بعد تونس و مصر هل الجزائر هي التالية

[نور الأيمان]

المشاركة الأصلية كتبت بواسطة اميرة

انااااا كذلك اؤايد فكرة المظاهرة
لاني عندي باك واتمنى ان تكون مظاهرة باااااااااش ينقصولنا فالدروس
انشاااااااء الله غدوة تشعل

هههه أميرة راكي اهنا و قيلا تحبي السياسة كيما انا
عمبالك كي اقريت الرد نتاعك مت بالضحك اعلا خاطر نفكرو كيفكيف

[!?زين الدين?!]

المشاركة الأصلية كتبت بواسطة ismail90

احنا مناش كي مصر وتونس المدرسة بلاش ومعاها المنحة العسكر ياحبيبي 1عام 6اشهر الجامعة بلاش الحكم ديمقراطية

مصر العسكر 5 سنين تونس المدرسة بادراهم ومسجد تدخل بلاكارط *..........واخطر الحجاب ممنوع ....شكرا

كفانا كدب فتونس ومصر فيهم تعليم مجاني ومن قل لك أن في مصر الخدمة الوطنية 5 سنوات بل سنة واحدة

[اميرة]

المشاركة الأصلية كتبت بواسطة نور الأيمان

هههه أميرة راكي اهنا و قيلا تحبي السياسة كيما انا
عمبالك كي اقريت الرد نتاعك مت بالضحك اعلا خاطر نفكرو كيفكيف

شفتييييييييي ههههههههههه
كان غير يديرو مظاهرات وتخرج الشرطة وتنووووووووض الغيرة وتشعل فالجزاااااااير يااااااااااااي حاااااالة والمدارس يغلقوووووو والحاجة المليحة الباااااك ينحوووووه ندخلو ديراكت للجاميعة
ههههههههه
جاااامي

[زهور الياسمين]

يا صحاب الباك
خلو الباك في جيه
ربي ينجحكم
غير قولولي ادا الباك دخلو فالمظاهرات

شوفو مستقبل بلادنا و مستقبلها بين ايدينا

[zoro_2009]

ههه قلو نبدلو الحكومة .... و علاه تبدلها ؟ باش تنحي المعريفة و الرشوة و ...؟ هههه

ياو كونك هاني غير هاذي إللي ماتروحش ... على الأقل ليس بين ليلة و نهار, راك عارف لازم مينيموم 30 سنة باش تروح, راك عارف علاش ؟ puisque كيما قال الأخ ياو الديفو راه فينا حنا donc لازم حنا نتبدلو لازم يجي جيل واحداخور يعني 30 سنة واحداخرا باش بالاك تتسقم الحالا ...

[brotherhood]

المشاركة الأصلية كتبت بواسطة ماري شاد

بعيد الشر انشاء الله ربي يحفظ بلادنا ويخلينا رئيسنا
ما فهمتش علاه راكم ضد بوتفليقة، فهو لم يكن يوما ديكتاتورا مثل زين العابدين ولا عميلا للصهاينة ولا خادما لأمريكا مثل حسني مبارك
فالفرق بيننا وبينهم واضح وضوح الشمس

رئيسكم قنن الرشوة و الفساد و التفرقة بين الشعب الواحد

الجزائر تقارن اقتصاديا بدول الخليج و ليس بتونس و المغرب و مصر

فاين نحن و اين هم

بوتلفيقة مازالوا يومين و يومون يهدي راجلوا اوباما 12قنينة من النبيذ الاحمر

الله يديكم على هذا الكلام

ان شاء الله العدالة و المساوات في كل شيء او يسقط النظام الظالم المستبد

[اميرة]

المشاركة الأصلية كتبت بواسطة زهور الياسمين

يا صحاب الباك
خلو الباك في جيه
ربي ينجحكم
غير قولولي ادا الباك دخلو فالمظاهرات

شوفو مستقبل بلادنا و مستقبلها بين ايدينا

انشاء الله يوفقنا ويوفق كل طالب علم
مي طاطا لوكتن تنوض المظاهرات رح يغلقو ليزيكول وكي يغلقو ليزيكول مانقراوش وكي ما نقراوش ياااااا مانجوزوش الباك او ينقسولنا من البرنامج
بااااااااااااااااااي نتلاقاو غدوة فالمظاهرات

[brotherhood]

المشاركة الأصلية كتبت بواسطة best.2b

مافهمتش

قولوا راني من الاخضرية برك باش يسكت

هعهعهعهعهعهع

[souna02]

بعيد الشر وعلاش راكم تقولو لعقوبة للجزاير وعلاش واش دارو المصريين حتى نهنيوهم والله والله والله غير المصريين رايحين يندمو على واش دارو ومن فضلكم ماتزيدوش تقارنو الجزاير بالدول الاخرى رانا في نعمة رانا في نعمة حمدو ربي وكونو قانعين والله يديب الخير والله ينصر بلادنا و يرفع علامنا ويهدي ولاجنا قولو امييييييييييين

[omo mazen]

جعلنــــــــــا الله جميعآإآ من أهــــــــــــل الجنــــه

[maro3434]

