9 مشتركات في المرحلة الثانية .....وهل هناك امل للبقية - الصفحة 50

fatma1977 · 2014-02-05, 01:37

تصبحون على الف خير

ابداع جزائرية · 2014-02-05, 01:57

يعطيكم الصحة لبنات
سطوفة وام اثري وفريولة وبيبا وخاصة روزا
يعطيكم الصحة
روزا ياخي قتلك عندك مستقبل واعد ان شاء الله في الخياطة
البنات الاخرين مانخممش عليهم راهي اصلا لاسبيسياليتي نتاعهم
وحظ اوفر للي ماتأهلوش ...

ام إثري · 2014-02-05, 07:29

السلام عليكم ونهاركم طيب ومبروك
البارح ماقدرتش نسهر لا المنتدى يفرح ولا النت تفرح حسيت روحي راني نضيع في الوقت مالا قلت الرقاد ينفع الراس والراس ينفع مولاه
الف شكر لكل من باركولي لي نعرفهم ولي مانعرفهمش

وحباباتي خاصة نشكرهم لانهم عاونوني بزاف وكانو دايما محضر خير وكلمة شكر قليلة عليهم
نقولهم برك احبكم في الله وربي يبقي عليكم الستر ويرزقكم الذرية الصالحة لي متمنية الذرية وربي يفرج ورزقكم بالحلال

لبنات لي تاهلو الف مبروك وصراحة اكثر واحد عجبني هو نتاع لامية يعطيك الصحة اختي لامية

maxipower · 2014-02-05, 08:10

الف مبروك للجميع خاصةام اثري راني متابعة تحركات ههههههههههههههه

حلم جميل · 2014-02-05, 08:17

السلام عليكم

مبروك لبنات تعبتو و درتو حوايج هايليين خصوصا بالنسبة للمادة الاولية

بصح شفت وحدة مستعملتش باط الطماطم ؟؟ولا معليش تستعملو حاجة وحدة برك؟؟

حبيت نباركلكم اكل خصوصا روزا و وحدة اخرى عجبتني نسيت اسمها هههه ذك نولي نشوف شكون هي

واللي راني نتبع فالمسابقة علاجالها اكيد ختي وحبيبتي ام اثري و التالي منقعدش للثناش تع الليل مع الجلفة و الثقل تاعو

وهي راقدة هههههه

مبروك عليكم كامل .

أم فاطيمة · 2014-02-05, 08:17

صباح الخير و مبروك على المتأهلات و خاصة صاحبة الظل الخفيف أم اثري و الله تستاهلو كل خير
و منا و هاك ما نزيدش نرمي بيدو الزيت و بطة طماطم و نخدم فستان غير بيهم مافيه لا كتان لا والو هههههههههههههههههههههه
و العقبال للمرحلة القادمة انشاء الله

حياتي نبع امل · 2014-02-05, 08:19

السلام عليكم
واخيرا اااا الحمد لله ام اثرى الف مبروك حبيبتى ربي يوفقك ان شاء الله تستاهلي لانك فحلة تاع الصح هيا زيدي شدي الهمة المرة الجاية ورانا كامل معاك
لبنات اللي تاهلو الف مبروك واللي رايحين يعاودو بالتوفيق ان شاء الله

ام إثري · 2014-02-05, 08:21

راكي هنا ماكسي باور ا عندك مدة مابنتيش مالا راكي تبعي في التحركات من بعيد لبعيد هههههههههههههههههههه

يعطيك الصحة وربي يفرحك

حلم جميل يعطيك الصحة سهرتي انا ماقدرتش تعرفوني دجاجة في اليل هههههههههههههههههههههههههههه وزيد كملي عليا المنتدى

ام إثري · 2014-02-05, 08:25

ام فاطيمة وحياتي كلها امل نهاركم طيب وربي يسعدكم ويشفيكم ويفرج عليكم ان شاء الله

ذرك تدخل سطايفية تقول ام اثري غازاتنا بصحاباتها ههههههههههههههههههههههههه ربي يخليكم ليا

