رياضيات واعلام آلي

[zin92eb]

السلام عليكم خويا
اولا مشكووووووووور على تقديم المساعدة وربي يجعلها في ميزان حسناتك
حبيت نسقسيك هل الدراسة تكون بالفرنسية ام بالعربية ووش رايك في الي يتخصص رياضيات في سنة ثانية لأن أغلبية الطلبة يحبوا يتوجهوا اعلام الي ويهربوا من الرياضيات ما نعرف علاه

وشكرا مسبقا

[sami bett]

وَعَليكم السَّلام ورحمة الله تعالى وبركاته

الأخت، تحية طيبة وبعد:

الدِّراسة تتم باللغة الفرنسية، كافَّة التخصصات الجامعية العلمية تتم باللغة الفرنسية في جميع مستويات التَّعليم العالي.

رياضيات الجامعة مختلفة إختلاف جذري عن رياضيات الثَّانوية

مبرهنات فقط، كل شيء يتم تحليله ودراسته في العالم المُجرَّد، هناك مادة اسمها تحليل تعتبر مادة تعجيزية، يعطيك مبرهنة في الإمتحانات ممكن عالم فنَّى حياتو باش يبرهنها وأنت تبرهنها ثم

لكن لا يوجد شيء مستحيل، الي قرا على روحو يقدر يبرهنها ثم

كاين في المادة هذي: المجموعات العددية، الأعداد المركبة، المتتاليات العددية، الدَّوال وَ النِّهايات، DLn (Développement limités) I ماعلاباليش كيفاه يقولولها بالعربية لكن أعتقد بلي يقولولها التزايدات المنتهية هذا في السُّداسي الأول، بالنسبة للسداسي الثاني كاين تكاملات وأنواع وتقنيات التكامل والدّوال الأصلية، وَالمعادلات التفاضلية.

هذا بالنسبة لمادة التَّحليل Analyse

بالنِّسبة علاش يروحو للانفورماتيك لأنو بدرجة أولى لو راحو رياضيات لازم يكونو مستعدين لأبعد من الجنون، لازم تكون عندهم طاقة وقدرة قوية على الإستيعاب وفي الأخير نقدرو نقولو المهنة الوحيدة الي تجي من الرّياضيات هي أستاذ وكيما تشوفو واش الي يتعرضلو الأستاذ بغض النظر أنك قادر تقري بعد 3 سنين في متوسطة أو ليسي حسب المناصب لأنو الرٍّياضيات غير متوفرة ومن كل جامعة يتخرجو في كل عام أقل من 50 شخص فقط.

لانفورماتيك يدومونديوها وين تروح تخدم قادر تخدم وحدة تبرمج برنامج واحد يكون مليح تبيعو لشركة بعشر ملاين على سبيل المثال
وزيادة على ذلك منَّا ورايح لانفورماتيك رايحة تكون في المتوسطات والليسيات يعني راح يكون طلب كبير لأساتذة الإعلام الآلي.

أيضًا إذا تحب تكون انفورماتيسيان لازم تكون ريَّاضي أولاً وإلاَّ ماراحش تقدر تكون انفورماتيسيان

لأنو انفورماتيك التعليم العالي هي برمجة بشكل أساسي والبرمجة ترتكز على الخوارزميات، الرٍّياضيات، وطريقة التفكير

أي تسائل تفضلو به فنحن في الخدمة بإذن الله

[صفوان مازيغ]

mrcii khona 3la les conseils rabbi idawmak m3ana

[zin92eb]

المشاركة الأصلية كتبت بواسطة sami bett

وَعَليكم السَّلام ورحمة الله تعالى وبركاته

الأخت، تحية طيبة وبعد:

الدِّراسة تتم باللغة الفرنسية، كافَّة التخصصات الجامعية العلمية تتم باللغة الفرنسية في جميع مستويات التَّعليم العالي.

رياضيات الجامعة مختلفة إختلاف جذري عن رياضيات الثَّانوية

مبرهنات فقط، كل شيء يتم تحليله ودراسته في العالم المُجرَّد، هناك مادة اسمها تحليل تعتبر مادة تعجيزية، يعطيك مبرهنة في الإمتحانات ممكن عالم فنَّى حياتو باش يبرهنها وأنت تبرهنها ثم

لكن لا يوجد شيء مستحيل، الي قرا على روحو يقدر يبرهنها ثم

كاين في المادة هذي: المجموعات العددية، الأعداد المركبة، المتتاليات العددية، الدَّوال وَ النِّهايات، dln (développement limités) i ماعلاباليش كيفاه يقولولها بالعربية لكن أعتقد بلي يقولولها التزايدات المنتهية هذا في السُّداسي الأول، بالنسبة للسداسي الثاني كاين تكاملات وأنواع وتقنيات التكامل والدّوال الأصلية، وَالمعادلات التفاضلية.

