في رايك كم هو مبلغ المهر العادل الذي تستحقه المرأة ؟ - الصفحة 5

أم البراء السلفية · 2012-01-18, 15:41

خلات عليه اللي داها كارثة
ههههههههههههــ ربي يستر
احنا مش قع هاكدا الحمد لله

اقتباس:

المشاركة الأصلية كتبت بواسطة أخت الرجال

لالا حنا عندنا في الدفوع يأخذون
2 أو 4 أكياس سميد(ليُفتَلَ طعام) +2 زيت +1 عسيلة +قفة مثلما يأخذون عندما يذهبون ضيوف(فيها 2سكر +2 بيمو +قهوة +لي بات +أي شيء كيما كي يروحوا ضياف عادي)
والكبش يجيبوه نهار قبل الحنة ويذبحوه هوما ويطيبولهم الكبدة +فريت +شربة + طاجين الزيتون أو اللوبيا خضرا +مثوّم +سلاطة +الفواكه + مشروبات غازية وعصير
يتغداو ومن بعد يشربوا قهوة بالقاطو + مقروط ومن بعد يروحوا
ومن بعد في اليل كي يتقطّع الكبش يعيطوا أهل العروسة لأهل العريس ويقولولهم شحال قطع من طرف لحم لكي يحضروا يوم العرس أشخاص بعدد نصف ما لديهم من طرف لحم (يعني النصف لأهل العروس والنصف يتغدى به أهل العريس ومن يذهب في الكورتاج /ولكن لا يأخذون سوى الرجال وخاااااصة الكبار أمّا النسوة فتذهب 6إلى 8 نسوة فقط/ ويتغدون عند أهل العروس عندما يذهبون ليحضروها المهم راك فهمتني؟)كما يشتري أهل العروس كبشا آخر من عندهم (حق بنتهم لعرسها)ولا نأخذ لا خضر ولا فواكه ولا أي شيء
والفراش والزرابي والأغطية والصوف والثياب الثقيلة والخفيفة وكل ذلك تشتريه العروس بنقودها وليس بنقود زوجها
حنا عندنا عيب وطيحة الوحدة تشري بالمهر فراش وأغطية يعايروها لازم الفراش يشريهلها باباها .

الواثق · 2012-01-14, 15:33

اقتباس:

المشاركة الأصلية كتبت بواسطة أخت الرجال

يا جماعة الله يوفقكم فهموني فيها والله ما قدرت نفهمها
انتوما في بلادكم تشروا بالمهر فراش وملابس وصوف وزرابي وأغطية؟؟؟؟؟؟؟؟؟؟؟؟
حنا في بلادنا هادوك الكل يشريهملك باباك هداك هو جهازك اللي يشروهلك أهلك
والمهر هو عبارة عن حقيبة فيها ثياب كل واستطاعته وطقم من ذهب أو قطع(سلسلة+خاتم+مناقش+مسايس)وكل واستطاعته أيضا وإن أعطى الخاطب لخطيبته نقود تشترتي هي به نفس ما ذكرته
ولا تشتري به الأغطية والأفرشة وحاجاتها الأخرى
وما تقولوليش العرس اللي تديريه في داكم(في بيت أهل العروس)يصرف عليه العريس تاني

اسمحولي فيف حنا الجهاز شريه بدراهمك أو بدرهم باباك
والعرس ديريه بدراهمك أو بدراهم باباك تاني و ديريه كيما حبيتي إي وين ما حبيتي لأنوا انت اللي تدفعي
كيفاش هدي اللي تقولوا المهر تشريه العروسة فراش للدار وعلاش المهر تشري بيه فراش؟؟؟

انا نقلك اختي كريمة احنا يكركرو كلش القش زيدها الفراشات وزيد المهر والذهب ويدو والسكر والقهوة والمواد الغذائية يلا يلا ستف الخيش ستف ..............وزيد الكباش كل شهر لازم كبش ....................انا بن عمي تزوج من تيبازة ادينا معانا كبش ههه اغمي عليه في الطريق من كثرة المنعرجات هههههه..........كي هبطنا عند اهل العروسة يحسبو الهلال الاحمر هبط عندهم تاع المساعدات ههه.........وهذا بالكريدي والراجل جبدها من دمو ..................وعلاه كامل الله اعلم ؟؟؟......................والله المستعان

سفير الأيام · 2012-01-13, 21:32

مفهوم الرجولة :

