كوزينة 113 كوزينة متعونا بابداعكم

[lyzzabel]

ام وسيم ربي يفرج عليك و يسهلك الولادة و يرزقك باحلى بيبي ،، كلشي يفوت ،، شحال نكره العجوزة الحضرية و القبيحة ربي يهديهم

ام ملاك ديري بالعجينة السحرية تاع ام اماني انا معتمدتها منذ أعوام قبل قاع ما نشوف الوصفة تاعها راهي شهييييرة و تصلح لجميع المعجنات ،، بصح ما تنسيش تزيدي السكر

[lyzzabel]

قصدي ام ملاك هههه ديري العجينة السحرية تاع ام اماني و زيدي السكر و ما تنسيش الفانيلا طبعااااا

[Omakram]

Ya3tike saha omrihem. bayen ja raoize benine

[عازفة الناي]

ام وسيم ربي يحسن الاحوال بينكم
توتة وش راكي
ام لجين الخبز اممممممممممممممممممم بصحتكم
حنان ماعليش خيرها بغيرها
اسينات ربي يشفيك

[saja hamed]

اهلا تووووووووووتتتتتتتتتتتتاااااااااااااا لك وحشة حبيبتي وربي يكون في العون وربي يرزق اختك بما خير انشاء الله واختك علاش ما سكنتش وحدها وتهنات

[أم تسنيم 2017]

ان شااااااء الله يخرجلك شباب ام الاء متنساش خليلي حبة
ام وسيم ربي يحفضلك الوالدة وتتفرج عليكم بسكنة ان شااء الله
زينب شكرا على الوصفة
ليزابال اذا مقدرتيش حطيهم في مرفقات وانا نحملهملك حنونة
زينب حبيبتي غير متحيريش معاكم طبيبة بيطرية هنا هههههههههههههههه
ام نهووولة ممممممممممممممممممممم كي تكمل كوزينة نجمع قاع تطبيقاتكم ونحطهم في صفحة تطبيقات
ام لوجين صحا غداك تطبيق ممممممممممممم روعة
ام ريهااااااااام صحا غداك حنونة ممممممممممم
سلااااااااااااامة يديك رحمة

[زينب 83]

المشاركة الأصلية كتبت بواسطة رنيم أروى

ان شااااااء الله يخرجلك شباب ام الاء متنساش خليلي حبة
ام وسيم ربي يحفضلك الوالدة وتتفرج عليكم بسكنة ان شااء الله
زينب شكرا على الوصفة
ليزابال اذا مقدرتيش حطيهم في مرفقات وانا نحملهملك حنونة
زينب حبيبتي غير متحيريش معاكم طبيبة بيطرية هنا هههههههههههههههه
ام نهووولة ممممممممممممممممممممم كي تكمل كوزينة نجمع قاع تطبيقاتكم ونحطهم في صفحة تطبيقات
ام لوجين صحا غداك تطبيق ممممممممممممم روعة
ام ريهااااااااام صحا غداك حنونة ممممممممممم
سلااااااااااااامة يديك رحمة

لالا حبيبتي انا عمري ما نتحير انا الحاجة لي نشك فيها نليكيديها ههههههه مانكسرش راسي و باه ناكل الكبدة فوقها الكيست ععععععععع ماشي غير من باب الصحة الصراحة نعافها و الله كون نموت بالشر

حتى انا جارتي طبيبة بيطرية و تعمل في الباتوار ياو كي تحكيلي نقول ما ناكل والو

و بما انك مختصة في هذا المجال رانا نسناو كل يوم منك معلومات دوك ماكاش الهربةههههههههه

[lyzzabel]

هدا تطبيقي تاع العجينة السحرية الرااااءعة انا معتمدتها في اغالب المخبوزات ممممممم
رنييييم شكرا مسبقااا حبيبتي راهي صفحة الدردشة ثقييييلة بسبب الصور الكبار لي فيها على هاديك ما قدرتش نحولهم للتابلات

[lyzzabel]

ما يفوتوه مع بعض مالايباد

[lyzzabel]

نسيت نقول بلي حشيتهم بالفرماج من داخل

[lyzzabel]

و مالفوق شبح تهم كيما خبز الفوكاشيا

[ام نهوله]

ام رهام بصحتك الحوت و الارز مطرح ما يسري يمري
ام سراج راني درت ليبينيي بالعجينه السحريه و جاو خفاف

[ome loudjeine]

توتة صح غداك هاهو الرابط تاع المهلبية تاع زينب.
راني جربتها وخرجت روعة.

https://www.djelfa.info/vb/showthread.php?t=1741682

[ام نهوله]

و هدا تطبيقي تاع الكيكه بحبه بيض ما عنديش باش نزينها و ما كاش شكون يروح يشريلي زينتها بالكراميل

[ام نهوله]

ليزا انا العجينه السحريه ما زدتلهاش السكر درت غير مغرف واحده و جاو ملاح مع تزيدي السكر من الفوق يجو حلويين