|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الجزء 77 من واش طيبتي اليوم سيدتي **تحضيرات شعبان لإستقبال رمضان**
 |
|
|
أدوات الموضوع | انواع عرض الموضوع |
|
|
2014-06-07, 18:12
|
رقم المشاركة : 1 | ||||
|
عطراااامممم عجبني كل شيء روووعة خاصة لابيري امم و الخوخات
|
||||
|
2014-06-07, 19:18
|
رقم المشاركة : 2 | |||
|
مسيتكم بالخير و عافية يا أحلى لمة ربي يدوم علينا النعمة و بيناتنا المحبة
صح قهوتكم يا الغاليات رانا كملنا بمعونة الله و الحمد لله و كل وحدة ولات لدارهم سلا للأخت رياحين و نتمنى تكون الغالية ندى بخير يارب أشفيها و عافيها من كل بلاء أمييييين حبيبتي ليدي هذا من ذوقك الراقي أختي و كلامك شهادة أعتز بيها مشكوررررررررررررة و ربي يعطيك كل ما تتمناي اليزابيل حنونتي بلا مزيتي و الله تستهلي كل خير أنت و أهلك لعزاز و ربي يشفي بنت أختي و تشوفوها سالمة معافاة و ربي يجعلها أخر المصائب سكرتي بالمناسبة فطورك ك باقي أطباقك متعة للنظر ما شاء الله عليك  حبيبتي ليلي ختيتو جاني المرسول يا أحلى عروسة يا رب يسعدك دنيا و أخرة و ألففف شكر لكي على الدعاء و مليوون شكر لكي على الثقة المتبادلة خيار الناس أيليس ن سيدي عيش يا رب اذزين ربي السعديم و أمنزوينم داقشيش "لهنة مولاش ألا  " و ماما دعاتلك بكل خير يا وجه الخير و الله ما ننساك و ديما في بالي ختيتو لعزيزة و دائما شكرااااااااااااااااااااااااا لكيغاليتي دائمة الحمد عظم الله أجركم حبيبتي و ربي يجعلها أخر مصائب و الشكر كل لكي يا صاحبة القلب الكبير و الحنون و ربي يفرحك في أولادك و تشوفيهم كما تتمناي بلا ما ننسى الغالية أسينات ربي يقومها بألف سلامة أختي أم اسلام أية أطباقي والو أمام أطباقك الراقية الله يدوم نعمه عليك غاليتي أختي chez biba تسلم أياديك أختي و أنت الأروع الله ابارك أخت سعيدة بالنسبة للمعقودة تاع الشوفلور راهي وصفة الغالية ليلوشاف يعطيها ألفففففف الصحة https://www.djelfa.info/vb/showthread...362108&page=58 وصفة البوتي فور تاع الغالية أم ابراهيم هاهو الرابط https://www.djelfa.info/vb/showthread...362108&page=24 بوتي فور الشاف أم أماني https://www.djelfa.info/vb/showthread.php?t=1551411 حبيبتي مولاة الكوزينة الزينة أم أنس الله يرضى عليك و يحققلك كل أمانيك يا الغالية أختي عطر ما شاء الله عليك كلشي روعةةةةةةةةةةةةةة نهال أختي بصحتك أطباق لفطور و المخ الحقاني اشهيييييي الله اباركسلامي للغاليات الحاضرات و الغايبات اللهم نسألك خير هذه الليلة و خير مافيها و نعوذ بك من شر هذه الليلة و شر ما فيها |
|||
|
2014-06-07, 19:33
|
رقم المشاركة : 3 | |||
|
أخواتي الغاليات أم هنيدة و سعيدة أسمحولييييييي عى التأخير بسم الله قطع سكالوب داند أو جاج في الفرن نحضرأولا الحشوة نفور شوية سلق ألي يكون منقي و مقطع و مغسول كما تقدري تفوريه أوراق و كي يطيب قطعيه لكي الاختيار قلي حبة بصلة صغيرة مسكرفجة مع 2 فصوص ثوم في شوية تاع زيت أو خليط زيت مع زبدة مع التحريك بعدها زيدي السلق لمفور و قلي مليح و رشي الخليط بالملح و شوية فلفل أكحل و خليه فوق النار حتى ينشف من السائل ألي فيه بعدها طفي عليه وجدي خليط فيه حبة بيض + فص ثوم مرابي + قرصة ملح + قرصة فلفل أكحل و بض قطرات خل حوالي نصف ملعقة قهوة و خلطيهم بالفرشيطة أحكمي قطع السكالوب ألي عندك و رمديهم بخليط البيض من الجهتين و نقطريهم بيدك من زائد تاع البيض فرشي كل قطعة على طاولة العمل و ديري كمية من الحشوة تاع السلق في طرف من القطعة و بعدها أغلقي القطعة ديالك كما نعملو البوراك