هذا بالنسبة لمادة التَّحليل analyse

بالنِّسبة علاش يروحو للانفورماتيك لأنو بدرجة أولى لو راحو رياضيات لازم يكونو مستعدين لأبعد من الجنون، لازم تكون عندهم طاقة وقدرة قوية على الإستيعاب وفي الأخير نقدرو نقولو المهنة الوحيدة الي تجي من الرّياضيات هي أستاذ وكيما تشوفو واش الي يتعرضلو الأستاذ بغض النظر أنك قادر تقري بعد 3 سنين في متوسطة أو ليسي حسب المناصب لأنو الرٍّياضيات غير متوفرة ومن كل جامعة يتخرجو في كل عام أقل من 50 شخص فقط.

لانفورماتيك يدومونديوها وين تروح تخدم قادر تخدم وحدة تبرمج برنامج واحد يكون مليح تبيعو لشركة بعشر ملاين على سبيل المثال
وزيادة على ذلك منَّا ورايح لانفورماتيك رايحة تكون في المتوسطات والليسيات يعني راح يكون طلب كبير لأساتذة الإعلام الآلي.

أيضًا إذا تحب تكون انفورماتيسيان لازم تكون ريَّاضي أولاً وإلاَّ ماراحش تقدر تكون انفورماتيسيان

لأنو انفورماتيك التعليم العالي هي برمجة بشكل أساسي والبرمجة ترتكز على الخوارزميات، الرٍّياضيات، وطريقة التفكير

أي تسائل تفضلو به فنحن في الخدمة بإذن الله

ميرسي ليك خويا و ربي يعطيك ما تتمنى

بصح علابالك عجبتني هذي لو راحو رياضيات لازم يكونو مستعدين لأبعد من الجنون،
صح رمضانك

[sami bett]

المشاركة الأصلية كتبت بواسطة zin92eb

ميرسي ليك خويا و ربي يعطيك ما تتمنى

بصح علابالك عجبتني هذي لو راحو رياضيات لازم يكونو مستعدين لأبعد من الجنون،
صح رمضانك

Pas de quoi ma soeur

أجمعين

تعجبي الجنة إن شاء الله

الله يسلمك وأنت زادة

أي استفسار يرجى طرحه وسنكون في الخدمة بإذن الله

وفقكم الله لما يحبه ويرضاه

[صفوان مازيغ]

اخونا ممكن تشرحلنا مدى تاثير الراتراباج في اختياراتك الدراسية علما اني دخلت الراتراباج سنة اولى اوحاب ندير انفورماتيك اويذا قدرت اعطيلنا معلوماتت عن طريقة التفرع الثانية والثالثة اومابعد ليسانس مشكور

[صفوان مازيغ]

المشاركة الأصلية كتبت بواسطة sami bett

pas de quoi ma soeur

أجمعين

تعجبي الجنة إن شاء الله

الله يسلمك وأنت زادة

أي استفسار يرجى طرحه وسنكون في الخدمة بإذن الله

وفقكم الله لما يحبه ويرضاه

اخونا ممكن تشرحلنا مدى تاثير الراتراباج في اختياراتك الدراسية علما اني دخلت الراتراباج سنة اولى اوحاب ندير انفورماتيك اويذا قدرت اعطيلنا معلوماتت عن طريقة التفرع الثانية والثالثة اومابعد ليسانس مشكور

[sami bett]

السَّلام عليكم ورحمة الله تعالى وبركاته

الأخ صفوان مازيغ،

تحية طيبة وبعد:


