الشورمة على اصول اصولها من مطبخ أم كوثر

[*أم كوثر*]

بارك الله فيكن اخواتي
اختي نوكيا اي خيز بالفرينة و فيه الخميرة ما يحتاجش عجن بالزااف شوية برك تفي بالغرض

المشاركة الأصلية كتبت بواسطة nokia2007dz

اختي انا لاحظت في وصفتك ووصفة الاخت بسمات بلي الخبز مايتعجنش هل هذا صحيح لانو الخبز نتاعي لازم يتعجن ملييح .........وانا نظن طريقتكم اسهل

[oum ali khalifa]

يعطيك الصحة كنت نحوس عللى وصفة الخبز هاذا

[أم نيفين]

بارك الله فيك...فعلا على اصوله

[asma1s]

بارك الله فيك ام كوثر وصح عيدك =)
حبيت نسخسيك ادا نقدر نعوض الاسكالوب باللحم ؟
كي درتيه في الكوشة, السيخ قعد يدور ؟ اومبعد كيفاش بديتي تنحي اللحم, كيما يديرو برا, يعني تكرطي من الطرف ثم تعاودي ترجعي الباقي يزيد يتحمر وهكذا حتى يخلاص ؟ ان شاء الله تكوني فهمتيني.
ايضا السيخ تاعك راه مركب عمودي, انا باش يدورلي لازم نركبو افقيا, هل هذا ماياثرش علا طياب الشوارما ؟
اسمحيلي اختي ام كوثر هاني جديدة على المطبخ, اسفة على الاسئلة ^^

[اية الرحمن1988]

ما شاء الله عليك يا أم كوثر فحلة وعليك الكلام
نجربها ونردلك بلخبر دائما نتبع وصفاتك ربي يبارلك في كل شيء ديريه

[*أم كوثر*]

الف شكر لكم احواتي نورنوني
اختي بسمة السيخ واقف ومايدورش واعدما تطيب الشورمة انزعيها و قطعيها و زيدي حمريها و كملي للاخر و تقدري تعوضيها باللحم

[asma1s]

بارك الله فيك على الاجابة, ربي يرزقك واش تتمناي ان شاء الله =)

[lili1988]

بارك الله فيك

[بسملة2011]

ما شاء الله تبارك الرحمان
الله يجازيك كل خير
ربي يحفضك ويحفضلك بناتك يا رب

[arridj]

نشكر الاختين ام كوثر و بسمات علي الشوارمة و حبة نعرف وكتاه نستعمل كريمة الثوم والسيح واشي هو هل هو مطرق الشوا ولي tourne brocheانتاع الفرن

[*أم كوثر*]

اهلا اختي
كريمة التوم تستعمل مع المشاوي و المحمر
اما السيخ فهي اعواد الشواء

[أم سيرين1]

يعطيك الصحة حبيبتي دايما تتحفينا الله يحميك و يحفظك ويرزقك الفردوس الاعلى حبيت برك نسقسيك الفرن نشعلوه من فوق و من تحت و الا من فوق برك انا نديروا في المقلة بصح حابة نجربه بطريقتك عجبتني بزاف
شكرا مسبقا عزيزتي في انتظار ردك

[اسيا 86]

ام كوثر كريمة الثوم وقتاش و وين نديرها ماهدرتيش كامل عليها وين نديروها هدرتي غير على تتبيلة الثوم ارجو الاجابة

[*أم كوثر*]

المشاركة الأصلية كتبت بواسطة أم سيرين1

يعطيك الصحة حبيبتي دايما تتحفينا الله يحميك و يحفظك ويرزقك الفردوس الاعلى حبيت برك نسقسيك الفرن نشعلوه من فوق و من تحت و الا من فوق برك انا نديروا في المقلة بصح حابة نجربه بطريقتك عجبتني بزاف
شكرا مسبقا عزيزتي في انتظار ردك

اهلا اختي الفرن سخنيه مليح مت تحت حتى تطيب منورة اختي

المشاركة الأصلية كتبت بواسطة اسيا 86

ام كوثر كريمة الثوم وقتاش و وين نديرها ماهدرتيش كامل عليها وين نديروها هدرتي غير على تتبيلة الثوم ارجو الاجابة

كريمة التوم آسيا ديريها بلاصة المايونيز يعني ادخني بيها الخبز ومن بعد حطي اللحم وووووووو

[بنت روسيكادا]

شكرااااااااااااااااااا