الراجل اللي كامل الناس تشكره

الراجل اللي يحافظ على شرفه وشرف عائلته

الراجل اللي يعرف حقوقه وواجباته الأسرية

الراجل اللي يحبه ربي

والراجل اللي ما يطيحش بروحه ينجم يبيع الحجرة ويوكل ولاده ويعيش عائلته

الراجل اللي يجي بحوايجه ملوثين بالطين في النهار وما يحشمش على جال خدام خدمة شريفة

الراجل إدا حشمة بيه المرأة اللي حاب يديها وتكون حلاله يبعدها ويخليها لمولاهات ونصيبها اللي كيفها

الراجل إلى تقلشت عليه المرأة اللي يبغيها قبل الزواج ما هوش من حقه باه يتمناها غير يفوتها

الراجل اللي ما يمدش يديه ويقول الحمد لله على المكتوب اللي كتبتهلي وانا واثق فيك

الراجل اللي يتكل على نفسه بعد ما يتكل على ربي

الراجل ما يحقرش الزوجة اللي تكون ليه ولا يمرمد ولاده

عُضو مُحترم · 2012-01-13, 21:45

إذن انا رجُل بل رجُلٌ عظيم

بكل تواضع و شُكرا لاهلي الذي صنعوا مني رجُلا

و لهذا صعب ان اجد من تقبل بي

فانت تعرف بان البضاعة الرائجة هذه الايام هي ( الانانيش) و ليس الرجال

سفير الأيام · 2012-01-13, 22:05

لم اقصد انك لست برجل وانما كان كلامي موجها بعدم التقليل من نفسك

وثانيا الأنوش هادوا ما إلا اشباته الرجال لو ازدادوا في الإسطبلات والزرائب مثل جدودنا وابائنا لكان لهم بنية وشخصية الرجال

الأنوش اللي يهبط سرواله ويقول انا غادي نجم ندير دار

الأنوش اللي يمد يديه لباباه ولا يزوخ بواش دار باباه

الأنوش اللي يمشي ويخاف إدا يطيح

الأنوش اللي يتزوج من يجمع مع صحابه ويحكي على سر بيته

يا ليتنا عشنا الجاهلية ولم نعش وقتنا لأننا بالرغم من علومنال إلا اننا

هــــــــــــــاجر · 2012-01-13, 22:06

بالنسبة للأخوات :

- بكل صراحة هل تقبلين خاتما من حديد لقاء المهر ؟؟ اذا كانت اجابتك ب لا فلماذا ؟؟؟؟
-كم تطلبين لقاء المهر ؟
-ما هو مبلغ المهر العادل في رأيك ؟

لا أقبل بخاتم من حديد .لأنو وقت الصحابة النساء كانو يدو أحباب النبي عليه الصلاة والسلام.جيبلي راجل فيه ربع مواصفاتهم ونوعدك والله يا خاتم الحديد ونقولو بزاف عليك.
أما المهر فأطلب على حسب مقدورو أكيد.
باش تعرفو المهر العادل احسبو المرأة وشراهي تجيبلكم من فراش و غطا وووووووووووووو حتى الدهب اللي تروح تروح وادا لقات الراجل متضايق تبيعو...........
متكونوش نكارين للخير يا رجال وحسو بيها شوية قبل متلوموها

سفير الأيام · 2012-01-13, 22:18

اقتباس:

المشاركة الأصلية كتبت بواسطة هــــــــــــــاجر

بالنسبة للأخوات :

- بكل صراحة هل تقبلين خاتما من حديد لقاء المهر ؟؟ اذا كانت اجابتك ب لا فلماذا ؟؟؟؟
-كم تطلبين لقاء المهر ؟
-ما هو مبلغ المهر العادل في رأيك ؟

لا أقبل بخاتم من حديد .لأنو وقت الصحابة النساء كانو يدو أحباب النبي عليه الصلاة والسلام.جيبلي راجل فيه ربع مواصفاتهم ونوعدك والله يا خاتم الحديد ونقولو بزاف عليك.
أما المهر فأطلب على حسب مقدورو أكيد.
باش تعرفو المهر العادل احسبو المرأة وشراهي تجيبلكم من فراش و غطا وووووووووووووو حتى الدهب اللي تروح تروح وادا لقات الراجل متضايق تبيعو...........
متكونوش نكارين للخير يا رجال وحسو بيها شوية قبل متلوموها

لكن نقولك حاجة خلي صوالحك عند أهلك الزوج هو يدرلك كلشي في دارو كي تروحي عندوا تلقي 3 تبديلات وحوايجك اللي تستحقيه

السؤال لمادا الفتاة

يوم زفافها تأتي بالثياب التي هي اصلا في غنى عنها ولو تلاحظون انها تبقى في الخزانة لربما لعشرية كاملة

