9 مشتركات في المرحلة الثانية .....وهل هناك امل للبقية - الصفحة 51

نسائم الهدى · 2014-02-05, 08:49

وان. تو. ثري. فيفا ام ايثري

وان. تو. ثري. فيفا ام ايثري

وان. تو. ثري. فيفا ام ايثري

معاك يا الفحلة ديري حالة

ام إثري · 2014-02-05, 08:51

اقتباس:

المشاركة الأصلية كتبت بواسطة سمراء الدنيا

الف مبروك للمتأهلات فعلا مبدعات ............. و للي دخلو الراطراباج كي حالتي ربي يعينهم مع الضغط الجديد ..........

حاولت كل جهدي نكون معاكم و ما ننساحبش باش يتشجعو باقي لبنات و يكملو ........كنت مسافرة الجمعة و السبت و كي رجعت ......ايد مع الاولاد و البيت و ايد مع بيدو الزيت .............الحقيقة الجانب العملي ما تعبتش فيه .........التخمام هو للي تعبني بزاف
كي قررت نكمل مع المسابقة قلت ندير حاجة بسيطة و ما نخرجش .........ما جيت ندبر الفستان حتى هبلت و كي درتلو ديكورات من باطة الطماطم و بيدو الزيت شبعت تعليقات و ضحك من المحيط و كي كملت بقاتلي مشكلة اخرى كيفاش نستاذن من الراجل و نروح للجارة ؟؟؟؟؟؟؟؟؟؟؟ بعد مفاوضات رحت و لازم واش ندي في يدي .........كنت خادمة بسكوي غولي قسمتو و ديتليها ...........قليت عندها ضيفة ما خرجت حتى خرج قلبي و ما بديتليها الموضوع بللي نسحق الميكرو حتى عرقت 100 عرقة و حماريت و صفاريت باش نطقت و قدرت نبعث الصور و نسيت صور التطبيق

شفتو المشوار شحال طويل و مرهق ..........................و نزيد ما نحشمش و نعاود مع التحدي الاخير ...الله غالب برهوشة هههههههههههه............بصح كل هذاك التعب راحلي كي قريت كلامكم و تشجيعكم لبعضكم و السهرة الحلوة للي درتوها و لحظات الترقب للي عشتوها و الاجواء الاخوية ............ربي يدوم المحبة في الله
و بالتوفيق للجميع في المراحل القادمة

صباح النور سمراء ونهنيك على الروح المثابرة لي عندك
وربي يعينك في الراطراباج

ام إثري · 2014-02-05, 08:53

اهلا اختي نسائم الهدى
بارك الله فيك على التشجيع والسهر في سبيل تشوفي النتايج

وكيما قالت فريولة لسطايفية ارواحي للبالكون نهدرو شوية ههههههههههههههههههههههههههههه

fatma1977 · 2014-02-05, 08:56

صباح الخير عليكم كامل مبروك التاهل لام اثرى راكى غزيتى المنتدى بصحاباتك هههههههههه قبل ما تقولهلك السطايفية ربى يخليهم ليك ويخليك ليهم رانا غير نقصرو يعطيك الصحة زعمة هذا السوارى راح تلبسيه ولا تعطيه هدية لكاش ما وحدة من حباباتك ان شاء الله ما يتعركوش عليه لامية يعطيك الصحة حنونة والله السوارى نتاعك هايل بالرغم الصور مش واضحة مليح وهذاك الورد يهبل مى السلسلة الى شادة الورد معجبتنيش يعطيك الصحة على الابداع صاحبات الرتراباج ربى يوفقكم جورى وسمراء حبيبتى وفاطمة بشار المشاغبة والمشوشة نتاع القسم هههههههههههه ام اية ما تزعفيش تفكرى منين اديتى التوب المرة اللى فاتت وانا خرجت نومينى بالرغم رانى خياطة ومتخرجة من معهد التكوين تكنولوجية الالبسة والله زعفت بالزاف وتاثرت ومن باعد قلت ياخى حالة كيفاش علاجال مسابقة فىالنت ندير هكا وشفتى من بعد الصاك كيفاش جاء هايل بالرغم ما عطيتوش اهمية كيما القميص النسائى المهم ما تحرقيش الفستان برك هههههه راهو هايل الاخ عمر جاته افكارك مش جنونية راهو يحب الجنون نتاع مصممى الازياء نتاع الغرب حاولى تلقاى شوية جنون فى راسك باه تفوتى للمهمة الثانية ان شاء الله تكونى فهمتينى وربى يخليك لزوجك وولادك ولعزوجتك باش تبعثيلها الدجاج المحمر ههههههههههه

