الجزء 171 من واش طيبتي اليوم�� كوزينة اللمة والمحبة والبساطة �� - الصفحة 51

أم محمد تاج · 2016-10-25, 08:12

صباح النووور والسرووور على الغوالي حبيبات قلبي
سامحوني مقصرة لظروف غالياتي وراني ندخل نقرعج عليكم ماشاء الله وبارك يعطيكم الصحة
حوووتة الغالية يسقسي عليك الخير والهنا والربح
جبتلكم بينيي اقتصادي وساهل وبنتوو كيما تاع برا على طريقتي البسيطة السهلة وصدفة لقيتكم طبقو فيه

وضرك نراجع ياغاليات
غدايا شوربة بيضا وكسرة خميرة ولله الحمد والمنة

حياة نور الدين · 2016-10-25, 08:17

صباح الانوار والسعادة

امينة يعطيك الصحة على القهوة حبيبتي ربي يحفظك وينجحك انت راكي مسامحة لانه راكي تقراي ربي يوفقك اختي

ريمة صباح النور يا عبني على الجريدة تع الصباح ههههه يعطيك الصحة راكي قايمة معيا بالكوزينة الحق وكل البنات ربي يحفظكم حنونة

صدق العطاء اهلااا اختي نورتي ماعليش تقولينا شحال عمرك

صدق العطاء · 2016-10-25, 12:32

اقتباس:

المشاركة الأصلية كتبت بواسطة حياة نور الدين

صباح الانوار والسعادة

امينة يعطيك الصحة على القهوة حبيبتي ربي يحفظك وينجحك انت راكي مسامحة لانه راكي تقراي ربي يوفقك اختي

ريمة صباح النور يا عبني على الجريدة تع الصباح ههههه يعطيك الصحة راكي قايمة معيا بالكوزينة الحق وكل البنات ربي يحفظكم حنونة

صدق العطاء اهلااا اختي نورتي ماعليش تقولينا شحال عمرك

اهلين اختي انا عمري 19 سنة وللعلم هذا الحساب تاع اختي هههههه بصح انا نستعمل فيه على الاغلبية

omhadil · 2016-10-25, 08:23

وهذا باروك الكوزنية

حياة نور الدين · 2016-10-25, 08:26

ام هديل صباح النور حبيبتي واش كيفاش خليتي داركم حنونة ان شاء الله بخير

يويبويبوبييييييييي ام مريومة عندنا اهلاااا اهلاااا والله تقلقت عليك قلت ماشي عوايدها الحمد الله اللي طليتي وراكي مليحة وربي يفرج عليك الظروف ويباركلك في وقتك ويعطيك الصحة على التطبيق بااااين هااايل بصحتكم راني ديت نعاود القهوة بصحتكم

صدق العطاء الله يبارك راكي جامعية ماشاء الله

عائشة حسان · 2016-10-25, 08:29

صبااااااااح الانوار يالفخï»»ت
نهاركم سعيد ومبارك رب
يارب اجعل هدا اليوم يوم خير وبشائر لكل واحدة منا يااااارب

حياة نور الدين · 2016-10-25, 08:36

ام هديل يعطيك الصحة على الباروك ربي يحخلي ايامك حنونة

عائشة صباح النور واش راكي ربي يسهل عليك وعلينا امورنا ويهدينا

oum ibrahim · 2016-10-25, 12:50

صباح الخيرات يا الحراير
البارح كتبت رد طار مع الريح وااااعع هههه واليوم من الصباح وانا نجري باه نحط تطبيقي لصبيعات البطاطا هذا وين لقيت وقت المهم تفضلي حياة تطبيقي اذا عجبك لاني درت غلطة هي انا ماقريتش مليح الوصفة حوست عليها النت ثقيلة وانا راح عليا الحال لما جيت نقليهم مارمدتهمش في البيض والفرينة درتهم فقط في الشابلور 2 حبات الأولين تفتحو من بعد زدتلها البيض باه حكمت روحها المهم البتة رهيبة يعطيك الف عافية وحرفت شوية في الصوص درت ها على شكل مايونيز بالفرما ج أخذت الفكرة من حنان

غدا يا جواز خرشف بالجلبانة أمممممم وطبعا وجد بكري لكن مصورتش بصحتكم واش طيبتو كامل لي عودة للمراجعة

أم محمد تاج · 2016-10-25, 08:46

ريما حبيبتي الغالية شفتك سقسيتي عليا يسقسي عليك الخير ولهنا والربح تعيشي حنووونة
ربي يبارك فيك حوووتة حنووووونة ويسلكك بخير يارب
في امان الله وحفظه

omhadil · 2016-10-25, 08:48

مرحبا خيوتة واش راكى انتى
دارنا راهم بخير والحمد لله يسقسى عليك الخير حبيبتى

nanoua7 · 2016-10-25, 08:51

صباح الخير حياة و البنات كاملين نهاركم مبروك ان شاءالله

أم محمد تاج · 2016-10-25, 08:52

كاشمة فهمتووووو من موضوع الحل المؤقت للتعديل والاقتباس??? وااااااااااااااااع خريطة الموزمبيق مايش هك اخخخخخصصصصصصص

حياة نور الدين · 2016-10-25, 09:01

نانوا صباح النور حبيبتي

ام مريومة شكراا على الدعاء والموضوع مشفتوش وين راه حطينوا

البحر الصافي · 2016-10-25, 09:06

الف مبروك الكوزينة حياة عمرتوها بالخيرات وجريتو بالصفحات وانا لاخبر
يعطيكم الصحة يا لحراير كل وحدة باسمها
لي عودة بالباروك

أم ياسين الزهراء · 2016-10-25, 09:22

صباح الانوار

زينب الحمد لله الحمد لله ربي يكمللها وتفرحو بيها يارب

ام رحاب بالشفا على ماما حاسة بيك حنونة

ام كامي طمنينا على بنتك بالشفا

ام الاء دايما فور وشاطرة علي يعطيك الصحة

البنات الكل ماشاء الله عليكم

غدايا لوبيا ماشطو وعندي بواقي ونزيد مطلوع والحمد لله باش نعشي حطيست ونتكى ونشبع تفراج ورقاد ههههههههههههه سمعتي ام محمد

نزنق شوي

ام هدول ميرسي اللي تفكرتني وبصحتكم الشخشوخة