لكل من تقلق عليا - الصفحة 5

kelly2929 · 2011-09-22, 11:03

راكم هنا كنت رايحة

سلمى_2008 · 2011-09-22, 11:04

كيلي حبيبتي هادا الشيطاان الي راهو يوسوسلك هك نصيحتي ليك الصبر ثم الصبر ثم الصبر يا لحبيبة ماتزربيش للعيب فهمتيني سلااام اختك سلمى

kelly2929 · 2011-09-22, 11:04

صباح الخير وش راكم

آلاء النايلية · 2011-09-22, 11:04

متروحيش مزال

kelly2929 · 2011-09-22, 11:04

راني قلتلكم راي يدي وراي يجيب

kelly2929 · 2011-09-22, 11:05

مشني عارفة وش نعمل

kelly2929 · 2011-09-22, 11:06

الآء راكي لاباس

آلاء النايلية · 2011-09-22, 11:06

............
ولله راسي حبس
و خاصة كي قلتني بالاك راه حاب تتفرقو و تجي من عندك
ربي لا يجيب فراق
بالاك تتسرعي و بعد تندمي

صافية القلب · 2011-09-22, 11:07

اختي السلام عليكم انا من رمضان وانا نتبع فحكايتك متتقلقيش مني ياخي قالك اسمع الراي اللي يبكيك خير من اللي يضحكك وانا والله نقولك رايي وقصدي خير والله على ما اقول شهيد يا اختي الراجل اللي ميسقسيش عليك وما يعيطش حتى تعيطي وتفوت سمانة ولا شحال ونتوما متعاركين ويهموش الامر معندك مديري بيه عندي انا ميهموش امرك على خاطر اللي يحبك يحملها في روحو المهم متنضريش انت وديجا الخدمة ونقولو هو من النوع اللي ميحبكش تخدمي والخرجة اسمحيلي حتى مع ماماك واختك ميخليكش هذا تديه يدفنك فالدار ومعلابالوش فيك فيقي يا اختي وبركاك من التنازلات انا منقولكش افريها لالا اقعدوا وتناقشوا لانو الحوار لازم لازم كي تتلاقاو وتقعدوا بالسوايع وما تحكيوش حتى كلمة معندهاش حتى معنى واسمحيلي يا اختي حتى المراة اللي معندهاش راي وتاثير عالراجل كيفاش راح تعيش معاه هو شاف واش يشرط عليك تقولي نعم وليتي تجيه نورمال علبالوا متفرطيش فيه انا نقولك متستناي سمانة ما والوا عيطيلوا قوليلوا انا كرهت من الوضع هذا اذا عندك حاجة في راسك قولها ومتخافيش واهدري واش في قلبك وحطي شروطك نورمال واذا يحبك درك يخاف يخسرك واذا لالا درك يبان كلش المهم متذليش روحك والله ميقيمك هكذاك واسمحيلي اختي انا والله في مصلحتك راكي تسوفري وتهلاي فروحك ورديلي الخبر واذا فيه الخير يجيبوا ربي

souma32 · 2011-09-22, 11:07

صباح الورد لا يتسع الامر إلا ادا ضاق كيلي وسعي خاطرك برك و ادعي ربي اذا هاد الشيء يرضي ربي راهو يرضى عليه و يفك كربك ادعي و صلي و ديري رقية

kelly2929 · 2011-09-22, 11:08

انا رايحة درك عندنا ضياف نوجدو الغدا من باعد راني ندخل ونحكيو شوي

kelly2929 · 2011-09-22, 11:11

بنات مشكوورين
انا والله مانتغشش من حتى وحدة بالعكس نحب اللي ينصحني ماشي اللي يضحك في وجهي والحمد الله البنات كامل ماقصروش معايا انا نروح درك وكاش جديد راني نقولكم وقبل مانعمل حتى حاجة راني نتشاور معاكم ونشوفو

kelly2929 · 2011-09-22, 11:12

ونرحب بكل وحدة تعطيني رايها والله مادابيا اللي ينصحني

صافية القلب · 2011-09-22, 11:12

اوك معليش اختي ربي يهدي سرك

آلاء النايلية · 2011-09-22, 11:14

صافية و سوما
انا حكمتني البكية
صافية عندك الحق بصح مش ساهلة
بصح واقيل مبقاش غير هاد الحل تحكي كلش و ماتخللي والو في قلبها و اذا كان يحبها راح يعز عليه فراقها ولا كان يسبب هاذ حاجه اخرى
خير متبقى تتخبط هاك
ربي يجيبلك لي فيه الخير يا كيللي اتكلي على ربي