نعم لسنا كمصر ولسنا كتونس، ولكن لسنا كقطر ولسنا كسويسرا؟؟؟ نحن كمصر وكتونس ونحن كقطر وسويسرا ، نعم نحن كمصر وتونس من جانب الفقر ونحن كقطر من ناحية وفرة المال؟؟ نحن الذين لن نكون كأحد نحن الشعب الفقير في البلد الغني، ونحن الذين لن يكون أحد مثلنا نحن الذين نصبر ونحن الذين ننفجر إن نفذ الصبر. اعجب من ردود البعض الذين يقولون انا احسن من غيرنا ونحن في رفاهية ولكن سرعان مايزول عجبي حينما ارى جنس اصحاب الردود.(الفاهم يفهم)
الارهاب كبف بدأ ؟؟؟ بدأ بعد ان ألغيت نتائج انتخابات حرة ونزيهة. من ألغى نتائج الانتخابات؟؟؟ النظام هو من ألغى نتائج الانتخابات.
لماذا ألغيت نتائج الانتخابات؟؟؟ النظام خاف من دولة تقوم على الشريعة الاسلامية فلا سرقة ولا اختلاس ولا حق بدون حق.
من حارب الارهاب؟؟؟ بالطبع ليس بوتفليقة وليست جنرالات الجيش، انهم ابناءنا واخواننا من افراد الجيش البسطاء ومن شباب الخدمة الوطنية.
في عهد بوتفليقة نعم الكثير من المشاريع التنموية ولا احد ينكر ذلك لكن ما اختلس في هذه المشاريع يفوق ما صرف على انجاز هذه المشاريع نفسها في عهد بوتفليقة التربية خالوطة والجامعة ما نحكيش خير............................................... ................... يا جماعة كي نتفكر واش رانا عايشين يوجعني قلبي يمالا ما نحكيش خير.
المهم كل واحد حر يدير المسيرة والا ما يديرش يسقط النظام والا ما يسقطش هذه ترجع الى قناعات كل شخص بما هو مقبل عليه ، ولكن باش تقولو رانا عايشين مليح هذي غير ما تعاودوهاش، في بعض المرات نتوسوس كي نقرا شي ناس واش كتبت نحس روحي راهم يحكو على سويسرا ماشي على الجزائر. 150 مليار دولار احتياطي صرف ومازال كاين ناس تحوس في الزبالة كشما تلقى واش تاكل. اااااااااااااااااااااااااااااااااااااااااااااااااا ااااه يا بلادي ياااااااااااااااااااااااااااااا رب الطف بينا.
يا جماعة ما تزيدوش تحطوا مواضيع على الجزائر وعلى المعيشة فيها وعلى المظاهرات .................. قلبي يتقطع .
رانا بين وبين ، ما نديروش مسيرات الدولة تقول راهم لباس عليهم وبعض الشعب يقولو علينا خوافين، نديرو مسيرات الدولة تقول علينا مخربين وهمجيين وبعض الشعب ياك رانا لاباس علينا وما يخصنا والو .................................................. .................................................. ............................................
.................................................. .................................................. .................................................. .....................................
.................................................. .................................................. .................. ما لقيت ما نقول وما لقيت ما ندير.
نقوللكم كيما قال بومدين بكري: '' ربي يسهل على كل فلاح''

[amonti]

الله لا يقدر
ان شاء الله غدوا تلقاو شوارع فارغة
ربي يحفظ بلادي و رئيسها

[brotherhood]

المشاركة الأصلية كتبت بواسطة سردوك

اللهم احفظ بلادنا من كل شر وسدد خطا رئيسنا. الجزائر قدمت في سبيل الديمقراطية اكثر من 100 الف شهيد و10 سنوات لم ترى فيها النور وكل الامم تكالبت علينا ولا دولة عربية او اجنبية ساعدتنا في الخروج من محنتنا.

حنا بالجزائريين مجرمين و طحانين و نكارين الخير

السعودية عطات للجزائر المال و دعمتهم بكل شيء حتى بالفتاوي اللي تحرم الجهاد ووو

لكن واش كان جزاءها الم تتهمها الحكومة و الشعب البجي بانها هي من افتت للارهاب

خير دليل على غباء الشعب و الحكومة الجزائرية كتاب:مدارك النظر في السياسة و الدي الفه الشيخ عبد المالك رمضاني

و الدي صدرت النسخة الثانية منه سنة 1994 يعني لما كانت الجزائر تحت قبضة الارهاب

و فيه فتاوي العلماء الاكابر و التي حرمت الجهاد في الجزائر لكن الكتاب ممنوع دخول الجزائر

و حتى اليوم ممنوع الدخول للجزائر

ماعليش الجزائر دولة عضيمة دولة التوار ووو...ابقاو حاكمين في الخيط هذا

الجزائر تقارن بدول الخليج البترولية و ليس بتونس و المغرب و مصر

اين انتم و اين هم يا بلطجية

نعم للمظاهرات السلمية...لا للعنف...راني جزائري و بلطجي و نحب الجزائر اكثر من المنافقين

[العداءلا]

الله يحفض بلادى وبلاد اجدادى اااااااااااااااااااااااااااااامين

[brotherhood]

المشاركة الأصلية كتبت بواسطة zoro_2009

ههه قلو نبدلو الحكومة .... و علاه تبدلها ؟ باش تنحي المعريفة و الرشوة و ...؟ هههه

ياو كونك هاني غير هاذي إللي ماتروحش ... على الأقل ليس بين ليلة و نهار, راك عارف لازم مينيموم 30 سنة باش تروح, راك عارف علاش ؟ puisque كيما قال الأخ ياو الديفو راه فينا حنا donc لازم حنا نتبدلو لازم يجي جيل واحداخور يعني 30 سنة واحداخرا باش بالاك تتسقم الحالا ...

اسمع انت ماتجملش

لكان انت تحوس على المعريفة و ترشي مش الناس كامل كيف كيف

كاين ناس تحوس على المعريفة لاحقاق حق او لابطال باطل

ولكان انت من الفئة الاولى تفرت فيك دنيا و اخرة ان شاء الله