقدميه في الكوزينة

ام رهام حبيبة قلبي و صديقتي و اختي الغالية ربي يخليك ليا يا رب

مياسم فرحت بزاف بالعودة نتاعك و اطباقك تشهي دايما كالعادة ماتزيديش تغيبي

ام محمد تاج منورتنا يا غالية ربي يثبت حملك و يسلكك على خير

فرح العمر يعطيك الصحة حنونة على النفيض تاع الدار لكن سايسي روحك و ربي يحميك و يسلكك على خير

عازفة الناي يا غالية يا فنانة ما شاء الله عليك

ام اسلام مقروطك هايل في انتظار موائدك الرمضانية

زينب 66 على سلامتك حبيبتي و ربي يشفي الوالدة يا رب ماتخافيش عندي قريبة كان عندها نفس المشكلة من الحليب دارت عملية و راهي ما شاء الله

وردة الشمس اممممممم اطباقك رووووووعة ماشاء الله

اسمهان يا غالية ربي يشفيك و يعافيك يا رب و يعينك أشغال العرس

ام أيوب اطباقك هايلة و تشهي

ام يسرا طيابك رائع و الله كأنك ماكيش مغتربة محافظة على تقاليدنا و عاداتنا ما شاء الله

أوريسيا يا كش،،،،،،،،،، ههههه الف مبروك الوسام و العاقبة لحفظ كل القران

ام سراج و ملاك الف مبروك الوسام ربي يفرحك دائماً يارب

ام زكرياء اهلًا و سهلا نورتينا حبيبتي

سيما عطلة سعيدة حبيبتي اهلًا بيك في بلادك

قمر يا عسل الكوزينة معجون التمر رائع و اكيد صحي تسلمي

ام هبوبة القريوش امممممممم خرج هدايا يعطيك الصحة

ناكاتيل ، هبة الله ، رحمة ، ام رشدي ام هديل كتشيعة و ام هديل بومرداس ، و ام هدول ، و كااااااااامل لبنات ان شاء الله تكونو كاااامل بخير

كاكينوفا ، و كاوكا عندهم بزاف مابانوش يا رب يكونو بخير

ام سهام 02 · 2015-05-06, 10:48

السلام عليكم

اسمحوا لبنات دخلت البارح طلييت بص ما اقدرتش انعلق كنت مغمومة وزوج صوالح اصراو لي بصح الحمد هكذا واكثر

البارح كانت السخانة وشعلت الكليماتيزوغ امنبعد راحت الكهرباء كرجعت صوطات وانحرق وبعدها بساعة ارجع زوجي مالخدمة هو ادخل وانسمعو دقديق الجار ايقول لنا الزجاج تع االيسارة راه مكسر ما عرفناش يا تكسر وحدو يا كاش واحد كسرو والحمد لله

باه ما نخرجوش عن الموضوع راني اندير في المقروط لعجوزتي حابة تديه ضيافة

زينب 83 · 2015-05-06, 10:57

اقتباس:

المشاركة الأصلية كتبت بواسطة دائمة الحمد

ليزا صباح الانوار تعيشي وتتفكري حنونة احنا مين كانت جداتي حية قبل كانو عندنا البقر في الفيرمة وكانت هي لي تعيطني وتعلمني تقلي احفظ واترك وزيدامي راهي الله يبارك صنافة والان راني نعلم في بناتي وانتم ثاني راكم في مقام بناتي
اوريسيا الف مبروك حبيبتي الحفظ ماشاءالله لعقوبة للستين انا راني من حين لاخر نروح للمسجد نحضر دروس في قراءة القران بالاحكام نعمة ماشاءالله
واختي هي ثم لي تقدم في الدروس

ربي يخليك لينا حبيبتي و يطول في عمرك و نتعلموا منك دايما

اقتباس:

المشاركة الأصلية كتبت بواسطة lyzzabel

ارزاااق حبييبتي جربت على الزهر فاتوولي هادو الصور تفضلي بارووكي مزية ما كملتش كوزيينتك بلاا ما نحطلك الباروووك هههه ،، بسم الله

امممممممم ليزا رووووووعة روووعة يعطيك الصحة

اقتباس:

المشاركة الأصلية كتبت بواسطة ام سوهيل

صباح الخير وش راكم لباس

هدا بروكي ملقري جا روتار بصح معليش الموهيم جا ههههههههههههه

غربية الكاوكاو

وهدي معقود

وهدي طارطا صغيرة

اهلين ام سهيل يعطيك الصحة كلش هايل

اقتباس:

المشاركة الأصلية كتبت بواسطة samah samah

حلويات عرس قريبتي صباح اللخير ببناات

حلويات روووووعة سماح ربي يتمم على خير حنونة

اقتباس:

المشاركة الأصلية كتبت بواسطة ام سهام 02

السلام عليكم

اسمحوا لبنات دخلت البارح طلييت بص ما اقدرتش انعلق كنت مغمومة وزوج صوالح اصراو لي بصح الحمد هكذا واكثر

البارح كانت السخانة وشعلت الكليماتيزوغ امنبعد راحت الكهرباء كرجعت صوطات وانحرق وبعدها بساعة ارجع زوجي مالخدمة هو ادخل وانسمعو دقديق الجار ايقول لنا الزجاج تع االيسارة راه مكسر ما عرفناش يا تكسر وحدو يا كاش واحد كسرو والحمد لله

باه ما نخرجوش عن الموضوع راني اندير في المقروط لعجوزتي حابة تديه ضيافة

اهلين ام سهام ، ماعليش حبيبتي الحمد لله جات في الماتيريال خير من في العباد ربي يحفظكم من كل شر و يعافيكم و يبعد ولاد الحرام عليكم يا رب

عازفة الناي · 2015-05-06, 11:09

صباحكن سعيد
اليوم ميناج عظيم خاصة انه جات العين ريحة المعطرااااات يا سلام ترد الروح ههههههههههههه
زينوبة 83 الف سلامة عليك حبيبتي وربي يشفيك
ليزا واااااااااااااااااااااااااو روعة خاصة الحوت و البربوشة اممممممممممممممممم ونستنى في الصابلي ههههههههههههههههه طماعة بزاااف
ام تاجو صباااااااااااااحو
ام هبوبة القريوش نقطة ضعفي ههههههههههههههههههههههههه روعة
سماح القاطوات هايلة ربي يهني قريبتك و العاقبة للي مازالو
ام سوهيل ربي يبارك 4444444444444
مولات الكوزينة وين كنت مخبية ههههههههههههههههه
ام ياسين اطباقك رائعة هذا وين تفكرتك اسمحيلي ههههههههه
ام سهام بصحتها عجوزتك المقروط ... ربي يعوض عليكم في الكليماتيزور و الزجاج
هذوا اللي تفكرت ههههه

um alaa · 2015-05-06, 11:20

صباح الانوار
البارح درت les fausses cuises للعشا ما يبانوش مليح و ماديكوريت ماوالوخفت شيخي يدخل يقولك هادي مهبولة

وهادو بعض واش درت اليامات اللي فاتو