stayfiya · 2014-02-05, 08:57

السلاام عليكم صباحكم بالخير حباباتي كيفاه صبحتو انا تقول بايته في عرس ههه حتى راني رايحه للخدمة روطار ام اثري هذا لي تكليت عليك تنوضيني الصبااح !!!! بصح راني كليت الشيكوله لي حطتهالك صاحبتك خليتلك الورد ولا زادو الداوه ؟؟؟ ههههههه خيتي الاكتساح فيها فيها هههههه شوفي حباباتتك حباباتنا يلاكان حبو و على العين و الراس رانا جيران و في المسابقه لي زدنا تعرفنا كثر على بعضانا و تشجيعهم ليك ولا لينا اكيد يفرحنا ربي يدوم محبتنا
فاطمه شكرا حبيبتي بصح انا والله قريت الرد و فهمتو عن طيب خاطر
لي حيرتني نور الامل ماقالتش كلمه؟؟
ام ايا واش حوالك هاه واش قررتي ؟؟
فطووم هيا نعرفك فحله !
شكرا ابداع حبيبتي على التشجيع

نسائم الهدى · 2014-02-05, 09:05

السلام عليكم اخي عمر

لا ادري ماذا اقول

و لكنني اعتذر منك للخطأ الذي بدر مني في حقك

و الله لم اقصد ان اسخر من شخصك

و لكنني لست متعودة على الدخول لقسم التفصيل و الخياطة

لذا فانا لا اعلم بان المشرف فيه رجل و ليس امراة

و لغبائي ربما او لتسرعي او لانني دخلت فقط لاتابع نتائج اختي ام ايثري لم انتبه لقراءة تفاصيل بروفايلك

و الاخوات هداهن الله لم يصححن خطئي حتى ليلة البارحة

لا ادري ماذا اقول لك اخي لاعتذر منك و لتقبل اعتذاري

على كل حال ها انا اعتذر منك امام كل العضوات و ارجو ان تقبل اعتذار اختك

بارك الله فيك على الشعور الرائع الذي منحته هذه المسابقة للمشتركات و لاحبائهن

و لكنك عندما تعلق على عمل ما

اكاد اسمع القلوب وهي تدق مثل قلبي

هو في الحقيقة تليق للتحكيم كتر من الغاشي ديال الحان و شياب

ربي يحفظك اخي سامحني و اقبل اعتذاري

و سلام

طاعة زوجي .. · 2014-02-05, 09:06

اقتباس:

المشاركة الأصلية كتبت بواسطة stayfiya

السلاام عليكم صباحكم بالخير حباباتي كيفاه صبحتو انا تقول بايته في عرس ههه حتى راني رايحه للخدمة روطار ام اثري هذا لي تكليت عليك تنوضيني الصبااح !!!! بصح راني كليت الشيكوله لي حطتهالك صاحبتك خليتلك الورد ولا زادو الداوه ؟؟؟ ههههههه خيتي الاكتساح فيها فيها هههههه شوفي حباباتتك حباباتنا يلاكان حبو و على العين و الراس رانا جيران و في المسابقه لي زدنا تعرفنا كثر على بعضانا و تشجيعهم ليك ولا لينا اكيد يفرحنا ربي يدوم محبتنا
فاطمه شكرا حبيبتي بصح انا والله قريت الرد و فهمتو عن طيب خاطر
لي حيرتني نور الامل ماقالتش كلمه؟؟
ام ايا واش حوالك هاه واش قررتي ؟؟
فطووم هيا نعرفك فحله !
شكرا ابداع حبيبتي على التشجيع