نأسف للتأخير وذلك راجع لأسباب منها قلة الإنتباه في هذه الأيام

تخضع كل الظواهر للنظرية التي يراها البعض جنونية ربما ألا وهي النظرية النسبية لألبرت اينشتاين (كلام لمن يحب ما وراء الكلام). الالتحاق بمستويات عليا في التعليم العالي تخضع لشروط متغيرة كل سنة ومن مؤسسة إلى مؤسسة وَعَليه سأوفيكم إن شاء بالشروط التي يتم اتِّبَاعها لهذه الأغراض المقياس الأساسي في التوزيع هو: عدد المقاعد، فلنفرض مثلاً أن عدد المقاعد يفوق أو يساوي عدد الطلبة الرَّاغبين بالإلتحاق يشهادة الماستر، ستكون النتيجة هي: التحاق جميع الطلبة دون شرط أو استثناء فلنفرض أن عدد المقاعد أقل من عدد الطلبة سيتم اللجوء إلى: الترتيب حسب المعدل، الإجازات والعقوبات، مكان الإقامة، والرصيد أو بما يعرف بِـ Crédit فمثلاً فلنفرض أن عشر مقاعد متوفرة فقط، وعدد الطلبة أكثر من 100 طالب سيتم انتقاء عشر طلبة الأوائل مثلاً نفرضو لو أنو في الرتبة العاشرة كاين زوج طلبة بنفس المعدل رايح ينتقلو للمقياس الثَّاني ويشوفو الرَّصيد وهنا تدخل عملية الرَّاتراباج وغيرو في الحساب الي لقاو رصيدو في ثلاث سنوان تاع Licence أقل من 180 معناها فات للرَّاتراباج وهنا يفضلو الي عندو رصيد أكبر من الآخر، نفرضو أنهم متساويين في الرَّصيد أيضًا ولنقل الرَّصيد تاعهم 180 يفوتو لمقياس آخر وهو الإجازات والعقوبات مثلاً ماهوش كيما واحد نورمال كيما واحد عندو كونساي ديسيبلين (مجلس تأديبي)، أكيد راح يفضلو الي فوت ثلاث سنوات بشكل عادي، نفرضو أنهم في زوج عندهم نفس الإجازات والعقوبات ينتقلو لمقياس آخر وهو الإقامة ماهوش كيما ولد البلاد هذيك وكيما الي ولد بلاد أخرى، أكيد راح يفضلو ولد هذيك البلاد، نفرضو أنهم في زوج عندهم نفس الإقامة رايح يلجؤو لمقياس آخر أنا والعياذ بالله من كلمة الأنا مانشتيهش والي هو المعرفة والرَّشوة وغيرها (الله يحمينا ويسترنا)، ممكن يقولي واحد منكم نفرضو عندهم نفس المقياس هذا، نقلكم هذا شيء مستحيل كي هو كي القسمة على صفر

أتمنى أن يكون شرحي واضحًا
وبالمناسبة نصيحة مني الي يحب يدير أنفورماتيك من الأحسن جدًّا يفكر في كل شيء بالإحتمالات هكا ويحط كل الإحتمالات.
مع تمنياتي لكم بالتَّوفيق.
أخوكم في الله سامي بالطيب

[رحماني رفيق]

أخي أنا سجلت هاذ لبرونش وبالمقابل راني موظف في ادارة عمومية ياترى نقدر نوفق بين الدراسة والعمل هل البرنامج كثيف وهل نقدر نقرا التيديات فقط وهل الاساتذة متسامحين مع الغيابات في حالة الموظفين علما أني عندي deua اعلام الي .

[djzlfa]

https://fr-fr.*******************/LMD...95128503873017

[djzlfa]

ICI VOUS POUVEZ POUSEZ VOUS QUESTION

[djzlfa]

https://www.djelfa.info/vb/showthread.php?t=678314

[sami bett]

المشاركة الأصلية كتبت بواسطة رحماني رفيق

أخي أنا سجلت هاذ لبرونش وبالمقابل راني موظف في ادارة عمومية ياترى نقدر نوفق بين الدراسة والعمل هل البرنامج كثيف وهل نقدر نقرا التيديات فقط وهل الاساتذة متسامحين مع الغيابات في حالة الموظفين علما أني عندي deua اعلام الي .

السَّلام عليكم ورحمة الله تعالى وبركاته

الأخ رحماني رفيق,

تحية طيبة وبعد:

نعم أبشر، يمكنك استشارة الأساتذة والأمر كله بيد الأستاذ، أنت دير الي عليك نعتلو الوثائق وهو يدبر راسو إن شاء الله

وفقكم الله لما يحبه ويرضاه

[وليد_الجلفة]

https://informatique.forumalgerie.net/