تبدير فقط

sabrac · 2012-01-13, 22:18

اقتباس:

المشاركة الأصلية كتبت بواسطة هــــــــــــــاجر

بالنسبة للأخوات :

- بكل صراحة هل تقبلين خاتما من حديد لقاء المهر ؟؟ اذا كانت اجابتك ب لا فلماذا ؟؟؟؟
-كم تطلبين لقاء المهر ؟
-ما هو مبلغ المهر العادل في رأيك ؟

لا أقبل بخاتم من حديد .لأنو وقت الصحابة النساء كانو يدو أحباب النبي عليه الصلاة والسلام.جيبلي راجل فيه ربع مواصفاتهم ونوعدك والله يا خاتم الحديد ونقولو بزاف عليك.
أما المهر فأطلب على حسب مقدورو أكيد.
باش تعرفو المهر العادل احسبو المرأة وشراهي تجيبلكم من فراش و غطا وووووووووووووو حتى الدهب اللي تروح تروح وادا لقات الراجل متضايق تبيعو...........
متكونوش نكارين للخير يا رجال وحسو بيها شوية قبل متلوموها

وتاني انا نقولك جيبيلي وحدة فيها ذرة مما كانت تتصف به زوجات احباب النبي ندير المحال باش نديها،ماناش نكارين للخير وما قلناش بلي نعطوها خاتم حديد لكن نقول بعدم المبالغة في المهر يكون معقول

هــــــــــــــاجر · 2012-01-17, 14:29

اقتباس:

المشاركة الأصلية كتبت بواسطة sabrac

وتاني انا نقولك جيبيلي وحدة فيها ذرة مما كانت تتصف به زوجات احباب النبي ندير المحال باش نديها،ماناش نكارين للخير وما قلناش بلي نعطوها خاتم حديد لكن نقول بعدم المبالغة في المهر يكون معقول

الطيبون للطيبات والطيور على أشكالها تقع اللي يحوس على وحده مسقمة يسقم روحو وربي ميخليهش

janino · 2012-01-13, 22:36

اللى غلا بنتو رخصها

sarl02 · 2012-01-14, 02:31

الذي ليس عنده من 400 حتى ل 500 الف دينار جزائري على الاقل فليصرف النظر عن مشروع الزواج نهائيا فهذا احفظ لكرامته ..انت حاير فالمهر واتحوس تتزوج ومن بعد كيفاش اتعيش يرحم باباك.....مالا عيش براسك معزز مكرم حتى يفتح ربي واتقدم لاي بنت واهلها وراسك مرفوع .

~~حميدو09~~ · 2012-01-14, 08:45

بارك الله فيك عبى الموضوع

فجر الحربي · 2012-01-14, 08:52

السلام عليكم ورحمة الله وبركاته

عندنا أخوي دادي - بالسعوديه

35000 الف ريال سعودي هذا في قبيلتنا

وباقي بعض القبائل من ( 35000 ) الى ( 150000 ) الف ريال سعودي

وبالتوفيق للجميع ،،

غنوشة · 2012-01-14, 09:49

اقتباس:

المشاركة الأصلية كتبت بواسطة فجر الحربي

السلام عليكم ورحمة الله وبركاته

عندنا أخوي دادي - بالسعوديه

35000 الف ريال سعودي هذا في قبيلتنا

وباقي بعض القبائل من ( 35000 ) الى ( 150000 ) الف ريال سعودي

وبالتوفيق للجميع ،،

السلام عليكم
أختي هل تقصدين أن مهركم غالى ،أم تقصدين أنه رخيص
حسب ما فهمت من الكلام لي بين الأسطر أن كي تظنين مليون ذج مبلغ كبير ، والله أعلم حسب ظنك

معلش حبة نبينلك أن مليون ذج لا يساوي حتى400 ريال سعودي ،يعني 4000ريال وستغلوها بعض الشباب
وكنت ريحة الأن أكتب تعليق ونقلهم أحمدو ربي على بعض المهور في الجزائر بالنسبة لمهور الخليج وأهل المشرق

35000ريال ـــــ يعادل 100مليون ذج وليكن في علمكم هذا المبلغ بدون الذهب ومصاريف العرس ،وزيد بالزياد للعائلات المتواضعة البسيطة ,أما للعائلات الغنية كما قالت الأخت 150000 ريال وحتى500000ريال ولا تنسو مأخر الصداق .

lilou f lilou a · 2012-01-14, 09:24

كل واحد كيفاش يمد