مشكورة حنونة اكيد نتشرفو بصحبتكم اختي ورانا كامل اخوات في الله واشنو الضروف ماساعدتش وماتلاقيناش ، أنا شخصيا خاطيتني الخياطة قليل وين نجي هنا لوكان ماشي المسابقة ماتعرفش عليكم ، مرة ثانية ألف مبروك للجميع لأنو بالنسبة ليا الكل فائزين ، ............. الأخت أم أية راهو الاخ عمر يحب كيما قالت فاطمة الأفكار الجنونية نتاع المصممين كيما نتاع الغرب وحظ موفق حنونة ............ ، الأخت سمراء قريت ردك تعبت حنونة مشوارك كان صعييييييييييييب ربي يقويك حبيبتي ويعطيك الصحة على المثابرة

ام إثري · 2014-02-05, 09:06

اهلا سطايفية ياختي ضربتي باطة شيبكولا حتى الكواغط مالقيتهمش وحبيتي نوضك ههههههههههههههههه

OM AYA · 2014-02-05, 09:07

اقتباس:

المشاركة الأصلية كتبت بواسطة fatma1977

خيرها فى غيرها يا حنونتى والله تمنيتلك النجاح كيما فى بلاستى وكى قال ما كانش غاضنى الحال والله غير ساهرة على جالكم أنا اليوم قصتى قصة جبت الشاى لزوجى ورحت نبدل لبنتى الرسوم فى التلفاز معرفتهاش كيفاه راحت للشاى وحرقت روحها بيه والله اكسيدو وما جات ترقد غير بالسيف المزية كان الراجل جالس فى النت والله وكان هكذاك يقلى بالى السبة من المسابقة من المرة الاولى ماكانش باغيها قالى شغالك بالزاف علاش تزيدى المشاغل على روحك .

ربي يبقي الستر غلى بنتك مزية مش في دالتك تحققت سي نو التعليقااااااااات

اقتباس:

المشاركة الأصلية كتبت بواسطة فريولة ابتسام

عيطيلها قوليلها ماتجيش باه ماتشوفكش كي تخدمي وما تتعرضيش للاحراج ولا روحي خيطي ضرك بيد ما راهم راقدين ...............ولا اذا شفتي اختك تسلكها في الخياطة اتكلي عليها هي تخدمهالك هههههههههههه

ياو المشكل جات توقف عند راسي باه نخدملها الريدو نتعها عندو سمانة مطيش عندي ههههه

اقتباس:

المشاركة الأصلية كتبت بواسطة سمراء الدنيا

الف مبروك للمتأهلات فعلا مبدعات ............. و للي دخلو الراطراباج كي حالتي ربي يعينهم مع الضغط الجديد ..........

حاولت كل جهدي نكون معاكم و ما ننساحبش باش يتشجعو باقي لبنات و يكملو ........كنت مسافرة الجمعة و السبت و كي رجعت ......ايد مع الاولاد و البيت و ايد مع بيدو الزيت .............الحقيقة الجانب العملي ما تعبتش فيه .........التخمام هو للي تعبني بزاف
كي قررت نكمل مع المسابقة قلت ندير حاجة بسيطة و ما نخرجش .........ما جيت ندبر الفستان حتى هبلت و كي درتلو ديكورات من باطة الطماطم و بيدو الزيت شبعت تعليقات و ضحك من المحيط و كي كملت بقاتلي مشكلة اخرى كيفاش نستاذن من الراجل و نروح للجارة ؟؟؟؟؟؟؟؟؟؟؟ بعد مفاوضات رحت و لازم واش ندي في يدي .........كنت خادمة بسكوي غولي قسمتو و ديتليها ...........قليت عندها ضيفة ما خرجت حتى خرج قلبي و ما بديتليها الموضوع بللي نسحق الميكرو حتى عرقت 100 عرقة و حماريت و صفاريت باش نطقت و قدرت نبعث الصور و نسيت صور التطبيق

شفتو المشوار شحال طويل و مرهق ..........................و نزيد ما نحشمش و نعاود مع التحدي الاخير ...الله غالب برهوشة هههههههههههه............بصح كل هذاك التعب راحلي كي قريت كلامكم و تشجيعكم لبعضكم و السهرة الحلوة للي درتوها و لحظات الترقب للي عشتوها و الاجواء الاخوية ............ربي يدوم المحبة في الله
و بالتوفيق للجميع في المراحل القادمة