طاعة زوجي .. · 2014-02-05, 08:29

السلام علىيكم أخواتي وأسعد الله صباحكم بكل خير .............. ألف مبروك للثمانية المتأهلين وبالتوفيق للبقية اللي راح يدخلو الراتراباج .................. أم إثري حنونة مبروك التأهل حبيبتي العقوبة للمهمة القادمة إن شاء الله

ام إثري · 2014-02-05, 08:33

وعليكم السلام ام محمد يوسف حتى نتي جيتي والله غير يعطيكم الصحة
راني مشهورة وماعلاباليش هههههههههههههههههههههههههههههه
ربي يحفظك ويعطيك صحيحتك وتقدري تعجني كثر من 20

سَلْسَبِيّلْ · 2014-02-05, 08:36

صباح النور كامل لبنات ومبروك للمتاهلات بصح راني فشلت وانا نقلب في الصفحات بايتين مدايرين حالة بصحتكم كامل
لمو بعضاكم وروحو بيهم لعرس سبيسيال اختراع 2014 بصح التفصال راكم كامل في القمة الله يبارك

OM AYA · 2014-02-05, 08:45

صباح الورد و الياسمين راني نضت اونفورم و المورال لاباس هههه

نسائم الهدى · 2014-02-05, 08:45

السلام عليكم

الف مليون بليون تريليون مبروووووووووك للغالية الفحلة ديالنا نحلة العسل النشيطة ام ايثري

يا حنونة واش درتي فيا النت حبسلي ما رقدتش حتى فاتت الثانية صباحا و انا نستنى نشوف النتائج

و الحمد لله كي دخلت في وقت متأخر جدا صبت حبيبتي ام ايثري من بين المتأهلات

فرحتينا لعزيزة ربي يوفقك في باقي التحديات ان شاء الله

مبروك المتأهلات و بالتوفيق لصحاب الراتراباج

سمراء الدنيا · 2014-02-05, 08:45

الف مبروك للمتأهلات فعلا مبدعات ............. و للي دخلو الراطراباج كي حالتي ربي يعينهم مع الضغط الجديد ..........

حاولت كل جهدي نكون معاكم و ما ننساحبش باش يتشجعو باقي لبنات و يكملو ........كنت مسافرة الجمعة و السبت و كي رجعت ......ايد مع الاولاد و البيت و ايد مع بيدو الزيت .............الحقيقة الجانب العملي ما تعبتش فيه .........التخمام هو للي تعبني بزاف
كي قررت نكمل مع المسابقة قلت ندير حاجة بسيطة و ما نخرجش .........ما جيت ندبر الفستان حتى هبلت و كي درتلو ديكورات من باطة الطماطم و بيدو الزيت شبعت تعليقات و ضحك من المحيط و كي كملت بقاتلي مشكلة اخرى كيفاش نستاذن من الراجل و نروح للجارة ؟؟؟؟؟؟؟؟؟؟؟ بعد مفاوضات رحت و لازم واش ندي في يدي .........كنت خادمة بسكوي غولي قسمتو و ديتليها ...........قليت عندها ضيفة ما خرجت حتى خرج قلبي و ما بديتليها الموضوع بللي نسحق الميكرو حتى عرقت 100 عرقة و حماريت و صفاريت باش نطقت و قدرت نبعث الصور و نسيت صور التطبيق

شفتو المشوار شحال طويل و مرهق ..........................و نزيد ما نحشمش و نعاود مع التحدي الاخير ...الله غالب برهوشة هههههههههههه............بصح كل هذاك التعب راحلي كي قريت كلامكم و تشجيعكم لبعضكم و السهرة الحلوة للي درتوها و لحظات الترقب للي عشتوها و الاجواء الاخوية ............ربي يدوم المحبة في الله
و بالتوفيق للجميع في المراحل القادمة