و احكمي كل قطعة بكيوردون أو بيك فروي واحدة فقط أدهني صحن الفرن بكمية مليحة من المارغرين و بعدها ستفي قطع السكالوب في الصحن الغلقة تكون للتحت و زيدي حطي حوالي ملعقة قهوة تاع مارغرين طرية فوق كل قطعة دخلي الصحن في الجهة الوسطى للفرن ألي يكون مسخن مسبقا على 200 درجة راه ما يديش وقت في الطياب يحمار من تحت ثم أشعلي الفرن من فوق و اذا نشف شوية من المارغرين زيديلو ما تخافيش بعض القطع من المارغارين راه اجي روعةةةةةةةةةةةةةةة كي يطيب تخلصي من الكوردون و قدميه و بصحتكم ملاحظة
بالصراحة بالنسبة لي نحبو هكذا سامبل
 لا حول ولا قوة الا بالله العلي العظيم |
|||
|
2014-06-07, 19:37
|
رقم المشاركة : 4 | |||
|
ليلي روعةةةةةةةةةةةةةة و مافيش في الدنيا أطيب منك يا ملاك على هيئة بشر الله ابارك تعرفي مام انا ما كملتش كمية الفرينة تاع المقادير كلها برافووووووووووووو عليك و ما شاء الله ختيتو و من فضلك حبسي الطياببببب
 ربي يصونك من كل شر و بصحتكم ختيتو الغالية مواااحححح |
|||
|
2014-06-07, 19:54
|
رقم المشاركة : 5 | |||
|
دجاج ديزوسي و محشي الحشوة قلي بصلة في شوية زيت كي يبدا ينشف الماء ديالو زيدي اللحم المرحي و قلي و بعدها أضيفي حوالي فص ثوم كبير مرابي و تبليه بملح و كمون و فلفل أكحل و خليه ايطيب و بعدها زيدي حبة كبيرة طماطم مسكرفجة و خلطي وقبل ما يطيب زيدي عليه كمية من المعدنوس المقطع صغير و اذا حبيتي زيدي في الأخير شوية لوز مقشر و مرحي متوسط و محمص للبنة و طفي عليه غلي الروز ديالك في شوية ملح و زيت و اذا حبيتي ضيفي زعفران للتلون و بعدها صفيه ثم أدهنيه بشوية سمن أو زبدة في اناء خلطي الروز مع خليط اللحم المفروم و زيدي بيضة مخفوقة باش يحكم الخليط ديالك مالازمش ايجيك جاري الروز تقدري أيضا تطيبه مع اللحم المرحي مباشرتا بلا ما تغليه و مرقي بالماء أو مرق تكوني طيبتيه ب عظام تاع الجاجة خاطرش الروز لازم ايطيب غلي حوالي 3 حبات بيض حسب حجم الجاج ألي عندك في ماء و بعدها قشريه بلا ما تقطعيه ذوبي كمية من السمن و زيدلو ثوم مرابي و فلفل أكحل + القليل من لاموتارد + ملح + شوية كمون فرشي ورق الشفاف على طاولة العمل وحطي الجاج ديالك فوقه بعدها أدهني بالفرشاة الجاج ديالك من الداخل بخليط تاع السمن جيدا حطي حشوة الروز باللحم المفروم في جهة واحدة من الجاج و أعملي شق كما نديرو في المقروط و حطي على التوالي حبات البيض المغلي و بعدها زيدي أغلقي باش يغطى البيض و تتحصلي رجعيه حربوش بعدها ابداي ترولي بمساعدة ورق الشفاف أو قطع بلاستيك عادية و لفي حتى تتحصلي على رولي أحكميه الجاج ديالك بخيط المطبخ باش احافظ على شكله كما تقدري تحكميه بالكوردون وجدي صحن الفرن و فرشي فوقو شرائح من البصل + قطع من الطماطم و حطي الجاجة ديالك و أدهنيها كامل مليح بخليط تاع سمن ألي معطر بالثوم و ألي بقالك من السمن فرغيه فوق البصل و الطماطم و تقدري تزيدي حوالي نصف ملعقة قهوة طماطم مصبرة /علب لخليط السمن ضيفي شوية ماء حوالي كأس و دخليه لفرن سااااااااااااخن و خليه ايطيب و مرة على مرة سقي الجاجة ديالك بالعير الي يكون في صحن الفرن باش ما ينشفش و راه ايزيد انكهو قبل ما تشعلي الفرن من فوق زيدي البطاطا المغلية و خليهم بتجمرو مع بعض تقدري البطاطا بلا ما تغليها و تزيديها في الأول هكداك خضرة راهي الحشوة طايبة اذن غير الجاج ألي يحتاج الطياب و اذ ا ما زال ماطابش و راه نشفلك الطبق زيدي شوية ماء ساخن على الأطراف وغليها اكمل ايطيب ملاحظة تقدري تغيري في الحشوة تاع الجاج ديالك كما تحبي مثلا بدل الأرز ديري خضار كما البطاطا و الجلبانة مع الزيتون و تقدمي الجاج ديالك بالأرز لكي الاختيار  نتمنى نكون لحقتلكم الفكرة اللهم نسألك حبك و حب من يحبك و كل عمل يقربنا من حبك |