الضغط اسكتي برك راني ميتة انتي المرة الجاية روحي مع راجلك للسيبار كافي نص ساعة راكي فريتيها خير من الجارة ههههه

اقتباس:

المشاركة الأصلية كتبت بواسطة fatma1977

صباح الخير عليكم كامل مبروك التاهل لام اثرى راكى غزيتى المنتدى بصحاباتك هههههههههه قبل ما تقولهلك السطايفية ربى يخليهم ليك ويخليك ليهم رانا غير نقصرو يعطيك الصحة زعمة هذا السوارى راح تلبسيه ولا تعطيه هدية لكاش ما وحدة من حباباتك ان شاء الله ما يتعركوش عليه لامية يعطيك الصحة حنونة والله السوارى نتاعك هايل بالرغم الصور مش واضحة مليح وهذاك الورد يهبل مى السلسلة الى شادة الورد معجبتنيش يعطيك الصحة على الابداع صاحبات الرتراباج ربى يوفقكم جورى وسمراء حبيبتى وفاطمة بشار المشاغبة والمشوشة نتاع القسم هههههههههههه ام اية ما تزعفيش تفكرى منين اديتى التوب المرة اللى فاتت وانا خرجت نومينى بالرغم رانى خياطة ومتخرجة من معهد التكوين تكنولوجية الالبسة والله زعفت بالزاف وتاثرت ومن باعد قلت ياخى حالة كيفاش علاجال مسابقة فىالنت ندير هكا وشفتى من بعد الصاك كيفاش جاء هايل بالرغم ما عطيتوش اهمية كيما القميص النسائى المهم ما تحرقيش الفستان برك هههههه راهو هايل الاخ عمر جاته افكارك مش جنونية راهو يحب الجنون نتاع مصممى الازياء نتاع الغرب حاولى تلقاى شوية جنون فى راسك باه تفوتى للمهمة الثانية ان شاء الله تكونى فهمتينى وربى يخليك لزوجك وولادك ولعزوجتك باش تبعثيلها الدجاج المحمر ههههههههههه

و الله يا ام اثري و حباباتها كون يديرنا التصويت اكيد راح تكون توب في كل مرة ههههه ربي يخليهم لبعض

يا ماما عالجاجة و الله ما سقسيت كيفاه جات

fatma1977 · 2014-02-05, 09:07

اقتباس:

المشاركة الأصلية كتبت بواسطة سمراء الدنيا

الف مبروك للمتأهلات فعلا مبدعات ............. و للي دخلو الراطراباج كي حالتي ربي يعينهم مع الضغط الجديد ..........

حاولت كل جهدي نكون معاكم و ما ننساحبش باش يتشجعو باقي لبنات و يكملو ........كنت مسافرة الجمعة و السبت و كي رجعت ......ايد مع الاولاد و البيت و ايد مع بيدو الزيت .............الحقيقة الجانب العملي ما تعبتش فيه .........التخمام هو للي تعبني بزاف
كي قررت نكمل مع المسابقة قلت ندير حاجة بسيطة و ما نخرجش .........ما جيت ندبر الفستان حتى هبلت و كي درتلو ديكورات من باطة الطماطم و بيدو الزيت شبعت تعليقات و ضحك من المحيط و كي كملت بقاتلي مشكلة اخرى كيفاش نستاذن من الراجل و نروح للجارة ؟؟؟؟؟؟؟؟؟؟؟ بعد مفاوضات رحت و لازم واش ندي في يدي .........كنت خادمة بسكوي غولي قسمتو و ديتليها ...........قليت عندها ضيفة ما خرجت حتى خرج قلبي و ما بديتليها الموضوع بللي نسحق الميكرو حتى عرقت 100 عرقة و حماريت و صفاريت باش نطقت و قدرت نبعث الصور و نسيت صور التطبيق

