اقتراح ادخلوا شاركوني - الصفحة 5

مقدسية · 2011-12-03, 10:52

تحيااااااااتي اخواتي الكريمات ....
ادا حبيتي ورق البوراك (الديول) ناجحين ومايتعبوكش لازم ديريلهم مقلة سبيسيال لاتستعمل استعمالات اخرى،انا شخصيا عندي مقلة تيفال نوعية مليحة مخصصتها غير للورق ولغرايف.

hiba betty · 2011-12-03, 17:00

الى الاخت تقوى والله يا اختى غير ضحكتينى ضحكة خرجت من قلبى صادقة الله يخليك

/زهرة عصفور الجنة/ · 2011-12-03, 19:22

للقضاء على رائحة الشيفلور لما تغليه اضيفي سنة ثوة وملعقتين عصير الليمون.للحفاظ على نكهة التوابل احفظيها في علب زجاجية.للحصول على طلية لامعة اضيفي ملعقة زيت للطلية للقضاء على رائحة الكرنب عند تغليته اضيفي ملعقة بيكربونات

loubna2 · 2011-12-04, 10:44

سلام للاخوات كامل عجبني الموضوع بزاف شوفوا انا واش نعرف
كي تحطي الزيت في المقلاة ويعود يطرطش في الزيت بسبب وجود الماء لوحي فيه شوية ملح بين زوج صباعك يعني كمية قليلة راح يمتص هذاك الماء والمقلاة تسكت

كي ما يجيكش البغرير مثقب يعني حطيلوا الخميرة تاع الحلوى يتطلق ويجي خفيف حوالي مغرف قهوة

كي ما تحبش الحمص تطيبلك حطيلها الخميرة تاع القاطو

باه تسرعي وتحلي الكوكوط حطيها في الافابو وحلي عليها الماء البارد تبرد بسرعة وبلا ما تديرلك البخار في الكوزينة كي نتحيلها الصفارة

مممم هذا واش متفكرة كي نزيد كانس ما نتفكر نخبركم ومارسي كامل على نصائحكم المفيدة جدا جدا انا شخصيا درك ندونها كامل في المفكرة ربي يجازيكم خير

majda archi · 2011-12-06, 16:36

لاعطاء سباقيتي ولا النعكرونة طعم مميز ولتخلص من حموضة الطماطم ولفائدة اكثر
اطبخو حبة جزر داخل لاصوص وارحوها فيها راح تعطيها لون ودوق وفائدة
مجربة خاصة مع الاطفال لي ميحبوش الجزر المطبوخ هدي حيلة باه يكلوه وميفيقوش

majda archi · 2011-12-06, 16:42

لبطاطا مقلية مقرمشة من برا وطرية من داخل
غلي قدرة نتاع الماء فيها ملعقة اكل خل+ملح
قطعي بطاطا ورميها فالماء المغلي لمدة5د
صفيها وقطريها واقليها

majda archi · 2011-12-06, 16:43

البدنجان بنين وهو مقلي لكن يشرب زيت
الحل
فوريه قيس 10د واقليه مراحش يشرب زيت

ام محمد ميدو · 2011-12-12, 09:46

سلام عزيزاتي و الله غير توحشتكم ياااااااااااااااااااسر كان عندي خدمة ما قدرتش نشارك الايام لي فاتو المهم فكرتي اليوم هي
ادا كان عندك حبة بيض مشقوقة و حبيتي تغليها وخفتي تتطرطق لمديها في الالمنيوم و ديري شوية خل في الماء و غليها

ام محمد ميدو · 2011-12-15, 11:00

اذا حبيتي البيتزا تطيبلك مليح سخني الفرن بدرجة حرارة عالية حطي سراميك الداخل يسخن ديري فوقه البيتزا نتاعك

ام محمد ميدو · 2011-12-16, 13:46

كي تخدمي لي تارتلات وتطيبيهم خليهم يبردو ذوبي االشيكولا بدون اي اضافة ديريها في القاع كي تنشف حطي الكريمة نتاعك و الفواكه بهذه الطريقة مش راح تنطلقلك العجينة حتى و تطول محطوطة

ام محمد ميدو · 2011-12-20, 11:55

رانا في موسم الفقاع الطازج

باش تتاكدي بلي مش سام حطي فوقو ملح اذا اصبح لونه اصفر تعرفي بلي سام الله يحفظكم من كل شر وسوء

ام محمد ميدو · 2011-12-27, 09:10

سلام حبيباتي

كي ديري اي نوع خبز يطيب في الفور حطي من تحت اناء فيه ماء سخون وهذاك البخار يخلي الخبز نتاعك يجي طري و زين

my lamis · 2011-12-12, 10:59

سلام بارك الله فيك على الموضوع و الله عفايس قاع ميجوش فالبال و عندهم حل مشكورات فحلات المنتدى أنا كنت ندخل و نشوف حتى تفكرت حوايج شاركتكم ختي كاين اللي تخبي الجلبانة في ساشي أو علب و كيتجي تجبد منها تظطر باش تخسرها في قسيمها يعني حبات يتفتو و هذي صرات لوحدة نقولك خبيها في قرع تاع ماء خليها تقطر مليح مالماء ثم عمري الجلبانة كيتجي تستعملي هزي القرعة برك تولي طيح بالحبة و هاكا متخسريش جلبانتك
و الحمص شمخيه بليلة و غدوة من ذاك طيبيه ثم قطريه مليح مالماء ثم ديريه في ساشي و خبيه فالكونجيلاتور و خطرة على خطرة حركيه باش ميلسقش في بعضو و يولي كل حبة وحدها و تستعملي الكمية اللي بغيتي
و هذي عن تجربة من مرت عمي اللحم تاعك كيميطيبش قيسي فالمرق غلاق قرعة تاع بلاستيك جو و لا ماء
و هذي ثان عن تجربة من حبيبت ختي العرايش تاعك متلميهاش بماء الزهر أو الحليب لميها بقازوز أبيض اللي يقولولو anana إجيك إذوب فالفم
كاش متفكرت نرجعلكم

ام محمد ميدو · 2011-12-13, 09:32

ادا خدمتي تارت بالفواكه من فوق و حبيتي تبقى تلمع خلطي شوية مربى المشمش مع شوية ماء فوق النار ثم ادهني بيهم الفاكهة نتاعك
راح يعطيك نتيجة كيما الناباج

مُحِبَّةُ آلـىجِنَآن · 2011-12-13, 11:53

المصارن في العيد :
أغسيلهم مليح مليح و قصيهم و مبعدا حطيهم في الخل مدة نصف ساعة [ عينك هي ميزانك ] راح تروح منهم الرائحة و يولو بيوضا