|||
|
2014-06-08, 09:30
|
رقم المشاركة : 6 | |||
|
 صباح الخيران شاء الله راكم بخير كامل راجعت كلش روعة شكرا ام انس على وصفة المقروظ جاك تحفففة chez biba اطباقك روعة ريهام متألقة كيما العادة يعطيك الصحة باتيلا بصحتكم البغرير خرج يهبل lahna يعطيك الصحة بوتي فور رائع ربي يكملك و يعينك ان شاء الله يفوت عرس كيما تحبي iyzzabe اطباقك ديما مميزة و نعرفهم من الصور حبيبتي هههه islamaya يعطيك الصحة كلش كيما يلزم nihale بصحتكم الشكشوكة تشهي نحبها الباقي اعذروني اكيد اطباقكم رااااااائعة جبتلكم شوي من طياباتنا في الويكاند بسبوسة دارتها ماما  كراب دارتهم اختي  جربت مثلجات   جربت العجينة المورقة تاع لهووومة اللهلوبة التوريق جاء تحفة خفيييييييفة لكن المشكل كي جربت طيبتها الشكل ما قعدش تميل في الجنب ؟؟؟؟؟؟ !!!!!!!!!!!!!!!!!!! عاونوني المشكل ويييين هنا كي قصيت من العجينة شوي بديت نخدم بيها   فطوري هذا الصباح من الخدمة كي عوايدي ما نفطرش نحاول في روحي برك مشكلة راني نعاني منها هههه
 |
|||
|
2014-06-09, 08:53
|
رقم المشاركة : 7 | |||
|
[SIZE="6"]السلام عليكم ورحمة الله وبركاته, ان شاء الله راكم بخير و صحة ,نهاركم مسعود مبارك |
|||
|
2014-06-09, 09:18
|
رقم المشاركة : 8 | |||
|
صباح النور ام كاميليا بصحتك الطعام و البيتزا مممم راهي تشهي يعطيك الصحة حبيبتي |
|||
|
2014-06-07, 18:19
|
رقم المشاركة : 9 | |||
|
حبيت نتقاسم معاكم بعض أطباقي تاع الفترة اللي فاتت
بسم الله كفتة مع الجلبانة والقرنون  كروكات البطاطا بالطون والفرماج   مرقاز مغلف بلابات فويتي  كفتة حسن باشا بصوص طوماط   طاجين لمخوخ  قرنون محشي بالفيوند اشي مع الجلبانة  عيش بالخضرة (بركوكس)  رولي الدجاج بالسلق والفرماج  شخشوخة بعثتهالي ماما ربي يحفظها  حوت مع الارز  كمونية بكبدة الدجاج  وهاذي تارت درتها لعيد ميلاد أختي  والحمد لله |
|||
|
2014-06-07, 21:39
|
رقم المشاركة : 10 | ||||
|
اقتباس:
شهيتيني وانا ما نتعشاش  الكروكات كيفاش تبقالك حاكمة روحها كنت نديرها تجيني روعة بالصح رغم بساطتها وليت ما ننجحش فيها كي نحطها في المقلة تتفتت وما تشدش روحها  حتى تعقدت منها وما وليتش نخدمها خلاص |
||||
|
2014-06-07, 23:29
|
رقم المشاركة : 12 | ||||
|
اقتباس:
كلش روعة biba تسلم الايادي
|
||||
|
2014-06-07, 18:28
|
رقم المشاركة : 13 | |||
|
امممممممممممممممممم بيبا يعطيك الصحة على الاطباق الي تفتح النفس والمدونة تاعك رائعة حتفظت بها |
|||
|
2014-06-07, 18:29
|
رقم المشاركة : 14 | |||
|
امممممم اكلكم يشهيييييي ربي يكثر الخير |
|||
|
2014-06-07, 18:55
|
رقم المشاركة : 15 | ||||
|
اقتباس:
كروكات البطاطا بالوطن والفرماج
طيبي البطاطا في ماء مملح من بعد ارحيها بلاراب الرقيق تاع الثوم وخليط معاها طون تاع الزيت مصفي + دبشة ومعدنوس مقطعين رقيق ولميهم ببيضة تاخذي كرية حطي في وسطها فرماج وشكلي خبزات دائرية حطيها في بيضة مخفوقة تم في لا شابلور واقليهم وبالصحة ولهنا |
||||
|
| الكلمات الدلالية (Tags) |
| **تحضيرات, لإستقبال, الجسم, الدول, رمضان**, سيدتي, شعبان, طيبتى |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
راني شفت ردك هذاك اليوم و فرحت بزاف اسمحيلي ما قدرتش نرد عليك كنت شوية مقلقة ،، ربي يخليك و هذا من دواعي سروري و اي حاجة تحتاجيها قولي و انا ما نبخلش بواش نعرف 
العرض المتطور