شفتو المشوار شحال طويل و مرهق ..........................و نزيد ما نحشمش و نعاود مع التحدي الاخير ...الله غالب برهوشة هههههههههههه............بصح كل هذاك التعب راحلي كي قريت كلامكم و تشجيعكم لبعضكم و السهرة الحلوة للي درتوها و لحظات الترقب للي عشتوها و الاجواء الاخوية ............ربي يدوم المحبة في الله
و بالتوفيق للجميع في المراحل القادمة

اختى سمراء الدنيا والله ثم والله كى شفت الرد نتاعك قلبى نبض بسرعة رانى نحبك فى الله حنونتى والله حالة واش دارت فيك المسابقة البسكوى غولى والمشورة نتاع زوجك وهذيك المقدمات نتاع الاذن من جارتك للميكرو رانى حاسة بيك والله على حساب الشوفة انتى الى تفوتى الاولى معليش ادخلى للرتراباج وان شاء الله تديها يعطيك الصحة لا تحرمينا جلوسك فى النت يا الفحلة

biba04 · 2014-02-05, 09:13

صباح الخير عليكم مبرووووك لمتاهلين وبتوفيق للبقية البارح ماقدرتش نسهر منتدى ثقيل والصفحات مايتفتحوش والله بت نحلم بيكم لي تاهل ولي متاهلش هههههه بصح راهي عنكم فرصة

طاعة زوجي .. · 2014-02-05, 09:14

الأخت فاطمة الحمد لله اللي خرجت لبنتك سلامات ، كيفاه راهي دوكا ريحت شوية ، الدراري قد ماتعسي قليل ربي يعينا على التربية ويرزق كل أخت معانا ذرية صالحة معافاة يارب

stayfiya · 2014-02-05, 09:14

يعطيك الصحة سمورة. و بارك الله فييك صح كل وحدة فينا عندها قصص يااا قصص ههه مغامرات و احباط و فسل و عزيمه و في الاخير تفوق و هذا لي رايستنى فيك ازدمي و كشما عندك روبه ولا عفسه اخرطيها. و بدلي فيها طوووول و كيما قلولك لبنات ماتخليش روحك سمراء كي جي تفصلي لازم تحطي روحك راكي مصممه في دور الازياء هههههههه

ام إثري · 2014-02-05, 09:15

ام اية احسن حاجة في قانون المسابقة ( الوحيد والثابت)انو مافيهاش تصويت لانو التصويت ماعندوش مصداقية لانو كامل بالمعارف

المهم لبنات
يعطيكم الصحة على كمل التشجيعات وخفة دمكم بدون استثناء

بصح انا راح ننسحب من المسابقة مانقدرش نكمل معاكم
ربي يوفقكم كامل وربي يحفظلكم اعصابكم وقوبكم ويقويكم وتكملو للاخير
سعدت بمعرفتكم جميعا

OM AYA · 2014-02-05, 09:17

اقتباس:

المشاركة الأصلية كتبت بواسطة نسائم الهدى

السلام عليكم اخي عمر

لا ادري ماذا اقول

و لكنني اعتذر منك للخطأ الذي بدر مني في حقك

و الله لم اقصد ان اسخر من شخصك

و لكنني لست متعودة على الدخول لقسم التفصيل و الخياطة

لذا فانا لا اعلم بان المشرف فيه رجل و ليس امراة

و لغبائي ربما او لتسرعي او لانني دخلت فقط لاتابع نتائج اختي ام ايثري لم انتبه لقراءة تفاصيل بروفايلك

و الاخوات هداهن الله لم يصححن خطئي حتى ليلة البارحة

لا ادري ماذا اقول لك اخي لاعتذر منك و لتقبل اعتذاري

على كل حال ها انا اعتذر منك امام كل العضوات و ارجو ان تقبل اعتذار اختك

بارك الله فيك على الشعور الرائع الذي منحته هذه المسابقة للمشتركات و لاحبائهن

و لكنك عندما تعلق على عمل ما

اكاد اسمع القلوب وهي تدق مثل قلبي

هو في الحقيقة تليق للتحكيم كتر من الغاشي ديال الحان و شياب

ربي يحفظك اخي سامحني و اقبل اعتذاري

و سلام

يا انا حتى لبارح باه شفت من قبل ما تولهتش و ما تخميش الاخ عمر مش راح يزعف وما راكيش اول وحدة تغلط فيه هههه