مازالت شهرين للباكالوريا.فكيف تحضر؟؟؟ - الصفحة 5

zoldek 7 · 2012-03-25, 14:05

عمبالك نقرو في الليسي ههههههههههخ مانقرو ماوالوا خويا هذي حقيقه

mohamed19 · 2012-03-25, 15:43

السلام عليكم 5 صفحات وانتم تتكلمون ولكن واحد ما وضع \بر نامج يساعدنا السلام عليكم انا نت نترشحي باك 2012 لدي ضعف في جميع المواد هل شهرين كافية لفهم ودراسةى كل شيئ
اريد بعض النصائح

~~نبض قلبك~~ · 2012-03-25, 18:57

ساطلعكم على برنامجي واليي يفيدو يدعيلي ربي يشرح صدري و يوفقني راني مترشحة حرة
بسمالله نبداو
نوض على 9 غالبا نحفظ 30min
مصطلحات المهم حاجة خفيفة وممبعد نقرا مات حتى 12.30 نفطر وندور شوية
مالعضر حتى 6 نحفظ مواد ادبية
ومبعد عني علوم نحا من احمد امين خليفة ونزيد مواضيع
وكي نحس روحي راجعت العلوم نقرا ادب وانجليزية نحل مواضيع نموذجية
ربي يوفقكم

نسيبةB · 2012-03-25, 19:45

مازال عندي نفس المشكل....كي نراجع مادة نقعد فيها النار كامل وقادر حتى سمانة خصوصا الرياضيات والفيزياء

همس الصعاب · 2012-03-25, 23:51

سلام عليكم كيف حالكم نتمنى للجميع التوفيق
انا شعبة رياضيات راني غير مع الرياضيات والفيزياء واحيانا العلوم
اما المواد الادبيه ماعلاباليش كيفاش نراجعها ممكن تفيدوني يا جماعة الخير وربي ينجحكم ان شالء الله

mimi 45 · 2012-03-25, 23:59

.......................... رانا كامل كيف كيف لذرك مازالني نتخبط ومارانيش عارفة كيفاش نظم وقتي والله المورال راه ف 00

هل من نصائح نريدها قبل قبل فوات الاوان .......................................

zoldek 7 · 2012-03-26, 08:52

المواد الادبيه مزال ممسيتهاااش خلاااااااااااااااااااااص

khaoula rouh · 2012-03-26, 09:37

سلام عليكم
والله يا اخوتي اناتعبت بزاف ضغطت على روحي الفصل الاول والثاني وضرك وصلت لدرجة عدت مانقدرش نقرى حاولت نرتاح العطلة هاذي وزيد نتائج فليسي مانيش قاعدة نحقق فيها ابدا على الاقل طمني هاذي هبطتلي المورال المهم راح نحاول نرجع للمراجعة باي طريقة
بالنسبة للدروس انا مانيش متاخرة فالعلوم والفيزياء قريتهم مليح وفي هذ العطلة تداركت الرياضيات ومزال عندي فيها نقص بالنسبة للمواد الادبية انا كنت نقراهم لمادة الوحيدة لي ماطليتش عليها هي الفرنسية برك ماعلاباليش فيها
بالنسبة لبرنامج
انا ننصحكم نصيحة حطو برنامج نهار بنهار يعني كل نهار ديرو برنامج معين تقراو بيه هكة خير وحطو في بالكم تكملوه باي طريقة
ليمقراش خلاص ايحاول ايدير ملخصات.... لكل درس يقراه مليح ومن بعد يلخصو ويحل تمارين عليه ولازم يضغط على روحو باه ايخلص لازم فشهر هذا ايكمل مات والعلوم والفيزياء بقات فالمواد الادبية يستعين بزملاءوا ليداروا ملخصات من بداية السنة يقراهم وخلاص ومواد الحفظ يحفظها راه يكفي الوقت
ربي نجح الجميع

khaoula rouh · 2012-03-26, 09:40

الفلسفة ماتقلقوش خلاص رواحكم راها تخرج مقترحات من الوزارة 6 مقالات ديروهم واحفظوهم وخلاص
بالمناسبة راهي مادة سهلة بزاف فالفصل الاول ديت تحت المعدل فالفرض وفلالاختبار وهد الفصل ديت احسن نقاط يكفي تتعلم دير مقالات وفق الطريقة المنهجية ويكون عندك مادة معرفية برك

نسيبةB · 2012-03-26, 15:35

اقتباس:

المشاركة الأصلية كتبت بواسطة khaoula rouh

الفلسفة ماتقلقوش خلاص رواحكم راها تخرج مقترحات من الوزارة 6 مقالات ديروهم واحفظوهم وخلاص
بالمناسبة راهي مادة سهلة بزاف فالفصل الاول ديت تحت المعدل فالفرض وفلالاختبار وهد الفصل ديت احسن نقاط يكفي تتعلم دير مقالات وفق الطريقة المنهجية ويكون عندك مادة معرفية برك

السلام عليكم
وين نلقى مقترحات الوزارة،ادا تقدري اكتبي موضوع كل مقالة

khaoula rouh · 2012-03-27, 11:05

اقتباس:

المشاركة الأصلية كتبت بواسطة نسيبةb

السلام عليكم
وين نلقى مقترحات الوزارة،ادا تقدري اكتبي موضوع كل مقالة

وعليكم وسلام المقترحات راها تخرج في شهر ماي انا قالولي الاساتذة لي قولوا عليها

نسيبةB · 2012-03-27, 14:39

اقتباس:

المشاركة الأصلية كتبت بواسطة khaoula rouh

وعليكم وسلام المقترحات راها تخرج في شهر ماي انا قالولي الاساتذة لي قولوا عليها

....شكراا لكـــــــــ

amine 2012 · 2012-03-26, 11:37

الحفظ البسيط و الدقيق و الخفيف هو الاحسن
ما تكسر راسك ما والوا احفظ ساعتين فاليوم بزاف و كي تعود ما حابش تحفظ ما كالاه تروح تحفظ
العب اضحك اشطح غني ادابز اجري اتسحل فاللرض دير كلش و احفظ ساعتين كل يوم راهي مليحة بزاف واحد الصباح وحد لعشيا وحدا فالليل
و ارقد على التسعة
نربح صحتك و تربح لااحتك و تربح الباك
و الله اعلم

amine 2012 · 2012-03-26, 11:38

جربوها في هده الفروض الاخيرة

ايمان الشاوية · 2012-03-26, 12:28

اقتباس:

المشاركة الأصلية كتبت بواسطة amine 2012

جربوها في هده الفروض الاخيرة

ان شاء الله يا امين والله فكرة رائعة راح نجربها ونشوف انا البرنامج اللي درتو كثيف جدا