~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

[أم ملك]

المشاركة الأصلية كتبت بواسطة دائمة الحمد

درت كسرة للعشاء ومعاها لبن وبيري والف حمد لله

مرحبا دائمة كيف حالك و كيراها عائلتك الكريمة
الكسرة أمممممممم مع اللبن أمممممممم هداك شا نبغي

[wahibaazel]

السلام عليكم حبيباتي ،دخلنا قبل المغرب ،ما شاء الله عليكم واش حطيتو كل وحدة باسمها ،المازة تسلم الايادي ،فايزة متعتينا بالمقروط والصابلي يعطيك الصحة ،دايمة الحمد راني ديت حقي يعطيك الصحة ، اهلا بام لجين هذي غيبة ،ماشاء الله عيك .
اسمحولي حبيباتي ما علقتش عليكم كون نبدا نكتب مانخلصش للصباح .
زينب ٦٦ بارك الله فيك وصلتني رسالتك وبعثتلك رسالة ايضا ،ربي يجازيك كل خير ،زينب83 بصحتكم

وهذو اخذتهم من النت صور لبلدية عين عباسة وجبل مقرس ،مناظر مينة عين عباسة رائعة ،


https://www.foxpic.com/V1zF5OhG.jpg


الصور مايخلاصوش،اليوم وانا نمشي ونمته فيةناظري بنعم الله عز وجل ،الاراصي خصبة ،مساحلت شاسعة لكنها غير مستغلة نهائيا لا في الزراعة ولت في السياحة ،عندنا خيرات نحسد عليها .

[زينب 83]

يتبع لشلالات واد البارد

[ام طيري الجنة]

السلام عليكن جميييعا
الف مبروك اخت زينب افتتاح الكوزينة الجديدة ان شاء الله تكون مربوحة على الجميع يا رب
بالتوفيق لجميع الاخوات اجواء المنافسة موفقات باذن الله

[ام طيري الجنة]

هذا باروكي المتواضع اختي زينب المالح و الحلو
كلمار فارسي

كيكة الليمون

الفريزيي

[زينب 83]

ام طيري الجنة تسلمي باروكك رائع و اطباقك رائعة كالعادة

[ام طيري الجنة]

[quote=زينب 83;3993117983][size="6"]
اهلين بالغالية حبيبة الكل نورتي حبيبتي اهلًا وسهلا و مرحبا

المشاركة الأصلية كتبت بواسطة زينب 83

ام طيري الجنة تسلمي باروكك رائع و اطباقك رائعة كالعادة

الله يسلمك يا الحبيبة يا حلوة اللسان و الفعل بارك الله فيك

[manora_007]

آختي زينب بمناسبة افتتاحك الكوزينة حبيت تكون اول مشاركة ليا هو تطبيقي لتارتولات محشيين بصوص الفاكهة الوصفة تاعك طبعا
لكن عندي مشكل مانقدرش نضيف صور٫ ممكن نبعثهلك الصور و تضيفيهم انتي. شكرا جزيلا

[ام سراج وملاك]

صح عشاكم كامل انا ليوم عشايا حريرة وراتهالي خالتي بنينة و اقتصادية
مقادير نتاعها اول حاجة تقطعي كلش بالموس مكعبات حبة بصل مقطعة + حبة طماطم الحب +2 حبات جيراوات + 2 حبات بطاطا + مغرف كبيرة طماطم الباط + فنجال عدس + فنجال روز انا كيلت بنتاع لحليب متوسط + زوج مغارف كبار فريك + شوي ملح وشوي زيت ونصف ربطة دبشة + شوي كرافس + توابل فلفل اسود + كروية + زنجبيل + دوا البرمة + فلفل احمر حار او حلو تقليهم مليح وتزيدي الماء وتخليهم يطيبو ومبعد ارحيهم بالرحاية ورجعيهم يطيبو زيديلها راس فلفل حار ورقات رند اذا حبيتي لحريرة خاثرة زيدي زوج مغارف فرينة خلطيهم مع الماء وزيديهم للمرقة لي تحبها بالجاج او لحم تقدر تزيدهم طعمها رائع بلا دجاج او لحم هي الوصفة مفيهاش اي نوع من انواع لحوم عليها حطيتهالكم خطراه سهلة وبنينة انا لحريرة لي درتها مفيهاش لكرافس مكانش عندي درت فيها غير دبشة شوي برك لي كاينة عندي





وهذا لعشا نسيت محطيتوش دارتو اختي كي كنا عندها بربوشة بلفول

[هندة 74]

اختي زينب عيونك الي ملاح انتي احلى ربي يخليك نتمنى يجاولوني لبنات على سؤالي ؟؟؟؟؟؟؟؟؟


حابة نسقسيكم لبنات الكوكاو المعالج الى اللوز الوصفة كانت الام اسلام واية


شكون جرباتوا واذا يصلح نعمل بيه البقلاوة وراكم تعرفوا لازم يتحمص الرد ضروري لاني حابة نجرب الله يخليكم

[oum islem]

سلام حرائر كيف الحال جبت التاي وقلت نسهر معاكم مادام النت هداها ربي

[أم ماجد]

المشاركة الأصلية كتبت بواسطة oum islem

سلام حرائر كيف الحال جبت التاي وقلت نسهر معاكم مادام النت هداها ربي

هات نسهر معاك
زينب ادينا لشارع دبي يتمتعوا الاخوات بالاواني هيهيهيه
عشانا كسرة وسلاطة اوردافر والصلاة على النبي راني غير مع الخفيف ههههههههههههه نكلح فيهم

[ام سراج وملاك]

زينب روووووعة الصور لي حطيتيهم
وهيبة مناظر رائعة انا نعرف عين ازال عمي يسكن ثم
ام نسرين منورة حبيبتي ولفريزي يهبل درتيه بالشيكولا وحدها من فوق

[ام طيري الجنة]

المشاركة الأصلية كتبت بواسطة ام سراج وملاك

زينب روووووعة الصور لي حطيتيهم
وهيبة مناظر رائعة انا نعرف عين ازال عمي يسكن ثم
ام نسرين منورة حبيبتي ولفريزي يهبل درتيه بالشيكولا وحدها من فوق

النور نورك حبيبتي و غاليتي ام سراج من الفوق درت طبقة اخرى من الجينواز و غطيتها بالشوكولا
البنات كاااامل يعطيكم الصحة على واش حطيتو

[wahibaazel]

المشاركة الأصلية كتبت بواسطة ام سراج وملاك

زينب روووووعة الصور لي حطيتيهم
وهيبة مناظر رائعة انا نعرف عين ازال عمي يسكن ثم
ام نسرين منورة حبيبتي ولفريزي يهبل درتيه بالشيكولا وحدها من فوق

ام سراج ما تقوليليش ،يا سلام تعرفي مسقط راسي ما شاء الله ،اهلا بيك اختي ام سراج ،تقرعبجة صغيرة ،يعني عمك من عين ازال ولا سكن فيها فقط