الى ام اسيد1 وكل وحدة حاصلة واش الطيب - الصفحة 51

hanane09 · 2014-10-27, 06:01

حبيت نصبح على الاخوات منتدى الجلفةة كاملينكبف حالكن واش رايحة ديرين اليوم يالفحلة ام حمزة انا سخفتيني باللوبياني حطيتها تشمح البارح راح ندبرها تليوم ان شاء الله

ام حمزة22 · 2014-10-27, 06:26

اقتباس:

المشاركة الأصلية كتبت بواسطة omrihem

يعطيك الصحة اختي ام حمزة علي المجهودات نتاعك وربي يعطيك ما تتمناي

الله يسلمك شكرا على الدعاء لك بالمثل

اقتباس:

المشاركة الأصلية كتبت بواسطة hanane09

حبيت نصبح على الاخوات منتدى الجلفةة كاملينكبف حالكن واش رايحة ديرين اليوم يالفحلة ام حمزة انا سخفتيني باللوبياني حطيتها تشمح البارح راح ندبرها تليوم ان شاء الله

صباح الانوار حبيبتي يومكي سعيد
وبصحتك اللوبياء

hanane09 · 2014-10-27, 06:27

واش نقولكم النت تجري الصباح

ماجات حتى واحدة
ارايحه و

اللهم احفضنا واحفظ بناتنا واولادنا يارب

اطليت على المنتدى قلل مانشرب حلببي

hanane09 · 2014-10-27, 06:28

ويومك اسعد ام حمزة
اللهماصبحنا واصبح الملك لله

ام حمزة22 · 2014-10-27, 06:38

سلام
صباح الانوار للجميع
اليوم دخلت قلت نطل برك لقيت ماشاء الله الشاطرة حنان قلبت الصفحة
ولهادا راح نحطلكم طبق الجمعة لي ما حطيتوش
طبق ساهل ويحبوه بزاف اولادي يقولولي دايما كي تتلفلك طيبيهلنا
هو عبارة عن بطاطا مقلية في الفرن بالبيشامال والجبن
بعد ما نقلي البطاطا نستفها في صينية
ومن جيهة اخرة نحضر صدر دجاج نحمرو في شوية زيت ونتبلو بفلفل اكحل ملح وثوم ونخليه يتحمر بغرضو
تقدري الا مادرتيش الجاج تبدليه باللحم المفروم تان يجي روعة والكيفية انك تحطي في مقلات شوية زيت وضيفي اللحم المفروم وتبليه غير بفلفل اكحل وملح
بعد ما يتحمر الجاج نتاعنااو اللحم المفروم نضيفو فوق البيشاميل راح يزيد نكهة رائعة للبيشاميل نفرغ الخليط على البطاطا المقلية ونضيف الجبن وندخلو الفرن يتحمر غير من الاعلى فقط

ام حمزة22 · 2014-10-27, 06:42

شفتي حنان كفاه راهي تجري النات راهي ماشاء الله
ربي يحفضلك بنبتاتك حنان
روحي شربي قهوتك بصحتك
من بعد كي نكملو اشغالنا نتلاقاو بحول الله

صدفات · 2014-10-27, 08:50

صباح الخير عليكم ماشاء الله راكم تبكرو نضن راكم شوفو المنتدى في مناماتكم قوليلي أم حمزة وقتاه نضتي انت وحنان ههههه الله يبارك عندك أفكار تخلي كامل الأولاد ياكلو هاذ الغراتان اليوم نديره للعشاء

روح مراد · 2014-10-27, 09:00

يعطيكم الصحة يا لبنات نتاع الصح شاطرات الله يبارك

ام ادم11 · 2014-10-27, 09:03

صباح الخير عليكم كامل

ام النجمين · 2014-10-27, 09:03

اممممممممممممم صباح الخير معاكم حاصلة جديدة قديمة نتابع فيكم بصح قررت نشارك معاكم لا سمحتو لقرتان هايل عندي سردين تاع لبايط ويال يصلح ندير بيه ام حمزة ربي يبارك فيك حنان صباح السعد والهناء لكل الحراير تاعنا

Maria dadi · 2014-10-27, 09:28

صباح النور ام حمزة يومكي سعيد حبيبتي
حبيت نسقسيك على وصفة البيشمال انا جامي صلحتلي لكن اناجربت اطباقك
لقيتهم روعة عجبوا كامل العايلة ونزيد ليوم الغداء نتاعي من عندك شكشوكة
بطاطا بارك الله فيك اخت نحيتي علينا تخمام واش ندير لغداء ولعشاء

ام حمزة22 · 2014-10-27, 11:04

اقتباس:

المشاركة الأصلية كتبت بواسطة صدفات

صباح الخير عليكم ماشاء الله راكم تبكرو نضن راكم شوفو المنتدى في مناماتكم قوليلي أم حمزة وقتاه نضتي انت وحنان ههههه الله يبارك عندك أفكار تخلي كامل الأولاد ياكلو هاذ الغراتان اليوم نديره للعشاء

صباح الخيرات حبيبني انا ساعات نوض على 4 وساعات 5 وساعات 6 وقت ما شبعت نعاس نوض نطيب قهوة ونشرب ههههههه
والمنوض نتاع بكري راح يزيدلك نشاط وقوة

اقتباس:

المشاركة الأصلية كتبت بواسطة روح مراد

يعطيكم الصحة يا لبنات نتاع الصح شاطرات الله يبارك

الله يسلمك روح مراد انت تان ما تخصيش حبيبتي

اقتباس:

المشاركة الأصلية كتبت بواسطة ام ادم11

صباح الخير عليكم كامل

صباح الانوار حبيبتي ام ادم

اقتباس:

المشاركة الأصلية كتبت بواسطة ام سهيل ولجين

اممممممممممممم صباح الخير معاكم حاصلة جديدة قديمة نتابع فيكم بصح قررت نشارك معاكم لا سمحتو لقرتان هايل عندي سردين تاع لبايط ويال يصلح ندير بيه ام حمزة ربي يبارك فيك حنان صباح السعد والهناء لكل الحراير تاعنا

مرحبة بيك نورتي موضوعي
اختي السردين نتاع البايط ما نشريهش الا عندك كمية كبيرة جربي الوصفة لي درتها من قبل راني ناسيا الصفحة من بعد نحوسلك عليها
انا طيبتها بالسردين الفريشك انت جربيها بهاديك الطريقة وما تخليهش بزاغ فالكوشة خاطرش هو طايب

اقتباس:

المشاركة الأصلية كتبت بواسطة maria dadi

صباح النور ام حمزة يومكي سعيد حبيبتي
حبيت نسقسيك على وصفة البيشمال انا جامي صلحتلي لكن اناجربت اطباقك
لقيتهم روعة عجبوا كامل العايلة ونزيد ليوم الغداء نتاعي من عندك شكشوكة
بطاطا بارك الله فيك اخت نحيتي علينا تخمام واش ندير لغداء ولعشاء

صباح الانوار حبيبتي بصحتكم الحمد الله كي عجبوكم اطباقي مطرح ما يسري يمري
اما عن البيشاميل عندي طريقة خاصة نخدمها بالزيت مشي بالزبدة وجي روعة فالاول نحط الحليب فالكاسرونة من بعد نضيف الزيت و نسكرفج فيها فلس نتتع الثوم ونزيد شوية فلفل اكحل ولاحبيتي جوزت الطيب انا ملي قالولي دير الامراض وليت نخافها
من بعد نضيف الفرينة ولا درتي نصف رتلة حليب حطي 3مغارف معمرين مليح ولا درتي ريتلة كامل ضاعفي الكمية نتاع الفرينة
وخلطي الكل منبعد حطيها فوق النار مع النحريك ما تغفليش عليها ابقاي تحركي حتى تجمد كي تجمد ضيفيلها شوية زبدة تقدري تستغناي على الزبدة
جربيها مريا ورديلي لخبر

ام حمزة22 · 2014-10-27, 11:23

طبق اليوم هو شيفلور بطريقتين
كنت قدمت من قبل شيفلور لاكن بطريقة اخرة
المهم هتد المرة درتو جواز وحدو ما خلطتش فيه البطاطا مثل السابق وبمرقة حمراء والطبق التاني تقدري تقوليلو اوملات شيفلور يجي روعة
لشفلور الاحمر نسحق فلفل دريس نشمخو ونحيلو الزريعة وهادوك السلوك راح ينقص مفعول الحرورة نتاعو نضيفلو كمون و ملح ندرسهم بالمهراز او الخلاط الكهربائي
نحط الدرسة في طنجرة ونضيفلها زيت و فلفل عكري نخليها تتقلة من بعد نضيف الشيفلور لي كنا غليناه من قبل من بعد نمرق و نضيفلو نصف مغرفة طماطم مصبرة ونخليه يشرب ديك المرقة
اما عن الطبق 2 نقبي البصل مع ملح وفلفل اكحل وزيت نخليه حتى يدبال نضيفلو الشيفلور من الفوق نضيف خليط من البيض والمعدنوس والبصل وشوية ملح وفلفل اكحل تقدري تستغناي على البصل
نخلي البيض يحكم روحو نقلب الشيفلور ونخليه ياخد تحميرة صغيرة

روح مراد · 2014-10-27, 11:43

مممممممممممممممممممممممممممممممممممممممممممممممممم ممممممممممممممم
لذيذ

Maria dadi · 2014-10-27, 12:04

ام حمزة نزيد تعبك شوية حبيبتي لوكان غير تحطيلي كمية المقادير قد ماديري
انت ومشكورة حبيبتي